خاتالىق ئۆتكۈزۈشنىڭ پايدىلىق تەرەپلىرى

لالەگۈل

	خاتالىق ئۆتكۈزۈشنىڭ پايدىلىق تەرەپلىرى باردۇ بەلكىم. بۇ ھەقتكى ئويلىغانلىرىمنى تورداشلىرىم بىلەن ئورتاقلاشقۇم كەلدى. شۇنى ئويلاپ قالدىم. بىر ئۆمۈر جىق خاتالىق ئۆتكۈزمەي، خاتالىق ئۆتكۈزۈشكە جۈرئەت قىلالماي ناھايىتى پاكىز، ساپ ئۆتكەن كىشلەرنىڭ ھاياتى، تۇرمۇشى تولىمۇ مەنىسىز. ئۇلاردىكى ئىنتىلىش، خىيال، ئارزۇ، ئازاپ بوشلۇقى تولىمۇ تار بولغاچقا ئۆزىدە بار بولغان ھەققىي قىممەتنى، بۇ دۇنيا، بۇ ئادەملەر بىلەن ئۆزى ئوتتۇرسىدىكى باغلىنىشنى ئانچە ھېس قىلىپ يېتەلمەيدۇ، ئۆزى توغرىسىدىكى ئويلىنىشى تېخمۇ ئاز بولىدۇ. خاتالىق ئۆتكۈزۈش--سىزنىڭ ئەقىللىق بولىشىڭىزغا پۇرسەت يارىتىپ بىرىدۇ. چۈنكى سىز ئاشۇ ئۆتكۈزگەن خاتالىقنىڭ ئورنىنى تولدۇرۇش، باشقىلارغا بىلىندۈرمەسلىك ئۈچۈن پۈتۈن كۈچىڭىز بىلەن تىرىشچانلىق كۆرسىتىسىز، بارلىق ئاماللارنى ئىشلىتىشىسىز، شۇنداق قىلىپ سىز بىلىپ-بىلىمەي ئەقىللىق، تەدىربىرلىك بولۇپ قالىسىز. ئۆتكۈزگەن خاتالىقىڭىز--سىزنى دائىم ئۆز قەلبىڭىز بىلەن چەكسىز يېقىنلاشتۇرىدۇ، سىز دائىم ئۆزىڭىز بىلەن پاراڭلىشىپ، سىردىشىپ، ئۆزىڭىزنىڭ زادى قايىسى تىپتىكى ئادەمگە تەۋە بولۇپ قالغانلىقىڭىز، خاتالىقىڭىز، ئۇنىڭىدىن كېيىنكى ئازاپ، پۇشايمان ھەمدە رېئاللىق بىلەن ئۆزىڭىزنى قانداق ماسلاشتۇرۇش ھەققىدە كۆپ ئويلىنىسىز. خاتالىق سىزنىڭ شەيئىلەرگە بولغان كۆز قارشىڭىزنى، ئادەملەرگە بولغان كۆزقارىشىڭىزنى ئۆزگەرتىدۇ. ئىلگىرى سىزدە ياخشى -يامانغا بولغان باھا، كۆز قارىشڭىز ئېنىق ئىدى. بىراق خاتالىق ئۆتكۈزگەندىن كېيىن سىزنىڭ «ياخشى-يامان» غا بولغان كۆزقارىشىڭىز، باھاسىڭىز مۇرەككەپلىشىپ كىتىدۇ. ھەتتا سىز خاتالىق ئۆتكۈزگەن سەۋەپلىك خاتالىق ئۆتكۈزۈپ قېلىپ، يامان ئەسكى سانالغان كىشلەرگە بولغان چۈشىنىشڭىز چوڭقۇرلاپ، دائىم ئۇلارنىڭ تەرىپىنى قىلىپ، ئۇلارنىڭ مەيدانىدا تۇرۇپ گەپ قىلىسىز. شۇنىڭ بىلەن «ياخشى» بىلەن «يامان» ئوتتۇرىسىدىكى مۇرەككەپ باغلىنىشنى چوڭقۇر ھېس قىلىپ يىتىسىز. شەيئىلەرگە نىسبەتەن ھامان كۆپ خىللىق، مۇرەككەپلىك، ئۆزگىرىشچانلىق نوقتىنەزىرىدە تۇرۇپ باھا بىرىسىز. ھچكىم خاتالىق ئۆتكۈزۈشنى خالىمايدۇ، ئەمما بۇ ھاياتلىقتا خاتالقتىن ساقلىنىش تولىمۇ تەس. ئۇ كىشلەرگە بىرمۇنچە يامان تەسىر، ئازاپلارنى ئاتا قىلىپ قالماي، كۈنلەرنىڭ ئۆتۈشى، يىلللارنىڭ ئۆتۈشى بىلەن ئۇ سىزدە،  سىزنىڭ خاراكتېرىڭىزدە، تۇرمۇشڭىزدا ياخشى تەسىر پەيدا قىلىىشى مۇمكىن.

cholpanyultuz

	ناھايىتى توغرا تەھلىل قىلىپسىز، خاتالىق ۋە سەۋەنلىك ئادەمنى تاۋلايدۇ ۋە بۇندىن كېيىنكى خاتالىقلارنىڭ ئالدىنى ئالىدۇ، مەن بىر ھەدىستىمۇ ياكى ئايەتتىمۇ مۇنداق كۆرگەن ئىدىم؛ ئەگەر سىلەر خاتالىق ئۆتكۈزمەي، گۇناھ قىلمىساڭلار ئاللاھ سىلەرنى يوق قىلىۋىتىپ سىلەرنىڭ ئورنىڭلارغا گۇناھمۇ قىلىدىغان ۋە ياخشى ئىشمۇ قىلىدىغان كىشىلەرنى يارىتىدۇ. توغرا ؛خاتالىق ئىنساننى تاۋلايدۇ، لېىكىن داۋاملىق، ئىزچىل خاتالىق ئۆتكۈزۈش ئىنساننى ھالاكەتكە باشلايدۇ، ھەقىقىي مۇئمىن كىشى خاتالىق ئۆتكۈزگەن ھامان خاتالىقىغا پۇشايمان قىلىپ ئاللاھ تەۋبە ئىستىغپار ئېيتىدۇ، http://adris.cn

yultuz0903

	توغرا، خاتالىق ئۆتكۈزۈش ئەيىپ ئەمەس ،بەلكى تۈزەتمەسلىك ئەيىپ ، گەپ تەجىربە ساۋاقنى يەكۈنلەش ئىددىيىسىنىڭ بار يوقلىغى  ھەم ئەمىلى ئىپادىسى .  قىلىدىغاننى قىلىۋىتىپ  ھىچ ئىش بولمىغاندەك گۆشىيىپ تۇرۇش بەكمۇ  بەك تىتىق سىزلىق .

xax189

	خاتالىق ئۆتكۈزگەندىن كىيىن باشقىلارنىڭ ئورنىدا تۇرۇپ ئويلاشنى ئۈگىنىدىكەن ئادەم.

tayrjan0997

	yultuz0903 يوللىغان ۋاقتى  2012-10-11 00:20 توغرا، خاتالىق ئۆتكۈزۈش ئەيىپ ئەمەس ،بەلكى تۈزەتمەسلى ... توغرا  تۇزەتمەسىلك ئەيىپ!!!!!!!!!!!!!!!!!!!!!!!!!!!