كۆزدىن كۆڭۈلگىچە

لالەگۈل

	ئاخىرى، ئاخىرى پارقىراپ تۇرغان سۈپسۈزۈك سۇ يۈزىدىن ئۆزەمنىڭ چىراينى كۆرۈپ قالدىم. تۇنجى قېتىم ناھايىتى ئېنىق ۋە روشەن ھالدا ئۆزەمنى كۆردۈم. سۇ يۈزىدىكى ئۆزەمگە ئۇزاق-ئۇزاق تىكلىدىم. ئەسىلى مەن مۇشۇنداق سىياقتكى بىز قىز ئىكەنمەن-دە !بۇرۇن مەن ئۆزەمنىڭ چىرايىمىنى، سىمايىمنى، ئوبرازىمنى خىيال تەسەۋۋۇرۇمدا بەك، بەك گۈزەل دەپ ئويلاتتىم. ھەتتا ئۆزەمدىن مەنمۇن بولۇپ يۈرگەن چاغلىرىم بولغان. باشقىلار مېنى ماختىسا، ماڭا قاراپ كۈلۈمسىرىسە شۇلارغا بەكمۇ ئىشنىپ كىتىپىمەن. سۇپسۈزۈك سۇ  يۈزىكى ئۆزەمنىڭ ئاشۇ سىيماسىنى كۆرۈپ بىر ئاز خىيال سۈرگەندىن كېيىن، ئويلانغاندىن كېيىن، بۇرۇن مەن گۈزەل دەپ ئويلىغان كۆزۈمدىن تامچە-تامچە ياشلار خۇددى يامغۇر تامچىسىدەك سۇ يۈزىگە تۆكۈلۈپ، جىمجىت سۇ يۈزىدە چىم-چىم داۋالغۇش پەيدا قىلدى. كۆڭلۈممۇ، ئاشۇ خىيالىي دۇنيارىمنىڭ ئەڭ گۈزەل، ئەڭ سۈزۈك ئاسىمنىدا لەگلەك كەبى ئىگىز-ئىگىز پەرۋاز قىلىۋاتقان ھېس-ھاياجانلىرىممۇ ،سۈيۈزىدە تۈرۈم-تۈرۈم بولۇپ كەتتى. مەن ئەمدى ھەرقانچە تىكىلىپ قارىساممۇ كۆزۈمدىن سيرىلىپ چۈشكەن ياش تامچىلىرى سۈزۈك سۇ يۈزىنى داۋالغۇتىۋەتكەچكە، ئۆزەمنى، ئۆزەمنىڭ ھەققىي چىرايمنى سۇ يۈزىدىن زادىلا ئېنىق كۆرەلمىدىم. ئەمدى باشقا يەرگە قارىساممۇ كۆزۈمدە يەنىلا شۇ داۋالغۇپ كەتكەن سۇ يۈزىدىكى غۇۋا تۇتۇق تېخمۇ تۇتۇق بىر چىراي ئەكس-ئەتتى. مۇشۇ دالغۇپ كەتكەن سۇ يۈزىدەك كۆڭلۈم، يىغلاپ تۇرۇپ كۆزۈمگە نەسىھەت قىلدى.بەزىدە مەن كۆرىمەن، بەزىدە سەن كۆرىسەن.ھەققىي بىر ئىنساننىڭ كۆڭلى بىلەن كۆزى ناھايىتى ياخشى ھەمراھ، دۇستدۇر. بۇنداق نازۇكلۇق قىلما! ئەسىلىدە مەن ساڭا نەسىھەت قىلغان قىلغان ئىدىم. ھەممە نەرسىگە قاراۋەرمە، ۋاپا كەلمەيدۇ، ماڭا قارا! مەن ساڭا ئەڭ گۈزەل ساپ نەرسىلەرنى كۆرسىتىمەن. سىرتقى دۇنيادا كۆرگىنىڭ كۆپىنچىسى سىرتقى شەكل، رەڭگارەڭ، گۈزەل ئەمما مەزمۇنى ياكى جىسمى ساڭا تولىمۇ نائېنىق ھەم سەن ھەرقانچە قىلىپمۇ ئېنىق كۆرەلمەيدىغان، چۈشىنىپ يىتەلمەديغان نەرسىلەر. ماڭا قارا! پەقەت ماڭىلا قارا، شۇ چاغدا سەن تېخمۇ سۈيۈمۈك گۈزەل بولۇپ كۆرۈنىسەن. كۆل بويىغا بېرىشقا ئامراق ئىدىم. ئەمما ئەمدى سۈ يۈزىگە قاراشتىن، سۇ يۈزىدكى ئۆزەمنى كۆرۈشتىن قورقىۋاتىمەن. مەن ئاخىرى كۆڭۈل ئەينىكىمدە ئەكىس-ئەتكەن ئۆزەمنى ئېنىق كۆردۈم.كۆزۈمگە ئىشىنىپ، كۆڭۈلنى ئۇنۇتقان كۈنلىرىمگە ئۆكۈندۈم. ئەي كۆڭۈل، ئەمدى مەن بۇ دۇنيانى سەن ئارقىلىق كۆرەي دەيمەن.

faruq99

	كونىلاردا كۆز كۆڭۈلنىڭ ئەينىكى دەيدىغان سۆزبار

isteqbal

	مەنىسى بەك چوڭقۇرمۇ نىمە  مەن تازا چۈشنۈپ كىتەلمىدىم نىمىنى ئىپادىلمەكچى بولغانلىقىڭىزنى

لالەگۈل

	ئادەم ئۆزىنى ئەسىلىدىكى ئۆزىنى كۆرەلمەيدۇ، بىلەلمەيدۇ بەزىدە. باشقىلارنىڭ بىزگە بەرگەن باھاسى تولىمۇ  نىسپىي بولىدۇ، بىراق بىز بەزىدە باشقىلارنىڭ باھاسىنى بەك مۇھىم دەپ بىلىپ كۆڭلىمىزدىكى ئۆزىمىزنىڭ ھەقىقىي ئوبرازىنى ئۇنتۇپ قالىمىز.

mukaram1975

	كوز كوڭۇلنىڭ ئەينىكى ،راس مىنى خاتا تۇنۇپ قالمىدىڭىز، لىكىن شۇ مىجەزىم ئوساللىشپ كەتكەندە،ئەڭ يىقىن ئادەممنىمۇ رەنجىتىپ قويىدىكەنمەن،

xamal97

	«سىرتقى دۇنيادا كۆرگىنىڭ كۆپىنچىسى سىرتقى شەكىل، رەڭگارەڭ، گۈزەل ئەمما مەزمۇنى ياكى جىسمى ساڭا تولىمۇ نائېنىق ھەم سەن ھەرقانچە قىلىپمۇ ئېنىق كۆرەلمەيدىغان، چۈشىنىپ يىتەلمەيدىغان نەرسىلەر.» «كۆل بويىغا بېرىشقا ئامراق ئىدىم. ئەمما ئەمدى سۈ يۈزىگە قاراشتىن، سۇ يۈزىدكى ئۆزەمنى كۆرۈشتىن قورقىۋاتىمەن.» مۇشۇ ئىككى جۈملە ماڭا ھەممىدىن ياقتى . بىز سۈنئىيلىكتىن بىزارمەن ، دەيدىكەنمىز ، جان -جىنىمىز بىلەن ھەقىقەتكە ئىنتىلىدىكەنمىز ، ئەمما ھەقىقەتنى تونۇپ يەتكەندە ئۆزىمىز ئۈچۈن پايدىلىق بولمىسا ھەقىقەتتىن ئۆزىمىزنى قاچۇرىدىكەنمىز .

تارىم

	ئۆزۈمنى قۇچاقلاپ ياتمەن كۈندە ، چۈش بولۇپ يۈرمەن ئايدىڭ كەچلەردە .          ئۆزلۈك ۋە كېملكننى بىلىپ ياشاش ئادەمنى يۈكسەكلىككە ئېلىپ چىقدۇ .....   ياخشى يېزىپسز....