شاتۇت قىز (ھېكايە )

atewa326

	شاتۇت قىز (ھېكايە ) مەن بىر شاتۇت قىز ،مېنى  ئۇرۇق تۇققانلىرمىز ،دوسلىرىم ،ساۋاقداشلىرىم شۇنداق دەپ ئاتايدۇ ،ئۇلارنىڭ بۇنداق دېيشى ھەرگىزمۇ مېنىڭ تۇرقۇم شاتۇتقا ئوخشىمايدۇ،بەلكى بەك جىق گەپ قىلمەن ،كۈندە  ئۈچ ۋاق كىيىم ئالماشتۇرمەن .ئەڭ موھىمى مەن ئۆزبەك ،تاشكەنىتتىن تولۇقسىزغا چىققاندا ئائىلە بويىچە غۇلجغا كەلگەن ،شۇنىڭ ئۈچۈن مەن ئۇيغۇر تىلى ھەم خەنزۇ تىلدا بەك قىينىلاتتىم ،شۇنىڭ ئۈچۈنمۇ ساۋاقداشلىىرىمدىن خۇددى شاتۇتتەك ئۇلار نېمە دىسە شۇنى دەپ ئۇيغۇر تىلى ھەم خەنزۇ تىلىنى ئۈگىنەتتىم . ماناشۇنداق شاتۇتتەك قىلىپ يۈرۈپ بۇ موھىم بولغان ئىككى تىلنى خېلى ئوبدان ئۈگەندىم ،بولۇپمۇ ئىككىنجى ئانا تىلىم ھېسابلىندىغان ئۇيغۇر تىلنى ئوبدانلا پىششىق ئۆگەندىم ،لېكىن شۇ ماقال تەمسىللەرنى تولا خاتا دەپ سىنىپتا ساۋاقداشلىرىمنىڭ كۈلكىسىگە قالاتتىم . ‹نېمە كارىم !!كۈلسە كۈلمەمدۇ ،›دەپ قىرىمغا ئالماي يۈرۈپ تولۇق ئوتتۇرنى پۈتتۈرۈپ ئالىيى مەكتەپكە ئېمتىھانمۇ بەردىم .ئادەتتە ئەستە تۇتۇش قابىليىتىم بەكلا ياخشى ئىدى،شۇڭا ئىجدىمايى پەندىن بەرسەم بولاتتى ،لېكىن ئۇنداق جىق نەرسىلەرنى بولۇپمۇ ئاتالغۇلارنى ئۆلسەممۇ ياتلاپ بولالمايتىم ،ياتلىدىم دېگەن تەغدىردىمۇ ئىمتىھاندا توغرا يىزشىم ئاسماندىكى گەپ ئېدى ،شۇنىڭ بىلەن دۆتلىكىمگە قارىماي تەبىئيى پەندىن بېردىغان بولدۇم .بۇنى ئاڭلاپ ئاپام داداملار چۆچۈپ كەتتى ، چۈنكى ئۇلار ئۈچۈن ئۆز ۋاقتىدا تولۇق 2 يىللىقتا ئوقىۋىتىپ فېزىكا دەرسىگە تولۇق 1 -يىللىقىنىڭ كىتابىنى كۆتۈرۈپ بارغان مەندەك ھاڭۋاقتى قىزىنىڭ شۇ پەنلەردىن ئېمتىھان بېرىپ ئەسلىدىنلا ئۆتۈش نىسبىتى يوق دىيەرلىك بولغان بۇ ئىمتىھاندىن ئەزەلدىن كۆرلۈپ باقمىغان نەتىجە يارتىپ قېلىپ قېلشىمنى خالمىسا كېرەك ،لېكىن ئەزەلدىن ئۆيۈمدە نىمە دىسەم شۇ بولۇپ كېلۋاتقان مەن ئۈچۈن بۇ تەسكە توختىمايتى ،ھەم مەن بۇ ئېمتىھاننى پەقەت نەچچە يىل جاپا تارتىپ ،تولا كۈلكىگە قېلىپ ئوقىغان ئوقۇشۇمنىڭ يۈزى ئۈچۈنلا بېرەتتىم. ئەجدادىمىزدىن تارتىپ تىجارەت بىلەن شۇغۇللىناتتۇق ،لېكىن بىز پەقەت ئىككىلا قىز بولۇپ دادامغا ياردەملەشكۈدەك ھەم كېيىنكى كۈنلۈكتە دادمنىڭ تىجارىتىنى داۋاملاشتۇرغىدەك ئوغۇل يوق ئىدى،شۇڭا مەن چوقۇم دادام بىلەن تىجارەت قىلمەن دەپ نىيەت قىلغان . ئىمتىھاننىمۇ بەردىم ، ئەدىبىياتنى تۇنجى پەن بولغاچقا خېلى ئەستايىدىل بەردىم ،ماتىماتىكىدا ئورنۇمنىڭ ئالدىنقى رەتتە بولغىنىغا قارىماي ئۇخلاپ ئۆتكۈزدۈم ،ھەممىدىن تەسكە توختىغىنى ئونۋىرسال پەن بولدى ،بىزگە كىرگەن كومىسسيەلەر بىر بىرىدىن ئاكتىپ ئىكەنكى كۆزى مەندىلا تۇردى ، بىر چاغدا قۇلقىمغا خەنزۇ كومىسسىيەنىڭ ئۇيغۇر كومىسسيەگە خەنزۇ تىلدا ‹بۇ ،ھەجەپ ئۇيغۇرغا ئوخشىمايدىكەن ،ھېندىستانلىقلارغا ئوخشايدىكەن ،›‹مەن سالاھېيەت كىنىشكىسنى كۆردۈم ئۆزبىكككەن ›دېيىشكىننى ئاڭلاپ قالدىم .‹يا ئاللا ،بىلىپ بوپتۇدە ،سەن قالغان ئەمدى مېنى شۇ ھېندىستانلىققا ئوخشاتمىغان ،نەرىم ئوخشايدۇ دەيمەن ،توۋۋا ،ھەممە ئادەم شۇنداق دەيدىكىنا ،يا مەن ئۇلاردەك قاپقارا بولمىسام ،› پۈتۈن كۈچۈم بىلەن ئۇلاردىن ئاغرىنۋاتاتتىم ،تۇيۇقسىز كەينىمدىن بىرسى يېنىك نوقىغاندەك قىلدى .ئاستا ئارقامغا قارىدىم ، كەينىمدىكى بالا مەندىن‹ خېميە سوئالىنىڭ 4-سوئالدىكى بوش ئورۇنغا نېمە دەپ يازىدۇ ›دەپ سورىدى ، ‹ئو،ما ئاداش مېنى زاڭلىق قىلۋاتامدۇ يا ،مېنىڭ ماۋۇ مودا قوغلىشىپ تاقىۋالغان ئەينىكى يوق كۆزەينىكىمگە ئالدىنىپ كەتتىمۇ بۇ بايقۇش ،بوپتۇلا ،ياردەم قىلىپ قوياي › شۇنداق قىلىپ ئالىيجاناپلىقىم تۇتۇپ ئۇ سوئالغا قاردىم ،قارسام ئۇ ‹ ياز كۈنلىرى كىشلەر يول بويىدىكى دەرەخلەرگە ھاك سۈرتۈپ قويىدۇ سەۋەبى :   ›  دېگەن مۇھاكىمە سوئالكەن ، شۇ زامات كاللامغا ئۆز ۋاقتىدا بىلۋالغان جاۋابىم كەلدىدە ئارقامغا بۇرلۇپلا (سەۋەبى ئېشەك غاجىلۋەتمەسلىكى ئۈچۈن ›دېدىم ئۇ بالا قاراپلا قاردى ،مەن خۇددى ناھايىتى توغرا جاۋاب بېرۋەتكەندەك قېشىمنى لىككىدە ئېتىپ قويۇپ ئالدىمغا قارۋالدىم .‹تويە ،مەندىن سورغانغا ،قارسا ھالىڭنى ئات تاتالمايدۇ ،سەنمۇ چاغلىقكەنسەنغۇ › شۇنداق قىلىپ چۈشتىن كىيىنمۇ خەنزۇتىلنى بېرىپ بولدۇق ،ئىمتىھاندىن چىقىپ دوسلىرمىز بىلەن ئىمتىھاننى قانداق بەرگەنلىكىمىز توغرىسىدا پاراڭلىشىپ تۇراتتۇق ،تۇيۇقسىز قىزلارنىڭ ‹پاھ ،نېمە دىگەن كېلىشكەن بالا ›دىگىننى ئاڭلاپ قالدىم ،كىمنى دەۋەتقاندۇ دەپ ئارقامغا قاردىم ،ياپانا ،ھېلقى مەندىن ئىمتىھان سوئالى سورغان بالا ئۇدۇل مەن تەرەپكە قاراپ كېلۋاتاتتى ، -رەخمەت جۇمۇ ماڭا بەرگەن ياردىمىڭىزگە ، -ئەرزىمەيدۇ ، ئۇ قولۇمغا بىر تال چوكا مۇز تۇتقۇزۇپ قويۇپ كېتىپ قالدى ،ئەترپىمىزدىكى كىشلەر بىزگە قاراپ تۇراتتى ،خىجىللىقتىن ئۆلەي دېدىم . ئۇنىڭ ئارقىسىدىن قوغلاپ باردىم ،ئۇ  بىرىپ بىر قارا ماشىننىڭ ئىشىكىنى ئاچتى ، -نىمە قىلغىنىڭىز بۇ ،مەن كىچىك بالىما ، -ئەمسە مەن كىچىك بالىما ، -مەن سىزنى كىچىك بالا كۆرۈپ نىمە قىلدىم ،ما گەپنى شۇنچە تەۋەككۈل قىلىپ ياردەم قىلسام ، -ھا ھا ،ياردەم ،سىزنىڭ شاپائىتىڭىز بىلەن بەك ياخشى مەكتەپلەرگە كېتىدىغان بولدۇم ، -ھوي ،جىننەمۇ سەن ،تىنىچلىقتۇ !!!مىنگە نىگە بۇنداق سۆز قىلارسەن ؟  ئۆزۈمنى باسالماي ئۇنى ئۆزبىك تىلىدا تىللاپ سالدىم ،ئۇ بىردەم قاراپ تۇرۇپ كېتىپ _ ئۇزۇر ،ياخشى قىز ،جىننە (ساراڭ دىگەن گەپ) ئەمەسمەن ،جۈدە ھەم گۈزەلسىز ،فەقەت نازى ئەمەسسىز ،خەيىر مەيلى ،ياخشى قالىڭ _ ئۇمۇ ماڭا ئۆزبىك تېلىدا جاۋاپ قايتۇرۇپ ماشىنىسىنى ھەيدەپ كېتىپ قالدى ،خىجىللىق ھەم ئاچچىقتىن يېرىلىپ كېتەي دېدىم ،قولۇمدىكى چوكا مۇزنى زەرد بىلەن تاشلىدىمدە دوسلىرىمنىڭ يېنىغا يېنىپ كەلدىم . -ئاداش ،نېمە بولدى ،تونۇمسەن ، -توۋۋا دېگىنە ، ... ئۇلارغا بولغان ئىشلارنى دەپ بەردىم ،ئۇلار ئاڭلاپ بىقىنلىرنى تۇتشۇپ كۈلۈپ ھالى قالمىدى ،ئارىدىن سىنپىمىزدىكى كەچكىچە قاملاشقان ،پۇلدار ئوغۇللارنىڭ ئارخېۋىنى ئېنىقلاپلا يۈردىغان ئاسيە _ -ھەي ،ھەي ،ئۇچۇ مۇشۇ غۇلجىىدىكى چوڭ باينىڭ ئەڭ كىچىك بالىسى ،ئۇنىڭ دادىسىمۇ ئۆزبەك ،ئۇ تەتىل بولسىلا ئۆزبىكىستانغا چىقىپ كېـتىدىكەن ،بەك ھالى بارمىش ،مەكتىپىدە بەك جىق قىزلار ياخشى كۆردىكەن،لېكىن ھىچكىمگە قاراپ قويمايدىكەن .ئاساسەن تىجارەتمۇ قىلدىكەن ، -ۋاھ ،نېمانداق پەيزى ،ئىسمى نېمىكەن .؟ قىزلار ھەيران بولۇشقىنچە سوراشتى ، - بەگزاد ئۇلانىڭ گېپىنىڭ ئاخىرى ماڭا تېتىمىدى ،شۇڭا يىقىن ئۆتىدىغان دوستۇم گۈلزارنى باشلاپ كېتىپ قالدىم . چۈنكى ئەزەلدىن ئۇنداق ئوغۇللارغا ئانچە ھەۋەس قىلىپ كەتمەيتىم ،ھەم سىنپىمىزدىكى بەزىبىر قىزلارنىڭ بەزى ئاتالمىش مۇھەببەتلىرى ئۈچۈن يىغلاۋاتقانلىقىنى كۆرۈپ ئۇ ئىشلاردىن تېخىمۇ قاچىدىغان ھەم ئارتۇقچە ئىش دەپ ئويلايدىغان بولۇپ قالغان ئىدىم .                                                           داۋامى بار .

wenas

	يەنە بىر مۇھەببەت ھېكايىسى.داۋامىنى كۆرۈشكە ئىنتىزارمەن

laili3

	ئەتىۋا خېنىم، دەردى با خېنىم، تىزراق يازسىڭىز نىم بولا خېنىم.(چاخچاق) كۆزۈم تۆت بولاپ كەتتىيا

sim-sim51

	تېزراق يېزىڭ،داۋامىنى ئوقۇشقا ئىنتىزار......

atewa326

	شۇنداق قىلىپ ئالىيى مەكتەپ ئېمتىھانىنى ئاجايىب مۋەپىقىيەتلىك بېرىپ بولدۇم ،كۈنلىرىم كۆڭلۈمدە ئۆزۈمگە بەش قولدەك ئايان بولغان نەتىجەمنى ئەل قاتارى كۈتۈش بىلەن ئۆتمەكتە ئىدى. شۇ كۈنلىرىمنىڭ بىرىدە بىزنىڭ ‹ساۋاقداشلار مەكتەپ پۈتتۈرۈش ›يىغلىشى بولدىغانلىقى توغرىسىدا ئۇچۇر تاپشۇرۇپ ئالدىم .‹بارايمۇ ،بامايمۇ ،›دېگەن خىياللار بىلەن ئۇ كۈنمۇ يېتىپ كەلدى ،دوسلىرىمنىڭ بار ھۈنەرلىرنى ئىشقا سېلىپ كۈچىنىڭ بارىچە ياسىنىپ باردىغانلىقى ماڭا ئايان ئېدى ،لېكىن مەن ئەزەلدىن كۆينەك ئېگىز پاشنا ئاياق كىيمەيتىم ،چۈنكى بويۇم ئۇنىڭسىزمۇ ئوبدانلا ئىگىز ئېدى ،شۇڭا ‹نېمە ئىشىم ،مەن يا بىر تويغا بارمىسام دەپ › ئادەتتىكىدەك پادىچىلار شىمى ،ھەم ئۈستۈمگە ئۆتكەندە دادام تاشكەنىتتىن ئالغاچ كەلگەن ئۆزبەك پاسۇنىدىكى ئەتلەس ھەم ئادەتتىكى رەخىت ئارلاشتۇرۇپ تىكىلگەن كوپتامنى كىيىپ سۇس گىرىم قىلىپ باردىم ،مەن بارغاندا ساۋاقداشلىرىم ئاللىقاچان يىغلىپ ئولتۇرۇپ بوپتىكەن ،مەن ئۈچۈن ناھايىتى يات بولغان بۇ دىبانىڭ ئىشىكىدىن كىرىش ئوبدانلا ئېغىر كېلىپ يا كىرشىمنى بىلمەي ،يا ئارقامغا يېنىپ كىتشىمنى بىلمەي تۇراتتىم ،تۇيۇقسىز بىرسىنىڭ ئىسمىمنى چاقىرغانلىقىنى ئاڭلاپ قالدىم -نىمە قىلۋاتسەن ئاداش ،بۇ يەردە خۇددى ئۆيىنى تاپالمىغان كىچىك بالىدەك قىلىپ ، ... ئارقامدا شۇنداق چىرايلىق ياسىنۋالغان دوستۇم گۈلزار تۇراتتى ،ئەسلىدىنلا يۈز تېرىسى ئاق ،گەرچە يالاڭ قاپاق بولسىمۇ كىشىگە ناھايىتى ئوماق تەسىر بېردىغان بۇ قىزغا بۈگۈنكى تۈجۈپىلەپ قىلىنغان گىرىملىرى ،ھەم ياراشتۇرۇپ كىيۋالغان كۆينىكى ئۇنى تېخىمۇ چىرايلىق قىلۋەتكەن ئىدى . -ۋۇييۇ ،كىمۇ بۇ ، نىمانداق چىرايلىق بولۇپ كەتتىڭ ، مەن شۇ يالغۇز كىرەلمەي ،... -نەدىكىنى ،سەنمۇ نەق ئۆزبەكلا بوپسەن ،چىرايىڭغا قارسا ھېندىستانلىق ،كىينىشىڭگە قارسا ئۆزبەكچە ،مەنمۇ ئەمدى كەلدىم ،جۈرە ئەمسە كىرەيلى . نېمىشقىدۇر گۈلزارنىڭ بۇ گەپلىرى ئەسلىدىنلا قورۇنۇپ ئاران تۇرغان مېنى تېخىمۇ بىرقىسىم قىلۋەتتى ،شۇنىڭ بىلەن تېخى كىرمىگەن بۇ سورۇندىن قايتىپ كېتىشنى ئويلاشقا باشلىدىم . ئىشىكتىن كىرىپلا كۆز ئالدىمدا رەڭگارەڭ چىراق ،شۇ چىراقلار ئاستىدىكى رەڭگارەڭ ياسنىۋالغان قىزلار ھەم شۇ قىزلارغا توغرا ناتوغرا خىياللار بىلەن تەلمۈرشۈپ ئولتۇرغان ئوغۇللار بولدى ، -بىزنىڭ بالىلار ئاۋۇ ئورۇندىكەن .گۈلزار شۇنداق دەپلا قولۇمدىن تارتىپ ساۋاقداشلىرمىز تەرەپكە ئېلىپ ماڭدى . - ۋوي .كىملەر بۇلار ، كېلىڭلار يا ئاللا ھەجەپ تەستە كەلدىڭلار ،  ...سىنىپ باشلىقىمىز بىزنى ئولتۇرشقا تەكلىپ قىلدى ، -قاراڭلار ،مانا بىزنىڭ ‹ئۆزبەك شاتۇتمۇ ›بەك چىرايلىق بولۇپ كېتىپتۇ ،سېنىڭ مىللىتىڭنى ئايرىش ھەقىقەتەن تەس جۇمۇ ، چىرايىڭ ھېندىستانلىقنىڭ ئۆزى ،لىكىن ئۆزۈڭ ئۆزبەك ،ئەمما تىلىڭ ئۇيغۇرچە ،ھا ھا .... ئىلگىرى بۇنداق گەپلەرگە شۇ زامات تېگىشلىك گەپ قايتۇرۇپ ئاغزىنى تۇۋاقلاپ قويىدىغان مەن بۈگۈن نېمىشقىدۇر ،ھىچقانداق جاۋاب قايتۇرماي كۈلۈپ قويۇپلا ئولتۇردۇم ،بۇ تاساددىبى ئەھۋالدىن ھەيران بولغان ساۋاقداشلىرىم ھەيران بولغىنچە بىر بىرىگە قارىشىپ قويدى . سورۇن كۈلكە چاقچاق ،ئۇسۇل تانسىلار بىلەن ناھايىتى قىزىپ كېتىپ باراتتى ،لىكىن مەن خۇددى ‹قەپەز ئىچىگە سولىنىپ قالغان قۇشتەك ›ھىچ بىر ئېچىلىپ ئولتۇرالمايتىم ،مەن بىلەن يېقىن ئۆتىدىغان بىر نەچچە ساۋاقداشلىرىممۇ يېنىمغا كېلىپ نىمە بولغانلىقىمنى سورىدى ،مەن ‹بېشىم ئاغرىۋاتىدۇ ›دەپ يالغان ئېيتىپ قويدۇم ،ئەمەليەتتە مېنىڭ بىشم ئەمەس خىلى يەرلىرىم ئاغرىۋاتاتتى ،چۈنكى بۇ يەردىكى ئاجايىپ غارايىپ كىينىۋالغان ،يىشىنىڭ كىچىكلىكى چىرايىدىن چىقىپ تۇرسىمۇ ئۆزىگە ياراشمىغان ھالەتتە گىرىم قىلۋالغان،يەنە تېخى نومۇس قىلماي رومكا سوقاشتۇرۇپ ئولتۇرغان قىزلار ، شۇ قىزلارغا ‹قاچان قولۇمغا چۈشەر ›دەپ تەلمۈرۈپ ئولتۇرغان ياش بالىلار ،خىجىل بولماي يەر تېگىدىن قاراپ ئولتۇرغان داداشلار ،بىر بىرگە ھاياسىزلارچە ئېسلىشىپ ئۆز كۆڭلىدە ‹لەيلى مەجنۇندەك › ياخشى كۆرشىدىغان ،ئەمما قىلۋاتقان قىلىقلىرنى ھايۋانمۇ قىلمايدىغان زامانىمىزدىكى ئاتالمىش ‹ئاشۇق-مەشۇقلار ›مېنى ئوبدانلا ئاغرىتىپ قويۋاتاتتى . بۇ يەرگە كەلگىنىمگە مىڭ يېرىمدىن پۇشايمان قىلىپ ئولتۇرۇپ تۇيۇقسىز ئۇدۇلمىزدىكى ئورۇندا ماڭا قاراپ تۇرغان بىر جۈپ كۆزنى كۆرۈپ قالدىم . -ئو ،‹چوكا مۇز›  ، ئۇ دەل ئۆتكەندە مەن ئېمتىھاندا ياردەم قىلغان ،شۇنىڭ يۈزى بىلەن مېنى چوكا مۇز بىلەن مېھمان قىلغان بەگزاد ئېدى ،   ئۇ ماڭا خۇددى مىنىڭ بۇ يەردە ناھايىتى تەسلىكتە ئولتۇرۋاتقىنىمنى بىلىپ قالغاندەك ،‹ھە ،ياردەم قىلىش نۆۋىتى ئەمدى ماڭا كەلدىمۇ ؟›دېگەندەك قاراپ ئولتۇراتتى . بۇ يەردە ئولتۇرشۇم تېخىمۇ تەسكە چۈشتى ،لېكىن ئلگىرى ‹دەرىستىن قېچىش ماھېرى ›بولغان مەن مۇشۇ ۋاقىتتا ھىچ بىر ئامال تاپالمايۋاتاتتىم ،شۇنداق ئېغىر مېنۇتلارنى بىشىمدىن ئۆتكۈزەلمەي ئولتۇرسام ماڭا تەڭلەنگەن قول مىنى تېخىمۇ تەس كۈنگە قويدى . -تانسا ئوينامدۇق ؟   ئالدىمدا مەن ئەزەلدىن ياقتۇرمايدىغان ،سىنپىمىزدىكى ئەڭ سۇيۇق ،شاللاق دەپ نام ئالغان دىلشات مەس ،كۆزلىرنى ئەلەڭ -سەلەڭ قىلىپ تۇراتتى ، -مەن بىلمەيمەن ،   شۇنداق دەپلا ئۇنى رەت قىلدىم مەن . -ۋوي ،ھالىڭىزنى يوغان قىلماڭە ،بۇ يەرگە شۇ ئوينايمىز دەپ كەلگەن ،قوپىڭە ، ئۇنىڭ ھاياسىزلىق چىقىپ تۇرغان كۆزلىردىن تېنىم شۈركەندىدە ئەتراپىمغا قاپقانغا چۈشۈپ قالغان شاتۇتتەك ئەتراپىمغا نىجاتلىق ئىزدەپ قارىدىم ،لىكىن ماڭا ياردەم قىلغۇدەك بىر ئادەم يوق ئىدى ،ھەتتا دوستۇم گۈلزارمۇ سەھنىدە ئۆزىنى ئۇنتۇغان ئاساستا پېرقىراۋاتاتتى ، كاللامغا يالىت قىلىپ ‹چوكا مۇز › كەلدىدە ،ھەم بۇ خىيالىمدىن ۋاز كېچىشكە ئۈلگۈرمەيلا ئۇ ئولتۇرغان تەرەپكە قارىدىم . لېكىن ئۇ ئولتۇرغان ئورون بوش ئېدى .                                                     (داۋامى بار )

okoguqi9

	(داۋامى بار )  دىگەن مۇبارەك سۆزنى ئىشللىتىشكە ئامراق بولغان ئاپتورلار، ئۆتىنەيكىن بۇ سۆزنى ئىشلەتمىسەڭلار، ۋە ياكى داۋامى قاچان چىقىدىغانلىقى توغرىسىدا بىرە ئۇچۇر بەرسەڭلار، بۇ داۋامى بار دىگەن گەپكە قاراپ ئولتۇرىۋىرىپ ئىنىكىم چۈشۈپ قالغىلى ئازلا قالدى !

BANKER625

	ياخشى   چىقىۋاتىدىغۇ  ،بۇ مۇھەببەت ھىكايىسى ئاخىرىنى كۈرۈشكە ئىنتىزارمىز

atewa326

	okoguqi9 يوللىغان ۋاقتى  2012-10-2 21:32 (داۋامى بار )  دىگەن مۇبارەك سۆزنى ئىشللىتىشكە ئامراق ب ... كەچۈرۈڭ ،بۇ سۆزنى يازماي دىسەم يەنە بولمىغۇدەك ،داۋامىنى ئەڭ تىز سۈرئەتتە يوللاشقا تىرشىمەن.

atewa326

	ئۇنىڭ ئورنىنىڭ بوشلىغىنى كۆرۈپ كۆزۆمگە يىغا كەلدى ،بۇ ئالدىمدىكى ھاراقنى كاللىسىغا ئىچكەن ساراڭدىن ھېچ بىر قۇتۇلدىغاندەك قىلمايتىم ،شۇنىڭ بىلەن ئۇنىڭ بىلەن ھازىر بىر قول ئويناپ ئەتە ئۇ مەسلىكىدىن سەگىگەندە ئۇنى تازا بىر تىللاپ ئۆچۈمنى ئالماقچى بولدۇم ، ئۆزۈمنىڭ ئىرادىسىغا خىلاپ ھالدا ئۇنىڭ بىلەن تانسا ئويناشقا باشلىدىم ، لېكىن ئۇ مەسمۇ ياكى شاللاقلىقى تۇتتىمۇ تۇيۇقسىز مېنى ئۆزىگە يېقىن تارتىشقا بېلىمنى تۇتقان قولى سەل پەل ھەرىكەت قىلىشقا باشلىدى ،نىرۋام شۇنداق ئۆرلىدى،لىكىن ئۆزۈمنىڭ ئاممىۋى سورۇندا ئىكەنلىكىم يادىمغا كىلىپ ئۆزۈمنى بېسۋالدىم ،دىلشات مەن ئۆزۈمنى بىسۋالغانسىرى مېنى ئىلگىركى تارتىپ بولغۇچە ‹ئاھ ،جىنىم ›دەپ بولدىغان قىزلىرغا ئوخشىتىپ قالدىمۇ ھەددىدىن ئېشىشقا باشلىدى ، تاقىتىم توشتى ،ئۇنى كۈچەپ ئىتتەردىمدە يۈزىگە تەستەك بىلەن بىرنى سالدىم ،تۇيۇقسز تەگكەن بۇ تاياقتىن نېمە قىلشىنى بىلەلمىگەن دىلشات مېنى ئۇرماقچى بولۇپ قولىنى كۆتۈردى ،شۇ ئارىدا ئۇنىڭ قولىنى ‹كاپ›قىلىپ بىر قول تۇتتى ،   بەگزاد !!!! كۆز ئالدىم يورغاندەك بولدىدە دەرھال كونتورۇللۇغۇمنى يوقىتىپ ئۇنىڭ كەينىگە ئۆتتۈم . -قانداق ،نامەرت نەرسىسەن ،نەچچە يىل بىللە ئوقۇغان ساۋاقدىشىڭغا خىجىل بولماي قول كۆتۈرۋاتامسەن ؟ -سېنىڭ نىمە ئىشىڭ ، بۇ يەردە ،   دىلشات ئۇنى ئۇرماقچى بولۇپ بەگزادنىڭ ئالدىغا دېۋەيلەپ كەلدى، ‹بولدى ،ھەي ،بولدى قىلىڭلار › كىملەركىن بىلمىدىم بىرنەچچە بالىلار ئۇلارنى تۇتۇپ قېلىشتى ،قورقۇپ روھىم چىقىپ كەتكەن ئادەمدەك بولۇپ قالغان مەن ،بەگزاد قولۇمدىن تارتىپ ماڭغاندىلا ئىسىمغا كەلدىم . -سومكام باتتى مېنىڭ ؟  مەن يىغلاپ تۇرۇپ شۇنداق دېدىم ،شۇ ئارىدا دوستۇم گۈلزار سومكامنى ئولتۇرغان يېرمىزدىن ئەكىلىپ ماڭا بەردى . ئۇنىڭ كەينىدىن قوينىڭ قوزىسىدەك ماڭدىم ، كۆزۈمدىن ياشلار توختىماي چۈشمەكتە ئىدى ،كۆز ئالدىمدا دىلشاتنىڭ قول كۆتۈرگەن ھالىتى ،قىلغان ئەدەپسىز ھەركەتلىرى كېلۋىلىپ تىخمۇ يىغا تۇتۇپ كىتىپ باراتتى . -ئۆزىگىز تانسا ئويناشقا قوپۇپ يەنە نېمگە يىغلايسىز ؟ - نېمە ؟   بەگزادنىڭ تۇيۇقسىز  ئىيىتقان بۇ گېپى ماڭا تېخىمۇ ئېغىر كەلدى . -نىمە دېگىنىڭىز بۇ ،مەن ساۋاقدىشىم دەپ قوپۇپتىمەن ،ئۇنىڭ ئۈستىگە ئۇ مەسكەن ،قورقوپ شۇ قوپۇپتىمەن . -ھې ،قىزىق گەپ بولدىدە بۇ مەس ئادەمدىن قورقۇپ تۇرۇپ ئۇنىڭ بىلەن تانسا ئوينىغان نەدە بار ،غەلىتە ئىشلارنىڭ ھەممىسىنى سىزلا قىلامسىز ،غەلىتە جاۋابنىڭ ھەممىسى سىزدىن چىقامدۇ نېمە ؟ كاللامغا ‹سىزنىڭ نېمە ئىشىڭىز ئوينامدىم ،ئوينىمامدىم دېگۈم كەلدىيۇ ›لېكىن ئۇنىڭ ماڭا قىلغان ياردىمى ئېسمگە كېلىپ ‹ياخشى كۆڭلۈڭگە ئېشەك تەپسۇن ›دېگەندەك ئىش بولمىسۇن دەپ گەپ قىلماي جىم تۇردۇم . -چىقىڭە ماشىنىغا نىمە قاراپ تۇرسىز ،؟ ئۇنىڭ قوپاللىق بىلەن قىلغان بۇ گېپى غورۇرۇمغا شۇنداق تەككەن بولسىمۇ لېكىن بۇ كەچتە قەيەردىن ماشىنا توسۇپ قانداق كىتشىمنى بىلمەي ھەم دىلشاتنىڭ ئارقامدىن چىقىپ قېلشىدىن قورقۇپ ماشىنىغا چىقتىم . ‹خەپ ،چوكا مۇز ،بۇ ئۆچۈمنى ھامان بىر كۈنى ئالىمەن ،› -نىمە گەپ قىلمايسىز ،قىلغان ياردىمىمگە  قانداق جاۋاپ قايتۇرۇشنى ئويلاۋاتامسىز ،؟ -ھە ،ياقەي ، تۇيۇقسىز ئۇنىڭ ئۆيۈمنىڭ نەدە ئىكەنلىكىنى سورماي مەھەللەم تەرەپكە قاراپ ماڭغانلىقى دېققىتىمنى تارىتتى . -سىز ئۆيۈمنى بىلەمسىزما ؟ -ئەلۋەتتە ،ئىشەك غاجىلۋەتمەسلىك ئۈچۈن دەرەخلەرنى ھاك بىلەن ئاقارتىپ قويدىغان مەھەللىگە قىزىقىدىدە ھەممە كىشى ، -ھەجەپ كەنسىز   ،مەن شۇ سىزگە بىلدىغان جاۋابىمنى دېگەن .   دېدىم مەن تۇمشۇقۇمنى ئۇچلاپ تۇرۇپ . -چاقچاق ،شاتۇت ،بىر نەۋرە ھەدەمنىڭ ئۆيى سىز بىلەن بىر مەھەللىدە ،شۇ يەردە مەن سىزنى بىر نەچچە قېتىم كۆرگەن . -سىز قانداق بىلسىز ئەمدى ،ئۇ لەقىمىمنى _ ......،،@@@@@@@@   ئۇ بوش قىلىپ بىر نېملەرنى دېدى ،لېكىن مەن پەقەت ئاڭلىيالمىدىم .ئۇنىڭدىن يەنە بىر قېتىم سوراي دېدىم لېكىن ئۇنىڭ مېنى زاڭلىق قىلشىدىن قورقۇپ سوريالمىدىم . ئۆيۈمگە يېتىپ كەلدۇق ،ماشىندىن خۇددى ئۇ مېنى تۇتۋالدىغاندەك ئىشتىك چۈشتۈمدە بەگزاد ئولتۇرغان تەرەپتىكى دەرىزە تۈۋىگە كېلىپ ئۇنىڭغا ئالدىن تەييارلىۋالغان 10يۈەن پۇلنى بەردىم -رەھمەت ھە ،شوپۇر ئۇستام . -بۇ ،بۇ ،نىمە قىلغىنىڭىز ئەمدى ،ساراڭمۇ سىز ،،..... ئۇنىڭ قالغان گەپلىرى ھاۋادا يوقاپ كەتتى .  ئۆيگە كىرىپمۇ كۈلۈپ ھالىم قالمىدى ،بەگزادتىن ئۆچۈمنى ئىلۋالغىنىمغا خوش بولۇپ ساراڭ بولاي دېدىم ،لېكىن دىلشاتتن ئۆچۈمنى پۇخادىن چىققۇدەك ئالالمىغانلىقىدىن بېئاراممۇ بولدۇم . -سېنىمۇ بوش قويۋەتمەيمەن ،ساڭىمۇ جاۋابنى ئوبدان قايتۇرمەن ،ئالدىرما دىلشات . تۇيۇقسىز تېلفۇنۇمغا كەلگەن ئۇچۇر خىياللىرىمنى بۆلۋەتتى ،شىرىن خىياللىرىمنى بۆلۋەتكەن بۇ ئۇچۇردىن خاپا بولغىنىمچە تېلفۇنۇمنى قولۇمغا ئېلىپ ئۇچۇرنى ئوقۇدۇم ، ئوقۇدۇميۇ بېشىمدىن سوغوق سۇ قۇيغاندەك ئەندىكىپ كەتتىم .

超级美女

	داۋامى بارمۇ تۈگىدىمۇ؟؟؟؟