شەھەر ۋە دوست

ئۇيغۇرۇم

	شەھەر ۋە دوست راس بولغان ۋەقەلىك ئۆز يۇرۇمدىن نىمە دەپ چىقتىم ؟ بۇ شەھەر ماڭا نىمىلەرنى بەردى ؟ بۇلارنى ئويلاپ ئاخىرغا چىقالمايمەن . لېكىن يىقىندىن بىرى خوجايىننىڭ مىنىڭ ئىش ھەركىتىمگە ئالاھىدە دىققەت قىلىشلىرى ، شۇنداقلا مىنى ياخشى ئىشلەشكە ، ھۈنەرنى كۆڭۈل قۇيۇپ ئۆگۈنۈشكە دەۋەت قىلىشلىرى كاللامنى خېلىلا سەگىتىپ قۇياتتى . ‹‹مەمەتنىياز سەن تېخى ياش ،كاللاڭمۇ باشقا بالىلارغا قارىغاندا بەكرەك ئىشلەيدۇ . ئىش ھەققىڭ تۈۋەنراق بولسىمۇ ،قورسۇقۇڭ ئاچ ئۈستىبېشىڭ يالىڭاچ قالمىدى . ئادەم ئارزۇسىغا يىتىمەن دەيدىكەن ، جاپا-مۇشاقەتتىن ، قۇربان بىرىشتىن قورقماسلىقى لازىم ››دەپ ھەر ۋاقىت ماڭا تەلىم بېرەتتى . ئانامغا چوڭچىلىق قىلغان قاسىم دىگەن ئاشۇ سولتەكنىڭ ئاشخانىسىنى زىمىنى بىلەن سېتىۋېلىش ! شۇڭا بۇ شەھەرگە كىرىپلا ئاشخانىغا ئىشلىگىلى كىرگەن ئىدىم . بىر كۈنى چۈشتىن كىيىن ئويگە تېلىفۇن قىلدىم ،تېلىفۇننى ئانام ئالدى : ــ قانداق تۇردۇڭ جېنىم بالام ؟ كۆزۇمدىن ئۇشتۇڭغۇ جېگرىم ......ــ دەپ يىغلام كەتتى . مىنىڭمۇ كۆڭلۈم بۇزىلدى ،يىغلىماي دىسەممۇ ئاۋازىم بۇغۇلۇپ ئىسسىق ياشلار مەڭزىمنى ئېغىزىمغا ئېقىپ كىردى . ــ ياخشى تۇرۋاتىمەن ئانا ئەنسىرمەڭ ... ــ قاچان قايتىپ كىلىسەن ئۇماق بالام ؟ ــ ئۇزۇنغا بارماي قايتىپ بارىمەن ، ھۈنەرنى ئۈگۈنۈپ بۇلاي دېدىم . قانداق تۇرۋاتىسىز ئانا ؟ دادامچۇ ؟ ــ بىزدىن ئەنسىرمە بالام شۇ .... سىنى كۆرگۈمىز كىلىپ .... ئانامغا گەپ قىلىپ ھارمايتىم ، ئۇنى بۇنى سۇراپ كۆڭلىنى كۆتۈرۋەتتىم . شۇنداقتىمۇ ۋاقىت مۇناسىۋىتى بىلەن ئۇزاق پاراڭلاشمىدىم . مەن ئاشخانىغا كەلگىلى بىر يىل بۇلۇپ قالاي دېدى . بىر يىل جەريان ئىچىدە قاچا يۇيۇشنى ، ئاشخانا تازىلاشنى ، تاماق تۇسۇشنى ئۈگەندىم . خېمىر كىسىشنى ئوغۇرلۇقچە ئۈگۈنىۋاتىمەن . سەي قورىغانلارنىڭ يېنىغا كىلىپ ئازراقلا تۇرسام ئۇلار مىنى تىللايتى ،لېكىن مەن كۈلۈپ قۇيۇپ ئۆز ئىشىمنى قىلىۋىرەتتىم . ئۇلار مىنى ھەر ۋاقىت ‹‹ ئىش كۆرمىگەن سەھرالىق ›› دەپ تىللايتى . لېكىن مەن ئۇلاردەك تاماكا چىكىشنى ، قىزلار بىلەن ئارلىشىپ ئۈتۈشنى ، ھاراق ئىچىشنى ، ئىش ھەققىنى ئالغان ھامان قىمار ئويناشنى بىلمەيتتىم . مەن ئىككى ھەپتىدە بىر جۈمە دەم ئالاتتىم دەم ئالغان كۈنلىرىم كىر قاتلىرىمنى يۇيۋالاتتىم ، بازارغا چىقاتتىم ، مۇنچىغا باراتتىم . بازار ئايلىنىۋاتقان ۋاقتىمدا مەن بىلەن بىر يېزىلىق توختى دىگەن بۇرادەر مىنى توۋلىدى : ــ مەمەتنىياز  ؟  ۋوي مەمەتنىياز .......  مەن بۇ يەردە !  توختى شەھەردە مۇزدوزچىلىق قىلاتتى . مەن توختىنىڭ يېنىغا باردىم . ــ نەگە ماڭدىڭ ئاداش ؟__ دىدې توختى . _ مۇنچىغا ! ــ كەل ،ئايىغىڭنى مايلىۋاتاي ، قاسماقلىشىپ كىتىپتۇ . مەن توختىغا ئارتۇقچە تەكەللۇپ قىلمايلا ئۇنىڭ ئۇرۇندىقىغا ئۆزۇمنى تاشلىدىم . ــ تاپاۋىتىڭ قانداقراق ئاداش – دېدىم مەن . ( مەن ئۇنىڭ بىلەن بىر يېزىدىن ئىدىم دەم ئالغان ۋاقىتلىرىمدا ئاساسلىقى توختى بىلەن بىللە ئۆتكۈزەتتىم ) ــ بۇلىدۇ ئىشقىلىپ ، خۇداغا شۇكرى ! ــ چۈشتىن كىيىن بازار ئايلىنىپ كەلمەيلىما ؟ _مەيلى ! ئەمسە مەن بىر ئاز بازار قىلىىۋالاي . ئايىغىمنى مايلاپ بۇلۇپ ئۇنىڭ بىلەن خوشلاشتىم . ئاشخانىدىكى ھۆلچىلىكتە مەينەتلىشىپ ، قورۇلۇپ سۇپىتىدىن چۈشكەن كونا ئايىغىم خېلىلا پاقىراپ قالغان ئىدى . چۈشتىن كىيىن توختى بىلەن بازار ئايلانغىلى چىقتۇق . ئۇ بۇ شەھەرگە مەندىن بۇرۇن كىرگەن بۇلۇپ ،ئاتا-ئانىسى ئاجىرشىپ كەتكەچكە  خارلىنىپ قالغان ، ئانىسىنىڭ يېنىغا بارسا ئۆگەي دادىسى خارلاپ ، دادىسىنىڭ يېنىغا بارسا ئۆگەي ئانىسى خارلاپ پاتۇرمىغاچقا يۇرتىدىن چىقىپ بۇ شەھەرگە كىرگەن ئىدى . ــ مەمەتنىياز نىمىشقا بىزنىڭمۇ ئاشۇنداق ئىگىز-ئىگىز ئۆيلىرىمىز بولمايدۇ ئاداش ؟ شۇ چاغدا ئالدىمىزدىكى بەخىت گۈللۈك ئولتىراق رايۇنىنىڭ 24 قەۋەتلىك بىنالىرىغا ئۈشتۇمتۇت قاراپ قالغان ئىدۇق . ــ ئادەم ئۈستىدە ئادەم ياشايدىغان بۇ قىستاڭچىلىق ئىچىدىكى بۇنداق ئىگىز بىنالاردىن سەھرادىكى ھويلا ئاراملىق ! باغ-بارانلىق ئۆيلىرىمىز ياخشى .ــ مەن گەرچە توختىنى قايىل قىلىشنى ئويلىمىساممۇ ، لېكىن ئۇ ماڭا قاراپ مەنمۇنلۇق بىلەن لىڭىشتتى .بىز يولدا ئۇنى-بۇنى سورۇشۇپ ماڭدۇق . بىر دەمدىن كىيىن توختى : ــ مەمەتنىياز سىنىڭ كەسگۈسىدە نىمە ئىش قىلغۇڭ بار ئاداش ؟ ــ مىنىڭ كەلگۈسىدە جىق پۇل تېپىپ قاسىم دىگەن سولتەكنىڭ ئاشخانىسىنى زىمىنى بىلەن سېتىۋېلىش ، ئاندىن كىيىن ئۇلۇغ ئاللاھىم خالىسا ئۇقۇيمەن !! ؟ سەنچۇ ؟ نىمە ئارزۇيىڭ بار ؟ ــ مىنىڭ ئارزۇيۇم بەك ئاددى - دېدى توختى كۈلۈمسىرەپ تۇرۇپ ــ سىڭلىم چوڭ بولغاندا ئالى مەكتەپتە ئۇقۇتۇش ، مەن ئۇقىيالمىغاندىكىن سىڭلىمنى ئۇقۇتۇش مىنىڭ ئەڭ چوڭ ئارزۇيۇم ! ئاداش سىنىڭ ھازىرمۇ ئۇقۇغۇڭ بارمۇ ؟ _ دېدى ئۇ ماڭا ھەيرانلىق ئىلكىدە قاراپ تۇرۇپ . ــ ئەلىۋەتتە ! مىنىڭ راسلا  ئۇقۇغۇم بار ، لېكىن پۇل يوق دە ! ــ ياخشىغۇ ئەمسە ، ئۇنداق بولسا مەن سىنى ئۇقۇتاي بۇلامدۇ ؟ ــ بولدى چاخچاق قىلىغىنە ئاداش ، مۇشۇ گىپىڭدىن بەك تەسىرلەندىم . گەرچە ئۇنىڭ مىنى ئوقۇتقۇدەك ھالى بولمىسىمۇ ، شۇ ۋاقىتتا ئىچ-ئىچىمدىن خوش بولۇپ كەتكەن ئىدىم . ــ مەن نەدە ساڭا چاخچاق قىلدىم ، راس دەۋاتىمەن ! توختى بىردەم ئويلانغاندىن كىيىن مەڭا قاراپ ــ سەن ئۇ ئاشخانىدا ئىشلىمەيسەن ، ئۇ يەردىن چىقىپ ئۇقۇيسەن ، كۇرۇسقا قاتنىشىپ چۈشتىن بۇرۇن ئۇقۇيسەن ،  چۈشتىن كىيىن مايلامچىلىق قىلىسەن . ئاڭلىسام كۇرۇس دىگەندە تۇلۇق دەرىس ئوقۇمايدىكەنمىش ،  شۇڭا  مۇشۇ ئۇسۇلدا ئوقىساڭ قوش نەپ ئالغىلى بولىدىكەن  ! __ توختىنىڭ گىپى باغانچە ،ئىشەنچ ، جۇشقۇن ۋە تىتىك چىقىۋاتاتتى. ــ ھە ! مايلامچى ؟ - دېدىم مەن ھەيران بۇلۇپ . ــ نىمە ياراتمىدىڭما ؟ ــ ئۇنداقمۇ ئەمەس ئاداش ، مايلامچىلىقنى قىلالامەنمۇ ؟ ــ بىر ئىككى كۈن مەن ساڭا ئۈگۈتىمەن ، قالغان ۋاقىتلاردا چوڭ كۇچا ئېغىزلىرىغا بېرىپ مايلامچىلىق قىلىسەن ، بىرىمىز مۇزدوز يەنە بىرىمىز مايلامچى بولساق بولمامدا ؟ ــ بولىشىغۇ بولۇدۇ ، لېكىن ساڭا قىيىنچىلىقىمنى سېلىپ قويسام قانداق بولۇدۇ ؟ سەن باي بولمىساڭ يا ! ــ بۇ گىپىڭ قاملاشمىدى ئاداش ، ئاغىنە دىگەن مۇشۇنداق ئىشقا ئەسقاتمىسا قانداق ئاغىنە دىگىلى بولسۇن . بۇ دوستۇمنىڭ گەپلىرى ماڭا ئىنتايىن قاتتىق تەسىر قىلدى . قانداقتۇر بىر كۈچ مىنى ئۇقۇشقا زورلاۋاتاتتى . ــ گەپ قىلە ئاداش ؟ ــ ھە ...ما...قۇۇل ! ــ‹‹ چاتاق يوق››  دىمەمسە ئۇغۇل بالىدەك ؟ ــ بولىدۇ . ــ ھەببەللى ، ماۋۇ گىپىڭ بولىدۇ . شۇنداق قىلىپ مەن ئاشخانىدا ئىشلىمەيدىغان بۇلۇپ قايتىپ چىقتىم . ئاندىن كىيىن ماڭا توختى ماڭا ئاياغ مايلايدىغان جاپتۇقلارنى ۋە بىرمۇنچە مايلارنى ئاتمىش يۇەنگە ئېلىپ بەردى ، ئاخىرى مىنىڭمۇ مۇستاقىل ئىگىلىكىم بار بولدى . ھېچكىمگە چاكار بۇلۇپ ئىشلىمەيتىم ، ئىشلىسەملا ئۆزۇمنىڭ يانچۇقىغا كىرەتتى . ئىشقا چۈشكەن تۇنجى كۈنى ئون سەككىز كويغا ئىشلەپتىمەن . خۇشاللىقىمدىن توختىنى بىر قاچا پولو بىلەن مېھمان قىلىۋەتتىم . ــ مەمەتنىياز ئاداش بىز يەنە 200يۇەنگە ئىشلىۋالساق سىنىڭ ئۇقۇش ئىشىڭ ھەل بولۇدۇ ، سەن كىلەر ھەپتىدىن باشلاپ ئۇقۇيسەن . ــ رەھمەت ئاداش ! شۇنداق قىلىپ بىر ھەپتە بازار قىلىۋالغاندىن كىيىن مەن كۇرۇسقا قاتناشتىم . كۇرۇستا نۇرغۇن قىز-ئۇغۇللار بار ئىدى . مەن شۇلار بىلەن بىللە ئۇقۇيتتۇم . شۇنداق قىلىپ ئۇقۇشۇمنىمۇ باشلىۋالدىم . چۈشتىن بۇرۇن ئۇقۇيمەن ، چۈشتىن كىيىن بولسا مايلامچىلىق قىلىپ پۇل تاپىمەن . كۈنلۈرۈم شۇ تەرىقىدە ئۆتتى . كۇرۇسقا قاتناشقىلىمۇ ئىككى ئاي بۇلۇپ قالاي دىگەن ئىدى . مەن سىنىپنىڭ ئالدىدا ئىدىم ، قىز-ئۇغۇللار ماڭا ھەممىسى دىگۈدەك ئامراق ئىدى . ‹‹ ھەي ئابدۇللا بۇ خەتنىڭ ئاتىلىشى نىمە دەپ ئۇقۇيدۇ ؟››دىسە يەنە بىرسى ‹‹ بۇ جۈملىنىڭ مەنىسى نىمە ؟››ئىشقىلىپ مەن بىلىدىغان سوئاللارنىڭ ھەممىسىگە جاۋاپ بىرەتتىم . قىززىق دەيمەن ، بۇ بالىلار ئۆيلىرىگە بارسا بىكا، كۇچا ئايلىنىشقا ، بىكادىن  يولدا قول تۇتۇشۇپ ماڭىدىغان ۋاقتىغا ، ئۆيىگە بېرىپ ئۆگۈنۈپ قويسا ،ئ.ۇلار مەندىنمۇ ئەقىللىق بولۇپ كەتكەن بولمامتى ؟! بىر كۈنى كۇرۇستىن قايتىپ بۇرۇنقىدەك مالامچىلىقىمنى قىلىۋەردىم . تۇساتتىن مەن بىلەن بىللە ئۇقۇيدىغان بىر قىز مىنى مىنىڭ مايلامچىلىق قىلىۋاتقانلىقىمنى كۆرۇپ قالدى . ئەتىسى كۇرۇسقا بارسام مىنىڭ سۆز چۆچىكىم تارقىلىپ كىتىپتۇ . ‹‹قاراڭلار مەمەتنىياز مايلامچى ئىكەن ›› دىسە ، بەزىلىرى ‹‹ئۇنىڭ ئاتا-ئانىسى يوقكەن ›› . لېكىن مىنىڭ ئۇنداق ئىشلار بىلەن كارىم يوق ئىدى . بىردىنلا قىزلار مەندىن قاچىدىغان بولدى دىسە ! توۋۋا قىزبالا دىگەن ئاجايىپكەن ،مىنىڭ مايلامچى ئىكەنلىكىمنى ئۇقۇپ مەندىن ئۆزىنى تارتتى . ھەمدە مىنى ھۆرمەتلىمەيدىغانمۇ  بولدى . كۈلەر شۇتەرىقىدە ئۈتۈرۋەردى . 4ئايلىق  كۇرۇسمۇ ئاخىرى ئاخىرلاشتى . توختى بىلەن ئىككىمىز خۇشال بۇلۇشۇپ كەتتۇق ! مەن ھاياجىنىمنى باسالماي توختىغا قاراپ : ــ سەندەك ئاغىنەمنىڭ بولغىنىدىن  خۇداغا مىڭ شۇكرى ! ـــ ئۇنداقمۇ دىمە ، ھازىر نەخ گەپكە كىلەيلى  ، ئەمدى نىمە قىلاي دەيسە ؟ ــ تەرجىمانلىق شىركەتلىرىدە ئىشلەيمىكىن دەيمە ! ــ ياخشى ئويلاپسە خۇدايىم دىگىنىڭدەك بولسۇن ئاداش . مەن ئەتىسى خىزمەت ئىزدەپ ماڭدىم . دەرۋەقە مەن ئىشلەيدىغان بىر خىزمەت بار ئىكەن . ئۇلار  مىنىڭ سەيۋەمنى كۆرۇپلا خىزمەتكە ئۇرۇنلاشتۇردى . مەن شۇ چاغدا  ئۆزۇمنى دۇنيادىكى ئەڭ بەخىتلىك ئادەم دەپ ئۆز ئۆزۇمدىن پەخىرلەندىم .  ئانامغا تېلىفۇن قىلغۇم كىلىپ ، ئۆيگە تېلىفۇن قىلدىم : ــ جېنىم بالام بارمۇ سەن ؟ - ئانام ئاۋازىمنى ئاڭلاپ يەنە كۆز يېشى قىلىپ كەتتى . ــ مەن بار ئانا ئەنسىرمەڭ نەچچە كۈن بولدى تېلىفن قىلالمىدىم ، سەل ئالدىراش بوپ قالدىم . ــ ۋاي تاتلىق بالام داداڭ ئىككىمىز بەك ئەنسىرەپ كەتتۇق ، قانداقراق ئىشلىرىڭ ؟ ــ ياخشى مەندىن ئەنسىرمەڭلار ، مەن خىزمەت تاپتىم ــ شۇ گەپنى ئانامغا  دەپ بولغۇچە يۈرۈكۈمنىڭ قانچىلىك ئېغىر سەپ كەتكەنلىكىنى بىلمەيمەن ! ــ قانداق خىزمەت تاپتىڭ بالام ؟ ــ تەرجىمانلىق شىركىتىدە ئىشلەيمەن . ــ يا سەن سەن ئۇقىمىغان تۇرساڭ ، نەدىكى خىزمەتكەن ئۇ ؟ مەن ئانامغا ئۇقۇغانلىقىمنى دىمىگەن ئىدىم ، چۈنكى دادام ،ئاناملارغا دىسەم مىنى دەپ جاپا تارتىپ پۇل ئەۋەتىشىدىن قوققان ئىدىم . ــ مەن ئۇقىغان ئانا مىنى دەپ سىلەرنىڭ جاپا تارتىپ قېلىشىڭلارنى خالىمىدىم ، مىنىڭمۇ مائاشىم بار  ئەمدى سىلەرنى بىر قوللۇق باقىمەن ! ــ دىيىشىمگە ئانام ئۆزىنى تۇتالماي يىغلاپ كەتتى . ــ قاچان قايتىپ كىلىسەن بالام ؟ ــ پات ئارىغا قالماي بارىمەن ئانا ، ئەنسىرمەڭ  ، ــ پات پات تېلىفۇن قىلىپ تۇر ــ بۇلىدۇ ! شۇ چاغدا تېلىفۇننى قانچىلىك تەستە قويغانلىقىمنى بىلمەيمەن . خىزمەتكە چىقىپ بىر ئاي بولغاندا مائاشىمنى ئالغىنىمدا قابچىلىك خوش بولغانلىقىمنى ئۆزۇممۇ بىلمەيمەن ، توختىمۇ شۇنچىلىك خوش بولۇپ كەتتى ، شۇ خوشاللىقىمدا توختىنى داپەنجى بىلەن مېھمان قىلىۋەتكەن ئىدىم . ــ ئاداش ساڭا قانچىلىك رەھمەت ئېيتسام ئەرزىيدۇ جۇمۇ  ! سەن مىنى دەپ بەك جاپا تارتتىڭ !!!! ــ ئۇنداق  گىپىڭنى قۇيە  ، خۇداغا شۇكرى سەن ئاخىرى خىزمەتچى بولدۇڭ . ــ ئەمدى سەن نىمە قىلماقچى ئاداش ؟ ــ نىمە قىلاتتۇق بىزنىڭ قولىمىزدىن مۇزدوزچىلىقتىن ، ئاياغ مايلاشتىن يەنە نىمە ئىش قولىمىزدىن كىلىدۇ دەيسە ئاداش ! بولدى ئۇنى دىيىشمەي باشقا گەپ دىيىشەيلى ! بىز ئىككىمىز ئىنتايىن خوشال ئىدۇق . ئۇنى بۇنى دەپ ھارمايتتۇق . بىر كۈنى خىزمەت قىلىۋاتسام ، بىر خىزمەتدېشىم : ــ باشلىق ‹‹ ئىدارىغا بىر قوغدىغۇچى تېپىڭلار ›› دېدى دەپ باشلىقنىڭ ئىشخانىسىدىن چىقتى . مەن خوشاللىقىمدىن باشلىقنىڭ ئىشخانىسىغا يۈگۈرۈپ كىرىپ : ــ باشلىق مىنىڭ بىر دوستۇم بار ، شۇ قوغدىغۇچى بولسۇن - دىيىشىمگە  باشلىق : ــ ئۇنداق بولسا مەن سىزگە ھازىرلا روخسەت بىرەي ، دوستىڭىزنى ئەكىلىڭ بۈگۈن رەسمىيەتنى بىجىرىپ ئەتىدىن باشلاپ ئىشقا چۈشسۇن ! باشلىققا رەھمەت ئېيتىپ بۇلۇپ ئۇدۇل توختىنىڭ يېنىغا باردىم . توختى بۇ گەپنى ئاڭلاپ بەك خوش بولدى ، ھەمدە رەسمىيەتلەرنى بىجىرىپ ئەتىسىدىن باشلاپ ئۇمۇ خىزمەتكە چۈشتى . مەن ھەر كۈنى توختى بىلەن كۆرىشەلەيدىغان بولدۇم . بىزنىڭ بۇ يەرگە ئىشلىگىلى بىر يىل بولاي دېدى . توختى خىزمەتنى ياخشى كۆڭۇل قۇيۇپ ئىشلىگەنلىكى ئۈچۈن ھەم بىكار ۋاقىتلىرىدا خەنزۇتىلىنى ياخشى ئۈگەنگەنلىكى ئۈچۈن ئۇمۇ مۇشۇ شىركەتنىڭ بىر ئەزاسى بولۇپ قالغانئىدى . بىز كۆڭۇل قۇيۇپ ئىشلەيتتۇق . ھەممە خىزمەتداشلار بىزگە ياخشى مۇئامىلە قىلاتتى ، ھەمدە بىزدىن پەخىرلىنەتتى . بىز باشلىقتىن بىر ئاي روخسەت سوراپ ئويگە قايتتۇق . ــ قۇلمۇقنى كۆرمىگىلى ئۇزاق بوپتۇ ھە ! دېدى توختى بىپايان كەتكەن قۇملۇققا قاراپ مەنىلىك كۈلۈپ تۇرۇپ . ئىككىمىز قېن-قېىنىمىزغا پاتمىغان خوشال ھالدا  ئۆيگە قاراپ كىتىۋاتىمىز . مەنبە : ئۆز قەلىمىم ئىزاھات :  بۇ تېمىنى ئەلكۈيى مۇنبەردىن باشقا ھەر قانداق مۇنبەرلەرگە يوللاشقا بولمايدۇ .  كۆكلەپ كەتسىمۇ مۇشۇ مۇنبەردە كۆكلەپ كەتسۇن ، سۇلۇشۇپ قۇرۇپ قالسىمۇ مۇشۇ مۇنبەردە قۇرۇپ كەتسۇن .

BANKER625

	ياخشى يىزىپسىز ،ئاخىرى باردەك قىلامدۇ ھە

bedar

	ياخشى يېزىپسىز،داۋاملىق تىرشىڭ. مۇمكىن بولسا سەل تەپسىلىيرەك يازغان بولسىڭىز تېخىمۇ ياخشى چىقاتتىكەن.

salam234

	ياخشى يېزىپسىز،داۋاملىق تىرشىڭ

xjhiyal

	دوسلار دېگەن مانا مۇشۇنداق بولسا ھە! دوسلۇقۇڭلارغا ۋە خىزمىتىڭلارغا كۆز تەگمىسۇن

faruq99

	ئەسسالامۇ ئەلەيكۇم شۇنداق ياخشى يىزىپسىز سىزنىڭ ئاشخانىدىن چىقىپ ئوقۇشنى تاللىغىنڭىز بەك ياخشى بوپتۇ ، سىزلەردىن ھەقىقەتەن خۇرسەن بولدۇم ئاللاھ بەختىڭلارنى بەرسۇن !!!

faruq99

	ئەسسالامۇ ئەلەيكۇم شۇنداق ياخشى يىزىپسىز سىزنىڭ ئاشخانىدىن چىقىپ ئوقۇشنى تاللىغىنڭىز بەك ياخشى بوپتۇ ، سىزلەردىن ھەقىقەتەن خۇرسەن بولدۇم ئاللاھ بەختىڭلارنى بەرسۇن !!!

تۇركىنە

	بەك تەسىرلەندىم.ئالي مەكتەپتە 5 يىل بىر ياتاقتا يېتىپمۇ سىلەردەك بولالايدىغانلار ساناقلىق.كوز تەگمىسۇن.چوقوم قەدىرلەڭلار،توختاپ قالماي تىرشىڭلار،تېخىمۇ گۇزەل ئەتە سىلەرگە مەنسۇپ!!