كىشلىك ھاياتتىكى ئۈچ خىل ئادەم

ayqiqak

پەلسەپە تەتقىقاتى بىلەن شۇغۇللىندىغان بىر پىروفېسوردىن ؛ < بەخىتنى قانداق چۈشۈنۈش كېرەك ؟>دەپ سورىغان ئىدىم . ئاقساقال ماڭا مۇنداق دىدى؛
- ھەرقانداق ئادەم ئۆزىنىڭ ھاياتلىق سەپىردە مۇنداق ئۈچ خىل ئادەمگە دۈچ كىلىدۇ؛ بىر خىلى ، مىننەتسىز، بەدەلسىز ، تەمەسىز ھالدا ساڭا غەمخورلۇق قىلدىغان، سېنى ياخشى كۆردىغان، ساڭا ياردەم قىلدىغان ئادەملەر ؛ يەنە بىر خىلى سېنى ئازاپلايدىغان ، سېنى ئالدايدىغان ، سەندىن پايدىلىندىغان ئادەملەر؛ ئۈچىنچى خىلى، سېنى ئازاپلىمايدىغان،ئالدىمايدىغان،، شۇنداقلا ساڭا كۆڭۈل بۆلمەيدىغان ، خالىس ياردەممۇ بەرمەيدىغان ئادەملەر.
ئاقساقال ماڭا؛< كۆزۈڭنى يۇمۇپ ئويلاپ كۆر ، قەلبىڭدىكى 1-،2-،3-، خىلدىكى ئادەملەر كىملەركىن؟>دىدى. ئويلىسام دەمال ئاتا- ئانام ، قېرىنداشلىرىم ، ئايالىم ، بالىلىرىم كاللامغا كەلدى، يەنە ئويلاپ كۆرۈۋېدىم ، ئۇقۇتقۇچۇم يادىمغا كەلدى .
ئاقساقال مەندىن ؛< كۆڭلۈڭدە قايسى خىلدىكى ئادەملەرنىڭ سانى كۆپ نىسبەتنى ، قايسى خىلدىكى ئادەملەرنىڭ سانى ئاز نىسبەتنى ئىگەللەيدىكەن؟> دەپ سورىدى. مەن سالماقلىق بىلەن ھىساپلاپ كۆرۈپ ؛ < 3- خىلدىكى ئادەملەرنىڭ سانى ئەڭ كۆپ ئىكەن ، سانىنىڭ كۆپلىكىدىن ھېسابلاپمۇ بۇلالمىدىم . 1- خىلدىكى ئادەملەر 40 ئەتىراپىدا ، 2- خىلدىكى ئادەملەر تەخمىنەن 15 ئەتىراپىدا ئىكەن >دەپ جاۋاپ بەردىم . ئاقساقال بېشىنى چايقاپ ، بوش ئاۋازدا دېدى؛ 1- خلدىكى ئادەملەر ساڭا ئەڭ چوڭقۇر مۇھەبىتىنى بەرگەن ، سېنى ئىزچىل ياخشى كۆرۈپ كەلگەنلىكىنى سەن ھېچقاچان ھېس قىلىپ يىتەلمىگەن ئادەملەردور؛ 2- خىلدىكى ئادەملەر سېنىڭ ئۈسۈپ يىتىلىشىڭگە تۈرتكە بولغان، بىراق دائىم سەندىن ئازار يىگەن ، سەن ئۆچمەنلىك بىلەن قاررايدىغان ئادەملەردور؛ 3-خىلدىكى ئادەملەر ھاياتلىق مۇساپەڭدە كەم بولسا بولمايدىغان، ناتۇنۇش ياكى سەن پىششىق تۇنمايدىغان ئادەملەردور. ئېھتىمال ئۇلار ئىچىدە ھايات مۇساپەڭنى ئۆزگەرتىشكە تۈرتكە بۇلدىغىنى 1- خىلدىكى ئادەملەر ۋە ياكى 2- خىلدىكى ئادەملەر بۇلۇشىمۇ مۇمكىن . بۇ يەنىلا ئۆز تىرىشچانلىقىڭغا باغلىق...>
< بالام شۇنى ئىسىڭدە مەھكەم تۇتقىن ؛ 1- خىلدىكى ئادەملەرنىڭ قەلبىڭدە ئىگىلەيدىغان نىسبىتى ئۆزلىكسىز ئىشىپ، ئەڭ يۇقىرى قىممەتكە يىتىشى بىلەن ، 2- خىلدىكى ئادەملەرنىڭ قەلبىڭدە ئىگلەيدىغان سانى تەدرىيجىي ئازلاپ نۆلگە يىقىنلشقان ۋاقتى ، دەل سېنىڭ بەخىتكە بارغانچە يېقىنلاشقانلىقىڭنى چۈشەندۈرۈپ بېرىدۇ! ئەكسىچە ، قەلبىڭدە 1- خىلدىكى ئادەملەرنىڭ بارغانچە كۆپىيىپ، 2- خىلدىكى ئادەملەر سانىنىڭ بارغانسېرى ئازايغانلىقىنى ھېس قىلغان ېاقتىڭ ، مۇۋەپپەقىيەتلىك ھايات بىلەن بولغان ئارلىقىڭنىڭ شۇنچىكى يېقىنلشقانلىقىنى چۈشەندۈرۈپ بېرىدۇ!> دىدى.
دەرۋەقە ھەرقانداق ئادەمنىڭ كىشلىك ھايات مۇساپىسىدە ئۈچ خىل ئادەم بولىدۇ.

مەنبە؛ جۇڭگو مىللەتلىرى دىگەن كىتاپتىن ئىلىندى .

yalkuntag

ھەقىقەتەن ياخشى يىزىلىپتۇ. كۈندۇلۇك تۇرمۇش شۇنداق مۇرەككەپكەن ، ئادام نىمە ئۈچۈن ياشايدۇ؟...

zakira

تېمىڭىزنى قايتا - قايتا  ئوقۇپ ئاندىن چۈشەندىم ... ئەتىراپىمىزدىكى بۇ  ئۈچ خىل ئادەملەر ھەقىقەتەن مۇھىمكەن ..

herustal

بىز سەگكلىك بىلەن ئەتراپىمىزغا قاراپ باقىدىغان بولساق  مانا مۇشۇنداق مۇرەككەپ كىشىلەر توپىدا ياشاۋاتقانلىقىمىزنى سېزىپ يىتىدىكەنمىز...شۇنداق، كىشىلىك تۇرمۇش مۇرەككەپ بىر دۇنيا...