دىل يېرىم (مەرھۇم ئۇستاز يازغۇچى نۇر روزىغا مەرسيە)

jivaa

	دىل يېرىم چىمەنگۈل ئاۋۇت (مەرھۇم ئۇستاز يازغۇچى نۇر روزىغا بېغىشلىدىم) ۋىدالىق تۈنلەرنىڭ يۇلتۇزى ئىدىڭ، ئاۋازىڭ ئىچىڭدە كۆيەتتى تىمتاس. ئاسماننىڭ قىيانى،يەرنىڭ پايانى، ئاھ،سەندەك قەلەمدە ئالالماس قىساس! ياشاڭغۇ كۆزلىرىڭگە قارىسام كۈلۈپ، مەندىكى چىدامنى سەنلا سىزەتتىڭ. قولۇمنى كۈچەپ -كۈچەپ قويغاندا سىقىپ، دېمەكچى بولغانلىرىڭنى مەنمۇ بىلەتتىم... ھەي يەنە كۈن چىقىدۇ ئەتە قەشقەردە، بەلكىم تۇرۇپ قالارمەن ئاشۇ دوقمۇشتا. دىل يېرىم... ۋەلېكىن ماڭا تاڭ ئاتماس  ، ھەسرەتلىرىمنى يۇيۇپ بولالماسمەن كۆز ياشتا. كۈن بىلەن تۈن تەڭلىشىپتۇ سەن كەتكەن كۈندە، چۈنكى بىزنىڭ دەردىمىزمۇ تەڭلىشىپ قالغان. مەزلۇم بولغاچ جىنازاڭنى كۆتۈرەلمەيمەن، روھىڭغا  ئاراملىق  تىلەي   قەدىردان ! 2012-يىلى 9-ئاينىڭ 23-كۈنى

akattrgvl

	پەقەت« سەۋىر قىلىڭ »لا دىيەلەيمىز قېرىندىشىم .توۋا دەيمەن ،ئوخشاش بىر كۈندە ئاللانىڭ ئىزنىسى بىلەن نۇرغۇن  ئوخشىمىغان ئىشلار بولدىكەن .تېخى تۈنۈگۈن بىزنىڭ بۇ يەردە ناھايىتى داغىدۇغۇلۇق بىر توي بولغان ئىدى ،.ئاجايىپ دۇنيا دە ....

ئالېمدارئەپەندې

	نەغمە-ناۋاسىز توي بولماس، سۈكۈتسىز ئۈلۈم. ئۈلۈمسىز ھايات بولماس

ئۇيغۇرۇم

	يىراق ئىدىڭ ئەزەلدىنلا ئۆز _ ئۆزەڭنى ماختاشلاردىن ، يىراق ئەمەس ئىدىڭ ئەلنىڭ قەلبىدە نۇر بوپ چاقناشلاردىن . ئامراق ئىدىڭ قېرىنداشقا يىراق تۇرۇپ ياتلاشلاردىن ، شۇڭا سالام دەيتتى ساڭا ھەر يەر， ھەر جاي يۇرتداشلاردىن ، شائىرلىقتا ئەل قەلبىگە نۇرلۇق چىراغ ياققان ئىدىڭ ، يېزىقچىلىق يولىغا سەن ئۆز جىنىڭنى ئاتقان ئىدىڭ . شۇ قەلەمكەش يوللىرىدا نى رىيازەت تاتقان ئىدىڭ ، ھايات نېمە؟ ياشاش نېمە ؟ خىتابىڭدا ئىتقان ئىدىڭ ، ئەمدى ياسىن  ئوقۇماقتىن نە چارە بار ئاللاھىمغا ، دۇئا بىلەن تاپشۇرۋەتتۇق سېنى ئۇلۇغ خۇدايىمغا . يۇمۇۋالدىڭ كۆزلىرىڭنى بىزنى ئالماي پەرۋايىڭغا ، قىزىل گۈللەر ئۈنسۇن دىدۇق سېنىڭ ياتقان دەرگايىڭغا ، ئەسلى  جىقراق يازاي دىگەنتىم ، لېكىن ماۋۇ  قاپاقباش كاللامغا ئىلھام كەلمىدى . مەرھۇمنىڭ ياتقان يېرى يېرى جەننەت بولسۇن ئاللاھىم !!

zaman0903

	مەرھۇم تۆھپىكارئۇستاز يازغۇچى نۇر روزىنىڭ ۋاپاتىغا  تولىمۇ قايغۇردۇم .مەرھۇمنىڭ ياتقان يېرىجەننەت بولسۇن  !!  تاۋاباتلىرىغا سەبر تىلەيمەن!

ئەخمەد

	بۇ مەرسىيە شۇنداق تەسىرلىك چىقىپتۇ!