تىلىمغا خىتاب

mirzaulugbag

	ئاھ ئۇيغۇر تىلم ، قەدىناس تىلىم ، سەن ئەجدادلىرىمدىن مىراس قالغان ئەڭ قىممەتلىك مىراسسەن ،ئەڭگۈشتەرسەن،گۆھەرسەن.بىلەمسەن ، سېنى مەھمۇد قەشقەرىي كەبى ئالەمشۇمۇل ئۇتۇق قازانغان زور ئالىملار ، نەۋائىي كەبى يېتۈك شائىرلار ئىشلەتكەن . ئىشلەتكەندىمۇ قەدىرلەپ ، ئەزىزلەپ ئىشلەتكەن . سەن بۇرۇن مەۋجۇت ئىدىڭ ، ھازىرمۇ مەۋجۇت ، ھەم بۇنىڭدىن كېيىنمۇ مەۋجۇت بولىۋېرىسەن ، يوقالمايسەن ، مەڭگۈ سېنى ئىپتىخارلىق ئىلكىدە ئىشلىتىمەن ، ئەجدادلىرىممۇ ئىشلەتكەن ، ئەۋلادلىرىممۇ ئىشلىتىدۇ... تىلىم ، ئاناتىلىم ، قېرىندىشىم ، جانجىگىرىم . مەن سەندىن زىنھار ئايرىلالمايمەن . گوياكى يەر يۈزى ئىللىق قۇياشنىڭ ھارارەتلىك نۇرىدىن ئايرىلالمىغاندەك . بىزدە <<بېلىق سۇدىن ئايرلسا ئۆلىدۇ >> دەيدىغان گەپ بار ، مەنمۇ سەندىن ئايرىلسام تاتلىق جان ماڭا بىھاجەت . ساڭا بىر ئۆمۈر تېۋىنىشقا رازىمەن ، مەن ساڭا مەڭگۈ قەرزمەن . سەن بولغاچقا مەن تەپەككۇر قىلالايمەن ، خىيال قۇشلىرىمنى سۆز ئۇپۇقۇڭدىن ئالەم پاسىللىرىغىچە ئەركىن پەرۋاز قىلدۇرالايمەن . سەن بولغاچقا ، پەقەت سەن بولغاچقىلا... ئىشقىلىپ ساڭا بولغان ئىشقى مۇھەببىتىمنى  قەلىمىم ئارقىلىق ياكى كەلىمەم ئارقىىلىق ئىپادىلەش ماڭا بەسىي مۈشكۈلدۇر . نىھايەت ، كەم-كوتا مۇھەببىتىمنىڭ ئايىغىنى قۇتلۇق شەۋقىنىڭ <<ئانا تىل >> ناملىق شېئىرى بىلەن تولۇقلاي . ئانا تىل بىلگەن كىشنىڭ ئىززىتىنى قىلغۇم كېلۇر ، ئانا تىلنى ئاغزىدىن ئالتۇن بېرىپ ئالغۇم كېلۇر . بۇ ئانا تىل بولسا گەر ئامرېكايۇ ئافرېقىدا ، سەرپ ئېتىپ مىڭلارچە تىللار ، ئاندا مەن بارغۇم كېلۇر . ئەي ئانا تىل بىزگە سەن قالغان ئۇلۇغلاردىن نىشان ، سەن بىلەن روھىي زىمىندا ئىپتىخارلانغۇم كېلۇر .

akkaniyat

	بارىكاللا!!!

musik0093

	ئانا تىلىمىزنى قەدىرلەش ھەممىمىزنىڭ بۇرچى.

yvsvpjan

	ئوقۇش ئېھتىياجىدا باشقا تىللارنى ئۆگىنىۋىرىپ، تەپەككۇرۇم ۋە تەسەۋۋۇرۇممۇ، ئۆز-ئۆزۈمگە پىچىرلاشلىرىممۇ باشقا تىللار بويىچە بولۇپ كېتىۋاتىدۇ... ئۇيغۇر تىلىم، ‹‹ساڭا بولغان ئىشقى مۇھەببىتىمنى  قەلىمىم ئارقىلىق ياكى كەلىمەم ئارقىىلىق ئىپادىلەش ماڭا بەسىي مۈشكۈلدۇر !››