ئۇرۇش، چېقىش، بۇلاش، كۆيدۈرۈش ۋەتەنپەرۋەرلىك ئەمەس

ئاخباراتچى007

                          بۇ بىر ۋەتەنپەرۋەرلىك ئەمەس!
   ئىس - تۈتەك قاپلىغان كوچا، ئۆرىۋىتىلگەن ئاپتوموبىل، يۈز - كۆزى تاياق زەربىسىدە قانغا بويالغان ئادەملەر.... بۇ ھازىرقى مەدەنىيەتلىك جەمىيەتتە بولۇشقا تېگىشلىك ئىش بولماستىن، بەلكى قاباھەت قاپلىغان جاھالەتلىك جەمىيەتكە  خاس كۆرۈنۈش. شۇنداقلا بۇ بىر ۋەتەنپەرۋەرلىك ھەرىكىتى ئەمەس! چۈنكى ھەقىقىي بىر ۋەتەنپەرۋەر شۇ دۆلەت خەلقىنىڭ مەنپەئەتى ۋە ئوبرازىغا زىيان يەتكۈزمەيدۇ.  
    دىياۋيۇ ئارىلى ۋەقەسى بارغانسىرى كۈچىيىپ كەتتى، دۆلىتىمىزنىڭ دېڭىز تەكشۈرۈش فىلۇتى چارلاپ قانۇن ئىجرا قىلىشقا كىرىشتى، دۆلىتىمىزنىڭ ياپونىيە تۇرۇشلۇق باش ئەلچىسى ياپونىيە ھۆكۈمىتىنىڭ ئېتىرازىنى قوبۇل قىلمدى.... كىشىنى ئەپسۇسلاندۇردىغىنى شۈكى دۆلەت ئىچىدىكى بەزى ئاتالمىش رادىكال كۈچلەر دىياۋيۇ ئارىلى مەسلىسىنى باھەنە قىلىپ ۋەقە تۇغدۇرۇش بىلەن بولاپ كەتتى. 15-سىنتەبىر شىئەن، چاڭشا قاتارلىق شەھەرلەردە ئۇرۇش، چېقىش، بۇلاش، كۆيدۈرۈش ۋەقەسى يۈز بەردى. ياپونىيەلىكلەرنىڭ ئىگىدارچىلىقىدىكى سودا سارايلار، دۇكانلار چېقىلدى ۋە بۇلاندى، يولدا كېتىۋاتقان ياكى توختىتىپ قويۇلغان ياپونىيەدە ئىشلەنگەن ئاپتوموبىللار يانجىۋىتىلدى.
   مەيلى قانداق روھىي ھالەت ئاساس قىلىنىغان بولۇشتىن قەتئىي نەزەر پۇقرارلارنىڭ ئىگىدارلىقىدىكى خۇسۇسىي ماللارغا زورلۇق ۋاستىسى بىلەن زىيان سېلىش قىلمىشلىرىنىڭ ھەممىسى سېپى ئۆزىدىن قانۇنسىز ھەرىكەت!  ئەلۋەتتە بۇ كىشىلەر ئۆزلىرىنى ئاتالمىش ۋەتەنپەرۋەر دېگەن مۇقەددەس نام بىلەن پەردازلاپ، ۋەتەنگە زىيان سالىدىغان  ۋەتەننىڭ ئابرويىنى تۆكىدىغان  ھەرىكەتلەردە بولدى! بۇ خىل چىكىدىن ئاشقان ھەرىكەتلەر ياپونىيەدىكى ئوڭ قانات كۈچلىرىگە قىلچىلىك تەسىر كۆرسىتەلمەيدۇ، بەلكى گۇناھسىز مال مۈلكىگە زىيان سالىدۇ. ئاشۇ قولىغا كالتەك - توقماق ئېلىۋالغان ھەرخىل نىيەتتىكى زوراۋانلار جىنايەت قورالىنى ئوينىتىپ چاققان بىلەن كىيىن ھامان مەسخىرە قىلىشىغا دۇچار بولىدۇ، ئۇلارنى قانوننىڭ جازاسى كۈتۈپ تۇرماقتا!
    دىياۋيۇ ئارىلى ئىختىلاپى بىر مۇرەككەپ شاھمات ئويۇنى بەلكىم بۇ ئويۇن خېلى ئۇزاق ئوينالغاندىن كىيىن، ئىككى تەرەپ ئاندىن مۇۋاپىق ھەل قىلىش يولىنى تېپىشى مۇمكىن. بۇ يەردىكى مۇھىم ھالقا خەلىقنىڭ ۋەتەنپەرۋەرلىك قىزغىنلىقىنى توغرا، قايىل قىلارلىق ئۇسۇلدا ئىپادىلىشى ، ئىش - ھەرىكەتلەرنى قانون-تۈزۈم رامكسى ئىچىدە بىر تەرەپ قىلىشقا يېتەكلىشى ھەرگىزمۇ يېنىكتەكلىك قىلماسلىقى كېرەك.
      ئىس - تۈتەك قاپلىغان كوچا، ئۆرىۋىتىلگەن ئاپتوموبىل، يۈز - كۆزى تاياق زەربىسىدە قانغا بويالغان ئادەملەر.... ۋەتەنپەرۋەرلىكنى نىقاپ قىلىپ توپىلاڭدىن توغاچ ئوغرىلىغان ئۇنسۇرلارنىڭ يولسىزلىقى كۆرۈنۈپ تۇرىدۇ. ئەگەر ئۇلارنىڭ قىلمىشىغا داۋاملىق يول قويىدىغان بولسا، دىياۋيۇ ئارىلى مەسلىسى كۆڭۈلدىكىدەك ھەل بولماي ئەكىسچە خەلىقنىڭ نورمال ئىشلەپچىقىرىش ۋە تۇرمۇش  تەرتىپىمۇ كاپالەتكە ئىگە بولماي قالىدۇ! ئۇرۇش، چېقىش، بۇلاش، كۆيدۈرۈش بۇ بىر ۋەتەنپەرۋەرلىك ئەمەس! ئەكىسچە ۋەتەننىڭ بىخەتەرلىكى ۋە ئابرويىنى  تۆكىدىغان ھەرىكەت!  شۇڭا ئۇنىڭغا يول قويماسلىق ئۇزاق مەزگىلىك تەدبىر، شۇنداق تەدبىر قوللىنىشقا دەرھال ئاتلىنىش كېرەك.
  
"بېيجىڭ ياشلار گېزىتى"دىن ئېلىندى   
   ئۈرۈمچى كەچلىك گېزىتى
ئاخباراتچى007 خەۋەر قىلدى

koygandengiz

    قارىغاندا نامايىشنى قانداق قىلىشمۇ بىر خىل مەدەنىيەتكەن .  ئەسلى ھۆكۈمەت نامايىشقا مەلۈم دەرىجىدە يول ئېچىشتىن بۇرۇن ئالدى بىلەن مۇناسىۋەتلىك تەشۋىقات ۋاستىلىرى ئارقىلىق كەڭ ئاممىنى « نامايىش مەدەنىيىتى » دىن خەۋەردار قىلغان بولسا ئاندىن بەلكىم ھازىرقىدىن نەتىجىسى ياخشى بولاتتىمىكىن ؟!  مېنىڭچە بارلىق مەدەنىيەتلەر قاتارىدا تۈزۈك نامايىش كۆرۈپ باقمىغان دۆلىتىمىز كىشىلىرىگە « نامايىش مەدەنىيىتى » نى تونۇشتۇرۇشنىڭ پايدىسى باركى زىيىنى يوق  بولسا كېرەك .  

nurjula

بۇ خىلدىكى قىلمىشلار باشقىلارنىڭ مەسخىرىسىگە ئۇچىرايدۇ، ئۇلار:- بولسا بىر- بىرىڭنى ئۆلتۈرۋەت ،- دەپ سوغۇق كۈلۈپ تۇرىدۇ خالاس! راستىنلا مەدەنىيىلىكنىڭ نىمىلىكىنى بىلدۈرۈش كېرەك بولۇپ قاپتۇ!

alkud1

  نامايىش جەريانىدا كۆرۈلگەن ئۇرۇش،چېقىش،ئوت قويۇش،بۇلاش قاتارلىق جىنايى قىلمىشلارنىڭ يامراپ كېتىشىدە يەنىلا ھۆكۈمەتنىڭ ئېغىر مەسئۇلىيىتى بار.چۈنكى،ياپونىيەگە قارىشى نامايىش جەريانىدا شۇ خىلدىكى جىنايى قىلمىشلار بىر ئەمەس،ئۇدا كۆرۈلدى.لېكىن ھۆكۈمەت چوڭ-چوڭ ئاممىۋى تاراتقۇلاردا شۇ خىلدىكى قىلمىشلارنىڭ نەق مەيدان كۆرۈنۈشىنى كۆرسۈتۈپ،ئالاقىدار جىنايەت گۇماندارلېرىنىڭ قانۇن بويىچە قاتتىق جازالىندىغانلىغىنى تەشۋىق قىلماي،ئەكسىچە ھە دېگەندە«ئاممىنىڭ ياپونىيە ۋە ياپونىيە ماللېرىغا قارىشى نامايىش ھەرىكەتلېرىگە پۈتۈنلەي ياپونىيە تەرەپ جاۋابكار...»دېگەندەك تەشۋىقاتلارنى يۈرگۈزۈپ،نامايىشچىلارنىڭ خورىكىنىڭ ئۆسۈپ كېتىشىگە تۈرتكە بولدى.
   «5-ئىيۇل»ۋەقەسىدىمۇ ۋاڭ لېچۈەن ئاممىۋى تاراتقۇلار ئارقىلىق «بىز بار... ئۇلارنى پۈتۈنلەي بوي سۇندۇرۇشقا تامامەن قۇربىمىز يېتىدۇ.... سىلەرنىڭ غەزىپىڭلارنى تامامەن توغرا چۈشۈنۈمىز...»دەپ بەرگەن ئىدى،كېيىنكى كۈنلەردىكى ئەھۋال قانداق بولۇپ كەتمىدى؟!

zilnur

بۇ ئىشلارنىڭ مۇشۇنداق كىڭىيىپ كىتىشىدە ،ئاخپارات ۋاستلىرنىڭ مەسئۇليىتىمۇ ئاز ئەمەس.

akram343

‹‹دېدەك ئات مىنسە چىقمىغان دۆڭى قالماپتۇ.››دېگەندەك نامايىش كۆرۈپ باقمىغان كىشىلەر نامايىشنىڭ قانداق بولىدىغانلىقىنى بىلمەي خالىغىنىنى قىلىۋاتىدۇ-دە.

taxkinjan

قاغا بالام ئاپپاق كىرپە بالام يۇمشاق بولۇپ قالىدىكەن بۇنداق چاغلاردا، ياپوندا ئىشلەنگەن ماشنىلارنى ئۇرۇپ چېقىپ ئاچچىقىنى چىرىقىرش ئەخمەقلىق . بۇ ئىشلار ئۆتۈپ كەتسە ئاشۇ كىشلەر يەنە ياپونلارنىڭ ماشىنلىرنى كۈندە سۈرتىپ پارقىرتىپ ھەيدەيدۇ. بىزنىڭ ۋەتەنپەرۋەرلىكىمىز ئاشۇنداق ئوتتەك قىززىپ سۇدەك سوۋۇپ قالدىغان مانتىدەكلا

janyspa

مۇنداق ۋەقە 2010-يىلىمۇ بىز تەرەپتە بولغان ئىدى.  بۇ يىل ئۆكۈمەتتىن قاتتىق توستى. پەقەت مەكتەپ ئوقۇغۇچۇلار ئۇيۇشمىسىلا مەكتەپتە 18-سئېنتەبىر كۇنى لوزىنكىغا ئىمزاھ قويۇشنى تەلەپ قىلدى. قويغانلار قويدى، قويمىغانلار قويمىدى. يەنە قارا دوسكىغا مۇنداق دەپ يىزىلغان ئىدى:«ياپونىيەگە نارىزىلىق بىلدۇرۇش دئېگەن قۇلۇمۇزدىكى ياپون ماللئرىنى چىقىش، بۇلاش، ئوت قويۇش ئەمەس. بىزنىڭ ياشلىرىمىز ئۇلاردىن غەيرەتلىك، بىزنىڭ ماللئېرىمىز ئۇلارنىڭكىدىن پىششىق، كاتتا بولسا، شۇ بىزنىڭ ياپونغو قارشىلىق بىلدۇرگىنىمىز».

muztagapandi

خەلقئارا خەۋەرلەردە دۆلىتىمىزنىڭ تاشقى ئىشلار مىنىستىرى مۇنداق بىر سۆزنى قىلىدۇ: دىياۋيۈ ئارىلى مەسىلىسىدە ھەرقانداق ئۇسۇل بىلەن ياپۈنلارغا قارشىلىقىنى بىلدۈرگەنلەرنى ھىمايە قىلىمىز ھەم قوغدايمىز.
تاشقى ئىشلار مىنىستىرىنىڭ بۇ سۆزى ئۈچ يىل ئاۋالقى ئۇيغۇر ئاپتونۇم رايۇنىنىڭ سابىق سېكىرتارىنىڭ تىلىۋىزۇردا قىلغان بىر قېتىملىق سۆزىنى ئەسلىتىدۇ.(قېرىنداشلار ھېسياتىڭلارنى چۈشىنىمىز......)

ئىلىم-ئىمان-كۈچ

دۆلىتىمىز   جۇڭخۇا   خەلىق   جۇمھىرىيىتىنىڭ،   ئۇلۇغ   كومپارتىيە   رەھبەرلىكىدىكى   سەككىزىنجى   ئارىمىيىمىزنىڭ،   مەملىكىتىمىزنىڭ   زىمىن   پۈتۈنلىكىنى   ۋە   ئىززەت-ھۆرمىتىنى   ساقلاش   تاجاۋۇزچىلارغا   ئېچىنىشلىق   زەربە   بىرىش   ئۈچۈن  ياپونلار   بىلەن   شىددەتلىك،   قاباھەتلىك،   ۋەششى  ئېچىنىشلىق،   ئالامەت-كارامەت   دۇنياۋى   ئۇرۇش   قىلىشىنى،   بىز   بارلىق   55ئازسانلىق   مىللەت   پۈتۈن   كۈچىمىز   بىلەن   قوللايمىز،   شۇنداقلا   ياپون   باسقۇنچىلىرىغا  قەتئى   قارشى   تۇرىمىز،   زىمىن   پۈتۈنلىكىمىزنىڭ   قوغدىلىشى   ئۈچۈن   ئارىلىمىزنى   بېسىۋالماسلىقى   ئۈچۈن   55مىللەت   55خىل تىلدا   دۆلىتىمىز   ئۈچۈن  دۇئا   قىلىمىز~~~!    كومپارتىيە   ياشىسۇن،   جۇڭخۇا   خەلىق   جۇمھىرىيىتى   ياشىسۇن،   ياپونلارنى   يوقىتايلى،   ھەربىي   زەربە   بىرەيلى~~~~~~!