2012-يىللىق يېڭى دەرس ئۆلچىمى

zilnur

	باشلانغۇچ 1-يىللىق ماتېماتكا قوش تىل يولغا قويغان مەكتەپلەرنىڭ بىرىنجى يىللىق سىنىپلىرى، بۇ يىل 9-ئايدىن باشلاپ ، يېڭىدىن تۈزۈلگەن  خەنزۇچە ماتېماتىكا  كىتابنى ئىشلىتىدۇ.باشلانغۇچ مەكتەپلەرنىڭ بىرىنچى يىللىقىغا ماتىماتكا دەرسى بېرىدىغان دوستلار بۇ كىتابنى قولىغا ئالغاندىن كېيىن ،بەلكىم بۇ كىتابتىكى مەزمۇنلارنى قانداق سۆزلىسەم  بالىلارغا چۈشىنىشلىك بولىدۇ دەپ ئويلىغان بولىشى مۇمكىن.مەنمۇ بۇ كىتابنى قولۇمغا ئېلىپ، بىر قۇر كۆرۈپ چىقتىم .بۇ كىتابتا ئۆزگىرىشلەر خېلى كۆپ، بولۇپمۇ بالىلارنىڭ ئويۇن ئىچىدە ئۆگىنىش تەرىپىگە بەكرەك ئەھمىيەت بەرگەن. مەن ئىشلەۋاتقان مەكتەپ ئۈرۈمچى شەھىرى تەڭرىتاغ رايۇنىغا جايلاشقان مەكتەپ. كۆچمە نوپۇستىكى ئوقۇغۇچىلار بىر قەدەر كۆپ ئوقۇيدۇ. بۇ يىل بىرىنجى يىللىققا ئۈچ سىنىپ قوبۇل قىلىمىز دەپ يېڭى ئوقۇغۇچىلار كۆپ بولغاچقا ،تۆپ سىنىپ قوبۇل قىلدۇق . بىر سىنىپتىكى بالىلار 70كە يېقىنلاشتى. مەن ئىككى سىنىپقا دەرس بېرىشكە بەلگىلەندىم.بۇ بالىلارغا بۇ ماتېماتكا دەرسى ئۆتۈش ئۈچۈن مەن ھەم ئەدەبىىيات ئوقۇتقۇچىسىنىڭمۇ رولىنى ئېلىشىم كېرەك.نېمە ئۈچۈن دېگەندە بۇ ئاپئاق بالىلارغا ئانا تىلدىمۇ دەرسنىڭ مۇھىم جايلىرىنى يەتكۈزۈشىم كېرەك.كىتابخانىغا بېرىپ ئۇيغۇرچە ماتىرىيال ئىزدىسەم تېخى چىقماپتۇ.خەنزۇچە ماتىرىياللارمۇ بەك كۆپ ئەمەس.كەڭ ئوقۇتقۇچى ۋە ئاتا-ئانىلارنىڭ ھەمكارلىشىپ بالىلىرىمىزنىڭ ئەتراپلىق بىلىمگە ئىرىشىشى ئۈچۈن ئىزدەنسەك،پىكىر تەلەپلەر بولسا ئورتاقلاشساق دەيمەن.

shakira

	قوش تىللىق ئوقۇتۇش ئەمەلدىن قالدۇرۇلىدىكەن دەپ ئاڭلىغان ئىدىم،يالغانمىدى؟

zilnur

	قوشتىللىق ئوقۇتۇش ئەمەلدىن قالدۇ دەيدىغان گەپ يوققۇ!

qidax

	بىزنىڭ تىلىمىز. ئانا تىل بولماستىن بەلكى ‹‹قوش تىل›› بولۇپ ئومۇملىشىدۇ. گەرچە مەكتەپلەر بۇخىل ئۈگۈتىش ئۇسۇلىنى‹‹ قوش تىل›› دەپ داۋراڭ قىلىۋاتقىنى بىلەن ، قوللىنىۋاتقىنى90% يەككە تىلدۇر. مۇشۇنىڭدىن كۆرۈۋىلىشقا بولۇدىكى بىزنىڭ مائارىپىمىز قەدەمنى بىسمىللىسىغىلا يالغانچىلىق بىلەن باشلىغان. بىزدە نىيەت ھەممىنى بەلگىلەيدۇ دېگەن گەپ بار، نىيىتىمىز يالغانچىلىق تۇرسا مائارىپىمىز نىمە بولماقچى.

zamanim

	مائارىپ ئەسلى ئۆز قانۇنىيىتى بويىچە يولغا قويۇلۇشى كېرەكتى. ھازىرقى «قوش تىللىق» مائارىپتا يا ئىنسان بالىسىنىڭ تىل ئۆگىنىشىدىكى ئەڭ ئۈنۈم بېرىدىغان قانۇنىيەتكە ھۆرمەت قىلىنمىغان، يا پەرزەنت ۋە ئاتا- ئانىلارنىڭ تاللىشىغا ئىمكانىيەت قالدۇرۇلمىغان.

tograkjan

	»بىر مىللەتنى يوقىتىش ئۈچۈن، ئۇنىڭ مەدەنىيىتىنى يوقىتىش كېرەك ؛ مەدەنىيىتىنى يوقىتىش ئۈچۈن ئۇنىڭ تىلىنى يوقىتىش كېرەك ؛ تىلىنى يوقىتىش ئۈچۈن، مەكتەپلىرىگە قول تىقىش كېرەك.« بۇ گەپنى ھىتلېر دېگەنمۇ؟

geniablat

	بىز نىمە قىل دىسە شۇنى قىلىدىغان يۇۋاش بىر مىللەت ! قوش تىل ئۈگىنىسەن دىدى،ماقۇل دىدۇق.ئەمىلىيەتتە قوش تىل دىگەن مەۋجۇت ئەمەس! سىلىدىن سوراپ باقاي زىلنۇر مۈئەللىم:‹‹ئۆزى ئۇيغۇر،تىلى ئۇيغۇرچە چىققان،ئانا تىل ئۈگۈنۈش ئەڭ ھالقىلىق پەيتتە تۇرغان، 1-سىنىپقا ئەمدى كىرگەن بالىلارغا،ماتىماتىكا........دەرسىنى خەنزۇچە كىتاپ بۇيىچە ئۆتۈش قوش تىل ھىساپلىنامدۇ››؟دۇنيانىڭ ھىچ يىرىدە يوقمىكى دەيمەن  بۇنداق مائارىپنى! دىيارىمىزدىكى چوڭ-چوڭ زىيالىلار،ئالى مەكتەپلەردىكى كاتتا ئوقۇتقۇچىلار،يازغۇچى ئالىملار، شۇلار بىر نىمە دىسۇن! مىنىڭ پىكىرىم بولسا،بىز ئاتا-ئانىلار بەكرەك كۈچەيلى!ئۇيغۇرچە دەرسلىكنى ئۆزىمىز ئۆيدە ئۆتەيلى.....!بىز چوقۇم قىلالايمىز!

nasimi3

	مائارىپنىڭ ھەقىقىي مەقسىدى زادى  نىمە ؟ قوش  تىل  ،  قوش  تىل  !  نىمە  بۇ  زادى ؟!    ئۆز  ئانا  تىلىنى  پۇختا  ئىگەللىمەي  تۇرۇپ   يات  بىر  مىللەتنىڭ  تىلىنى  ئۈگۈنۈش  ،  ئۈگۈنۈشنى  تەلەپ  قىلىش  نىمانچە  ئەخمىقانىلىق  ھە ؟! ئىلگىرى  قوش  تىل  دىمەيمۇ  مەكتەپلەردە ئالدى  بلەن  ئۆز  ئانا  تىلىمىزنى  ئۈگىنەتتۇق ، ئاندىن خەنزۇتىلىنى ئۈگىنەتتۇق . مانا  بىزمۇ  جەمىيئەت  تەرىپىدىن  شاللىنىپ  كەتمىدۇققۇ ؟  شۇ  ‹‹قوش تىل ›› دەيدىغان گەپ  يوق زامانلاردىمۇ  بىزدىن  نى-نى ئالىملار ، ئىقتىساس ئىگىلىرى چىققانغۇ !  ئەجىبا  ھازىر  شۇ  كىشىلىرىمىزنى  بىرەرسى ‹‹سەن قوش تىلدا ئوقۇماپتىكەنسەن ، سېنىڭ ئالىم  بولۇشقا  سالاھىيتىڭ توشمايدىكەن ! ›› دەۋاتامدا ؟! دىققەت  قىلىپ  باقسام  ھازىرقى  ياشلاردا  ھەم  كىچىك  بالىلاردىلا  ئەمەس  خېلى  چوڭ  ئادەملەر  ئارىسىدىمۇ  كۆپكەن  بىر  ئوبدان  ئۇيغۇرچە  گەپنى  جايىدا  قىلالماي  ‹‹ ھېلىقى  نىمىتتى ؟ ۋاي  ھېلىقىچۇ !  ۋايجاااان  ماندا  دىمەكچىتتىم  ئەسلى ...›› دەپ  ئۆز  ئانا  تىلىدىن  ئىسىگە  ئالالمىغان  ئىبارىلەرنى  خەقنىڭ  تىلىدىن  تېپىپ   سۆزلەيدىغان  قوش تىل  پىدائىيلىرى ...... ‹‹خەنزۇچە  بىلمىسە جەمىيئەتتە پۇت  دەسسەپ  تۇرغىلى  بولمايدۇ ›› دەپ  قويىدىكەن ، ئەجىبا  ئۆز  تىلىنى  بىلمەي  تۇرۇپ  باشقىلارنىڭ  دىپىغا  ئۇسسۇل  ئوينىغانلارلا  جەمىيئەتتە بىر  كىشلىك ئورۇنغا ئېرىشەلەمدا؟! مەيلى خەنزۇ تىلى  بولسۇن ۋە ياكى  باشقا  تىل بولسۇن  ئۈگەنگەننىڭ  پايدىسى  بولسا  باركىن  ھەرگىزمۇ  زىيىنى  يوق ، لىكىن  شۇنداقتىمۇ  ئاۋۋال  ئۆز تىلىمىزغا  پۇختا  بولغاندىن  كىيىن  باشقىلارنىڭ تىلىنى ئۈگەنسەكمۇ  كىچىكمەيمىز  قېرىنداشلىرىم ! تولۇقلىما مەزمۇن (2012-9-4 11:38): خېلى چوڭ ئادەملەر ئارىسىدىمۇ كۆپكەن ‹‹  دىمەكچى  ئىدىم .

xayda0997

	دىمىسىمۇ بىز بەك ئاقكۈڭۈل ، يۇۋاش بىر مىللەت ! قوش تىل ئۈگىنىسەن دىدى،ماقۇل دىدۇق.ئەمىلىيەتتە قوش تىل دىگەن مەۋجۇت ئەمەس. ئاۋال ئۆ ز تىلىگە پىششىق بۇلۇپ ، ئاندىن يات مىللەتنىڭ تىلىنى ئوگەنسەك بۇلىدۇ. ئۇلۇغ بوۋىمىز مەخمۇت قەشقىرىمۇ تىل ئوگۈنىڭلار دىگەن . بىراق بۇلار بىزگە بۇنداق مەجبۇرى تاڭسا بولمايدۇ. بۇ جاھان ئۇزۇن جاھان .

yvsvpjan

	مىللەتنى مىللەتنىڭ تىلىدىن بىلدىم،     مىللەتنىڭ تىلىنى ئېلىدىن بىلدىم .     ئۆز تىلىن خار قىلغان مىللەت خار مىللەت،     ئۇلارنى بىخۇدلار خىلىدىن بىلدىم ...                   __ ئابدۇشۈكۈر مۇھەممەتئىمىن       نەقەدەر ئالدىن كۆرەرلىك بىلەن ئېيتىلغان دانالارچە گەپ-ھە بۇ!!... تارىخىي خاتالىق!...