- ھوقۇقى
- 1
- يازما
- 5
- نادىر
- 0
- جۇغلانما
- 156
- تىزىملاتقان
- 2010-6-10
- ئاخىرقى قېتىم
- 2015-1-29
- UID
- 2744
- يازما
- 5
- تېما
- 2
- نادىر
- 0
- جۇغلانما
- 156
- تىزىملاتقان
- 2010-6-10
- ئاخىرقى قېتىم
- 2015-1-29
- توردا
- 0 سائەت
|
رەسىمدىكى دۇنيا
-تۇرسۇنمۇھەممەد نەمەت
كىچىك ئېقىن بويىدا،
چىغىر يول بار نېمىشقا؟
سۇلار ئاقار شىرىلداپ،
پىچىرلايدۇ ئورمانلار.
قۇشلار مەشرەپ ئوينايدۇ،
رەسىم سىزدىم شۇ چاغدا:
ئەنە تاشلار ئۇچماقتا،
قانىتى بار بولغاچقا.
يوپۇرماقلار توزىماس،
كۈز قىز مۈگدەپ قالغاچقا.
توشقان كۆرۈپ ئوۋچىنى،
ئېرىشتى جۈپ قاناتقا.
ئالتۇن قەپەس بۇلبۇلنى،
قويۇپ بەردى يىراققا.
سازاڭ بوۋاي ئۆيىدە،
كۈن ئۆتكۈزەر يەنىلا.
چاپان توقۇپ ئۆمۈچۈك،
يېتىم قىزغا قاراڭلار!
سوۋغا قىلدى ئاستىلا.
كىرىپ كەتتى تۆشۈككە،
مۈشۈك ئۇچراپ چاشقانغا.
چاشقان ئوغرى بولمىدى،
ئىشلەپ يەتتى ئارمانغا.
خوپ ياراشتى شەمشىرى،
كەپسىز ئاتلىق بالىغا.
دۇنيا ئوخشاپ قالدىغۇ،
گۈل- چېچەكلىك دالىغا.
كىچىك ئېقىن بويىدا،
چىغىر يول بار نېمىشقا؟
مەن چوڭ بولسام بارىمەن،
ئاشۇ گۈزەل دۇنياغا. |
|
يوللىغان ۋاقتى 2010-6-11 10:55:28
