قەدىمكى قەسىر ھەققىدە چۆچەك{ئايتۇغ}

ئايتۇغ

	سۈكۈتكە چۆمگەن ياسىداق قەلئە، تام-تورۇستىن تۆكۈلەر شۇملۇق. كاھىشلىرى تىلەر يامغۇرنى، ياكى قۇياشنىڭ ئىللىق تەپتىنى، گاھى تىلەپ قالىدۇ يەنە، قونۇپ بىركۈن  بۇلبۇل يا كاككۇك، سايرىسا شوخ ۋە ياكى مۇڭلۇق. لېكىن يەتمىدى ھېچبىر تىلەككە، قول قوشتۇرۇپ تەغدىرگە ئاخىر، بولالماستىن ئىشەنچكە زاھىر، سىرلىق تىلسىم بولۇشنى تاللاپ، پىنھانىدا سۈكۈتنى خالاپ، كۈنسىرى،ئايسىرى ،يىلسىرى ئۇنتۇپ كەتتى تىلەكلىرىنى، تەرك ئەتتى ئارمانلىرىنى، ئەسىرلەرنىڭ شاماللىرى ھەم، يالمىماقتا ساراي تاملىرىنى. قورۇتماقتا چاھار باغلىرىنى، مەغرۇر يۈتۈپ كەتمەكتە يەنە، قورۇپ كەتكەن  كۆلچەكلىرىنى، يىللار يالاپ سىلىغلىماقتا، پىشايۋاننىڭ بۇرجەكلىرىنى. بېزەكلەرنىڭ سىرلىرى ئۆچتى، سەلتەنەتنىڭ سۈرلىرى كۆچتى، غۇلاپ چۈشتى مەغرۇر مۇنارلار، قۇرۇپ كەتتى مەزمۇت چىنارلار، سۆلكىتىدىن ھېچبىر ئىزنا يوق، مۇڭلۇققىنە تۇرغىنى تۇرغان، ھىچكىم ئەسكە ئالمايدۇ ئۇنى، رىۋايەتتەك بەزى ئۇنتۇلغان، كەچمىشىدىن ھېچبىر ئىزلار يوق، تۇرقىدىنلا چىقىپ تۇرىدۇ، ئۇنى چوقۇم قارغىشلار تۇتقان، مەستخۇشلۇقتىن كىبىرلەنگەچكە، پەلەك چاقى تەتۈر ئايلانغان، مىھىرسىراپ زېرىككەن موماي، ئەپسۇنىنى تەتۈر ئوقىغان، ئاستىدىكى ئاشۇ تۇپراقمۇ، كۆتۈرەلمەي ئاجىز ئىڭرىغان، تۇرخۇنىدىن چىققان ئىسلارمۇ، تارقىلالماي ئىچىدە قالغان... مەرھەمەتنى قەدىرلىمىگەن، پۇرسىتىنى ئەزىزلىمىگەن، ئامىتىنى قىلىشىپ قالقان، بارمۇ ئۆزگە شۈنچە ئۇخلىغان؟ دەپ ھۆكۈملەر پۈتۈلۈپ ئاڭا، يەلكىسىگە تامغا بېسىلغان، قۇياش نۇرى،تۇپراق،سۇلارمۇ نەچچە ئەسىر يۈزىن ئۆرىگەن. مانا شۇ ھال لايىقتۇر ساڭا، دەپ قەھرىدە يىراق چۆرىگەن، ئەنە شۇنداق قەدىمىي قەسىر، شۇ جايىدا تۇرار سۈكۈتتە، لەنەتلەرگە بولغانچە ئەسىر، بەلكىم، شۇ زىمىنمۇ كۆتۈرمەي بىر كۈن، يۈتۈپ كىتەر ئۇنى قوينىغا، تۈرلۈك گۇناھ ئېسىپ بوينىغا، چۈنكى ئۇ تۇرغان قەدىمىي قورغان، ھىچكىم قۇتقۇزماس قۇتقۇزالماس ھەم، پىشانىسىگە تامغا ئويۇلغان، يىزىلغان ئاڭا: (لەنەتلەر ئۇرغان.) (ئايتۇغ) 2010.6.9

babur

	غۇبارسىز بالىلىقىمدا، تىزغان ئىدىم قۇمدىن بىر قەلئە. ئۆزەم شاھزەدە. قارشى قىرغاقتا- كۈلۈمسىرەپ تۇرار قار مەلىكە. تۇساتتىن بىر دۇلقۇن بىلەن، چۈشۈپ كەتتى قۇلۇمدىن بەكە. يۇقاتتىم،ئېرىشتىم يەنە. ئېرىشكەنگە ئەپسوسلاندىم، يۇقاتقاندىن ۋاز كىچەلمىدىم. ئەي،باغرى تاش دۇلقۇن، قايتۇرۇپ بەر تۇيغۇمنى ماڭا تەلپۇنىمەن بىر ساڭىلا. شۇندىن بېرى، تۇيغۇسىز ساراڭغا ئايلاندىم، ھەقىقەتنىڭ قۇلى بۇلۇپ، رىۋايەتنىڭ ۋارىقىغا ئىز سالدىم. قاملاشمىسىمۇ گەپسىمان ئىنكاس قالدۇراي.

zulpukar

	مۇشۇنداق  شېرى شەكىللىك  نەسىر  ۋە چۆچەكلەرنى  شۇنداق تەستە  چۈشىنىمەن  ياكى  چۈشىنەلمەيمەن جۇمۇ

مۇبارەك

	«سىپارتاك» تا شۇنداق بىر قەسىر بار، بۇ قەسىرنىڭ ئىچى دېدەك-قۇللارنىڭ كۆز-يېشى، ئارقا تەرىپىدىكى مەينەت مەشىق قىلىش ئورنى مەخسۇس «ئۆلۈم يا كۆرۈم» دەپ يوقىرى تەبىقىدىكىلەرنىڭ بىردەملىك خۇشلىقى ئۈچۈن جېنىنى تىكىپ قويۇپ ئۇرۇشىدىغان، بىر تىرىك كۈچتۈڭگۈر ئادەم سېتىۋېلىنىپ قۇل ئورنىدا تۇرىۋاتقان ئادەملەرنىڭ قاچان ئەركىنلىككە چىقارمەن، ئايالىم، بالىلىرىم...دەپ ئاھ ئۇرۇشلىرى، قان ھەم كۆز-يېشى بىلەن، قەسىر ئىگىلىرىنىڭ ئەيش-ئىشرىتى، يامان نەپسىلىرى بىلەن لىققىدە تولغان. كەينىنى دىمەي، قىزىقىدىغانلار كۆرۈپ باقسا بولىدۇ... بۇ شېئىرى چۆچەكنى ئوقۇپ ئويلاپ شۇ يەرلەرگە كىتىپ قاپتىمەن. ئادەمنى مۇشۇنداقراق ئويلارغا سالالىسا ئاندىن ئۇنى ھەقىقىي شېئىر دەيمىز. شۇنداق خۇش بولدۇم، تېما ئىگىسىگە رەھمەت!

kurxat

	شئېرنى  قىزىقىش ھەم ئويلۇنۇش ئىچىدە 2 قېتىم ئوقۇپ چىقتىم. ئوقۇشقا باشلىغان ۋاقتدا قەلبىمنى سىپاپ ئۆتكەن غۇۋا مۇڭلۇق تۇيغۇ بارغانچە كۈچىيىپ باشتىن ئاخىر قەلبىمنى بىر خىل گارمۇنىك رېتىمدە لەرزىگە سېلىپ تۇردى. بۇ نېمە تۇيغۇ؟  بۇ دەل شېئىردا تەسۋىرلەنگەن " قەسىر"نىڭ تەقدىرىگە بولغان قايغۇرۇش، غېرىپسىنىش، ئويلۇنۇش، ئۈمىدسىزلىك ۋە ئۈمىد قاتارلىق خىلمۇ خىل ھېسلار ئارلىشىپ كەتكەن قەلبنىڭ  مۇڭلۇق نىداسى ئىدى .  چۈنكى قەسىر_ ماكان، ماكان _ ۋەتەن دېمەكتۇر..... بولدىلا مەزمۇن توغرۇلۇق جىق گەپلىرىم بارتى...مۇشۇنچىلىك يازاي. دېمەك شېئىر ناھايىتى چوڭقۇر مەزمۇننى ئۇستىلىق بىلەن يورۇتۇپ بەرگەن بىر مۇۋەپپىقىيەتلىك ئەسەر بولۇپ چىققان. شىئېرنىڭ تىلى ئىخچام، سۆزلىرى راۋان، رېتىمى ئىزچىل، جۈملىلىرى يېقىشلىق چىققان. لىكىن ئاپتۇر تۆۋەندىكى جۈملىلەرنى قايتا ئىشلەپ چىقمىسا بولمايدۇ: ...... قول قوشتۇرۇپ تەغدىرگە ئاخىر، بولالماستىن ئىشەنچكە زاھىر، ......... يالمىماقتا ساراي تاملىرىنى. قورۇتماقتا چاھار باغلىرىنى، ....... ئامىتىنى قىلىشىپ قالغان، يەنە بىر گەپ: كۆپ جايدا "چىكىت ئورنىغا "پەش" قويۇلۇپ قالغان. ۋاقىتىم بەك قىس بوپ قالغاچقا مۇشۇنچىلىكلا يازدىم. قالغان پىكىرلىرىمنى كېيىن يازارمەن.

sahra

	ئايتۇغنىڭ ئىلھاملىرىغا بەرىكەت ياغقاي. بىر  پۈتۈن تارىخنى  داستان شەكىلدە  ئۇقۇغاندەك تۇيغۇدا بولدۇم .

kurxat

	سەھرا خانىم ، بۇنى داستان ئەمەس،  قىسقىراق يېزىلغان باللادا  دېسەك مۇۋاپىق بولغۇدەك.

otyak

	بۇ شېئىرى چۆچەكنىڭ سۆزلىرى بەك ياخشى تاللانغان. تىلى جانلىق، ئاھاڭدارلىق ئىكەن.مەزمۇنى تىخىمۇ ياخشى...

sat喜欢

	باشلىق ئاچامنىڭ بۇنداق ماھارىتى بارلىقىنى بىلمەپتىمەن ~ ھەقىقەتەن ئىسىل يېزىپسىز بۇ باللادانى  . نېمىشقا ئاشۇ ئىلھاملارنىڭ ئوندەن بىرىنى بولسىمۇ مەندە بولسا بولمامدۇ _ ھە ؟ ھە راسىت ،رەخمەت سىزگە ! ياردىمىڭىزدا ئوڭۇشلۇق بىر تېما يۇللىۋالدىم ~

نازى

	شېئىر دېگەننى مۇنداق يازىدۇ، دەپ ئاچچىقىڭىزدا بىر كېچىدىلا يېزىپ چىقمىغانسىز؟ (چاخچاق)         بۇ شېئىير چۆچىكىڭىزنى ئوقۇپ، خىياللىرىم قاناتلىىنىپ، ئەسىرلەر ئىلگىرىسىدىكى قۇم باسقان شەھەرگە يۈرۈپ كەتتى،كۆپ سۆزلىگۈم بولسىمۇ، بارماقلىرىم كونۇپكا تاختىسىغا چاپلىشىپ قالغاندەك، كۆڭلۈمنىڭ مايىللىقىغا زادىلا چۆككىلى ئۇنىمىدى، كەچۈرىسىز، بۇ جەھەتتە كۇرشات بىلەن ھىسىيات بىردەكلىكىدە بولۇپ قالدىم. مۇۋەپپەقىيىتىڭىزنى تەبرىكلەيمەن، ئايتۇغ!