خارلانغان قەلىپ
ھايات مۇساپەمنىڭ 23پەللىسىنى خۇددى تىپتىنىچ كۆل سۈيىدەك ئۆتكۈزگەن ئىدىم ، قاچانلاردا قەلىپ خانەمگە سىنى باشلاپ كىردىم ،شۇ كۈندىن باشلاپ ..............................
بەلىكم بۇ مىنىڭ ھاياتىمدىكى تۇنجى ۋە ئاخىرقى سۆيۈش بولسا كېرەك . ھەم شۇنداق بۇلىشىنى ئۇلۇغ ئاللادىن كىچە كۈندۈز تىلەيمەن .
كۈندىلىك خاتىرەمنىڭ يۇقارقى بەتلىرىنى ئۇقىۋېتىپ كۆز چاناقلىرىم ياشقا تولدى ،قۇلۇمغا قەلەمنى ئېلىپ بەتنىڭ ئاخىردىكى بوش ئۇرۇنغا قايسى بىر ناخشىنىڭ مۇنۇ كۇبلىتىنى يېزىپ قويدۇم .
سەنمۇ مىنى ئىزدىمىگەندە،
مەنمۇ سىنى ئىزدىمەيمەن ھەم .
ئۇنتۇش دىگەن بولسىمۇ ئېغىر ،
كىرپىكلىرىم بولماس ئەسلا نەم.
...........................................
خاتىرەمنى يېپىپ بىرتال تاماكا تۇتاشتۇردۇم ، كۈكۈش ئىس باشلىرىمدا ئەگىپ مىنى مەن ئۈچۈن ئەڭ شىرىن ۋە ئەڭ ئازاپلىق ئۆتمۈشۈم ئىچىگە ئېلىپ ماڭدى .
ناغرا سۇناي چېلىنماقتا ،زال ئىچى ئىككى ياشقا بەخت تىلەپ كەلگەن مېھمانلار بىلەن لىق تولغان ئېدى .ئادەمنىڭ كۆپلىكىدىن ساھىپخان يۇگۈرۈپ يىتىشىپ بۇلالماي ھەتتا قىز كۈچۈرۈش ئۈچۈن كەلگەن ياشلارغا بىر پىيالە چاي قۇيۇشقىمۇ ئۈلگۈرەلمەيۋاتاتتى ...........................................................
-ھەي ئابدۇللا !
-سەن قولداشلىقنى قانداق قىلىۋاتىسەن ؟
-ئاتايىن كىلىپ مۇيەردە قاراپ ئولتۇرىمىزما ؟
تويدا مەن قولداش ئىدىم ، بۇ گەرچە مىنىڭ تۇنجى قېتىم قولداش بۇلۇشۇم بولمىسىمۇ ،لىكىن بۈگۈنكىدەك ھالەتنى تۇنجى كۆرۈشۈم ئىدى .
-ھەي ،بىردەم ئۆپكەڭنى بېسىپ تۇرمامسەن .قارىمامسەن خەقنىڭ ئالدىراشلىقىنى ........ئاۋال چوڭلارنى كۈتىۋالسۇن ئاندىن
-ھېي .خەق ئالدىراش بولسا بىر بىكاچىما ، قوپە ئاداش بېرىپ قولداش قىزنى تېپىپ دىگىن يىگىتنىڭ كىيمىنى بولسىمۇ بەرسۇن (بىزنىڭ قائىدىمىزدە يىگىتكە سېتىۋالغان كىيىمنى قىزتەرەپتىن توي كۈنى قىز كۈچۈرگىلى كەلگەندە بىرەتتى،يىگىت ئايرىم بىر ئۆيگە كىرىپ كىيىم ئالماشتۇرۇپ چىقاتتى.)، چاي ئىچمەيلا قىزنى كۈچۈرۈپ مېڭىۋىرىمىز .......... قانداق دىدىم ئاغىنىلەر ؟
ئۆزىنى ئۇرۇشتا غەلبە قىلغان گېنرالدەك ھىس قىلغان مۇرات باشقىلارغا قاراپ غەلىتە ھىجايدى .......
مۇرات بىلەن تۇلۇق ئوتتۇرىدىكى ساۋاقداشلار بولساقمۇ مىجەزىمىز ئانچە كىلىشمەيتى .
-خەپ .دىدىم ئىچىمدە .بىراق چاندۇرماسلىققا تىرىشىپ ئاستا ئورنۇمدىن تۇردۇم .بۇنداق قىلىشىم ھەرگىزمۇ ئۇنىڭدىن قورققانلىقىم ئەمەس بەلكى تويدا جىدەل چىقىپ قېلىشنى خالىمىغانلىقىمدىن ئىدى .
ئورنۇمدىن تۇرۇپ ئۇدۇل رېستۇراننىڭ بىر چېتىدىكى كىلىن ئولتۇرغان تەرەپكە قاراپ ماڭدىم ،كاللامدا تۈرلۈك خىياللار .......ھەي تازىمۇ چاتاق بولدىدە ..........بىلىشىمچە كۆپىنچە تويلاردا قىز قولداش گەپدان قىزلار بۇلۇپ، ئەگەر يىگىت قولداش يۇۋاش كىلىپ قالسا گەپتە تەڭ كىلەلمەيتى .......شۇڭا مەن بېرىپ قولداش قىزغا يىگىتنىڭ كىيىمىنى ئەپ چىقىپ بىرىڭ دىسەم چۇقۇم ئۇمۇ ماڭا بىرنىمە دەيدۇ دەپ كاللامدا بىرقانچە پىلانلارنى تۈزۈپ ماڭدىم .كىلىننىڭ يېنىدا قىزىل كۆينەڭ كىيگەن بىر قىز ئولتۇراتتى ئۇ ئەتراپىدىكى باشقا ھەمراھلىرىدىن پەرقلىق بۇلۇپ ،ئۇ كۆزۈمگە خۇددى ھازىرلا ئۇچۇشقا تەمشەلگەن كىپىنەكتەك كۈرۈنۈپ كەتتى ..
-بۇياققا كىلىڭە ؟
-مەنما؟
-ھەئە ؟
ئۇ تارتىنىپقىنا ئالدىغا چىقتى ، مەن سەل نېرىراقتا ئۇنىڭ كىلىشىنى كۈتۈپ تۇردۇم .
-بىز كەلگىلى بىر سائەت بوپ قالاي دىدى ،بىر پىيالە چېيىڭلىمۇ يوق ، يىگىتنىڭ كىيىملىرىنى ئەپ چىقىپ بىرىڭە . چاي ئىچمىگەن ئادەم بولمىغاندىن كىيىن چاينى ئۆيگە بېرىپ ئىچىۋالايلى .
-ماقۇل . دىدى ئۇ كەينىگە ئۆرۈلۈپ .
بۇرۇنقى پەرىزىم بۇيىچە ئۇنى چۇقۇم گىپىمگە قارشى گەپ قىلىدۇ دەپ ئويلىغان ئىدىم ،بىراق ئۇ قىز ...................
تولۇقلىما مەزمۇن (2012-8-22 11:36):
داۋامى بار ...............
يوللىغان ۋاقتى 
