[align=justify]ئەسسالاممۇ ئەلەيكۇم تورداشلار،
ياخشى تۇرۇشلىمۇ؟ ھەممىمىزگە مەلۇم، ھەر يىلى مۇشۇ مەزگىل (6-ئايدىن 9-ئايغىچە) بولغان مەزگىل مەكتەپ پۈتتۈرگەن ئوقۇغۇچىلارنىڭ خىزمەت تېپىش مەسىلىسى باشنى ئاغرىتىدىغان ۋاقىت. ئالدىمىزدا شىنجاڭ ئۇيغۇر ئاپتۇنۇم رايۇنىنىڭ مەمۇرلۇق ئىمتىھان ۋاقتى كېلىش ئالدىدا تۇرىۋاتىدۇ. بىز مۇشۇنداق خىزمەت تېپىش ھەلەكچىلىكىدە يۈرىۋاتقىنىمىزدا بىزنىڭ يەنە بىلىشكە تىگىشلىك ئىشلىرىمىز ناھايىتى كۆپ، ئاشۇ «كۆپ» نىڭ ئىچىدىن خىزمەت تېپىشتا مۇھىم بىر باسقۇچنى ئىگەللەيدىغان «يۈز تۇرانە ئىمتىھان» دىن ئىبارەت يەنە بىر ئەڭ مۇھىم ئۆتكەل بار. بىز جاپا تارتىپ يازما ئىمتىھاندىن ھەر قانچە يۇقىرى نۇمۇر ئالساقمۇ لېكىن يۈز تۈرانە ئىمتىھاندىن ئۆتەلمىسەك بىز يەنىلا مەغلۇبىيەتچى بولۇپ ھېسابلىنىمىز. شۇڭا كەمىنە تۆۋەندە خەنزۇچە ماتىرىياللار ئاساسىدا رەتلەپ چىققان «يۈز تۈرانە ئىمتىھان بەرگۈچىلەر سەمىگە» ناملىق يازمىسىنى ھوزۇرۇڭلارغا سۇنماقچى، ئۈمىدىم شۇكى كەمىنىنىڭ بۇ ئازغىنە ئەجرىنىڭ كۆپچىلىك ئۈچۈن ئاز-تۇلا پايدا-مەنپەئەت ئېلىپ كېلەلىسە، مەن بۇنىڭدىن تۇلىمۇ رازى بولغان بۇلاتتىم. قېنى ئەمىسە كەمىنىنىڭ يازمىسى ھوزۇرۇڭلاردا بولسۇن:
يۈز تۈرانە ئىمتىھان بەرگۈچىلەر سەمىگە ئەسلى مەنبە: ئىلقۇت بلوگى [align=justify] [align=justify]500 كۈچلۈك شىركەتنىڭ يۈز تۇرانە ئىمتىھانىدىكى توغرا ۋە خاتالىقنى سېلىشتۇرۇش كۆرسەتمىسى (ئالىي مەكتەپ 3-يىللىقتىكىلەر چوقۇم كۆرۈشكە تىگىشلىك مەزمۇنلار)
1. سۇئال: سىز نېمە ئۈچۈن ئۆزىڭىزنىڭ بۇ كەسىپتە چوقۇم مۇۋاپىقىيەت قازىنىدىغانلىقىڭىزغا ئىشىنىسىز؟
تەھلىل:
بۇ ھەقىقەتەن كەڭ مەنىدىكى بىر سۇئال. بۇ سۇئالنىڭ ئۆزى خىزمەت ئىزدىگۈچى ئۈچۈن مۇھىم بىر پۇرسەت يارىتىپ بەرگەن. يەنى، خىزمەت ئىزدىگۈچى ئۆزىنىڭ قىزغىنلىقى ۋە ئۆزىگە جەڭ ئېلان قىلىش ئىستىكىنى نامايەن قىلسا بولىدۇ. بۇ سۇئالغا بېرىلگەن جاۋابقا قاراپ ئىمتىھان ئالغۇچى خىزمەت ئىزدىگۈچىنىڭ بۇ خىزمەت ئورنىغا ماس كېلىدىغان ياكى كەلمەيدىغانلىقى ھەققىدىكى ھەرىكەتلەندۇرگۈچى كۈچ ۋە ئۆزىگە ئىشىنىش جەھەتتىكى ئاچقۇچلۇق ئۇچۇرلار بىلەن تەمىنلەش ئەھۋالىغا ھۆكۈم چىقىرىدۇ.
خاتا جاۋاب:
مەن بىلمەيمەن. مەن نۇرغۇن ئىشلارنى قىلىشقا ماھىر. ئەگەر مەن بۇ خىزمەتكە قۇبۇل قىلىنسام، مەن ئۆزۈمنىڭ بۇ خىزمەتنى خېلى ياخشى قىلىپ كېتىشكە ئىشىنىمەن. چۈنكى مەن بۇرۇن نېمە ئىش قىلساملا ئىزچىل مۇۋاپىقىيەتلىك بولۇپ كەلگەن.
باھا:
گەرچە ئاڭلىماققا بۇنداق جاۋابلارنى قۇبۇل قىلىشقا بولىدىغاندەك قىلغان بىلەن، لېكىن بۇ خىل جاۋابنىڭ بىر نەچچە تەرەپتە يىتەرسىز تەرەپلىرى بار. ئاۋال، بۇ خىل تىل ئىشلىتىش ھەقىقەتەن جانسىز. «نۇرغۇن ئىشلارنى قىلىشقا ماھىر»، «خېلى ياخشى» دېگەندەك سۆزلەرنىڭ ھەممىسى سىزنىڭ ئالغا ئىنتىلىش روھىڭىزنى ئەكىس ئەتتۈرۈپ بېرىدۇ. ئەگەر سىز ئۆزىڭىزنىڭ ئالغا ئىنتىلىش روھىڭىزنى يىتەرلىك ھالدا ئىپادىلەپ بېرەلمىسڭىز، سىزنىڭ ئەڭ ياخشى شىركەتكە كىرەلىشىڭىز ناھايىتى قىيىنغا توختايدۇ. ئۇنىڭدىن باشقا، سىز يەنە ئىلگىرى قىلىپ باققان ئىشلارنىڭ ھەممىسىنى بۇ خىزمەت بىلەن باغلاپ چىقىشىڭىز كېرەك. بۇ دەل سىزنىڭ بۇ خىزمەتكە بولغان تۇلۇق ئىشەنچ ۋە ئىستىكىڭىزنى شۇنداقلا قىزغىنلىقىڭىزدىن دېرەك بېرىدۇ.
توغرا جاۋاب:
مېنىڭ تەجرىبەمدىن قارىغاندا، بۇ خىزمەت مېنىڭ كەسىپ تارىخىمدىكى ماڭا ئەڭ ماس كېلىدىغان خىزمەت. بىر قانچە يىلدىن بېرى، مەن ئىزچىل ھالدا بۇ ساھەنى تەتقىق قىلىپ كېلىۋاتىمەن شۇنداقلا مەزكۇر شىركەتكە ئالاھىدە دىققەت قىلىپ كېلىۋاتىمەن. ئىزچىل ھالدا مۇشۇنداق بىر يۈز تۈرانە ئىمتىھانغا قاتنىشىش پۇرسىتىنىڭ بولىشىنى ئۈمىد قىلىپ كەلگەن ئىدىم. مېنىڭ بۇ خىزمەتكە نىسبەتەن ئېھتىياجلىق بولغان تېخنىكا-ماھارەتلەر بار (بۇ ۋاقىتتا ئۆزىڭىز قىلىپ باققان مەلۇم بىر ئىشنى مىسال قىلىپ سۆزلەپ تېخىمۇ كونكىرت ئىپادىلىسىڭىز بولىدۇ.) مەن بۇ خىزمەتكە ناھايىتى ماس كېلىمەن. ھەمدە بۇ خىزمەتنى ياخشى قىلىپ كېتىشىمگە ئىشىنىمەن.
باھا:
بۇ بىر خىل ناھايىتى قايىل قىلارلىق جاۋاب بولىدۇ. چۈنكى بۇ خىل جاۋاب ئىمتىھان ئالغۇچىغا « بۇ خىزمەت ئىزدىگۈچىنىڭ بۇ خىزمەتنى ياخشى ئىشلەپ كېتىشىدە يىتەرلىك ماھارەت ۋە بىلىم بار ئىكەن.» دېگەن تۇيغۇنى ھاسىل قىلىدۇ. چۈنكى سىزنىڭ مىسالغا ئالغانلىرىڭىز سىزنىڭ خىزمەت تېپىش ماھارىتىڭىزنى دەسلەپكى قەدەمدە گەۋدىلەندۈرۈپ بېرىپ، سىزنىڭ دەسلەپتە ئوتتۇرىغا قويغان قاراشلىرىڭىزنى، ئىشەنچىڭىزنى يەنىمۇ ئىلگىرىلىگەن ھالدا ئىسپاتلاپ بېرىدۇ. ئەڭ ئاخىرىدا، ئىش ئىزدىگۈچى ئۆزىنىڭ «بۇ خىزمەتنى ياخشى قىلىپ كېتەلەيدىغانلىقى» نى بىلدۇرگەنلىكى ئۈچۈن بۇ خىل جاۋاپنىڭ قۇبۇل قىلىنىش نىسبىتى ناھايىتى يۇقىرى بولىدۇ. چۈنكى بۇ خىل جاۋاب خىزمەت ئىزدىگۈچىنىڭ مەزكۇر خىزمەتنى ياخشى ئىشلەپ كېتىدىغانلىقىدىكى قىزغىنلىقى ۋە ئالغا ئىنتىلىش روھىنى تۇلۇق ئەكىس ئەتتۈرۈپ بېرىدۇ.
2. سۇئال: سىزنىڭ ئەڭ چوڭ ئارتۇقچىلىقىڭىز ۋە كەمچىلىڭىز نېمە؟ سىزنىڭ بۇ ئارتۇقچىلىقىڭىز ۋە كەمچىلىكىڭىز سىزنىڭ كەسىپتە ئۇتۇق قازىنىشىڭىزغا قانداق تەسىرى بار؟
تەھلىل:
بۇ سۇئالنىڭ ئەڭ چوڭ تۇزاق، بىرىنچى سۇئال ئەمىلىيەتتە ئىككى سۇئال بولۇپ، يەنە داۋاملاشتۇرۇش خاراكتىرىگە ئىگە. بۇ ئىككى سۇئالدىكى تۇزاق بولسا ھەرگىزمۇ سىزنىڭ ھەقىقىي ئەستايىدىل بولۇپ ئۆزىڭىزنىڭ ئارتۇقچىلىقى ۋە كەمچىلىكىنى تۇنۇپ يىتىشتە ئەمەس. ئسىڭىزدە بولسۇن، سىزنىڭ جاۋابىڭىز پەقەت ئىمتىھان ئالغۇچىغا ئۆزىڭىزنىڭ ئارتۇقچىلىقى ۋە كەمچىلىكىنى تۇلۇق نامايەن قىلىش بولۇپلا قالماستىن بەلكى يەنە ئۇمۇمىي جەھەتتىن سىزنىڭ قىممەت قارىشىڭىز ۋە ئۆز قىممىتىڭىزگە بولغان قارىشىڭىزنى ئىپادىلەيدۇ.
خاتا جاۋاب:
ئاتۇقچىلىق جەھەتتە، مەن ھەقىقەتەن ئۆزۈمنىڭ ئارتۇقچىلىقىنى تاپالمىدىم، مېنىڭچە مېنىڭ ماھارىتىم ناھايىتى كەڭ دائىرىدە بولۇپ، كەمچىلىك مەسىلىسىگە كەلسەك، مېنىڭچە، ئەگەر مەلۇم بىر تۈردە ۋاقىتنى بەك ئارقىغا سۆرەلسە مەن بۇنىڭدىن بەك كۆڭلۈم سۇۋۇپ كېتىشى مۇمكىن.
باھا:
بۇ خىل جاۋابتىكى ئەڭ چوڭ مەسىلە، يۈز تۇرانە ئىمتىھانغا قاتناشقۇچى ئەمىلىيەتتە سۇئالنىڭ بىرىنچى بۆلىكىگە جاۋاب بېرىشنى رەت قىلغان. لېكىن ئىككىنچى بۆلىكىگە بېرىلگەن جاۋاب بەلكىم يۈز تۇرانە ئىمتىھانغا قاتناشقۇچىنىڭ قىزغىنلىقىنى كەمچىللىكىنى ئىپادىلەپ قويۇشى مۇمكىن. ئۇنىڭدىن باشقا، بۇ خىل سۇئالنىڭ ئالدىنقى ئىككى بۆلىكىگە بەرگەن جاۋابىدىن قارىغاندا، يۈز تۇرانە ئىمتىھانغا قاتناشقۇچى كىيىنكى داۋاملاشتۇرۇش بۆلىكى بولغان كىيىنكى سۇئالغا باشقىلارنى قايىل قىلارلىق جاۋاب بېرەلىشى ناتايىن.
توغرا جاۋاب:
ئارتۇقچىلىق جەھەتتە، مەن شۇنىڭغا ئىشىنىمەنكى، مېنىڭ ئەڭ چوڭ ئارتۇقچىلىقىم مەندە يۇقىرى بولغان ئىدراكىي مېڭە بار. مەن بۇ ئىدراكىي مېڭەم ئارقىلىق قالايمىقانچىلىق ئىچىدىن ئۆزۈمنىڭ كەيپىياتىنى تەڭشەپ چىقالايمەن. مېنىڭ ئەڭ چوڭ كەمچىلىكىم بولسا، ئاشۇ تەپسىز كىشىلەرگە نىسبەتەن ئۆزۈمدە يىتەرلىك سەۋرچاننىڭ كەم بولىشى مۇمكىن. مەن ئۆزۈمنىڭ تەشكىللىشى شىركەتنىڭ ئەڭ يۇقىرى چەكتە نىشانغا يېتىشىگە ياردەم بېرىشىگە ئىشىنىمەن. ھەمدە بەزىدە مېنىڭ مۇرەككەپ مەسىلىلەرنى ھەل قىلىش ئۇسۇلۇممۇ مېنىڭ خىزمەتداشلىرىمغا تەسىر قىلالايدۇ.
باھا:
بۇ خىل جاۋاب «بىر چالمىدا ئىككى پاختەك سوقۇش»نى ئىشقا ئاشۇرالىغان. ئاۋال، بۇ خىل جاۋاب ھەقىقەتەنمۇ يۈز تۇرانە ئىمتىھانغا قاتناشقۇچىنىڭ ئەڭ چوڭ ئارتۇقچىلىقىنى تۇلۇق نامايەن قىلغان. ئۇنىڭدىن قالسا، ئۇنىڭ ئىپادىلىگەن كەمچىلىكىنى ئەمىلىيەتتە باشقىلارنىڭ ئاسانلا «ئارتۇقچىلىق» دەپ چۈشىنىشىنى ئىلگىرى سۈرىدۇ. ئەڭ ئاخىرىدا، بۇ خىل جاۋاپ بۇ يۈز تۇرانە ئىمتىھانغا قاتناشقۇچىنىڭ ئارتۇقچىلىقى ۋە كەمچىلىكىنىڭ شىركەت ۋە باشقا ئىشچى-خىزمەتچىلەر ئۈچۈن پايدىلىقتۇر.
داۋامى بار...
| 
يوللىغان ۋاقتى 2010-6-9 16:06:44
يوللىغان ۋاقتى 2010-6-9 20:59:25