ماڭا كىچىككىنە دۇنيا بېرىڭ

guzalturuk

	سۆيۈملۈك يولدىشىم،كەڭ قۇرساقلىق بىلەن ماڭا ئۆزۈمگە خاس كىچىككىنە دۇنيا بەرسىڭىز.مېنىڭ قەغەزگە بىرنەرسىلەرنى يېزىۋاتقانلىقىمنى بايقىسىڭىز،ئارقامدا تۇرۇپ ئوغۇرلۇقچە مارىمىسىڭىز.بەلكىم مەن ئۇزاقتىن بېرى ئىچىمگە يىغىلىپ قېلىپ،سىزگە قاقشىمىغان كەيپىياتلىرىمنى شۇ قەغەزگە تۆكىۋاتقاندىمەن،ياكى ئىلھامىم كېلىپ شېئىر يازماقچى بولسام قەلىمىم ئاجىزلىق قىلىپ،ئىجادىيىتىمنى ۋاقتىنچە يوشۇرۇپ يۈرگەندىمەن ۋەياكى ھېلىھەم كاللامدا مەۋجۇت بولغان خۇددى ھەسەن-ھۇسەنگە ئوخشاش رەڭگارەڭ بالىلىقىمنى ئەسلاۋاتقاندىمەن.بۇنداق ۋاقىتلاردا،ئىلتىماس، مەن بىلەن كارىڭىز بولمىسۇن.قەلىمىمنى  قەغەزدە خۇددى كېپىنەككە ئوخشاش خالىغانچە پەرۋاز قىلىشىغا يول قويسىڭىز.     كونا رەسىم،كىتابلارغا قاراپ خىيالغا چۆككىنىمدە،كۆزلىرىمگە ياش ئېلىپ ياكى كۈلۈمسىرەپ ،ئۆتمۈشنى ئەسلەشكە باشلىغىنىمدا،سۆيۈملىكىم،ماڭا دەخلى قىلمىسىڭىز.چۈنكى ئۇ رەسىم،كىتابلار مەن سىزنى ئۇچرىتىشتىن بۇرۇنقى بەزى ئىشلارنىڭ خاتىرسى ،قەدىرلەپ قەلبىمگە ساقلىغان ئەسلىمىلەر،شادلىق ھەم قايغۇغا تولغان ئۆتمۈش...گەرچە سىز بىلەن بىللە بەھرىمان بولۇشنى خالىساممۇ،بىراق يەنىلا يالغۇز خىياللارغا چۆكۈپ،ئازغىنە ۋاقىت چىقىرىپ ئەسلىشىم بار.     يېقىن دوستۇم بىلەن ئايرىم كۆرۈشۈپ،ھال-مۇڭ ئېيتىشقىنىمدا ،كۆڭلىڭىزگە ئالمىسىڭىز.سىز مېنىڭ سىردىشىم،ئەمما سىز دوستلىرىمنىڭ ئورنىنى باسالمايسىز،خۇددى ئۇلار سىزنىڭ ئورنىڭىزنى  باسالمىغىنىدەك.مەن ئۇلارنىڭ كۆڭۈل بۆلىشىگە،رىغبەتلەندۈرىشىگە ھەم توغرا نىيەت بىلەن قىلغان تەنقىدىگە مۇھتاج.پەقەت ئاي بار يۇلتۇزسىز كېچە نەقەدەر غىرىب.ئىتىماس،مېنى بىر توپ چاقنىغان يۇلتۇزلار بىلەن سۈپسۈزۈك ئاي نۇرى بار گۈزەل كېچىگە ئىگە قىلسىڭىز.     بەلكىم بەزىدە يىراقلارغا بېرىپ ساياھەت قىلغۇم كېلىشى مۇمكىن.نەرسىلىرىمنى يىغىشتۇرۇپ،يولغا چىقىشقا تەييار بولغاندا،ئىتىماس،مېنى توسىماڭ.سىز مېنىڭ دۇنيايىمنىڭ مەركىزى،ئەمما پۈتكۈل دۇنيايىم ئەمەس.مەن ئۆزۈمگە تونۇشلۇق بولغان زېمىندىن باشقا جايلارنى، دۇنيادىكى ئاجايىپ-غارايىپ مەنزىرىلەرنى كۆرۈشنى ئارزۇ قىلىمەن،مېنى «يالغۇز پالۋان»غا ئوخشاش ئۆزۈمنىڭ«ئەيلىسنىڭ چۈشى»(فىلىم نامى) نى ئىزدىشىمگە پۇرسەت بەرسىڭىز.ئاجايىپ  سەرگۈزەشتە ۋە يېڭى تۇيغۇلارغا ئىگە بولۇپ قايتقىنىمدا،ئىشىنىمەنكى چۇقۇم سىزنىڭ ئېتىراپ قىلىشىڭىزغا ئېرىشىمەن.     سۆيۈملۇك يولدىشىم، ئەگەر ماڭا مۇشۇنداق كىچىككىنە دۇنيا بەرگەن بولسىڭىز، سىزگە بولغان ھۆرمىتىم، سۆيگۇم تېخىمۇ ئاشاتتى ۋە سىزگە مىڭ تەشەككۇر ئېيتقان بولار ئىدىم... 《忘忧草》دېگەن ژورنالىدىن تەرجىمە قىلىندى. 《独行者》«يالغۇز پالۋان»دەپ،《爱丽丝的梦境》«ئەيلىسنىڭ چۈشى»دەپ تەرجىمە قىلدىم.

aqqekhayat

	ھەممىسى ئەرلە ئاسانلىقچە يول قۇيالمايدىغان ئىشلار ئىكەن.

kamran512

	كەچۈرۈڭ قەدىرلىكىم ، بىز بىر ئائىلىدە ياشاۋاتقاندىكىن مەن سىزنىڭ ھەر ۋاقىت چىرايىڭىزدىن كۈلكە جىلۋىلىنىپ تۇرۇشىنى ئۈمۈت قىلىمەن ، سىزنىڭ شۇ خىيالغا چۆككەن ۋاقتىڭىزنى كۆرسەم بىئارام بولۇپ سىزنىڭ غەم-قايغۇلىرىڭىزغا ئورتاقلاشقۇم كېلىدۇ . بەزى تەلەپلىرىڭىزنى ئورۇنداشقا ھەقىقەتەن ئاجىزلىق قىلىمەن ، مېنى كۈچۇرۇڭ ، سىزنى مەڭگۈ سۈيۈپ يولدىشىڭىزدىن .

hiris99

	ئەرلەر پۇل تاپسا بۇزىلىدۇ.    ئاياللار بۇزۇلسا پۇل تاپىدۇ.          سوتسىيالىستىك ماقال تەمسىللىرى

bahit0998

	مىنڭچە بۇ كۆپ قىسىم ئاياللىرىمىزنىڭ كۆڭلىدە ئويلىسىمۇ لىكىن سىرىتىغا  چىقىرالمايدىغان سۆزلىرى، رەھمە سىزگە .

0999alma

	بۇ پكرگە تازا ئورۇنلۇق بولماپتۇ

muharram

	بىز ئەرلەردىن دۇنيا تەلەپ قىلمايمىز.مۇشىنچىلىك تەلەپلىرىمىزمۇ ئارتۇقچە ھېساپلىنىپ كىتىدۇ ،دىمىسىمۇ ئادەم دىگەننىڭ ئازراق ئەركىنلىكى بۇلىشى كىرەك ھەممىگە ئارلىشىۋالسا  توي قىلغانغىمۇ ‹‹تۇيۇپ››كىتىدىكەن كىشى

aldil

	سۆيگۈم بولسۇن ئۆز رايىم  بىلەن ، دىلىم كۆيسۇن دىل رايىم بىلەن  . سېنى سۆيەي ئۆز مەيلىم بىلەن ، ھەرگىزمۇ بولمسۇن بۇ مەجبۇر بىلەن .

atikam1

	توغرا  مۇنداق  ئەركىن بولۇشنى ھەممە ئايال ئويلايدۇ،،،بىراق  ھەقىقەتەن  ئەرلىرىمىز  بىزنى ئەركىن قۇيىۋەتسە  ئۆزىمىزمۇ بىئارام بولىمىز،،،،

nadan645

	ھەركىشىنڭ ئوز ئالدىغا ئەركىن دۇنياسى بولىدۇ ، مېنڭچە ئاشۇ دۇنيانى چۈشىنشىمىز كېرەك !!!!