قۇلاق يوپۇرۇپ يۈرىۋىرەمدۇق

ئايتۇر

  يىمەكلىك تازىلىغى، يىمەكلىك سۈپىتى يېقىندىن بۇيان كۆپ مەسىلە چىقىۋاتقان، كۆپ مۇھاكىمە قىلىنىۋاتقان مەسىلىلەردىن بولۇپ قالدى. تېلۋىزور، گېزىت ۋە تورلاردا يىمەكلىك تازىلىغى، يىمەكلىك سۈپىتى ۋە يىمەكلىكنىڭ ھالاللىغىغا دائېر پاكىتلىق ئۇچۇرلار، تەكشۈرۈش نەتىجىلىرى ۋە گۇمانلار يامرىماقتا، ئىستىمالچىلار گاڭگىرىماقتا.... جەمىيەت تەرەققى قىلغانسىرى پاكىز، ھالال يىمەكلىكلەر بىزدىن شۇ قەدەر يىراقلاپ كەتتىمۇ؟!
    يېقىنقى بىر نەچچە يىلدىن بۇيان تېلۋىزور ۋە باشقا تاراتقۇلاردا بېرىلگەن پاسكىنا ئەخلەت مايلارنىڭ ئىشلىتىلىشى، ئەخلەت سۆڭەك ماتىرىياللىرىنىڭ ئىشلىتىلىشى، ھەرخىل تېتىتقۇلارنىڭ خۇرۇچلىرى، تەييار يىمەكلىك،قوشۇمچە يىمەكلىك،سۈت ۋە سۈت پاراشوگى، ئىچىملىك، مېۋە ئۇيۇتمىسى .... قاتارلىقلارنىڭ تەركىۋى، خۇرۇچلىرى ۋە ياسىلىش جەريانىغا مۇناسىۋەتلىك ئۇچۇرلارنىڭ ئاشكارىلىنىشى ئارقىلىق، كۆپ قىسىم زىيالىلار ۋە ئۇقۇمۇشلۇق قاتلامدىكىلەر يىمەكلىككە دىققەت قىلىشقا باشلىدى ھەمدە قىممەت بولسىمۇ ئۆزىمىز ئىشىنىدىغان، پاكىز يىمەكلىكلەرنى سېتىۋىلىشقا يۈزلەندى. پەرزەنتلەرگە قېلىنىدىغان نەسىھەتكىمۇ سىرىتتىن قالايمىقان يىمەكلىكلەرنى سېتىۋالماسلىق، قالايمىقان قوشۇمچە يىمەكلىكلەرنى يىمەسلىك نەسىھەتى قوشۇلۇشقا باشلىدى. ئەمما پۈتۈن جەمىيەتكە نىسبەتەن ئېيىتقاندا بۇلار يەنىلا ئاز ساننى ئىگەللەيدۇ. كۆپ سانلىق تۇرمۇش سەۋىيەسى ئوتتۇرا-تۆۋەن قاتلامدىكى ئامما يەنىلا يۇقارقىدەك ئۇچۇرلاردىن خەۋەرسىز. بولۇپمۇ مەكتەپلەر ئەتراپىغا جايلاشقان دۇكانلاردىكى يىمەكلىكلەر شۇقەدەر سۈپەتسىز ۋە ئەرزانكى(مۇتلەق كۆپ قىسمى ئەخلەت يىمەكلىك)، بۇنداق يىمەكلىكلەرنىڭ كېلىش مەنبەسى ۋە خۇرۇچلىرى زىيالىلار ۋە ساۋاتلىق ئۇقۇمۇشلۇق كىشىلىرىمىزگە سىر ئەمەس!  لىكىن ئاتا-ئانىلار پەرزەنتلىرىگە بەرگەن پارچە خىراجەت پۇلىنىڭ قەيەرگە، نىمىگە خەجلەنگىنىنى بىلمەيدۇ ۋە سۈرۈشتۈرۈشكە ۋاقتى يوق. بىر قىسىم ئۇقۇمۇشلۇق ئوقۇتقۇچىلار بۇ جەھەتتە ئوقۇغۇچىلارغا كۆپ تەربىيە ئىشلەۋاتقان، پەرزەنتلەرگە مەسئۇلىيەتچان مەكتەپ مۇدىرلىرى ئەتراپتىكى دۇكانلارغا، يايمىچىلارغا چەك قويۇۋاتقان بولسىمۇ لىكىن يەنىلا دائېرىسى بىر قەدەر تار بولماقتا. سودا-سانائەتنى مەمۇرى باشقۇرۇش تارماقلىرى ۋە ئىسىتمالچىلار جەمىيەتلىرىدە چوقۇم  بۇ خىل ئەخلەت يىمەكلىكلەرنى چەكلەشكە  دائېر چارە بەلگىلىمىلەر بولۇشى مۆمكىن، لىكىن بۇلارمۇ يىتىشەلمىسە كېرەك. شۇڭا بۇ جەھەتتىكى مەسئۇلىيەتنى مەن يەنىلا ئوقۇتقۇچىلار ۋە ئائىلە باشلىقلىرىدا بولۇشى كېرەك دەپ قارايمەن. ئاتا-ئانىلار، ئوقۇتقۇچى ئۇستازلار، سىلەر پەرزەنتلىرىڭلارنىڭ، ئوقۇغۇچىلىرىڭلارنىڭ سىرىتتىن نىمىلەرنى سېتىۋىلىپ يەۋاتقانلىغىغا دىققەت قىلامسىلەر-يوق؟ پەرزەنتلىرىمىز قانداق يىمەكلىكلەرنى يەۋاتىدۇ؟ پەرزەنتلىرىمىزنىڭ ئەخلەت يىمەكلىكلەرنى سېتىۋىلىپ يېيىشىدىن قانداق ساقلىنىشىمىز كېرەك؟! پەرزەنتلىرىمىزنىڭ ئەقلى-ھۇشى بىلەن ساغلام چوڭ بولۇشى ئۈچۈن، ئائىلىمىزنىڭ، جەمىيەتنىڭ، ۋەتەننىڭ، مىللەتنىڭ كەلگۈسى ئۈچۈن مۇشۇ بىر ئاددى ئەمما خەتەرلىك مەسىلە ئۈستىدە ئورتاق ئويلىنىپ كۆرسەك قانداق؟؟!!!

binami

ئەسسالامۇ ئەلەيكۇم ! تېمىڭىزغا رەھمەت  ، ئىنكاسنىڭ دېۋانىغا بىر گېپىمنى يوللىۋالاي :
سودا سانائەتنى باشقۇرىدىغانلار  سىز بىلەن بىزنىڭ دۇكان كىنىشكىمىزنى ياساش رەسمىيىتىنى بېجىرىش ئۈچۈن گېلىنى مايلاپ ئىشخانىدا ئالدىراش ، ئۇلاردەك ھورۇنلاردىن  كۈتكەن ئۈمىدنى ئىت -ئېشەكتىنمۇ كۈتمەيمەن !
ئۇلارنىڭ بازارنى تۈزەش ھەرىكىتى ئاساسەن يىلدا 3 قېتىم .
سودا سانائەت تارماقلارنىڭ يىللىق 3+X  كۆز بويامچىلىقى
1-قېتىملىقى 3-ئاينىڭ 15-كۈنى ،ئىستىمالچىلار كۈنىدىن بۇرۇن ، تېلىۋىزىيە مۇخبىر گۇپپاڭچىلىرىنى ئەگەشتۈرۈپ ،بازارنىڭ ئۇيەر - بۇ يەرلىرىدىكى ماللارنى مالتىلاپ  سۈرەتكە ئېلىپ  كۆز بوياش بىلەن ئاخىرلىشىدۇ.
2-قېتىملىقى يېڭى يىلدىن بۇرۇن  يەنە تېلىۋىزىيە مۇخبىر گۇپپاڭچىلىرىنى ئەگەشتۈرۈپ چىقىپ ،مال باسقان ئىسكىلاتلاردىن ئاتالمىش بىرتۈركۈم ساختا ،ناچار ھەم ۋاقتى ئۆتكەن توۋارلارنى پېچچەتلەپ ئالغان كۆرۈنۈشنى سىنغا ئېلىپ ،خەۋەر ياساپ كۆز بويايدۇ !
3-قېتىملىقى  چاغاننىڭ ئالدىدا ، سەي كۆكتات ،گۆش-تۇخۇم يېزائىگىلىك قوشۇمچە مەھسۇلاتلار بازىرىغا بېرىپ  يەنە تېلىۋىزىيە مۇخبىر گۇپپاڭچىلىرىنى ئەگەشتۈرۈپ چىقىپ ،بازار ئارىلاپ ، ساتارمەن دېھقانلارغا : بۇ يىل بازار ياخشى ، ھوسۇلمۇ ياخشى ، باھا مۇقىم ،شەھەرخەلقى قىزغىن سېتىۋالدى !... ۋەھاكازا ! دېگەندەك جاۋابلارنى يادلىتىپ ، سىنغا ئېلىپ ،خەۋەر ياساپ كۆز بويايدۇ !

ئەمدى X- قېتىملىقى بولسا ،يۇقىردىن باشلىق كەلسە ، باشلىق ئالماشسا ، تەرەببال ئورۇنلاشتۇرۇلغان«كۈتىۋىلىش خارەكتېرلىك » تەكشۈرۈشتۇر !

ئىنكاسىم تامام ،ئەمما ئىنكاسىمنىڭ چاقى بار ،باھايىڭلارنى ئايىمىغايسىلەر ،تېما ئېگىسىگە كۆپ رەھمەت !  

تولۇقلىما مەزمۇن (2012-8-9 12:49):
____  بىنامى ____

amannisa

بۇ ھەقىقەتەن ھەممە ئادەم كوڭۇل بولۇشكە تىگىشلىك چوڭ مەسىلە، تىما ئىگىسىگە كوپ تەشەككۈر...چۈنكى گېلىڭ بۇلغاندى = ئەقلىڭ بۇلغاندى ،بالىلارنىڭ ئەقلى بۇلغانغانلىق=كەلگۈسىڭ بۇلغانغانلىق

nasimi3

ئەسسالامۇ ئەلەيكۇم ،  تورداشلار !
  بۇ  ھەقىقەتەنمۇ  نۇرغۇن  ئادەملەرنىڭ  بىشىنى  ئاغرىتۋاتقان  مۇھىم  مەسىلە  . مۇشۇ  ئاي  مۇشۇ  كۈنلەردە  خاتىرجەم  بىر  ئاشخانىغا  كىرىشتىنمۇ   قورقىدىغان  بولۇپ  قالدى  كىشى ....
   ھازىر  جەمئىيتىمىزدە  نۇرغۇن  يامان  كىسەللىكلەر  ياشلىشىشقا  قاراپ  ماڭماقتا ،  ئەلۋەتتە  بۇلارنىڭ  نۇرغۇنلىرى  ئىلمىي ، ساغلام  ئوزۇقلانماسلىق  بىلەن  زىچ  مۇناسىۋەتلىك .  
ئايتۇر  ئېيتقاندەك  ، ياش - ئۆسمۈرلەر ئارىسىدا  ياقتۇرۇلۇپ  ئىستىمال  قىلىنۋاتقان  يىمەكلىكلەرنىڭ  تەركىۋىنى تېلۋىزوردا  نۇرغۇن  قىتىملاپ  ئېنىق  كۆرسەتكەن.  لىكىن  شۇلارنى  ئىنىق  بىلىدىغان  تۇرۇقلۇق  مەكتەپ ئەتراپى  ۋە  باشقا  جايلاردا  دۇكان  ئاچىدىغانلار  نىمىشقا  يەنە  داۋاملىق  شۇ  ناچار  مەھسۇلاتلارنى  كىرگۈزىدۇ ؟   سەۋەبىنىڭ   پەقەت   پۇل  ئۈچۈن  ئىكەنلىكى  ھەممىمىزگە ئايان !
  قېرىنداشلىرىمىز ،  ھەر  قانچە  يوقسۇزلۇق  تارتىپ  كەتسەكمۇ  يىمەكلىككە  ھېيلە  ئىشلەتمەيلى !  تەن   ساغلاملا   بولسا   قىلغىلى بولمايدىغان  نىمە  ئىش  بار  دەيسىلە ؟
  خەلقىمىزنىڭ  پۇلنى  ھارامدىنمۇ  ئەزىز  كۆرۈشىگە  ئىشەنمەيمەن !  

ھەقىقەتەنمۇ  ياخشى  تىما  يوللاپسىز ،  اللاھ  قولىڭىزغا   دەرت   بەرمىسۇن !

dautjan

بۇ  كۇنلەردە  خاتىرجەم  بىرنىمە  يىمەك  تەس  بولۇپ  كەتتىغۇ  .

bengbash

ماركىسى ئۇيغۇرچە، ئىشلەپ چىقارغان ئورنى ئىچكىرى بولغان يېمەكلىكلەرنى ئىتىمال قىلىشقا بولامدىغاندۇ؟ بۇنداق مەھسۇلاتلار بەك كۆپكەن بازاردا.

kamran512

bengbash يوللىغان ۋاقتى  2012-8-9 15:20
ماركىسى ئۇيغۇرچە، ئىشلەپ چىقارغان ئورنى ئىچكىرى بولغا ...

قەتئى بولمايدۇ ، چۈنكى ماركىسىنى خەنزۇلار ئۇيغۇرغا يازغۇزۇپ چىقىرىدۇ بىراق ئىچىدىكى مەھسۇلاتىنى يەنىلا خەنزۇ ئىشلەپچىقىرىدۇ .

halal

   بۇ تولىمۇ تەخىرسىز مەسىلە شۇنداقلا ھەرۋاقىت دىققەتنى بوشاشتۇرۇشقا بولمايدىغان مەسىلە. پەرزەنتلىرىمىز يەسلى مائارىپىدىن باشلاپلا يات مەدەنىيەت موھىتىنىڭ تاجاۋۇزىغا ئۇچراپ چوڭ بولماقتا، ئەزەلدىنلا سەزگۈرلۈگىمىز تۆۋەن بولغان تەييار يىمەكلىك، قوشۇمچە يىمەكلىك ساھەسىدە ئاشۇ ناتىۋان پەرزەنتلەر نىمىنى پەرق ئېتەلىسۇن؟!  ئىشلەپچىقىرىش ۋە بازارغا كىرگۈزۈشكە بولغان نازارەتنىڭ يوق دەرىجىدە بولۇشى، ئىشلەپچىقارغۇچىلار ۋە بازارغا كىرگۈزگۈچى، ساتقۇچىلارنىڭ ئىتىقادسىزلىغى ۋە قارانىيەتلىگى، ئىستىمالچىلارنىڭ بىخودلۇغى .....قاتارلىق ئامىللار سۈپەتسىز يىمەكلىكلەرنىڭ بازارلارنىڭ خۇددى ھاجەتخانىنى چىۋىن قاپلىغاندەك قاپلاپ كېتىشىنى كەلتۈرۈپ چىقارغان. بۇنداق سۈپىتى، تازىلىغى ۋە ھالاللىغى ئىشەنچسىز بولغان يىمەكلىك مەھسۇلاتلىرى كوچىلاردىكى پارچە ئېلىپ-ساتارلارنىڭ يايمىسىدىن تارتىپ چوڭ تاللا بازارلىرى ھەتتا مەخسۇس سېتىش دۇكانلىرىغىچە ھەرقانداق يەردىن تېپىلىدۇ. ھەرقانداق ئاتا-ئانا پەرزەنتىنى ئۆزىنىڭ پەرزەنتى، ئۆزىنىڭ كەلگۈسى دەپ قارىسا بالىلارنىڭ يىمەكلىگىگە بولۇپمۇ ئۆزلىرىنىڭ نازارىتى بولمىغان ئەھۋالدىكى يىمەكلىگىگە (مەكتەپ ئەتراپىدىن ياكى ئۆي ئەتراپىدىن ئۆزلىرى سېتىۋىلىپ يەيدىغان قوشۇمچە يىمەكلىكلەرگە) ھەرگىز سەل قارىماسلىغى، بالىلارنى پات-پات ئىشەنچلىك مال سېتىۋىلىش ئورۇنلىرىغا ئېلىپ بېرىپ باھاسى سەل قىممەت بولسىمۇ ئىشەنچلىك، شەكسىز يىمەكلىكلەرنى ئېلىپ بېرىشى، ئۆيدە ئىشەنچلىك، شەكسىز، بالىلار ياقتۇرىدىغان يىمەكلىكلەردىن يىتەرلىك ساقلىشى، ئۇلارغا قانداق يىمەكلىكلەرنى يىسە بولىدىغانلىغى، قانداقلىرىنى يىسە بولمايدىغانلىغى، نىمىشقا يسە بولمايدىغانلىغى ھەققىدە سەۋىرچانلىق بىلەن تەربىيە بېرىشى، ئەڭ ياخشىسى بالىلاردا ئاتا-ئانىسىنىڭ گېپىنى ئاڭلايدىغان، ئاتا-ئانىسى بىلەن بىللە بازارغا چىقىدىغان، ئۆزلىرى قالايمىقان دۇكانلاردىن قالايمىقان يىمەكلىكلەرنى ئالمايدىغان ئادەتنى، ئاتا-ئانا ئۇرۇق-تۇققانلار پۇل بەرسە يىغىپ ساقلاپ ياكى ئاتا-ئانىسىغا ساقلىتىپ يىغىپ، كىتاپ، ئويۇنچۇق ۋە باشقا ئەھمىيەتلىك نەرسىلەرنى سېتىۋىلىشقا ئىشلىتىدىغان توغرا پۇل قارىشىنى يىتىلدۈرۈشكە ئەھمىيەت بېرىشى زۆرۈر. ئاۋازسىز مەدەنىيەت سىڭىش دولقۇنى موھىتىدا ئائىلە تەربىيىمىزنىڭ قانداق بولۇشى پەرزەنتىمىزنىڭ ئەخلاق-ئېتىقادى، دۇنيا قارىشى، قىممەت قارىشى، كىشىلىك پەزىلىتىنىڭ قانداق يىتىلىشىگە تەسىر كۆرسىتىدىغان ئەڭ مۇھىم ئامىل. ھەرقانداق ئاتا-ئانا بۇ مەسىلىگە سەل قارىمايلى!

jessurane

يىمەكلىىكتىن زەھەرلىنىپ ئۆلۈش ۋەقەلىرىمۇ ئادەمنى ئويلاندۇرىدۇ.يەنى بۇ قىتىم پوسكام ناھىسىدە يۈز بەرگەن يىمەكلىكتىن زەھەرلىنىپ ئۆلۈش ۋەقەسى،ئۆتكەن يىلى 8-ئاينىڭ 18-كۈنى جۈمە گۇما ناھىيە سانجۇ يىزىسىدا يىمەكلىكتىن زەھەرلىنىش ۋەقەسىدە شۇ كۈنىلا 12 ئادەم ئۆلۈپ 600 دىن كۆپرەك ئادەم زەھەرلەنگەندى.20-چىسلا ئەتىگەن سانجۇ يىزا چوڭ جامەدە 6 ئادەمنىڭ نامىزى بىراقلا چۈشۈرۈلدى.بۇ ۋەقەلەر رامىزان كۈنلىرىدە يۈز بەرگەن ۋەقەلەر بولوپ ئۆتكەن يىلى 6-ئايدا يەكەن ناھىسىدىمۇ يىمەكلىكتىن زەھەرلىنىپ نەچچە ئادەم ئۆلۈپ كەتكەنلىكى مەلۇم...
بۇنداق ۋەقەلەرنىڭ سورىقىنى قىلىش ئۈنۈملۈك بولمايۋاتامدۇ ياكى بۇ زادى نىمە ئىشلار ...

tAkSe

ھەي   جۇڭگو  چىلىق   ھەقىقەت  نىقاپلانغان