كۈندە ئورۇقلاش جېدىلى قىلماڭ

fana

كۈندە ئورۇقلاش جېدىلى قىلماڭ
مىنىڭ بىر قوشنام ناھايتى سېمىز ، سېمىز بولغاندىمۇ باشقا يېرى ئەمەس ،قورسىقى ئوڭ تەرەپكە تومپىيىپ چىققان سېمىز.. مەن بەزىدە تېلۋىزوردىن كۆرگەن ئورۇقلاش دورىلىرىنى ئۇ قوشنامغا تۇنۇشتۇرۇپ كېتىمەن، خىيالىمدا ئۆزىنىڭ سېمىزلىگىدىن چوقۇم كۆڭلى يېرىم بولىدۇ دەپ ئويلىسام كېرەك ، راست گەپنى قىلسام ، مەن ئەگەر ئۇ قوشنامنىڭ ئورنىدا بولغان بولسام بەلكىم كۈندە قايغۇ -ھەسرەت ئىچىدە يۈرگەن بولاتتىممىكىن . بىراق ، بۇ قوشنامنىڭ پىسخىكىسىنىڭ ساغلاملىقى مېنى ئىنتايىن ھەيران قالدۇردى ، ئۆزىنىڭ سېمىزلىگىدىن ئۆزىنى ياراتمايدىغان ئىشنى قىلىش ئۇياقتا تۇرسۇن ، ئۆزىنىڭ بەدىنىگە ماس كىلىدىغان پوسۇنلاردا شۇنداق چىرايلىق كىيىم تىكتۈرۈپ كىيىۋالىدىغان بولسا كۆزلىرىمگە بەزىدە ئىشەنمەيلا قالىمەن . سېمىزلىگىدىن ئىش خوشياقمىسا بولاتتى ، بىراق ھەر قانداق يەرگە بارسا ئايىغى يەرگە تەگمەي ئىش قىلىپ ، ياردەملىشىپ ، ساھىپخاننىڭمۇ ، مىھمانلارنىڭمۇ كۆڭلىنى ئۇتىۋالىدۇ ، يولدىشىنىڭ ئامراقلىقىچۇ تېخى !
ھەممە ئادەم گۈزەللىكنى سۆيىدۇ ، ئاياللار ئۆزىنىڭ جەزبىدارلىقى ۋە چىرايلىق فىگۇرىسىنىڭ بولىشىنى ، مەڭگۈ قېرىماسلىقىنى ئارزۇ قىلىدۇ ، لېكىن ، جەزبىدارلىقنى ئۆزىڭىزنىڭ ساپارىڭىز ئارقىلىق ساقلاپ قالسىڭىزمۇ ، لېكىن قېرىماسلىققا ، ئېرسىي سېمىزلىككە ھەقىقەتەن ئامال يوق .
كۈندە ئورۇقلىسام بولاتتى دەپ جىدەل قىلىشنىڭ ئورنىغا مىنىڭ قوشنامدەك ئۆزىڭىزنى خوشال-خورام تۇتسىڭىز تېخىمۇ ئوماق كۆرۈنمەمسىز ؟
ياش چاغدىكى ئەر -خۇتۇن قېرىغاندا ھەمراھ دەپتىكەن ، ئېرىڭىزنىڭ ئاۋازىغا ئەستايىدىل قۇلاق سېلىش ، ئارزۇ-ئۈمۈتلىرىنى قاندۇرۇش ، مۇرادىنى ھاسىل قىلش -مۇھەببەتنىڭ نامى بىلەن نىكاھىڭلار ئۈچۈن قىلغان ئەڭ ئاقىلانە ئەڭ جەلىپ قىلارلىق ، ئەڭ گۈزەل تاللاشتۇر . سىزنىڭ بۈگۈندىن ئىتىبارەن ئۆزىڭىزنىڭ تېنىڭىزنى كەمسىتمەيدىغان بولغىنىڭىزنى تەبرىكلەيمەن .
بىر ئايال پەرداز بۇيۇملىرىنى ئىشلىتىپ بىر مەھەل ئۆزىنى كۆرسىتىۋېلىشى مۇمكىن ، بىراق باشقىلارنىڭ ياخشى كۆرىشىنى يەنىلا ئۆزىنىڭ ئەخلاقىي- پەزىلىتىگە تايىنىپ قولغا كەلتۈرىدۇ . ھەقىقىي گۈزەللىك گۈزەللىكنىڭ ئۆزىدە نامايان بۇلۇپ تۇرىدىغان روھىي تېتىكلىكتە.
-روسسو

nazuk

بىزنىڭ ئىشخانىدىمۇ بىر قىز بار ، دائىملا "ئورۇقلىتىش قەھۋەسى  ئىچىۋاتىمەن" دەپلا يۈرەتتى. ئاقىۋەت ئىشتىھاسى تۇتۇلۇپ ئوزۇقلۇق يېتىشمەي  بەلنىستتا يېتىپ چىقتى...
قەلب گۈزەللىكى تاشقى گۈزەللىكتىن  ئۈستۈن.

خانىم-قىزلار ئۈچۈن تولىمۇ ئەھمىيەتلىك تېما يوللاپسىز ، رەھمەت سىزگە.

مۇبارەك

بىزنىڭ قىزلارنىڭ ئىچىدىمۇ بىرى بار، كۈندا ئورۇقلاشنىڭ گىپى، ئاڭلىسام ياتىقىدا بەدەن ئېغىرلىقىنى ئۆلچىگۈچتىن ئىككىسى باركەن(ئىكەن). ئاۋۇ كۈنى كىرسەم «ئورۇقلاش جېڭى» دىگەن كىتابنى ئوقۇپ ئولتۇرىدۇ، كۆپىنچە چاغلاردا تاماقتا يوق، ئاشقازان كېرەك ئەمەسمىكىن.

مەن ئويلايمەن، تاماقنىمۇ ۋاقتىدا يىگەن ياخشى. ئەمدى كۈندىلىك ئشلىرىمىزنى  تەرتىپلىك ئورۇنلاشتۇرۇپ ھەركەتنى مۇۋاپىق قىلىپ بەرگەندە ئۇنداق سەمىرىپمۇ كەتمەيدۇ. لېكىن «تۇغما سېمىز» لەرگە ئامال يوق ھەقاچان.

ھاياتلىق ھەركەتتە، ئالدىراش ئۆتكەنگە يەتمەيدۇ، بارلىق خانىم قىزلارغا گۈزەللىك يار بولسۇن!

تېما ئىگىسىگە رەھمەتلەر~

layli

بىزنىڭ ئىشخاندا بىرى بار ، چۈشلۈك تاماقنى يەپ بولۇپلا بۇخاراغا نەچچە سائەت ساياھەتكە باردۇ
مانا ھازىر كۈندە كەشتە دىگىدەك ۋېلسىپىت مىنىپ ئورۇقلىماقچى بولۋاتىدۇ.

kun^kiz

تاماق يېمەي ئورۇقلاش  ئادەمگە زىيانىلق ، ھەممە ئىشنىڭ نورمال بولغىنى ياخشى .سېمىزلىك ئېرسىيەتتىنمۇ  ئادەمگە مىراس قالامدىكەن  دەيمەنغۇ .

turgvnjan

يازمىڭىزدا دىيىلگەندەك ساغلام پىسخىكا ئادەم ئۈچۈن بەك مۇھىم.لىكىن جاھاننىڭ تۈمەنمىڭ غەۋغاسى ئادەمنىڭ پىسخىكىسىنى بۇزىمەن دەپلا  تۇرغان....
لىكىن نىمىلا دىگەن بىلەن: مەن ئازراق سەمەرسەم بۇلاتتى(ۋوي پىسخىكام...)...باشقىلار ئاڭلاپ قالمىغاندۇ-ھە؟

مىنىڭ باش سۆرىتىم قېنىدۇ؟ ئۇچراتقانلار بارمۇ...؟

uyghurbeg

ئاپام....غەملەر دەستىدىن سەمىرىيەلمەي قالدى.

aypatam

<<ئاتنىڭ چىرايلىغى  تورۇق ،قىزنىڭ   چىرايلىغى  ئورۇق>>  دەپ   كونىلار  بەكمۇ  توغرا  ئېيتقان.  مېنىڭچە  قىز  -ئاياللىرىمىز  چوقۇم  ئۆزىنىڭ   بەدەن  -قۇرلىشىغا  دىققەت  قىلىش  كېرەك.بىراق  گۈزەل  بولىمەن  دەپ  قارغۇلارچە   ئورۇقلاشقا  بولمايدۇ.

Mehrinaz

سىمىزلەرغۇ نىمىلا دىگەن بىلەن ئۇنى - بۇنى قىلىپ ئورۇقلىيالايدۇ ، لىكىن ئورۇقلار قانداق سەمىرە ؟

uyhuray

ئاللاغا مىڭ شۈكرى ھېلىمۇ سېمىز بۇلۇپ قالماپتىمەن.