رامزاندىكى تاماكا ئىسى (ھىكايە)

رىزەۋ

	رامزاندىكى تاماكا ئىسى (ھىكايە) سەمەت ئەسلى تاماكا چەكمەيتى،ئۇلۇغ رامىزان ئېيى كىرگەندىن بۇيان تۇرۇپلا ئىس پۈلەيدىغان بولۇۋالدى. دەسلەپتە نىمە دەردى باردۇ؟دەپ ئويلاپ قاپتىمەن.ئىدارىدىكىلەر توپلىشىپ قالغان ياكى باشلىق يىغىن ئاچقان چاغدا بىرىنىڭ كەينىدىن بىرىنى تۇتاشتۇرۇپ،كۈچەپ چىكىپ،ھەممىمىزنى ئىسقا كۆمۈۋەتتى.ئىشخانامدىكى خىزمەتدىشىم ئاينۇر ئاچام بىلەن مېھرىگۈل قاخشاپ،ئاغزى-بۇرنىنى ئېتىپ سىرتقا قاچاتتى.يېقىندىلا تاماكا تاشلىغان كونا بەڭگى تۇردىكاممۇ ئاغرىنىپ،-سەمەتجان داشۇسېڭ،تاماكا چېكىشنى بىلەمسە سەن؟ قارىسام يا ئىچىڭگە تارتمايسەن،تۇمشۇقۇڭنىڭ ئۇچىدا پۈۋلەپ،ما ئىشخانىنى ئىسقا توشقۇزۇۋەتتىڭ.-دەپ كەتتى. بۇ سەمەت ئاداش غېىمىدە يوق ھىڭگىيىپ قويۇپ،-باشقا ئىشخانىغا كىرىپ چىكەيچۇ، بۇتاماكىنى،-دەپ بىردەم يوقايتى. « تاراق »» قىلىپ، ئىشخانىنىڭ ئىشىكى قوپال ئىچىلىپ،سەمەت كىردى. ھەممەيلەن ئۇنىڭ بىلەن سۇسقىنا سالاملىشىپ،جىممىدە ئۆز ئىشىمزنى قىلىۋەردۇق. ھايال ئۆتمەي بۇرنۇمغا قاڭسىق بىر پۇراق كەلدى. «قاق سەھەردە ھاراق ئىچىپتۇدە »-دىگەنلەرنى پەرەز قىلىپ،سەمەتكە قارىسام،مەس-ئەلەستەك كورۈندى،كۆزلىرى قىزىرىپ كېتىپتۇ. ئاينۇر ئاچام بىلەن مېھرىگۈل يەنە،ئاغزى-بۇرنىنى ئېتىپ سىرتقا ماڭدى. –ھوي،نەگە خانلىرىم ؟ بۇ ئىشخانىغا مەن كىرسەملا، ئاغزى-بۇرنىڭلارنى ئېتىپ كىتىپسىلەر، مىنى كەمسىتىدىغانغا نىمە ھەققىڭلار بار زادى ؟-دەپ گۆلىيىپ،ئىشىكنى توستى. ئاينۇر ئاچام غەزەپ بىلەن ئىتتىردىمىكىن،سەمەت يىقىلىپ كەتتىدە،غاژ-غۇژلا جىدەل بۇلۇپ،كەتتى.تۇردىكام بىلەن ئىككىمىز ئايرىدۇق،مۇرىلىرىدىن بېسىپ،ئورۇندۇققا ئولتۇرغۇزۇپ قويدۇق. ئاينۇر ئاچام بىلەن سەمەتنىڭ پېلىموت ئوقىدەك چىقىۋاتقان تاپا-تەنە سۆزلىرى بېسىقمىدى، مېھرىگۈلمۇ ئاينۇر ئاچامغا بۇلۇشۇپ،سەمەت بىلەن زوكۇنلاشقىلى تۇردى.باشقا ئىشخانىدىكى ئۇيغۇر،خەنزۇ ئىشداشلار –نىمە ئىش بولدى-دىيىشىپ،بىرمۇنچە ئادەم ئشخانىغا يىغىلدى.شۇ ئارىدا مېھرىگۈلگە گەپ ئېغىر كەلدىمۇ،«پاڭڭىدە» يىغلاپ،سەمەتنى-ھوي،سېسىق چوشقا،ماز…-دەپ تىل سالدى.بايا تېخى بىر-بىرىنى ھاقارەتلىمەي، گەپ تالاشقانتى،ئەمدى سەمەتنىڭ سەت گەپلىرى چىقىپ كەتتى.تۇردىكام بەك نومۇس قىلدى بولغاي،بىر-بىرىگە بويۇندىشىپ،تىللىشىۋاتقان سەمەت بىلەن مېھرىگۇلنىڭ ئاغزىغا تۇيۇقسىزلا بىردىن تەستەك ئۇرۇۋەتتى.ھەممىمىز داڭقېتىپ تۇرۇپ قالدۇق. تۇردىكام بىرلا ھۆكىرەپ،ئىشىكتە دوۋلىشىپ تۇرغانلارنى قوغلاپ،ئىشخانا ئىشىكىنى گۇپلا ياپتى.مېھرىگۈل مىشىلداپ يىغلىغاندىن باشقا،قالغانلار ئېغىر تىنىپ،جىمىپ كەتتۇق.بىر ھازادىن كىيىن ئىدارە باشلىقنىڭ ئاۋازىنى ئاڭلىدۇق،-تۇردى،كەيمېن،-دەپ ئىشىكنى چەكتى.ئىشىكنى ئاچتىم. ئىدارە باشلىقى كىرىپلا،-خىزمەتكە نىمىشقا مەس كىلىسەن-دەپ،سەمەتكە ۋاقىراپ كەتتى.      -ھاراق ئىچسەم نىمە بوپتۇ؟-دىدى سەمەت ،-ئاخشام جىق ئىچىپ قويۇپتىمەن شۇ، سىز يىغىندا روزا تۇتمايسەن ، دىنى پالىيەتكە قاتناشمايسەن دىگەنغۇ،مانا ھاراق ئىچىكىنىم،تاماكا چەككىنىم روزا تۇتمىغاننىڭ ، دىنى پالىيەتكە قاتناشمىغاننىڭ ئىسپاتى.ھوكۇمەت ھاراق ئىچىكىنىم،تاماكا چەككىنىمگە قارشى ئەمەس ھە-دەپ خەنزۇچە سۆزلەپ،باشلىقنى قايىل قىلدىمۇ ۋە ياكى بۇلار ئاخشام بىللە ئىچكەنمۇ،سەمەت بىلەن ئىدارە باشلىقى بىللە چىقىپ كەتتى.       - توۋا،- دىدۇق ھەممىمىز.

uyghur05

	ھەي ، بۇنى ئەمدى نىمە دىگىلى بولىدۇ.

lion17

	ئالامەت يامان بالىكەنغۇ

imramzi

ئۇچقۇن09

	بۇنىڭغا كۈلۈش كېرەكمۇ ياكى قايغۇرۇغ كېرەكمۇ؟؟؟   ھەيرانمەن! ھەيرانمەن!  بەزى ئىدارە ئورگان بۇلامدۇ ۋە ياكى مائارىپ ئورۇنلىرى بۇلامدۇ. بىر چىرايلىق ئىتقاد بىلەن ئەدەپلىك، ھايالىق، ساغلام ئۆسۈۋاتقانلارنى دىنىي پائالىيەت بىلەن شۇغۇللاندىڭ دەپ توسسا؛ بىر قىسىم چەتئەللىكلەرنىڭ چاكىنا ئىقىمىغا كىرىپ چاچلىرىنى نەچچە خىل بۇياپ ئەدەپتىن، ھايادىن چىقىپ كېتىۋاتسا گەپ قىلمىغان!   زددىلا ئەقلىم يەتمەيدۇ؟

喀什姑娘

	نىمانداق باش ئايىغى يوق ھىكايە بۇ؟ بۇنى ھىكايە دىمەي ئەمەلىي ئىش -پائالىيەت تۈرىدىكى بىر نەرسە دىسە بولغۇدەك.

yultuz0903

	يىقىندا  يۇقۇرىدىن تۇيۇقسىز  تاماكا  تاشلىغان ، ھاراق  تاشلىغان ھەمدە جىممىدە بوپ قالغانلانى تەكشۇرۇپ  سەۋەبىنى ئىنىقلاش توغىرسىدا   يوليۇرۇق چۇشۇپ تىكەن ، قارىغاندا ئاۋۇ   «تۇردىكام »غا بىر ئىش بولمىسا بولاتتىغۇ؟!

geniablat

	ياخشى ئىشلار بىلەن شۇغۇللانساق يامان   ئىشلار بىلەن شۇغۇللانساق

hayran03

	توۋا........

xamxar832

	:(