مېنى ئاۋارە قىلىشىڭنى قارشى ئالىمەن

سۈمەييە

	مېنى ئاۋارە قىلىشىڭنى قارشى ئالىمەن ئوقۇتقۇچى-ئىنسان روھىنى نۇرلاندۇرغۇچى مەشئەل، ئۇ مۇنبەرگە قەدەم ئالغان دەقىقىدىن باشلاپ جامائەتكە تەۋە بولۇپ كېتىدۇ، ئۇ دەرستە ياخشى ئوقۇغۇچى -نادىرلار ئۈچۈنلا ئەمەس، دەرستە كەينىدە قېلىۋاتقان سۆيۈملۈك بالىلار ئۈچۈنمۇ؛ قىزغىن، جۇشقۇن چاپچىپ تۇرىدىغانلار ئۈچۈنلا ئەمەس، جىمغۇر، ئۆز دۇنياسىغا غەرق بولغانلار ئۈچۈنمۇ ئوخشاشلا يالقۇنلۇق مەشئەل. ئوقۇتقۇچى، قېنى باغرىڭىزنى ئېچىڭ، ئۇلارنىڭ روھىڭىزنىڭ بىر قىسمىغا ئايلىنىشىنى قىزغىن قارشى ئېلىڭ.    بىر ئوقۇغۇچى دائىم مۇئەللىمنى ئاۋارە قىلىپ قويۇشتىن ئەنسىرەپ، سوئال سورىمايدىكەن. مۇئەللىم پىكىرلىشىش جەريانىدا بۇ ئوقۇغۇچىنى بايقاپ، ئۇنىڭدىن سەۋەبىنى سوراپتۇ. -سىز ماڭا مەسىىلنىڭ جاۋابىنى نەچچە قېتىم دەپ بەرگەن بولسىڭىزمۇ يادىمدا تۇتالمىدىم. شۇنداق تۇرۇقلۇق يەنە سىزنى ئاۋارە قىلىپ سوراشتىن خىجىل بولدۇم،- دەپتۇ ئوقۇغۇچى جاۋاب بىرىپ. -ئاۋۋال ئاۋۇ جىنچىراغنى ياققىن، - دەپتۇ مۇئەللىم بىردەم ئويلىنىپ. ئوقۇغۇچى ئۇنىڭ دېگىنىدەك قىپتۇ. -يەنە بىر جنچىراغ ئەكىلىپ، چىراغنىڭ ئوتىدا ئۇلارنىمۇ ياندۇرغىن،- دەپتۇ مۇئەللىم ئۇنى يەنە ئىشقا بۇيرۇپ. ئوقۇغۇچى بۇنىمۇ ئورۇنداپتۇ. -قارا، شۇنچە كۆپ جىنچىراغنىڭ ھەممىسى بىرلا جىنچىراغنىڭ ئوتىدىن ياندۇرۇلدى، ئەمما بۇنىڭلىق بىلەن ئۇ چىراغنىڭ يورۇقى خىرەلەشتىمۇ؟- مۇئەللىم كۈلۈپ تۇرۇپ ئوقۇغۇچىدىن سوراپتۇ. -خىرەلەشمىدى،- دەپتۇ ئوقۇغۇچى جاۋاب بىرىپ. -سەن ۋە ساۋاقداشلىرىڭ مېنىڭ بىلىمىمدىن بەھرىلەنسەڭلار مېنىڭ بىلىمىم ئازلاپ قىلىش تۈگۈل، ھەتتا تېخىمۇ زور خۇشاللىق ۋە قانائەت ھاسىل بولىدۇ- شۇڭا، ھەر قانداق مەسىلىگە يولۇققاندا، ئىككىلەنمەستىن مەندىن سورا، مېنى ھەر ۋاقىت ئاۋارە قىلىشىڭنى قارشى ئالىمەن-دەپتۇ مۇئەللىم.

zardap

	مۇشۇنداق ئوقۇغۇچىلىرىنىڭ ئۆزىنى ئاۋارە قىلىشىنى ئىستەيدىغان ئوقۇتقۇچى ،  ۋىجدانىغا يۈز كىلەلەيدىغان ھەقىقى ئوقۇتقۇچىدۇر . نەچچە ئاي بۇرۇن سەپەر ئۈستىدە رادىئودا مۇنداق بىر مۇلاھىزە ماقالىسنى ئاڭلاپ قالدىم ، ئوقۇتقۇچى ئىككى خىل بولىدۇ ، بىرى مائاش ئالىدىغان ئوقۇتقۇچى ، يەنە بىرى ئادەم تەربىيلەيدىغان ئوقۇتقۇچى . مائاش ئالىدىغان ئوقۇتقۇچى كۈن ئۆتكۈزۈپ مىللىتىمىز مائارىپىنىڭ تېخىمۇ خۇنۈكلىشىشىنى ، ئەۋلاتلىرىمىزنىڭ بىلىمسىز قېلىشىغا ھەسسە قوشىدۇ . ئادەم تەربىيلەيدىغان ئوقۇتقۇچىنىڭ يۈرىكىدە بىر خىل ئوت بۇلىدۇ ، بۇ ئوت ئەۋلاتلار ئۈچۈن ھەر ۋاقىت يېلىنجاپ تۇرىدۇ . ئۆزىنىڭ ئىنسان روھىنىڭ ئىنجىنىرى ئىكەنلىكىنى ھەر ۋاقىت ئۇنتۇماي يۈرەك قېنىنى مائارىپقا بېغىشلايدۇ دىيىلگەنىدى ، بۇ ماقالە مىنى خېلى ئۇزاققىچە ئويلاندۇرغانىدى . تېمىدا دىيىلگەندەك ئۆزىنىڭ ئاۋارە قىلىنىشىنى شەرەپ ھېس قىلىدىغان ئادەم تەربىيلەيدىغان ئوقۇتقۇچىلارنىڭ كۆپلەپ چىقىشىنى ئۈمىت قىلىمەن .

喀什姑娘

	ئوقۇتقۇچى ھەقىقەتەنمۇ كۆيۈپ تۈگىمەيدىغان مەشئەل،ھەر قانداق بىر ئادەم ئوقۇتقۇچىنىڭ قولىدىن چىقىپ ھەر-ھەر ساھەلەردە ياشايدۇ،جاپاكەش ئوقۇتقۇچىلار كۈنلىرىڭلارغا خۇشاللىق يار بولسۇن.

bilgabag

	ئوقۇتقۇچى ھەقىقىي مەنىدىكى مائارىپنىڭ ئىجراچىلىرى بولالىغاندا ھۆرمەتكە سازاۋەر بولۇشى كېرەك، مۇنبەرگە چىقىپ دەرس ئۆتەلىگەنلىكى ئۈچۈن ئەمەس.

guzalbaxit

	ئوقۇتقۇچى بولماق ئاسان ئەمەسكە،بەزىدە شۇنداق تىرىشسىمۇ،ئوقۇغۇچى ئىلىك ئالماي قىرىشىدۇ ئەمەسمۇ.شۇنداقتىمۇ ئوخشاش مىھنەت قىلىش ،كەچۇرۇپ،مېھىر بىرىش كېرەككە،چۈنكى بىرسى ئوقۇتقۇچى.بىرسى مىللەتنىڭ كەلگۇسى.

يالغۇز

	ئۇقۇتقۇچى ئىنسانىيەتنى نۇرلاندۇرغۇچى يورۇق مەشئەلدۇر!

yultuz0903

	ئۆزۇمنىڭ ئوقۇتقۇچى بولغان لىغىمدىن   بەك پەخىرلىنىپ كەتتىم ، چۈنكى مەنمۇ   .وقۇغۇچىلىرىمنىڭ ئاۋارە قىلىشىنى ياخشى كۆردىغان ئوقۇت قۇچى. ئەمدى بۇ تىمىدىكى مەزمۇننڭ ۆكڭلۈم گە پۈكۈپ قويغان مەلۇم كەسىپ داشلىرىمغا ئوقۇپ بىرىمەن .   دوستىمىز زەرداپ  نىڭ ئىنكاسىدىكى رادىيۇ   نۇتىقىمۇ بۇنىڭ ئىچىدە . سىزگىمۇ رەھمەت  زەرداپ دوس!

yultuz0903

	«كۆڭلۈم گە پۈككەن » دىمەكچىدىم  كەچۇرۇڭلا

mar~dan

	يارايسىز!

taturyul

	مانا بو ئوقوتقوچى،،بىزگە كىرەك ئىنسان