«مېنىڭلا توغرا» دېيىش توغرىمۇ

سۈمەييە

	«مېنىڭلا توغرا» دېيىش توغرىمۇ؟            ئايشەمگۈل ئابدۇرۇسۇل      يېقىندا بىر تونۇشۇمنىڭ قىزىنىڭ روھىي كېسەللەر دوختۇرخانىسىدا داۋالىنىۋاتقانلىقىنى ئاڭلاپ، يوقلىغىلى بارغىنىمدا ئۇ «قىزىم بەك گەپ ئاڭلايدىغان، تىرىشچان، ياۋاش، ئوبدان بالا ئىدى. دوختۇر روھىي بېسىمى ئېغىر بولۇپ كېتىپتۇ دەيدۇ. بىز قىزىمىزغا ياخشى بولامدىكىن دەپلا چىڭ تۇتقان» دەپ يىغلاپ كەتتى. بۇنىڭدىن ئەپسۇسلاندىم، مەن بىلگەندىن تارتىپ بۇ قىز ئاتا-ئانىسى تۈزۈپ بەرگەن قائىدە-تۈزۈم، يۈكسەك ئۈمىد ۋە قاتتىق تەلەپلەر ئاستىدا ياشىغانىدى. ئەمدىلىكتە روھىي جەھەتتە چاتاق چىقىپ، داڭلىق ئالىي مەكتەپتىن چېكىنىپ، داۋالىنىشقا مەجبۇر بوپتۇ. ئەسلى بۇ تونۇشۇمدا «مېنىڭلا توغرا»   دەيدىغان قاراش بار ئىدى.    ئەتراپىمىزغا قارايدىغان بولساق، بۇنداق «مېنىڭلا توغرا» دەيدىغان ئاتا-ئانىلار خېلى بار. ئۇلارنىڭ نەزەرىدە ئۆزىنىڭ مەڭگۈ توغرا بولغانلىقتىن ئۆزگەرتىش ھاجەتسىز، ھەتتا ئۆزى ھەققىدە ئويلىنىپمۇ باقمايدۇ. شۇڭا بىرەر مەسىلە كۆرۈلسە بۇنى بالىدىن، مەكتەپتىن، ئوقۇتقۇچىدىن، ھەتتا جەمئىيەتتىن كۆرىدۇ. ئۆزىدىن خاتالىق ئۆتكەن تەقدىردىمۇ، بالىلارنىڭ ئالدىدىكى ھۆرمىتىنىڭ چۈشۈپ كېتىشىدىن ئەنسىرەپ، بۇنى بالىلارغا دۆڭگەيدۇ. ئەمەلىيەتتە «مېنىڭلا توغرا» دەيدىغان مۇشۇنداق مۇتلەق ھوقۇقچىلىق ئېڭى بالىلارنىڭ ئىجادكارلىقى ۋە مۇستەقىللىقىنى بوغۇپ تاشلاپ، كېيىنكى تەربىيەنى مەغلۇبىيەتكە ئۇچرىتىدۇ.     پەرزەنت تەربىيەسى ئۇزۇن مەزگىللىك، مەسىلىلەر ئۈزلۈكسىز كۆرۈلۈپ تۇرىدىغان مۇرەككەپ جەريان. ئەگەر ئاتا-ئانىلار «مېنىڭلا توغرا» دەپ تۇرۇۋالسا، كېيىنكى پەرزەنت تەربىيەلەش ئىشلىرىدا بىر قاتار مەسىلىلەرگە يولۇقىدۇ. ئالايلۇق، تۇرمۇشتا ھەمىشە ھەر خىل زىددىيەت يۈز بېرىپ تۇرىدۇ، ئەگەر ئاتا-ئانىلار پەقەتلا خاتالاشمىسا، ئۇ ھالدا خاتا قىلغىنى  بالا بولىدۇ، بىر بالا دائىم ئۆزنىڭ ئوڭۇشسىزلىق ۋە خاپىلىقتا  قالغانلىقىنى بىلىدۇ، ھەمدە كىچىكىدىن باشلاپ ئۆزىنىڭ ئىشلىرىنىڭ ئوڭۇشلۇق بولمايۋاتقانلىقىنى ھېس قىلىدۇ. بۇنداق ئەھۋالدا بالىلار ئۆزىگە نىسبەتەن ئىشەنچ يېتىلدۈرەلمەيدۇ، ئۇنىڭدىن باشقا، بۇنداق ئەھۋالدا ئاتا-ئانىلار بالىلىرىنىڭ كەمچىلىكىنىلا كۆرۈپ، ئارتۇقچىلىقىنى كۆرمەيدۇ، بالىلىرىدىن ئۆزلىرىنىڭ ئالدىدا خاتالىقىنى تونۇشنى تەلەپ قىلىدۇ، لېكىن بالا «مەن ئەزەلدىن خاتالاشمىدىم»دەپ قارايدۇ، شۇنىڭ بىلەن تەدرىجى كۆڭلىدە قارشى تۇرۇشنى ئۆگنىۋالىدۇ. «مىنىڭلا توغرا» دەيدىغان ئاتا-ئانىلار ھەمىشە بالىلارغا توغرا تەكلىپ ۋە پىكىر بېرىپ، بالىلارغا ئويلىنىش پۇرسىتى يارىتىپ بىرەلمەيدۇ. بۇ خىل ئەھۋاللار بالىلاردا ھەر خىل پىسخىك مەسىلىلەرنى كەلتۈرۈپ چىقىرىدۇ.         ئىلىم- پەن تارىخىدا مۇنداق بىر قانۇنىيەت بار. ئەگەر مەلۇم بىر تەرەپ مەڭگۈ كۈچلۈك ئورۇندا تۇرسا دۇنيانىڭ تەرتىپى بۇزۇلىدۇ. مۇشۇ نۇقتىدىن قارىغاندا، «مېنىڭلا توغرا» دەيدىغان ئاتا-ئانىلار «بۇزغۇنچىلىق» خاراكتېرگە ئىگە بولۇپ، خاس ئالاھىدىلىك ۋە مۇستەقىللىككە ئىگە بالىلارنى ئۆزىگە مۇتلەق بويسۇندۇرۇش ئۈچۈن، ئۇلاردىكى يوشۇرۇن كۈچ ۋە ئىقتىدارىنى نابۇت قىلىۋېتىدۇ، بۇ ھەر ئىككى تەرەپكە پايدىسىز ئەھۋالدۇر. مېنىڭچە ئاتا-ئانىلارنىڭ كۆپرەك ئۆگىنىشى ۋە نەزەر دائىرىسىنى كېڭەيتىشى بۇ خىل ئەھۋالنى تۈزىتىشتە كۆرۈنەرلىك رول ئوينىيالايدۇ. ئەگەر سىز ئۆزىڭىزنى مۇشۇ تىپتىكى ئائىلە باشلىقىغا كىرىدىكەنمەن دەپ قارىسىڭىز، ئاۋۋال ئۆزىڭىزنى بالىڭىزنىڭ ئورنىغا قويۇپ ئويلاڭ ۋە ئۆزىڭىزنىڭمۇ كىچىك چاغلىرىدىكى ئىشلىرىڭىزنى ئەسلەپ، بالىلىرىڭىزغا خاتالىشىش ۋە ئۇنى تونۇپ، تۈزىتىش پۇرسىتى بىرىڭ ھەم بۇ جەريانغا يېتەكچىلىك قىلىڭ. مەڭگۈ «مېنىڭلا توغرا» دېيىش خاتا. ئەگەر غۇنداق دەپ تۇرۇۋالسىڭىز، چوقۇم مەغلۇبىيەتكە ئۇچرايسىز.

anatil8

	مىنىڭلا توغرا دەپ باشقىلارنىڭ يوللۇق،ئۇرۇنلۇق پىكىرلىرىنى ئىنكار قىلغاندا ئادەم ئاسانلا خاراپلىشىشقا قاراپ يۈزلىنىدۇ، كونىلاردا بىر ئادەمنىڭ نىمە دىگەنلىكىگە قارىماي قانداق ئادەمنىڭ گەپ قىلغىنىغا دىققەت قىل،دەيدىغان ئالتۇنغا تىگىشكۈسىز ھىكمەتلىرى بار،شۇڭلاشقا پايدىلىق تەپلىپ-پىكىرلەرنى قۇبۇل قىلىشى كىرەك،شۇندىلا خاتالىقتىن خالىي بولغىلى بۇلىدۇ. تىما ئاپتۇرىغا تەشەككۈر.

يالغۇز

	ئەتراپىمىزدا بۇنداق ئاتا-ئانىلار يوق ئەمەس ،ئۇلارنىڭ خىيالىدا ئۇلاردا ھىچقانداق خاتالىق يوق. ئۇلار پەقەت بۇرنىنىڭ ئۇچىنىلا كۆرىدۇ ، يىراقنى ئويلىمايدۇ..................

arqiman

	بۇ پەقەت ئىدىيە مەسلىسى ، بىر-بىرىنىڭ كاللىسىدىن ئۆتمىگەنلىكتە . ئاتا-ئانا بولسا پەقەت بالىسى ئۈچۈنلا ، بالىسىغا ياخشى بولسۇن ، كىيىنكى تۇرمۇشى بەخىت ئىچىدە ئۆتسۇن دەيدۇ . لىكىن بالىنىڭ ئەھۋالىغا قاراپ ئىش قىلىش كىرەك . ئەقىل ياشتا ئەمەس باشتا ، دىگەن بۇ قالپاقنى كۆتۈرۈۋالماڭ ،  مودىدىن قالدى . سىز  بالىڭىزنى 20 دىن ئاشماي تۇرۇپ دوكتۇر ، ئالىم ئېنژىنىر قىپ قويسىڭىز 60 تىن ئاشسا نەۋرىسى بىلەن بىللە قۇم توپا كولاپ ئوينامدا  ؟   بالا بولسا بۇنى چۈشەنمىگەنلىكتە ، بالىنىڭ ئىددىيسىدىن ئۆتمىگەنلىكىدە ! ئاتا-ئانام نىمە ئۈچۈن مۇشۇنداق قىلىدۇ دەپ ئويلىمىغانلىقىدا .  بۇ بالا دادا بولغان چاغدا چۈشۈنۈپ قالىدۇ . ئالدىرماڭ ! (خوش~~~ بالا كىچىك تۇرسا ،چۈشۈنۈش ، ئىدىيە ......نىمە ئۈچۈن دىگەنلەنى  نىمە بىلىدۇ ئۇلار . دىگۈچىلەر  بولسا ، بالىنى يۇقىرقىدەك 4-دوختۇرخانىغا جىددى ئاپىرىڭلار ، دوختۇرلار نەخ مەيدان داۋالاش ئېلىپ  بارىدۇ . شۇ چاغدا  چۈشۈنۈپ يىتەلەيدۇ . سىز نىمە دىسىڭىز ، سىز نىمە قىلسىڭز شۇنى قىلىدغان بۇلىدۇ .

geniablat

	بالىلارنىڭ مەكتەپتىكى بىسىمىمۇ ئاز ئەمەس....ئائىلىدە بولسىمۇ ئازراق ئەركىنلىك بىرەيلى! ئۆزىمىزنىڭ شۇ ياشتىكى ۋاقتىمىزنى ئەسلەپ باقايلى....ئۇلارنىڭ تەلەپ-پىكىرلىرىگە ھۆرمەت قىلايلى! ئۆزىمىزنىڭ ھىسىياتىنى بالىلارغا تاڭمايلى! ‹‹4-دوختۇرخانىدا ئۆزىمۇ داۋالانسا بولغۇدەك››.

يالغۇز

	مىنىڭلا تۇغرا دەيدىغانلار تىخى بۇ يەردىمۇ بار ئىكەندە.............................. geniablatدېگەن تورداش راس دەيسىز ،‹‹4-دوختۇرخانىدا ئۆزىمۇ داۋالانسا بولغۇدەك››.

bozyigit

	بۇ خىل ئەھۋالغا قارىتا ئاتا-ئانىلار  بالىغا بەك بېسىم قىلىۋەتمەي ، ئەمەلىي شارائىت، مۇھىتقا قارىتا تەربىيلەش ئېلىپ بارسا بۇلىدۇ ، پۈتۈنلەي بالىنىڭ رايىغا بېقىشقىمۇ بولمايدۇ ، ئامال بار ئاتا - ئانا بولغۇچى بالا بىلەن ئورتاقلىشىپ ، ئاندىن شۇ بويىچە ئىش كۆرسە ئىككىلا تەرەپكە پايدىلىق . ئاتا -ئانا بولغۇچى كۆپرەك ۋاقىت ئاجرىتىپ بالىلار بىلەن پىكىر ئالماشتۇرۇپ تۇرسا بۇلىدۇ .

nuriman001

	بالىلارنى تەربىيىلەشتە ئاتا -ئانىلار ئاۋال ئۇزىنى تەر بىيىلىشى كىرەك.

mikman

	بالا تەربىيىسىگە ئەھمىيەت بىرەيلى؟؟؟؟؟؟؟؟؟...............................

nasirdin

	ئەسسالامۇ ئەلەيكۇم ! جاۋابى :خاتا