ساراڭ

yulgun1

	ساراڭ  يۇلغۇن   -ئادەم بارمۇ!؟               ئادەملەر قېنى؟!... توۋلاپ يۈرەر ساراڭ كوچىدا. قاراپ قويۇپ ئۆتۈپ كېتىدۇ ، كۈلگىنىچە ئادەملەر ئاڭا.   بىر توپ ئادەم ئۇرۇشار دەھشەت، قاش-قاپاق كۆك، ئېغىز –بۇرۇن قان. -ئادەم بارمۇ!؟                 ئادەملەر قېنى؟!... توۋلاپ تېخى ساراڭ ھارمىغان.   ئىككى چوكان تىللىشار ۋاي دات، دۇنيادىكى سېسىق تىل بىلەن. -ئادەم بارمۇ!؟                 ئادەملەر قېنى؟!... ساراڭ توۋلار بارچە ئۈن بىلەن.   بىر توپ كىشى ئىچىپ ئولتۇرار، بەلكىم ئۇلار ئازابتىن نېرى. پەيدا بولدى ساراڭ بۇ يەردە، -ئادەم بارمۇ!؟                ئادەملەر قېنى؟!...   ئاۋات كوچا ئىككى مەست ئەنە،    بىر-بىرگە قاراپ سىيمەكتە. -ئادەم بارمۇ!؟                 ئادەملەر قېنى؟!... ساراڭ تېخى توۋلاپ يۈرمەكتە.   سۆزلەشمەكتە بىر توپ قىز-يىگىت، ھاياسىزلىق ھەركەت سۆزىدە. -ئادەم بارمۇ!؟                  ئادەملەر قېنى؟!... توۋلار ساراڭ ...،نەپرەت كۆزىدە...   باشلاشقانچە ئىككى ئاقساقال، كىرىپ كەتتى قاۋاق ئىچىگە. -ئادەم بارمۇ!؟               ئادەملەر قېنى؟!... توۋلاپ يۈرەر ساراڭ تېخىچە.   -ئادەم بارمۇ!؟               ئادەملەر قېنى؟!... ساراڭ توۋلاپ يۈرۈيدۇ تەنھا. ھەممە ئادەم ئۆز غېمى بىلەن، ئۆز غېمىنى يىمەكتە دۇنيا.   -بۇ دۇنيادا ياشاش مەن ئۈچۈن، ھارام بولدى ئۈلۈپلا كېتەي. ئادەم بارمۇ!؟               ئادەملەر قېنى؟!... مەن يىغلىماي ،قانداقمۇ كۈلەي...؟!   ‹‹ئادەم بارمۇ؟!...››دېگەن سىرلىق ئۈن. چۈچۈتمەكتە زېمىننى، تاغنى... ساراڭ تاشلاپ كەتتى دۇنيانى، ئۇتالمىدى دۇنيا ساراڭنى... ـ ئىجادىيەت

fana

	كىم  كۆرۈپتۇ  ئادەمنى؟   سەنمۇ ئەمەس  ،                      مەنمۇ ئەمەس  ھەم. شائىر ئۈچۈن  سوقۇپ  يۈرىكى يېزىقلارنىڭ  ئەينەكلىرىدە ئەكسىلىنەر ئۆكسىگەن قەلەم .

kun^kiz

	شېئىرنىڭ ۋەزىنى بەكمۇ......ئىنكاس يېزىشقا  قولۇم ئەجەپمۇ ئاجىز كەلدى دېسە .

zulfya

	نىمە دىگەن ئۆتكۈر تىل بىلەن ئىپادىلگەن . بەك ياخشى يىزىپسىز.

مۇبارەك

	ماڭا ئەگەشمە كۆڭۈلسىز پاراڭ، سورىساڭ مەن بىر سۆيۈملۈك ساراڭ. ئىزدەپ يۈرىمەن ھېلىقى شەھەرنى، خوراز چىللىغان نۇرلۇق سەھەرنى...

maxal

	ناھايىتى ياخشى يېزىلغان شېئىر بوپتۇ ،ساراڭ دەپ كەمستىمىزيۇنۇرغۇنلىرىمىزنىڭ  ئەشۇ ساراڭچىلىك ئەقلىمىز يوق ،ناھىمىزدە  بىر ساراڭ بولىدىغان <<ئادەمنى ئادەم دىمەڭ ئىشەكنى ھايۋان دىمەڭ >>دەپ توۋلاپ يۈرىغان ،ھازىر ئويلاپ باقسام ناھايىتى ئۇرۇنلۇق سۆزلەر ئىكەن .ئادەملەرنىڭ ھەممىسىنى ئادەم دىگىلى بولمايدىكەن ئەمەسمۇ،شۇنىڭغا قارىسا بەزى  ئادەملەرمۇ ئىشەكتىن قېلىشمايدىغان بۇلۇپ كەتتى ،شېئىردا بايان قىلىنغان <<ساراڭ >> ساراڭ ئەمەس ،ئۇ ھەقىقى ۋېجدانى بار ئادەمدەك ئادەملەرنى ئىزدەۋېتىپتۇ .

tutem

	تىرىكلىكىمدە، يۈدۇپ يۈرسەم تاغلارنى ھېچكىم ئاغرىتمىغان ماڭا ئىچىنى. مانا ئەمدى- تاۋۇتۇمنىڭ يۇپۇقلېرىنى، ئاچسام قايرىپ دەريا بۇلۇپ ئېقىپتۇ، ئۇلارنىڭ- پەردازلىغان كۆز يېشى.

yil~tiz

	ئادەم بارمۇ؟                  ئادەملەر قېنى؟ بۇ <<ساراڭ>>نىڭ چىن يۈرەك سۆزى. ئادەم بولساڭ ئادەمدەك ياشا، بولمىسا سەن ئىشەكنىڭ ئۆزى.

rasqillh

	ياخشى يىزلىپتۇ

shepeq

	قارا شۇ قەدەر ئەركىندۇر ساراڭ، ئاڭلا پەيلاسۇپتەك سۆزلەر قەلەندەر. سۆزلەيدۇ ھاياتنى بىزدىنمۇ يۈكسەك، ھايات تاشلىۋەتكەن بۇ ۋەيرانىلەر...