|
بالىلار،بالىلىق سىلەرنىڭ ،بالىلىقتىن ھۇزۇرلىنىڭلار!
شاھزادىمەن جىم تۇرماس
سەيپىدىن ئەزىز
(بالىلار شېئىرى)
قۇياش سىزسام دەپتىرىم
كۆيۈپ كېتىدۇ ،
ئاسمان سىزسام يامغۇرلار
يېغىپ كېتىدۇ .
سىزىپ قويسام باھارنى
قارلىغاچ بىلەن ،
«سەن قارلىغاچ »دەپ ئاپام
سۆيۈپ كېتىدۇ.
بېلىق تۇتتۇم ئېرىققا
قاماقنى تاشلاپ ،
كۇرۇك تۇخام يەپ كەتتى
چۈجىسىنى باشلاپ.
بىرەي دىسەم ئاسلانغا
تۇتقان بېلىقتىن ،
قوغلاپ كەتتى ھۈرپىيىپ
قاچتىم پاتراقلاپ .
چاشقان كۈتەر ئاسلىنىم
كامار تۈۋىدە ،
يۈزىن يۇيۇپ ھەر سەھەر
تۇخۇ سۈيىدە.
چاشقىنەكلەر ھىيلىگەر
چىقماس ئۆيىدىن ،
ئۇخلاپ كېتەر مۈشۈكۈم
مەشنىڭ تۈۋىدە.
توغرا تامنى ئات قىلىپ
مىنىپ ئۇينايمەن ،
سۈپۈرگىنى دۇتاردەك
چېلىپ ئۇينايمەن .
سۇ كەلمىسە ئېرىققا
دوستلىرىم بىلەن،
«لۆم-لۆم پاتقاق،لۆم-لۆم »دەپ
پاتقاق بويلايمەن.
شاھزادىمەن ئۆيۈمدە
ئىسمىم جىم تۇرماس،
ئىسمىم ئەمەس پۇت-قولۇم
سەزگۈم جىم تۇرماس.
قۇشقاچ يىللىق دەر ئاپام
قۇشتەك سايرايمەن،
بىزنىڭ ئۆيدىن ھەر دائىم
شادلىق ئۇزىماس.
| 
يوللىغان ۋاقتى 2010-6-1 08:59:02
