ھايات مۇساپىسىدە

parida429

	‹‹ تەرمىلەر ›› ژورنىلىدىن بۇ ماقالىنى ئوقۇغان ئىدىم . كەڭ تورداشلارنىڭمۇ ئۇقۇپ بېقىشى ئۈچۈن يوللاپ قويدۇم .   بىر ياش بىر ئۇستازىدىن جاھاندارچىلىقنىڭ يوللىرى ھەققىدە تەلىم بېرىشنى سوراپتۇ ، ئۇستاز ئۇنىڭغا ئۈچ ھىكاينى سۆزلەپ بېرىپتۇ .   بىرىنچى ھىكايە : ئىككى قاۋۇل ياش بولغانىكەن، بىرى نادان ، بىرى تادان ئىكەن . ئىككىيلەن بۇيرۇققا بىنائەن ئوخشاش بىر يەردىن سۇ ئىزدەپ قۇدۇق قېزىشقا باشلاپتۇ ، ئىككى مېتىرچە كولىسىمۇ سۇ كۆرۈنمەپتۇ . نادان داۋاملىق شۇيەرنى چوڭقۇرلاپ كولاۋېرىپتۇ ، تادان بولسا باشقا بىر يەرگە يۆتكىلىپ يېڭىدىن سۇ مەنبەسى ئىزدەپتۇ . نادان توختىماي تىرىشىش ئارقىلىق ئاخىرى سۇ مەنبەسىنى تېپىپتۇ . ئەمما توختىماي يەر ئالماشتۇرغان تادان ھېچقانداق نەتىجىگە ئېرىشەلمەپتۇ .   يىگىت بۇ ھىكايىنى ئاڭلاپ بولغاندىن كېيىن بىر نەرسىنى چۈشەنگەندەك ،بېشىنى لىڭشىتىپ :   - ئادەم بۇلۇشتا چوقۇم بىر ئىشتا چىڭ تۇرۇش كېرەك ئىكەن ، كېپىنەكتەك شاختىن - شاخقا قۇنۇپ يۈرسە ، بىر ئىشنى باشقا ئېلىپ چىققىلى بولمايدىكەن ، - دەپتۇ .   ئۇستاز كۈلۈپلا قۇيۇپتۇ .     ئىككىنچى ھىكايە : يەنىلا شۇ ئىككى يىگىت ، تادان نۇرغۇن قېتىملىق تەۋەككۈل قىلىشتىن كېيىن ، ئاخىرى بىر يەردىن سۇ مەنبەسىنى بايقاپتۇ . ئەمما نادان بىر جايدىن يۆتكەلمەي ، شۇنچە باش چۆكۈرۈپ كولىغىنى بىلەن ، زادىلا سۇ چىقماپتۇ .   - بۇ ؟ - يىگىت سەل تېڭىرقاپ قاپتۇ ،- مېنىڭچە بۇ دىگەنلىك ، ئادەم توختىماي تەجىرىبە يەكۈنلەپ تۇرۇشى ، ئۆزىنىڭ ياشاش مۇھىتىغا ئەڭ ماس كېلىدىغان ئۇسۇلنى توختىماي ئىزدىشى ، ئۆلۈك ھالدا بىرلا ئۇسۇلغا ئېسىلۋالماسلىقى ، قايمۇقۇپ يۈرۈۋەرمەسلىكى لازىم ، دىگەنلىك بولسا كېرەك .   ئۇستاز يەنىلا مىيىقىدا كۈلۈپ قويۇپتۇ .   ئۈچىنچى ھىكايە : گەرچە ئۇ ئىككەيلەن ھەرقانچە تىرىشچانلىق كۆرسەتسىمۇ ، نادان قانچە چوڭقۇر قازسىمۇ ، تادان قانچىلىغان ئورۇنغا يۆتكەلسىمۇ ، ھەرئىككىلىسى سۇ مەنبەسىنى تاپالماپتۇ .   - نىمىشقا؟ - يىگىت گاڭگىراپ قاپتۇ ، - ئۇنداقتا ئادەم بۇلۇشتا ھېچقانداق ئۆلچەم يوقمۇ ؟   - چۈنكى ئۇيەردە ئەسلا سۇ يوق ئىكەن ، - دەپتۇ ئۇستاز تەمكىنلىك بىلەن ، - ئەمەلىيەتتە ئادەم بولماقمۇ شۇنىڭغا ئوخشايدۇ ، تۇرمۇشتا ئۆزگەرمەيدىغان پىرىنسىپ بولمايدۇ ، ھەممىنى ئۆزىگە تايىنىپ بىلىش ۋە چۈشىنىش كېرەك .

adilkanun

	ياخشى ھىكايە ئىكەن.  جاھاندارچىلىق سەنئىتىنى «تۇرمۇشتا ئۆزگەرمەيدىغان پىرىنسىپ بولمايدۇ ، ھەممىنى ئۆزىگە تايىنىپ بىلىش ۋە چۈشىنىش كېرەك .»تىن ئىبارەت ئاددى ۋە چوڭقۇر مەنىلىڭ جۇملىگە يىغىنچاقلاپتۇ.

sundus

	ياخشى ھىكايە ئىكەن............،رەھمەت سزگە!

salam234

	ياخشى ھىكايە ئىكەن ،ھايات يولى ھەقىقەتەن ئەگرى توقاي. تىما ئىگىسىگە رەھمەت.

YIGLIGANDINKUL

	rah mat bu ma ka li giz ma gi la mas kal gu dak ,man ha zir dal mu xun dah , ak wal da ka yar ni ko li sam su qi ka kin dap kat man ni ku lam da ko tu rup la yu ri wat man , , ,,,,,,,,,,,,,,

ArislanMemet

	ياخشى ھېكايە ئىكەن . ئەجىرىڭىزگە كۆپ رەھمەت .