بالىلىقىمنى ئەسلىسەم

mahsat

                   بالىلىقىمنى ئەسلىسەم
             (بالىلار بايرىمى مۇناسىۋىتى بىلەن)
بالىلىقىمنى ئەسلىسەم، ئىشەككە يانتو مىنىۋېلىپ كىتاب ئوقۇغاچ  بۇغدايلىقنىڭ ئارىسىدىكى ئېرىقنىڭ ئىچىدە ئېشەك بېقىشىم ئىسىمدىن چىقمايدۇ. بۇنداق چاغلاردا مىنىڭ كىتاپقا دۈم چۈشكەنلىگىمنى كۆرگەن پۇرسەتپەرەس  ئېشەك ئۆزى يىيىشكە تېگىشلىك ئوتنى يىمەي ئادەملەر يەيدىغان بۇغداينى يەۋالاتتى. مۇشۇ سەۋەپلىك كىتاب ئوقۇپ بەرگەچ بېقىپ قويغۇنۇمنى بىلمەيدىغان دۆت ئېشەك مىنى دادامنىڭ:  ئىشەككە بۇغداينى يىگۈزىۋېتىپسەن،  نىمىنى باقتىڭ!  دېگەن گەپلىرىگە قۇياتتى. كىتاب ئوقۇشقا ۋاقىت يىتىشتۈرەلمەي ھەم  كىتاپلارنى ئوقۇپ بۇلالماي، ئېشەك مىنىپ كىتاب ئوقۇغان ئوخشايدۇ  دەپ ئويلاپ قالماڭلار.  كىتاب ئوقۇش مىنىڭ خۇددى بەڭگىنىڭ خۇمارىدەك  خۇمارىم ئىدى، تېخى مەكتەپكە بېرىپ-كەلگەچ يولدا كىتىۋېتىپمۇ كىتاب ئوقۇپ ماڭاتتىم.  كۈندە ماڭغاچقا مىنى تۇنىۋالغان يوللار مىنى باشلاپ كىتىۋېرەتتى. لېكىن، مەن باشلانغۇچ مەكتەپتە ئوقۇۋاتقان شۇ يىللاردا ئوقاي دىسەممۇ ئوڭلاپ كىتاب تاپالمايتىم. چۈنكى، باشلانغۇچ مەكتەپنىڭ ئۈچىنچى يىللىغىدا ئوقۇۋاتقان ۋاقىتقۇ دەيمەن، بىزنىڭ دەرىسلىك كىتابلىرىمىز تۈزۈلگەن يېڭى يېزىق دەپ ئاتىلىدىغان ئۇيغۇر يېزىغىمىز شۇ ۋاقىتتا كونا يېزىق دەپ ئاتىلىدىغان ھازىر بىز ئىشلىتىۋاتقان مۇشۇ يېزىغىمىزغا ئالماشتۇرۇش باشلانغان يىللار ئىدى. باشلانغۇچ مەكتەبنىڭ يېرىمىنى ئوقۇپ بولغاندا يېزىق ئالماشتۇرۇش سەۋەپلىكمۇ ياكى ئۆزەمنىڭ  بىر مىللەتنىڭ ئىككى خىل يېزىغى ئارىسىدا  ساۋادىمنى ياخشى چىقىرالمىدىممۇ، ئوقۇغۇلى كىتاب تاپالماي قالاتتىم. ئۇ چاغلاردا  ھازىرقىدەك تاللاپمۇ ئوقۇپ بۇلالمايدىغان كۆپ كىتاپلار نەدە بولسۇن!
     شۇ يىللارنى ئويلىسام، بەش يىللىق تۈزۈمدىكى   باشلانغۇچ مەكتەبنى پۈتتۈرۈپ بولغىچە، مىللىتىمىزنىڭ  ئىككى خىل يېزىغىنى ئۆگۈنۈپ چىقىپتىكەنمەن. شۇنداقلا، ئىككىلا يېزىقتىكى كىتابنى ئىشەككە يانتو مىنىپ ئوقۇپ  يۈرۈپتىكەنمەن. ھازىر قارىسام، كىشىلەر ئاپتوبۇستا،  پويىزدا، ئايرۇپىلاندا كىتاب-ژورنال ئوقۇپ يۈرۈيدىكەن.
بىز باشلانغۇچتا مىللىتىمىزنىڭ ئىككى خىل يېزىغىنى ئۆگەنگەن بولساق، ھازىرقى باشلانغۇچ مەكتەبتىكى بالىلار مىللەت ھالقىغان ھالدىكى «قوش تىل»لىق  يېزىق  ئۆگەنمەكتە ئىدى.
     شۇ يىللاردا بىز باشلانغۇچ مەكتەبتە ساناقلىق  بىر  نەچچىلا كىتابنى سومكىمىزغا سالساقمۇ، سومكىمىز     توشمايتى. ھازىرقىدەك تاش سالغاندەك ئېغىر سومكىسىنى كۆتۈرۈپ ئالدىغا دۈمچۈيۈپ ماڭىدىغان باشلانغۇچ مەكتەپ ئوقۇغۇچىلىرىغا ئوخشىمايتۇق.
   شۇ يىللاردا بىز  بالىلار بايرىمىدا باغچىغا بېرىش  دىگەننى   بىلمەيتۇق. بىزنىڭ سۈزۈك ئاسمان ئاستىدىكى ياپ-يېشىللىققا چۆمگەن مەھەللىمىز باغچىنىڭ ئۆزى  ئىدى.

yawagul10

خوشال غەمسىز ئۆتكەن بالىلىقىمنى بەكمۇ سېغىندىم!

adilkanun

      «بالىلىقىمنى ئەسلىسەم، ئىشەككە يانتو مىنىۋېلىپ كىتاب ئوقۇغاچ......»  
      ھە، ئەمدى بىلدىم! ماۋۇ باش سۆرىتىڭىز باللىلىق ئەسلىمىڭىزنىڭ زامانىۋى ئەكىس ئىتىشى ئىكەندە!          (چاقچاق!)

       كىچىكىڭىزدىنلا كىتاپ ئۇقۇيدىغان ياخشى ئادىتىڭىزگە ئاپىرىن!
       شۇبالىلىقتا مەن ئۇقۇيدىغانغىمۇ كىتاپ ئانچە كەڭرى ئەمەس ئىدى. كىتابى بارلاردىن ئارىيەت ئېلىپ يىرىمىنى ئۇقىيالىسام، ياكى ئۇلارنىڭ ئۇقىغان كىتاپلىرى ھەققىدىكى بايانلىرىنى ئاڭلىۋالسام داۋامىنى تەسەۋۋۇر قىلىپ ئۇقۇۋىرەتتىم.  يازمىڭىزنى كۇرۇپ مۇشۇ تەرىقىدە ئۇقۇغان كىتاپ ۋە كۆرگەن كىنولىرىمنى ئەسلەپ قالدىما!

mahsat

adilkanun يوللىغان ۋاقتى  2012-6-1 15:49
«بالىلىقىمنى ئەسلىسەم، ئىشەككە يانتو مىنىۋېلىپ كى ...

چاخچاقلىرىڭىزدىن ئايلىناي دوستۇم ئادىل قانۇن. ئىسمىڭىز ئادىل ئەمەس قانۇننىڭ بارلىغىنى قانۇن بىلەن ئىدارە قىلىنىدىغان دۆلەتتە يەنىلا بارلىغىنى  كىشىنىڭ ئىسىگە دەرھال سېلىپ تۇرىدىكەن. ( چاخچاق).
  بالىلار بايرىمىنى پەقەت ئويۇن-تاماشا بىلەنلا خاتىرىلىنىدىغان بايرامغا ئايلىنىپ قالماسلىغى كېرەك دەپ ئويلۇدۇم.  مەكتەپتىكى بالىلارنىڭ تولا يېزىق ئالماشتۇرىدىغان ئىشلىرىدىن تۇتامى يوقتەكلا ھىس قىلدىم. بۇ بالىلارنىڭ ئاتا-ئانىلىرى نىمانداق شاختىن-شاخقا قۇنۇپلا يۈرۈيدىغاندۇ دەپ ئويلۇدۇم، خۇددى تولا دىن ئالماشتۇرش تارىخى بولغاندەك.

mamatimin520

ھەي!!!!!!!   نىمە دىگەن خۇشال، نىمە دىگەن غەمكىن بالىلىق ھە؟ بالىلىقنى بەك سىغىندىم.؟؟؟؟؟؟؟؟؟؟؟؟؟

adilkanun

mahsat يوللىغان ۋاقتى  2012-6-1 17:21
چاخچاقلىرىڭىزدىن ئايلىناي دوستۇم ئادىل قانۇن. ئىسمىڭ ...

... ئىسمىڭىز ئادىل ئەمەس قانۇننىڭ بارلىغىنى قانۇن بىلەن ئىدارە قىلىنىدىغان دۆلەتتە يەنىلا بارلىغىنى  كىشىنىڭ ئىسىگە دەرھال سېلىپ تۇرىدىكەن. ( چاخچاق).
     توغرا دەيسىز!   ياخشىلىق ۋە ياۋۇزلۇك ئىنسان تەبىئىتىنىڭ ئىككى تەرىپى بولغاندەك، ئادىللىق ۋە ئادىلسىزلىقمۇ جەمىيەتتى مەڭگۇلۇك سېلىشتۇرما، بۇنىڭدىن چۇقۇم بىرنە تاللاش بىزنىڭ قۇلىمىزدىن كەلمەيدۇ!  بىزنىڭ قۇلىمىزدىن كىلىدىغىنى ئىمكانىيىتىمىز بار ۋاقىتتا ئىككىلەنمەي ياخشىلىق ۋە ئادىللىقنى تاللاش!  ئىمكانىيەت يار بەرسىمۇ ياخشىلىق ۋە ئادىللىقنى تاللىمىساق ئىنسانلىقىمىزدىن گۇمانلانساق بولىدۇ!...
ئىمكانىيەت يار بەرمىسىمۇ ياخشىلىق ۋە ئادىللىقنى تاللىغانلارنى بېشىمىزدا كۇتەرسەك  بولىدۇ!...

بالىلار بايرىمىنى پەقەت ئويۇن-تاماشا بىلەنلا خاتىرىلىنىدىغان بايرامغا ئايلىنىپ قالماسلىغى كېرەك دەپ ئويلۇدۇم.
         ياخشى ئويلاپسىز!  ئويلىرىڭىزغا بەرىكەت بەرسۇن!

مەكتەپتىكى بالىلارنىڭ تولا يېزىق ئالماشتۇرىدىغان ئىشلىرىدىن تۇتامى يوقتەكلا ھىس قىلدىم.
ھەقىقەتەن شۇنداققۇ!..

بۇ بالىلارنىڭ ئاتا-ئانىلىرى نىمانداق شاختىن-شاخقا قۇنۇپلا يۈرۈيدىغاندۇ دەپ ئويلۇدۇم،
         قايسى ئاتا-ئانىنىڭ شۇنداق قىلغۇسى بار؟!...   ئەينى يىللىرى سىز يېزىق ئالماشتۇرغاندا، سىزنىڭ ئاتا -ئانىڭىز قارار قىلىپ ئالماشتۇرىۋەتكەنما؟!...   بۇ نوقتىدىكى ئويلىرىڭىزدا ئاتا- ئانىلارغا ئۇۋال قىلىپ قويغاندەك تۇرىسىز! مەن خاتا چۇشىنىۋالدىممۇ -يە؟!

خۇددى تولا دىن ئالماشتۇرش تارىخى بولغاندەك.
بۇ سېلىشتۇرشىڭىزمۇ تازا جايىغا چۈشمەپتۇ!  «دىن ئالماشتۇرۇش» كىنايە قىلىپ سېلىشتۇرىلىدىغان تىما بولماستىن چوڭقۇر تەتقىق قىلىنىدىغان تىما بۇلىشى كېرەك دەپ قارايمەن!

تولۇقلىما مەزمۇن (2012-6-1 20:00):
ياۋۇزلۇك=ياۋۇزلۇق،  جەمىيەتتى=جەمىيەتتىكى

mahsat

adilkanun يوللىغان ۋاقتى  2012-6-1 19:37
... ئىسمىڭىز ئادىل ئەمەس قانۇننىڭ بارلىغىنى قانۇن بىلە ...

بەزى گەپلەرنى ( تولا يېزىق ئالماشتۇرۇش دىگەندەك ) بىزگە ئىگىدارچىلىق قىلىپ كىلىۋاتقان چوڭلارغا دۆڭگەپ قويمىساق، بىز ئۆزىمىز ئالماشتۇرىۋالمىساق يە. چوڭلار بىزنى نىمە ئۆگەنسەڭ ئۆگەنمەمسەن دەپ ئويلاپدىكىن!   تولا دىن ئالماشتۇرۇش چوڭقۇر تەتقىق قىلىدىغان مەسىلە بولغاندەك، تولا يېزىق ئالماشتۇرۇشنىمۇ چوڭقۇر تەتقىق قىلىدىغان مەسىلە دەپ قارىدىم.

تولۇقلىما مەزمۇن (2012-6-1 20:08):
ئويلامدىكىن دىگەن سۆز خاتا بۇلۇپ قاپتۇ، كەچۈرۈڭلار.

zilnur

ھەي ئالتۇندەك بالىلىق چاغلىرىمىز.غەمسىز ئويناقلاپ يۈرگەن سەبىي چاغلىرىمىز.  بالىلىق چاغلىرىمنى ئويلسام  بىز ئەينى ۋاقىتتا ئوينايدىغان نەرسىلەر ھەقىقەتەن كۆپكەن. ھازىرقى بالىلار بىز ئەينى ۋاقىتتا ئوينىغان نەرسىلەرنى بىلمەيدۇ دىسە. ئوينايدىغان نەرسىلىرى بولسا زامانىۋى نەرسىلەر كومپىيۇتىر ،ئىنتىرنىت  تورىدەك مەۋھۇم نەرسىلەر.

aksumalikisi

دىمىسىمۇ بالىلىق نىمىدىگەن گۈزەل ھە！
ھەممە ئادەم بالىلىق ۋاقـىنى ئويلىسا شۇ بالىلىق چاغلىردىكى ۋاقـــتىغا قايـتقۇسى كىلىدۇ。