بالىلار ئەدەبىياتى سەھىپىسىمۇ بوش قالمىسۇن

saharguli

بىر مەزگىللىك تور تاقىلىش ئاخىرلىشىپ ئەلكۈيى مۇنبىرى ئېچىلىشى بىزنىڭ تۇرمىشىمىزغا يەنە بىر مەنىۋى ئوزۇق ئاتا قىلدى  دەپ ئويلايمەن .بۇ مۇنبەرنى تېپىۋالغاندىن بۇيان  ئازراق بوش ۋاقتىم بولسىلا بۇ يەرگە يۈگۈرەيدىغان بولۇپ قالدىم .دوسلىرىمنىڭ يوللاۋاتقان يوللانمىلىرىنى كۆرۈپ ئۈلگۈرەلمەيمەن .
مۇنبەر ئارىلاۋېتىپ "بالىلار ئەدەبىياتى" سەھىپىسنىڭ قۇرۇق تۇرغانلىقى مېنى ھەيران قالدۇردى ھەم ئويغا سېلىپ قويدى ، ئەجىبا بىز ئۆزىمىزنىلا ئويلاۋاتامدۇق ؟ كېيىنكى ئەۋلاتلارغا ،بالىلىرىمىزغا دەيدىغان بىرەر ئېغىز سۆزىمىز ياكى قالدۇرغۇدەك سوۋغىمىزمۇ يوق بولۇپ كەتتىمۇ ؟
ئەلكۈيى مۇنبىرىنىڭ قۇرغۇچىسى  ئەتراپلىق ئويلۇنۇش  ،قارار چىقىرىش ئارقىلىق بۇ سەھىپىنى قۇرۇپ چىقتى ، ئۇمۇ چوقۇم بۇ سەھىپىنىڭ قۇرۇق تۇرۇشىنى خالىمايدىغۇ دەيمەن .
بۈگۈن تەييارلىقسىزلا كىرگىنىم ئۈچۈن ،ئېنى-سىڭىللىرىمغا ،بالىلىرىمغا بېرىدىغان ئالاھىدە سوۋغاممۇ يوق ،ھازىرچە پەقەت كىچىك ۋاقتىمدا بىز دائىم بىر -بىرىمىزگە  ئييتىپ  تېپىشىپ ئوينايدىغان بىر نەچچە تېپىشماق ئېسىمگە كېلىپ قالدى ،شۇنى قالدۇراي.
دوستۇم !!! سىزمۇ مۇنبەر كۆرگەچ  ئەتراپىڭىزدا پەرۋانە بولۇپ يۈگۈرەپ يۈرگەن  ئىنى -سىڭلىڭىزغا ،بالىڭىزغا بۇ تېپىشماقلارنى دەپ بېقىڭ ،ئۇ تاپالامدىكىن .

1. خوپ ياراشقان تاجىسى ،
     ئېسىل كىمخاپ تونى بار.
    تاڭ سەھەردە ئاڭلىساڭ،
   زەپ چىرايلىق ئۈنى بار.

2.ئاق كېمە ،ئاپپاق كېمە ،
   سۇدا ئۈزەر بۇ كېمە .
   سېرىق تۇمشۇق ،كەڭ تاپان ،
   تېپىڭلارچۇ بۇ نېمە ؟

3.ئۆزى مۇشتۇمدەك،
   قۇيرۇقى نوغۇچتەك .

4.ماڭسىمۇ ياتىدۇ ،
  ياتسىمى ياتىدۇ .
  ئولتۇرسىمۇ ياتىدۇ ،
  ئۇخلىسىمۇ ياتىدۇ .

5.بىر ئاتىسى ،بىر ئانىس ،
  نەچچە يۈز مىڭ بالىسى .

6.ئاخشىمى كېلەر ئەلگىكىم ،
  كۈندۈزى كېتەر لەگلىكىم.

7.ساندۇقۇمدا لىق ئوق ،
  ئەتىسى قوپسام بىرسى يوق .

8.كىچىك چېغىدا تۆت پۇتلۇق ،
   چوڭ بولغاندا ئىككى پۇتلۇق ،
   قېرىغاندا ئۈچ پۇتلۇق .

10، قاراڭغۇ ئۆيدە ،قىزىل بايراق لەپىلدەيدۇ .

11.كېچىسى چاكار ،
     كۈندۈزى بىكار .

12.قارا غوجىكام ئاتتىن چۈشتى ،
     بالىلىرى چۆرىسىگە  ئولاشتى .

13.ئانىسى ئۆي ساقلايدۇ ،
     بالىلىرى ئوينايدۇ .

14.بېشى يوغان قاپاقتەك ،
    پۇتى ئىنچىكە ساپاقتەك .
    ئۈچىيى قورساق سىرتىدا ،
    قۇلىقى پۇتىنىڭ بېشىدا .

15.يەتتە دوست بار قەدىناس،
     بىر -بىرىدىن ئايرىلماس .
     قېرىمىدى ،ئۆلمىدى ،
    ياكى سەككىز بولمىدى .
    بۇ دوستلاردىن كۈندە بىز ،
    ئۇچرىتىمىز بىرىنى .

sakina

پاھ ،جىيەنلىرىمگە بايراملىق سوۋغا ئەكەپسىز دە،رەھمەت سىزگە !
ئۇلار مۇشۇ تاپتا ئۇخلاۋاتىدۇ ،ئويغانسىلا تاپقۇزۇپ باقايچۇ .
قوللىرىڭىزغا دەرد كەلمسىۇن !

uyhuray

ھې ھې ھې   ماڭا قىلدىغان ئىش چىقىپتۇ.ئالدىرىماي ئولتۇرۇپ ئويلىنىپ باقسام بولغىدەك،جاۋابىنى تاپالايمەنمۇ قېنى؟

melek

1. خوراز
2.ئاققۇ،ئۆردەك،غاز
3.مۈشۈك ياكى چاشقان ئەمما جاۋابىمغا ئىشەنچ قىلالمايمەن،ھى ھى قۇيرۇق دىسىلا مۇشۇ 2 بىرنىمە كۆز ئالدىمغا كىلىدۇ.

4.دەزمال

5.قۇياش دادا،ئاي ئانا،يۇلتۇز بالا

6.چىراغ

7.يۇلتۇز

8.ئادەم، ئۆمىلەش،مېڭىش،ھاسا بىلەن مىڭىش

9- نەگە كەتتى سەھرا گۈلۈم،كىمگە بىرىۋەتتىڭىز9-نى؟

10، قاراڭغۇ ئۆيدە كۆيىۋاتقان شام ( بۇ تىپىشماق رومانتىككەن ھى ھى)

11.كۆرپە

12.مۇشۇ تىپىشماقما؟ ماڭا گەپتەكلا بىلىندى،مەن بازارغا كەتكەن دادا قايتىپ كىلىپ ئاتتىن چۈشىشىگە بالىلىرىنىڭ دادا نىمە ئەكەلدىڭ دەپ دادىسىنى ئورىۋىلىش دەپ چۈشەندىم شۇ ھى ھى ھى

13.قۇلۇپ ئانا،ئاچقۇچ بالا

14.ئۈستەل چىرىغى
15. بىر ھەپتىدىكى  يەتتە كۈن

ئۇف ئاخىرى تۈگىدى،ھا ھا ھا قانچىلىكنى توغرا تاپقاندىمەن،ماۋۇ مۇنبەردىكى ئاچاش ئاكاشلارىم 20 گە كىرىپ قالساممۇ كەچكىچە شۇمتەك،جىنتەك دەيدىغان شۇڭا مېنىڭ بايرىمىمنى تەبرىكلەڭلار ھە !! ھا ھا ھا سەھرا گۈلى بۇ تېمىنى ماڭا ئاتاپ يېزىپتۇ.   

gvzal3.8

قولىڭىزغا دەرد كەلمىسۇن، ئەجرىڭىزگە كۆپتىن–كۆپ رەھمەت. بىر نەچچە تېپىشماقنى كۆچۈرۈۋالدىم.

tutem

بالىلارغا ئائىت ئەسەرلەردىن قايسىلارنى بىلىسىز؟

tutem

قېنى ئەلكۈيى مېھمانلېرى،ئۇيغۇر بالىلېرىغا ئائىت يېزىلغان ئەسەرلەردىن قايسىلارنى بىلىسىز؟
مومكىن بولسا تەرجىمە قىلىنغان ئەسەر ياكى ئۆز يازغۇچىلېرىمىز ئېلان قىلدۇرغان توپلاملارنى بىر تىزىپ باقىمامدۇق؟

tutem

تىپىشماق كۈچۈرۈپ نىمە كەپتۇ ئەمدى؟كاللا جىرىڭ-جىرىڭ بولسا مىڭىنىڭ يۇمشاق دىتال قىسمىغىلا ساقلىۋالسا بولمىدىمۇ دەيمەن. [s:2]

ئۇيغۇر بالىلار ئەسەرلېرىدىن قايسىلارنى بىلىسىز؟ مۇشۇ تېمىنىڭ ئاستىغا تەرجىمە قىلىنغان،ئۆز يازغۇچىلېرىمىز يېزىپ توپلام چىقارغان ياكى مەتبۇئاتلاردا بالىلار دۇنياسىنىڭ ھەقىقى غۇبارسىزلىقىنى ئىچىپ بەرگەن ئەسەرلەرنى بىر تىزىپ باقمامدۇ؟(مەيلى قايسىلا ژانىر بولسا بۇلىۋېرىدۇ)

yamgur

مەن بالىلارغا ئائىت تۈركچىدىن ئۇيغۇرچىلاشتۇرۇلغان ئەسەردىن بەشنى بىلىدىكەنمەن. يوللاپ باقاي.

alganazar

سەھەر گۈلى سىزنىڭ باشقىلار ئويلىمىغان تەرەپتىن چىقىش قىلىپ ئىجابى پىكىر قىلغانلىقىڭىزدىن سۈيۈندىم. مۇنبەر مانا مۇشۇنداق كىشىللىرى بىلەن رەڭدارلىققا ئىگە بولىدۇ.