ئايرىلىپ كەتكەندىن كېيىن

kaktus

	ئايرىلىپ 1 كۈندىن كېيىن  مۇبادا بىز ئۇچرىشىپ قالساق،  مەن سېنىڭ كۆزۈڭگە قارايمەن.  كۆز ياشلىرىم شۇنداق دەيدۇ:  مۇنداقلا سەندىن ئايرىلىپ قالغۇم يوق،  پەقەت سەنلا قايتىپ كەلسەڭ،  نەچچە قېتىم قايتىدىن باشلىساقمۇ مەن رازى ئىدىم. ........ ئايرىلىپ 1 ھەپتىدىن كېيىن  مۇبادا بىز ئۇچرىشىپ قالساق،  مەن قانداق قىلىشنى بىلمەيمەن.  سەن ئادەملەر توپى ئىچىدىن يۈتۈپ كەتكۈچە،  مەن ئاندىن شۇنى بىلىمەن.  بۈگۈن كېچە ماڭا ھەمراھ بولىدىغىنى،  پەقەت كۆز يېشى. .....  ئايرىلىپ 1 ئايدىن كېيىن  مۇبادا بىز ئۇچرىشىپ قالساق،  مەن كۆزۈمنى باشقا يەرگە ئەپ قاچىمەن،  سېنى كۆرمەسكە سالىمەن.  لېكىن يۈرىكىمدە بىر ئۈمىد تۇغۇلىدۇ.  ئۇ بولسىمۇ سېنىڭ مېنى چاقىرىشىڭ،  سېنىڭ ئاۋازىڭ چۈشلىرىمدە ماڭا ھەمراھ. ....  ئايرىلىپ 1 پەسىلدىن كېيىن  مۇبادا بىز ئۇچرىشىپ قالساق،  مەن قەدىمىمنى ئاستا توختىتىپ،  يولنىڭ خالىي بىر يېرىدە تۇرىمەن.  سىنىڭ خۇشاللىقىڭنىڭ مېنىڭ قايغۇمنى كۆرۈپ قېلىشىنى خالىمايمەن.  ئاقىۋىتى ئاللىبۇرۇن بېكىتىلىپ بولغان،  تولىمۇ تەستە ئەمىن تاپقان كۆڭلۈمنىڭ،  يەنە باشقىلار تەرىپىدىن ئاۋارە بولىشىنى خالىمايمەن. ....   ئايرىلىپ يېرىم يىلدىن كېيىن  مۇبادا بىز ئۇچرىشىپ قالساق.  سالاملاشقان ۋاقىتتىكى چىراي ئىپادەممۇ شۇنداق سۇس.  يۈرىكىمدە...  چوڭقۇر يەرلىرىدە ئەپسۇسلىنىش،  بەلكىم نەپرەتتۇر،  مۇھەببەت قالدۇرۇپ كەتكەن ئىزدۇر. ....  ئايرىلىپ 1 يىلدىن كېيىن  مەن يەنىلا سەن بىلەن ئۇچرىشىپ قېلىشنى ئۈمىد قىلىمەن،  ساڭا  سەن بولمىغان كۈنلەردىمۇ،  مېنىڭ يەنىلا خۇشال ياشايدىغىنىمنى كۆرسەتمەكچى.  يەنە ساڭا شۇنداق دېگۈم بار،  سەنمۇ ياخشى تۇرۇپسەن.  سېنىڭ ھاياتىڭدا مەن بولمىغان تەقدىردىمۇ.  ئاخىرىدا    دۇنيا ئايلىنىۋېرىدۇ،  ۋاقىت كەينى كەينىدىن داۋاملىشىۋېرىدۇ.  بىز شۇنداق دەيمىز،  قانچىلىك جاپالىق قانچىلىك ئازابلىق بولسۇن،  ئەتە چوقۇم كېلىدۇ.  ئۆتۈپ كەتكەن ئىشلارغا كىم دىققەت قىلىدۇ؟  ھېچكىممۇ دىققەت قىلمايدۇ.  تەتقىقاتچىلار مۇنداق دەيدۇ: قانچىلىك ئېغىر ئازاب بولسۇن،  پەقەت 7 يىل ۋاقىتتا ساقىيىپ كېتىدىكەن.  چۈنكى 7 يىلدا بىزنىڭ ھۈجەيرىلىرىمىز يېڭىلىنىدىكەن، بىر تەرەپتىن  كونا ھۈجەيرىلىرىمىز قالمايدىكەن.  ھەر كۈنلۈك بەرداشلىق بېرىش بىر خىل ئالغا ئىلگىرىلىگەنلىك،  بىر كۈن ئۆتسە،  سېنى سېغىنغان ھۈجەيرەمدىن بىر قىسمى ئۆلىدۇ.  ھامان بىر كۈنى،  ھەممىسى ئۆلۈپ پاك پاكىز بولۇپ كېتىدۇ!!!!  مەنبە خەنزۇچىدىن كاكتۇس تەرجىمىسى

sakina

	توۋا ،مىنىڭ ھايات سەزگۈرەشتىم ئىكەنغۇ -بۇ . ھەقىقەتەن مەن ئۇنى كۆرسەم خوددى بىراۋدەك بىلىنىدىغان بوپ قالدى . چۈنكى 7يىل بولىدىغانغا بىر يىل قالدى ئەمەسمۇ . رەھمەت ياخشى شئېر ئىكەن .

yahxilik

	ئۆزگىچى ئۇسلۇپتا يىزىلغان شېئىر ئىكەن...

alganazar

	تەرجىمىڭىزگە بارىكاللا ياخشى مەزمۇننى يوللاپسىز. بىراق مۇمكىن بولسا ئەدىبىي تىلدا 1 رەقىمىنى خەتچە ئالسىڭىزكەن. چۈنكى گىراماتىكىلىق ئامىلدا ساناق سانلار ئوندىن ئاشقاندا ئاندان رەقەم بويىچە بولمىسا خەتچە يېزىلىدۇ.

uyghurbeg

	ئايرىلىش شۇقەدەر ئاسانمۇ ئەمدى، ئۇنۇتماق شۇ قەدەر ئاسانمۇ ئەمدى!... دەپ ناخشىلارنى ئاڭلىغانىدىم،ئايرىلىش ئاسان،ئۇنۇتماق تەسكەن جۇمۇ!

yil~tiz

	ھەقىقەتەن ئۆزگىچە ئۇسلۇپ، مەزمۇنلۇق ئەسەركەن.

atikam1

	ئايرىلىپ يەنە 1 يىلدىن كىيىنمۇ ئۇچراشسا يۇرەك يەنىلا تەلپۇنىدىكەن ،،،،،،،چۇنكى  تورداشلار دىگەندەك ئۇنتۇش ھەقىقەتەن تەسكەن ئەمەسمۇ،،،،،،،،،،

uyhuray

	توۋا مىنىلا يازغاندەك بۇلۇپ قالدىم.ئەمدىلا بىر يىل بولسا،يەنە ئالتە يىلغىچە شۇنى سېغىنىپ ئۆتەرمەنمۇ؟

sakina

	ئۇنىڭدىن باشقا قىلىدىغان ئىشمۇ ،سېغىندىغانغا باشقىسىمۇ چىقىپ قالار ئوماق . ھەقىقەتەن ئۇنۇتماق قىيىن .ھەركىم ھەرنىمە دەيدۇ بېشىغا كەلمىسە بىلمەيدۇ . مەندەك ئۇنتۇپلا كىتىدىغان كۈنلىرىڭىزمۇ كېلىدۇ .<بۇ كۈنلەرمۇ ئۆتۈپ كېتىدۇ > ئالدىڭىزغا قاراڭ !گۈزەل كەلگۈسى ،خوشال كۈنلەر سىزنى ساقلىماقتا !

guldar

	مېنىڭ <<ياردىن ئايرىلىپ 17سائەت 38مىنۇت ئۆتكەندە>> دەيدىغان بىر شېئىرىم بارتى، شۇنى ئەسلەپ قالدىم