ۋاز كېچىشكىمۇ جۈرئەت كېتىدۇ

dilara

مۇنداقمۇ بىر خىل مۇھەببەت بار- ئىنتايىن گۈزەل ئۇ بولسىمۇ كۆزى ياشلانغان-- ۋاز كېچىش!
ۋاز كېچىش راستىنلا بىر خىل مۇھەببەتمۇ؟ ۋاز كېچىش راستىنلا بىر خىل بەخىتمۇ؟ ئېنىقراق قىلىپ ئېيتقاندا ۋاز كېچىش يەنە بىر تۈرلۈك ئىگىدارچىلىق قىلىش! ئەڭ ئاخىرى ۋەيرانە ھالەتتە چېكىنىش ئاقىلانىلىق ئەمەس! ۋاز كېچىش بىلەن ۋاز كەچمەسلىك ئوتتۇرىسىدا پىرقىراپ يۈرگەندە شۇنى بىلدىمكى، تاشنى تاياققا تاڭغىلى بولمىغاندەك، ھېسسىياتنىمۇ مۇجبۇرلىغىلى بولمايدىكەن. ۋاز كەچمەي چىڭ تۇتىۋالغاندا نىمىگە ئېرىشكىلى بولىدۇ؟ ئازاپ، ئازاپ يەنە ئازاپ.......... قانچىكى قولىڭىزنى چىڭ سىقىمدىسىڭىزمۇ چىقىپ كېتىشكە تېگىشلىك نەرسە يەنىلا بارماقلىرىڭىز ئارىسىدىن سىرغىپ چىقىپ كېتىدۇ، ئەگەر ئالقانلىرىڭىزنى ئاچسىڭىزچۇ؟ ئۇ ۋاقىتتا تېخىمۇ كۆپ نەرسىلەرنى تۇتىۋېلىش پۇرسىتىگە ئىگە بولىسىز، دىمەك يەنە بىر تۈرلۈك ئىگىدارچىلىىق قىلىش ھوقوقىغا ئېرىشىسىز.
    ۋاز كېچىش بىلەن ۋاز كەچمەسلىك ئوتتۇرىسىدا تاللىيالماي قېلىشتىن بەكرەك ئازاپ ئوقۇبەتلىك ئىش بولمىسا كېرەك! ھەقىقى بەل باغلاپ ۋاز كەچكەندە بولسا ئادەم ئۆزىنى يېنىك، ئەركىن- ئازادە ھېس قىلىدۇ. شۇندىن باشلاپ بۇرۇنقى ئازاپ ۋە مۇھەببەت يۈرەكنىڭ چوڭقۇر يەرلىرىگە كىرىپ كېتىدۇ.
    ھاياتتا مېھرى- مۇھەببەت، بەخت ۋە ئازاپ ئوقۇبەتلەر ھەممىسى مەۋجۈت بولغاندىلا لەززىتى بولىدۇ، بولمىسا ھەسەل يەۋەرسە ئەمەن تېتىپ قالىدۇ. بۇرۇن ئىگە بولغان بولۇڭ ھەم يىراقلاپ كەتكەنمۇ بولسۇن، بەزى ئىشلارنى قايتۇرىۋالغىلى بولمايدۇ.
    بىرسىنى ياخشى كۆرۈش ئىنتايى ئاۋارىچىلىق ئىش، بولۇپمۇ ئۇنىڭ ئۈچۈن سىز نۇرغۇن نەرسىلەردىن ۋاز كەچكەندە، ئۇنىڭ ئۈچۈن نۇرغۇن ئىشلارنى قىلغاندا. ئۇ مەلۇم ئىشلاردىن قول ئۈزمەي چىڭ تۇرىۋالغاندا، مانا بۇ سىزنىڭ دوزاققا كىرگىنىڭىزگە باراۋەر بولىدۇ، ئىنتايىن ئازاپلىق..... ھەتتاكى ئەڭ ئاخىرىدا ئۇ سىزگە « بۇ سېنىڭ خاتالىقىڭ، ئۆزەڭگە ئۆزەڭ قىلدىڭ» دېگەندە............
    بىر ئادەم ئۆمرىدە بىرنەچچەيلەننى ياخشى كۆرۈپ قېلىشى مۇمكىن، ئەمما ئۆزىڭىزگە تەۋە بەخىتنى تاپقاندا، بۇرۇنقى ۋاز كەچكەنلىرىڭىزنىڭ ھەقىقەتەنمۇ بايلىق ۋە بەخت ئىكەنلىكىنى ھېس قىلىسىز. ۋاز كەچكەندىلا قەدىرلەشنى ئۆگىنىۋالىسىز. ئۇنتۇپ قالماڭ ھەر ئادەم ئالدى بىلەن ئۆزى ئۈچۈن ياشايدۇ، شۇڭا ۋاز كېچىشنى ئۆگىنىۋېلىڭ.
    ۋاز كېچىش بىر تۈرلۈك سەنئەت، ئۇ قارغۇلارچە ئۆزىنى قاچۇرۇش ئەمەس، ئەكسىچە ئازاپلىق مۇھەببەتنى ساقلاپ قالىمەن دېگەندىن ۋاز كەچكەن ياخشى! ۋاز كېچىشنى ئۆگىنىۋالغاندىلا، ياش تۆكۈلگىچە بۇرۇلۇپ كېتىپ قالغىلى بولىدۇ. تۈنۈگۈننى يۈرەكنىڭ چوڭقۇر يەرلىرىگە كۆمۈۋېتىپ، پەقەت گۈزەل ئەسلىمىلەرنى ساقلاپ قالغىلى بولىدۇ. ۋاز كېچىشنى بىلگەندىلا ئىككىلا تەرەپ يېڭىدىن باشلىيالايدۇ. ئازاپقا يۇغىرىلغان مۇھەببەتنى( مۇھەببەت دېگىلى بولسا) ساقلىغاننىڭ ئەھمىيىتى يوق! بىرسىنى ياخشى كۆرىدىكەنمىز، ئۇنى خۇشال قىلىشىمىز، مەسئۇلىياتچان بولىشىمىز، بەخىتلىك قىلىشىمىز كېرەك، شۇ ۋاقىتتىلا بىزنىڭ مۇھەببىتىمىز چوڭقۇرلىشىدۇ. ئەگەر سىز ئۇنداق قىلالمىسىڭىز دەرھال ۋاقتىدا ۋاز كېچىڭ! ئۇ بىر گۈزەللىك بولۇپ قالغۇسى.....
    بەزى ئىشلارنى باشقىلار دەپ بەرگەن بىلەن بىلگىلى بولمايدۇ، پەقەت باشتىن كەچۈرگەندىلا ئۆگەنگىلى بولىدۇ. مەسىلەن مۇھەببەت، ئادەم پەقەت ئازاپلانغاندىلا ئۆزىنى قانداق قوغداش كېرەكلىكىنى بىلەلەيدۇ، شۇ ۋاقىتتىلا قاچان چىڭ تۇتۇش كېرەكلىكىنى، قاچان ۋاز كېچىش كېرەكلىكىنى بىلەلەيدۇ. ئىگە بولۇش بىلەن يوقىتىش جەريانىدا بىز ئۆزىمىزنى چۈشىنىپ يېتىمىز. ئەمەلىيەتتە تۇرمۇشتا ھەممە نەرسىگە تۈپ -تۈز مۇئامىلە قىلسا توغرا بولىۋەرمەيدۇ. بەزىدە ۋاز كەچكەندىلا تۇرمۇش تېخىمۇ ئاددىلىشىدۇ، گۈزەللىشىدۇ.....!
     ھەي... بۇ دۇنيادىكى مۇھەببەت دېگەن نېمىدۇ؟...... بەلكىم بىر بىرسىنى توختىماي قوللاش، ئۆزئارا مەسئۇلىيەتچان بولۇش، تىرىشىپ تۇرمۇشنى ياخشىلاش.... ۋە بارلىقىنى قارشى تەرەپكە ۋە كەلگۈسى ئەۋلاتلىرىغا بېغىشلاشتۇر.

qalikuxi

ئەركى بۇرادەر ، سىزمۇ  ئۇيغۇر كونا يىزىقىنى ئانچە-مۇنچە تەكرار قىلىپ تۇرسىڭىز بولغىدەك ~~ھى~ھى ~~
«يۈرۈكتىكى ئوتلارنى...»  [s:2]  

qalikuxi

رەھمەت ئەركى ،سىزنىڭ تەۋسىيىڭىزنى تۆۋەنچىلىك بىلەن قوبۇل قىلىمەن . مەن ھازىرغىچە ئۆزۈمنى خېلى كۆپ كىتاب ئوقۇغان ، كىتابخۇمار دەپ ئويلايىتتىم ، ھېلىھەم كىتاب ئوقۇشنى تاشلاپ قويغىنىم يوق . سىزنىڭ ئىسمىمنى تۇتىۋىلىپ ماڭا بۇنداق باھا بېرىشىڭىزنىڭ ئورنى يوق ئىدى . سىزنىڭ ئۇيغۇر تىلى توغرىسىدا ،بولۇپمۇ ھازىرقى زامان ئۇيغۇر كومپىيوتىر يىزىقى توغرىسدا بىلىدىغانلرىڭىز ھەقىقەتەن مېنى قايىل قىلىدۇ . مەندە بۇ توغرىسىدا سىز بىلەن مۇنازىرىلەشكىدەك سەۋىيە يوق ، بۇنى مەن ئىتراپ قىلىمەن . بىراق سىزنىڭ Too young , Too sympleدەپ نىمىنى كۆزدە تۇتىۋاتقانلىقىڭىزنى تازا ئىنىق چۈشىنەلمىدىم . بەلىكىم ،سىز مېنىڭ ئىسمىمنى پىنيىنچە بىۋاستە يازغانلىقىمنى كۆرۈپ،  مۇشۇنداقمۇ بىر ئالىي مەكتەپ ئوقۇغۇچىسى بولىدىكەن دەپ ئويلاپ قالغانسىز ، بىراق سىزگە بىر نەرسىنى ئەسكەرتىپ قويۇشنى لايىق تاپتىم ، ھەربىر ئادەمنىڭ قىزىقىشى ،كۆز-قارىشى ئوخشاش بولمىغانلىقتىن ،ئۇلارنىڭ ئىنتىلىدىغان نەرسلىرى ئوخشاش بولمايدۇ ،بىلىممۇ شۇنىڭ ئىچىدە .ئادەمنىڭ بىلىم ئېلىشىمۇ تاللاشچانلىققا ئىگە. سىز تىلغا قىزىققاچقا ، تىل جەھەتتە بىلىدىغانلىرىڭىز باشقىلاردىن كۆپ بولۇشى ھەيران قالارلىق ئىش ئەمەس . لىكىن ھەممە ئادەمگە ئۆزىڭىزگە ئوخشاش تەلەپ قويسىڭىز ،باشقىلاردا ئاسانلا بىزارلىق تۇيغۇسى شەكىللەندۈرۈپ قويىسىز .
ئىلىم-پەن، بىلىم دېگەننىڭ دائىرىسى كەڭ بولىدۇ ، سىز بىلگەننى مەن بىلمەسلىكىم،مەن بىلىدىغان بەزى نەرسىلەرنى سىز بىلمەسلىكىڭىز  تولىمۇ نورمال ھادىسە.
دېگىنىڭىز توغرا ، مەن تېخى Too young. مەن يەنىلا ئۆگىنىۋاتىمەن .  It’s never too late to learn ، ئۆگەنكەنلىرىمنى يىڭىلاش ئۈچۈن ئۈزلۈكسىز تىرىشىۋاتىمەن .سىزنىڭ بۇ گىپىڭىزنى ئېسمدە چىڭ تۇتىمەن ، يەنە بىر قېتىم رەھمەت سىزگە~!!!

tamqa

نۇرغۇن نەرسىلەردىن ۋاز كېچەلمىگەنلىكىمىز ئۈچۈنلا نۇرغۇن نەرسىلەرگە ئېرىشىش پۇرسىتىدىن مەھرۇم قالىمىز .مۇھەببەتتە تېخىمۇ شۇنداق .خىيالىمىزغا ئىشىنىپ ئاللىقاچان بىزگە تەئەللۇق بولمىغان بىراۋلارنى كۆڭۈل قەسىرىمىزگە مەجبورى قامىۋېلىپ ،بىز ئۈچۈن ھەقىقى كۆيىۋاتقان ،بىزگە بەخىت تۇيغۇسى بېرەلەيدىغان ،بىر ئۆمۈر سۆيۈشكە ،كۈتىشىمىزگە ئەرزىيدىغان كىشىلەرنىڭ كۆزلىرىنى ياشلايمىز ،ھەتتاكى جاھىللىقىمىز ،ئەمەلىيەتكە يۈزلىنەلمىگەنلىكىمىز ئۈچۈن ئۇلاردىن ئايرىلىپ قالىمىز .ۋاز كېچىشنى ئۆگىنەلىگەن بولساق ياخشى بولاتتى....

    ئەلكۈيىدە بەك ئەقىللىق كىشىلەر كۆپمۇ قانداق ،زىيادە سۆزلەپ قويغان بولسام ھەر قايسىلىرى ئېغىر ئالمىغايلا.پېقىردىن خاتالىق ئۆتسە ھەر ۋاقىت تۈزىتىۋېلىشقا تەييارمەن ،ئۇششۇقلۇق قىلغاننى ياقتۇرمايمەن ،پەقەتلا-ھە!

nursima

ۋازكىچىش ئۈچۈن جۈرئەت كىتىدۇ..........ئەمما ئېغىزدا دىمەك ئاسان بولغان بىلەن ئەمىليەتتە بەك تەسكەن!...................

oguzpuxti

مەن ئۇزۇندىن بىرى ۋاز كىچىشنى ئويلاپ يۈرەتتىم ، مىنىڭ ۋاز كەچمەكچىى  بولغىنىم بىرقاراشتا ماڭا تەۋەدەك ، ئەمما ھىس قىلىشىمچە ھەرگىز ماڭا تەۋە ئەمەس مۇھەببەت ئىدى ، مەن كومپىيوتىر ئالدىغا كىلىشتىن ئىلگىرى ۋاز كىچىشنى قارار قىلغانىدىم ، يازمىڭىزنى ئوقۇپ توغرا قىلغانلىقىمنى ھىس قىلدىم .
رىئال تۇرمۇشتا ۋاز كىچىش ھەقىقەتەن قىيىنكەن ، ئەمما ۋاز كىچىشكە كۆزى قىيماي ۋەيرانچىلىققا چۈشكەندىن ياخشىغۇ ، دەپ ئويلايمەن .

axih

 RAS  HAKIKATAN    JURAT  KERAK 

ayhan

ئەسسالاممۇ ئەلەيكۇم...
”ھەي... بۇ دۇنيادىكى مۇھەببەت دېگەن نېمىدۇ؟“گە قارىتىلغان:ئىنسانلار ئارىسىدىكى مۇھەببەت (قىز -ئوغۇللار ئوتتۇرىسىدىكىنىمۇ ئۆز ئىچىگە ئالىدۇ)،بۇ بىر پۈتۈن مۇھەببەت ئەمەس،چۈنكى ئۇ ئەبەدىلىككە ئىگە ئەمەس،ھەم ئەسەردە ئېيتىلغاندەك سىز ئۆمرىڭىزدە بىر ئەمەس بىر قانچە ئادەمنى ياخشى كۆرۈپ قېلىشىڭىز مۇمكىن،مۇشۇنىڭدىنلا بىلىشكە بۇلىدۇ،ھەممە ئۆتكۈنچىدۇر،ۋاقىتلىقتۇر،شۇنداق بىر سۆيگۈ باركى ئۇ بولسىمۇ ئاللاھ سۆيگۈسىدۇر،مانا مۇشۇ سۆيگۈلا  ھەقىقىىدۇر،ئەبەدىدۇر،ئىشقى مۇھەببەت بولسا پانىي دۇنيدادىكى توزاقتۇر،ئۇ بىزلەرنى ھەر كويغا سېلىپ ،دەشتى -چۆللەرگە ئاپىرىپ تاشلاپ قاچىدۇ ،ئۇ يەنە بىر تاۋكاغا ئوخشايدۇ،چۈنكى ئۇ غەپلەت ئىچىدە بولغانلىقى ئۈچۈن،بۇ تاۋكادا دوغا چىققان ھەرقانداق ئادەمنىڭ ئۇتتۇرىشى تۇرغانلا گەپ...