مەدەنىيەت مەركىزىمىزنىڭ بۈشۈكى-ئۈرۈمچى

muhbir

	كەڭ ئەلكۈيى ئەزالىرىغا بۇنىڭدىن كىيىن ئۆز ئانا يۇرتىمىزنى تېخىمۇ ياخشىراق چۈشەنچىگە ئىگە قىلىش مەقسىتىدە مەخسۇس ئانا يۇرتىمىزنىڭ ھەرقايسى ناھىيە - شەھەرلىرىنى تۇنۇشتۇرۇشنى خوپ كۆردۈم.تىمامنىڭ تۇنجى سەھىسىپىسىنى مەدەنىيەت ۋە ھەرقايسى ساھەلەرنىڭ جۇغلانمىسى بولغان ئۈرۈمچىدىن باشلاشنى مۇۋاپىق دەپ بىلىپ بۈگۈن ئۈرۈمچىنى ئازراق چۈشەندۈردۈم.                                                      مەدەنىيەت مەركىزىمىزنىڭ بۈشۈكى-ئۈرۈمچى             ئۈرۈمچى— شىنجاڭ ئۇيغۇر ئاپتونوم رايونىنىڭ مەركىزى ، پۈتۈن شىنجاڭنىڭ سىياسىي ، ئىقتىسادىي ، مەدەنىيەت ، قاتناش ، سودا مەركىزى . تاڭ سۇلالىسى مەزگىلىدە ئۈرۈمچى دەرياسى بويىدا بوز يەر ئۆزلەشتۈرۈش مۇھاپىزەتچى بېگى تەسىس قىلىنغان . چىڭ سۇلالىسى چيەنلۇڭنىڭ 23–يىلى (1758–يىلى) بۈگۈنكى ئۈرۈمچى شەھىرىنىڭ جەنۇبىي قوۋۇقىدا سېپىل بەرپا قىلىنغان ، چيەنلۇڭنىڭ 32– يىلى ‹‹دىخۇا›› يېڭى بازىرى قۇرۇلغان . 1884– يىلى شىنجاڭ ئۆلكىسى قۇرۇلۇپ ، دىخۇا ئۆلكە مەركىزى قىلىنغان . 1934– يىلى شەھەر قىلىپ تەسىس قىلىنغان . 1954– يىلى نامى ئۈرۈمچىگە ئۆزگەرتىلگەن. جەنۇبتىن شىمالغا قارىتا كەڭلىكى 153 كىلومېتىر ، شەرقتىن غەربكە قارىتا ئۇزۇنلۇقى 190 كىلومېتىر ، شەھەر رايونىنىڭ دېڭىز يۈزىدىن ئېگىزلىكى 700–900 مېتىر كېلىدۇ . شەھەرنىڭ ئومۇمىي يەر مەيدانى11 مىڭ 444 كۋادرات كىلومېتىر ، شەھەر رايونىنىڭ يەر مەيدانى 835 كۋادرات كىلومېتىر ، شەھەر رايونىنىڭ قۇرۇلۇپ بولغان كۆلىمى 140 كۋادرات كىلومېتىر. ئومۇمىي نوپۇسى 2 مىليون 80 مىڭ ، بۇنىڭ ئىچىدە شەھەر نوپۇسى 1 مىليون 730 مىڭ ، يېزا نوپۇسى 340 مىڭ . ھازىر سەككىز رايون ( تىيانشان رايونى ، سايباغ رايونى ، يېڭى شەھەر رايونى ، شۇيموگۇ رايونى ، دۇڭسەن رايونى ، تۇدۇڭخابا رايونى ، نەنسەن كان رايونى ،  داۋانچىڭ رايونى ) ۋە بىر ناھىيە ( ئۈرۈمچى ناھىيىسى) قاراشلىق . يەر تۈزۈلۈشى جەنۇبىي ئېگىز ، شىمالىي پەس ، شىمالىي قىسمى تىنما تۈزلەڭلىك . لەنجۇ –شىنجاڭ تۆمۈريولى ، شىمالىي شىنجاڭ تۆمۈريولى ھەمدە دۆلەت يولىنىڭ 312–، 31– ۋە 216– لىنىيىلىرى شەھەر رايونىنى كېسىپ ئۆتىدۇ . مەملىكەت ئىچىگە ئېچىلغان ئاۋىئاتسىيە لىنىيىسى 29 ، خەلقئارا ئاۋىئاتسىيە لىنىيىسى بەش بولۇپ ، جۇڭگونىڭ غەربىي شىمالىدىكى ئەڭ چوڭ ئاۋىئاتسىيە ئېچىۋېتىلگەن پورتىغا ئايلانغان . ئۈرۈمچى يېڭىدىن گۈللەنگەن ئۇنىۋېرسال سانائەت شەھىرى بولۇپ ، نېفىت پىششىقلاپ ئىشلەش ، توقۇمىچىلىق ، ماشىنىسازلىق ، پولات – تۆمۈر ، قۇرۇلۇش ماتېرىياللىرى ، ئېلېكتر ئېنېرگىيىسى ، خىمىيە سانائىتى ، ئېلېكترون ، رەڭلىك مېتال ، كۆمۈر ، يېنىك سانائەت ، يېمەكلىك سانائىتى قاتارلىقلارنى ئالاھىدىلىك قىلغان سانائەت سىستېمىسى شەكىللەنگەن .

tamqa

	مۇخبىر ئەپەندىم تولىمۇ ياخشى ئويلاپتىكەنتۇقسىز .مۇمكىن بولسا ھەر قايسى شەھەرلەرنى تونۇشتۇرغاندا يەنىمۇ تەپسىلى چۇشەندۈرۈلۈش بېرىلسە،قانداق ساياھەت ،مەنزىرە رايونلىرىنىڭ بارلىقى ...دېگەندەك.ماس ھالدا سۆرىتىنى قوشۇپ كۆپرەك يوللىغان بولسىڭىز تېخىمۇ كۆپرەك جايلارنى كۆرۈش پۇرسىتىگە ئىگە بولۇپ قالاتتۇق.بۆشۈكىمىزنىڭ ئاسمىنىنى قانداق تازىلىۋەتكەنسىز

batuk

	ئۈرۈمچى-ئۇ پەقەت رايونىمىزنىڭ سىياسى مەركىزى بولۇشقىلا مۇناسىپ.پەقەت قەشقەرنىلا ئۇيغۇر مەدەنىيەت مەركىزىنىڭ بۆشۈكى دەپ ئاتاشقا ھەقلىقمىز. ئەجرىڭىزنى ئاللاھ بەرسۇن!ياخشى تېمىدىن بىرنى باشلاپسىز،ئۈزۈلۈپ قالمىسۇن.