شۇنداق بىر كۈنلەر كېلىدۇ
(ھاياتلىق كارتىنىسى)
شۇنداق بىر كۈنلەر كېلىدۇكى،سەن قەدىردان ئاناڭنىڭ ئەڭ پاك،ۋە ئەڭ ئاق سۈتىنى ھەممىدىن خاتىرجەم ھالدا ئىچىسەن...
شۇنداق بىر كۈنلەر كېلىدۇكى،سەن ئاتا-ئاناڭنىڭ كىملىكىنى تونۇپ يىتىسەن،ئوماق قىلىقلىرىڭ بىلەن ھەممىنىڭ ئامىراقلىقىنى كەلتۈرىسەن...
شۇنداق بىر كۈنلەر كېلىدۇكى،سەن مەكتەپ ھاياتىغا قەدەم قويىسەن،ئۆزۆڭ دىمەتلىك نۇرغۇن بالىلار بىلەن تونىشىسەن ،ھەم دوست بولىسەن....
شۇنداق بىر كۈنلەر كېلىدۇكى،سەن ھەممىدىن بەخىتلىك شادىمان بالىغا ئايلىنىسەن ،مەكتەپتە دوسلىرىڭ ،ئۆيدە ئاتا-ئاناڭ بار،((بۇلار ماڭا مەڭگۈ باقىۋەندە))دەپ ئويلايسەن....
شۇنداق بىر كۈنلەر كېلىدۇكى،يۈرىكىڭنىڭ مەلۇم بىر ئوغولغا ياكى قىزغا ئىنتىلۋاتقانلىقىنى سېزىسەن،لىكىن ئۇ ھىسىياتنىڭ نىمە ئىكەنلىكىنى بىلمەيسەن....
شۇنداق بىر كۈنلەر كېلىدۇكى،سەن تۇنجى قىتىم يات جىنىس بىلەن سۆيىشىسەن،ۋە ئۇنى ((سۆيگۈنۈم))دەپ ئىتىراپ قىلىسەن.....
شۇنداق بىر كۈنلەر كېلىدۇكى،سەن مەكتەپ ھاياتىڭنى ئاخىرلاشتۇرۇپ جەمئيەت قوينىغا قەدەم قويىسەن.....
شۇنداق بىر كۈنلەر كېلىدۇكى،ھەممە كىشىدىن بىزار بولىسەن،چىقىش يولىڭنى قانداق تىپىش ئۈستىدە باش قاتۇرسەن،بۇ دۇنياغا ئارتۇقچە تۇغۇلۇپ قالغاندەك ھىس قىلىسەن،لىكىن ئارزۇ ئارمانلىرىڭ سىنى يەنىلا ياشاشقا ئۈندەيدۇ،ھەم ((بۇ كۈنلەرمۇ ئۆتۆپ كىتەر))دەپ يۈرىسەن....
شۇنداق بىر كۈنلەر كېلىدۇكى،سەن ((جەمئىيەتنىڭ تەرەقىياتى))دەيدىغان قالپاق كىيىلگەن بولمىغۇر ئىشلارنى قىلىسەن،ئۆزۆڭنى دۇنيادا بىر دەپ ھىساپلايسەن...
شۇنداق بىر كۈنلەر كېلىدۇكى،ئۆزۆڭگە لايىق بولغان ئوغول ياكى قىز بىلەن تۇرمۇشلۇق بولىسەن،((ھاياتىمدىكى ئەڭ بەخىتلىك كۈنلەرگە قەدەم قويدۇم)) دەپ ئويلايسەن....
شۇنداق بىر كۈنلەر كېلىدۇكى،سەن پەرزەنىتلىك بولىسەن،تۇرمۇش ھەلەكچىلىكىدە پۇل تىپىشقا ئىنتىلىسەن،ئۆي باقماقنىڭ قانچىلىك تەس ئىكەنلىكىنى بىلىسەن،ئاتا-ئاناڭنىڭ سىنى قانچىلىك جاپالاردا چوڭ قىلغانلىقىنى تونۇپ يىتىسەن....
شۇنداق بىر كۈنلەر كېلىدۇكى،سەن بالىلىقىڭنى ياشلىقىڭنى بىھۇدە ئۆتكۈزۋەتكەنلىكىڭگە ،مەكتەپ ھاياتىڭدا ياخشى ئوقىمىغانلىقىڭغا پۇشايمان قىلىسەن،شۇنداقلا پەرزەنتىڭنى ((چاپىنىمنى سىتىپ بولسىمۇ ئالىي مەكتەپلەردە ئوقۇتىمەن))دەپ ئۆز-ئۆزەڭگە ۋەدە بىرىسەن....
شۇنداق بىر كۈنلەر كېلىدۇكى،ئاتا-ئاناڭ سەندىن ۋاقىتسىز ئايرىلىپ مەڭگۈلۈك ئۇيقىغا كىتىدۇ ،سەن يىغلايسەن ،قاقشايسەن،ئۇلار ھايات ۋاقتىدا رازىلىقىنى دۇئاسىنى ئالمىغانلىقىڭ ئۈچۈن قاتتىق پۇشايمان قىلىسەن....
شۇنداق بىر كۈنلەر كېلىدۇكى،سەن بارا-بارا قىرىنداشلىرىڭ بىلەن ياتلىشىۋاتقانلىقىڭنى سىزىسەن،باشقا قىرىنداشلىرىڭدىن ئاغرىنسەنيۇ،ئۆزۆڭنىڭمۇ ئۇلارغا قىرىنداشلىق مىھرىڭنى بەرمەيۋاتقىنىڭنى سەزمەيسەن.....
شۇنداق بىر كۈنلەر كېلىدۇكى،ئۆزۆڭنىڭ كۇندىن-كۇنگە قىرىۋاتقانلىقىڭنى ،چىچىڭغا ئاق كىرىپ ،كۆز ئەتىراپىڭغا قوروق چۈشكەنلىكىنى بايقايسەن،قايىتماسقا كەتكەن ياشلىقىڭنى ئەسلەيسەن،ئۆزۆڭنى بەكلا يالغۇز سىراپ قالغاندەك ھىس قىلىسەن....
شۇنداق بىر كۈنلەر كېلىدۇكى،پەرزەنتىڭنىڭ ساڭا قىلغان قوپال سۆزلىرىنى ئاڭلايسەن،ئۆزۆڭنىڭ ئەينى ۋاقتىدا ئاتا-ئاناڭغا قىلغان قوپال سۆزلىرىڭنى ئەسلەپ قاتتىق ئۆكۆنىسەن......
شۇنداق بىر كۈنلەر كېلىدۇكى،سەن قىرىغىنىڭنى ئىتىراپ قىلىسەن،ئەل-جامائەت بىلەن ئارلىشىپ ،جەينىماز ئۈستىدە يۈكۈنۈپ بىلىپ -بىلمەي قىلغان گۇناھلىرىڭنىڭ مەغپىرەت قىلىنىشىنى ياراتقۇچىدىن تىلەيسەن.....
شۇنداق بىر كۈنلەر كېلىدۇكى،ئۇزۇن يىللار بىللە ياشاپ كەلگەن رەپىقەڭدىن ياكى مۇرەببىڭدىن مەڭگۈلۈك ئايرىلىسەن،ئۆزۆڭنىڭ بارا -بارا قەدىرىڭ قالمايۋاتقىنىڭنى ھىس قىلىسەن....
شۇنداق بىر كۈنلەر كېلىدۇكى،ئاللاھدىن ئۆزۆڭنى باللىرىڭ ئالدىدا خار قىلماي،قىرىغاندىكى مەينەتچىلىكلەرگە قويماي،شۇنداقلا جىنىڭنى قىينىماي ئېلېپ كىتىشىنى تىلەپ ئۈنسىز ياش تۆكىسەن....
شۇنداق بىر كۈنلەر كېلىدۇكى،پۇتكۈل ھايات خاتىرىلىرىڭ بىر-بىرلەپ كىنۇ لىنتىسىدەك كۆز ئالدىڭدا نامايەن بولىدۇ،((كىيىنكى يارىلىشىمدا مەنىلىك ياشايمەن!!!)) دەپ ئۆز-ئۆزەڭگە خىتاپ قىلىسەن،ئۆلۆم سىنى مەڭگۈلۈك قوينىغا ئالىدۇ،ھاياتىڭ كۆيۆپ ئۆشكەن شامغا ئوخشاش غايىپ بولىدۇ، ۋاقىت ئۆتكەنسىرى ھەممىسىنىڭ ئىسىدىن كۆتۆرۆلسەن ،
ئۇنىڭدىن كىيىنكى ئىشلار سىنىڭ بۇ دۇنيادا قانداق ياشىغىنىڭغا باغلىق....
مەيلى ئوغول ياكى قىز بولوڭ ،مەيلى بايۋەتچە مەيلى گاداي بولوڭ،مەيلى ساق مەيلى ئاخساق-چولاق بولوڭ ،ئۆلۆم بىزگە كەڭ قۇچاق ئىچىپ قاراپ تۇرىدۇ پەقەت ئوتتۇرلۇقتا ۋاقىت مەسىلىسىلا بار خالاس....
ھەممە كىشىنىڭ ئىسىدە قالغۇدەك ياخشى نامىمىزنى قالدۇرۇپ كىتىشكە تىرىشايلى دوسلار ،چۇنكى بۇ دۇنيا پەقەت تۆت كۈنلۈك،بىزنىڭ ئۇ دۇنياغا قەدەم قويغان ۋاقتىمىز ئەنە شۇ ھەقىقىي ھاياتىمىزنى باشلىغىنىمىزدىن دېرەك بىرىدۇ .........
مەنبە:ئىجادىيەتلىرىمدىن
ئاپتوردىن ئەسكەرتىش: تىمىنى باشقا مۇنبەرلەرگە كۆچۆرۈشكە بولمايدۇ...
يوللىغان ۋاقتى 2012-5-16 03:34:15
