مۇھەممەتجان راشىدىنغا ئاتاپ

naeil

	كۆمۈلمەس ئىزلار (مۇرادجان مۇختەر نائىل) مەن بۇشېئىرىمنى قەلبىمدىكى ئۇستاز ،ئەل قەلبىدىكى مۆھتىرەم ، ھوسۇللۇق شائىر، مۇھەممەدجان راشىدىنغا بېغىشلايمەن! ( لېكىن بۇ ئۇستاز بىلەن ھاياتىمدا بىر قېتىممۇ ئۇچۇرشۇپ باقمىغان) ياشايدۇ شۇنداق بىر تۆھپىكار قان-تەر تۆكۈپ ئەجرىدىن ، چىن ھالاللىق ھەم ئادالەت تۆكۈلۈپ تۇرار مىسراسىدىن . ئەل دېدى،كۆيدى ھامان، ئەلمۇ ھەم كۆيدى شۇڭا، ئەزىز خەلقىم ئۇرۇن بەردى ،قەلب كۆڭۈل تۆرىدىن . ھايات يولدا مىزان بولغاچ تەييارغا ھەييار ياشىماسلىق، بىر زاغىرسى ئەتىۋاردۇر،قارا نىيەتلەر تىللاسىدىن . «جاھان دېگەن يارالدى شۇنداق»قەدرىڭدە ياشا ئىنسان دېگەچ، قايىل بولار گاس-گاچا، ھەتتا جاھانغا بەرگەن تەدبىرىدىن. ھەرنەپەستە دېگەچ ھەمىشە دېھقان ئاتام ،دېھقان ئانام، بەركەت قىلار خامىنى ھەم دېھقان بەرگەن دۇئاسىدىن. ئەتىۋاركەن ياخشى دېگەن،كۆرسىمۇ تالاي كۈلپەتلەر، شۇ ۋەجىدىن «ياخشىلارغا ناخشا تولا»كۈي ناۋاسىدىن. ھەي جاپاكەش، ھەي قەدىردان مىڭ تەشەككۈر ئەجرىڭگە، پەخىرلىنەر ئانايۇرت ھامان ئۆزىنىڭ شۇنداق ئوغلانىدىن. سېنىڭ ئۈچۈن ھەربىر قوللار دۇئادا بولغاچ ھەر زامان ، قادىر خۇدا ئامان قىلغاي ئەھلى دۈشمەن دىشۋارىدىن. نائىل يۈركى يايرايدۇ تەن،سېنىڭ ئۈچۈن مىسرا يېزىپ، ئاڭلا خەلقىم ئۇشبۇ كارۋان دەل مۇھەممەتجان راشىدىن.

jiya.ogli

	بۇ شېئىردا ھۆرمەتلىك شائىرىمىزغا بولغان چوڭقۇر سۆيۈنۈش ھېسسىياتىڭىز ئوتتەك قىزغىن بولغان بولسىمۇ، لېكىن شۇ ئارۇز ۋەزىنلىك شېئىر ئۆلچىمىگە توشمىغان- يەنى بوغۇملىرى ئۇزۇن قىسقا، قاپىيەلىرىمۇ  دەل جايىغا چۈشمىگەن شېئىر بوپتۇ.... يەنىمۇ تۈزىتىپ، ئىشلەپ باقسىڭىز خېلى ياخشى بىر ئەسەر بولىدىكەن.... بۇ مېنىڭ شەخسىي پىكرىم...

khan

	ئارۇز ۋەزىنلىك شىئېرلار شائىردىن ئاجايىپ زور ئىستىبدات ۋە مەسئۇلىيەت تەلەپ قىلىدۇ. شىئېرىڭىزنىڭ مەزمۇنى بولۇپ قالىدىكەن. بىراق جىيا ئوغلى ئېيتقاندەك غەزەل ئۆلچىمىگە چۈشمەپتۇ، ھەتتا مەسئۇلىيەتسىزلىك بىلەن بىر قانچە يەردە ئىملا خاتالىقى سادىر قىلىپسىز. بۇ بولمىغىنى. يەنە بىر مەسىلە: «جاھان دىگەن يارالدى شۇنداق»قەدرىڭدە ياشا ئىنسان دىگەچ، قايىل بولار گاس-گاچا ھەتتا جاھانغا بەرگەن تەدبىرىدىن. بىرىنچى مىسرادىكى ئىككى ئۇقۇم بىر - بىرىگە ماس كەلمىگەن. «جاھان دىگەن يارالدى شۇنداق» دېگەن يەكۈن ئېنىقسىز بولۇپ قالغان (جاھان قانداق يارالدى؟) قەدرىڭدە ياشا ئىنسان دېگەچ، بۇ ئىككى يەكۈن بىر - بىرىنى شەرت قىلالمايدۇ. ئىككىنچى مىسرادا گاس - گاچىلار مەسخىرە قىلىنغان. جاھانغا بەرگەن تەدبىرىڭدىن گاس - گاچىلارمۇ قايىل بولار دېگەن پىكىردىن گاس - گاچىلار ئاسانلىقچە قايىل بولمايتتى، سەن قايىل قىلالىدىڭ دېگەندەك مەنە چىقىدۇ. يەنە كېلىپ مۇھەممەدجان راشىدىن جاھانغا تەدبىر بەرمىگەن (قوللانمىغان)، بەلكى تەبىر بەرگەن. تەبىر بېرىلىدۇ، تەدبىر قوللىنىلىدۇ. تولۇقلىما مەزمۇن (2012-5-10 20:07): ئىستىبدات ئەمەس ئىستىدات دەپ ئوقۇغايسىزلەر

sabaat

	رەھمەت. مەنمۇ مۇھەممەتچان راشىدىننىڭ شېئرلىرىنى بەكمۇ ياقتۇرىمەن. بۇلۇپمۇ بەخىت تىلەش دىگەن شېئىرنى.

ئۇيغۇرۇللاھ

	بىزگەئۇستاز بىزگە يول باش تەلىم ئالغاي ئەقدەيۇ ئىماندىن قانچە رەڭگار بولسا دۇنيا ھىچ تانمغاي ھەققى ساپ ئتىقادىدىن ئەقىدە گەر بەرسە خىزمەت ئىلىك ئالار لەببەيكە دەپ مەيلى كىشىلەر بلمسە  ،ھەقىقەتكە ھەققى چىن ئخلاسىدىن بوۋام ئۇدۇم قىلغان مىراس ئۆزىگە قىلار مەڭگۈگە بىر تۇتقۇسى بىھاجەتتۇر ئۆزگىلەرنڭ سەپسەتسى، ئاتا-بوۋا ئاتا قلغان مىراسدىن رەقىپلەرگە قورچاق بۇلۇش ئۆزىگەمەڭگۈ نۇمۇسلۇق ھەم ئار بىلەر قۇتۇلغاچقا ۋۇجۇدلىرى يىرگىنچلك روھى قۇللۇق كىشەندىن قىلسا بىر سۆز ھەققىقەتتن  يۈرەكلەرنڭ قات-قېتىدىن ئۇرغۇپ چىقار ھەققىقەتنڭ يالقۇنلرى قەلپلەرگە ھىچ سىغمغان ھارارەتلك ۋولقاندىن گەرچىقسا سۆز قەلپلەردىن قەلپلەرگە تۇتاشتۇرغان بىر يول ئاچار شۇندا بۇلۇر خەلىق بىلەن ئاتا -بالا ھەققى چىن مۇھاببەتتىن بۇنڭغا ئۇيغۇر ،ئابدۇقادىر،ئۆركشى ھەم تەۋپىق مىسال ئەل -ۋەتەنگە يول باش بۇلۇپ خەلققە يول كۆرستشكە نەمۇنىدىن كىمكى ئۆزنى ئۇستاز بىلسە ئەنە شۇلا ئۇستاز تۇتسۇن ھەق - ناھەقنى ئايرىشقا بولغان ئەقىل بىلەن تەدبىرىدىن

naeil

	khan يوللىغان ۋاقتى  2012-5-10 20:06 ئارۇز ۋەزىنلىك شىئېرلار شائىردىن ئاجايىپ زور ئىستىبدا ... بۇ يەردىكى «جاھان دىگەن يارالدى شۇنداق»دىگەن ئۇستازنىڭ كىتابىنىڭ ئىسمى كۆزدە تۇتۇلدى،  ئەگەر سىز شۇ كىتابنى ئەستايىدىل ئۇقۇسىڭىز چۇقۇم جاھانغا قانداق تەبىر بىرىلگەننى چۈشۈنىسىز قېرىندىشىم،،، مەن ھەمدە ھېچ قاچان گاس-گاچىنى مەسخىرە قىلغان يىرىم يوق،چۈنكى سىزنىڭمۇ بېشڭىزغا بىر كۈنلەر كەلسۇن قېنى چۇقۇم جاھاندىن رەنجىيسىزغۇ دەيمەن ،لىكىن ئۇستاز شۇ جاھاندىن رەنجىگەنلەرگە تەسەللى بولغىدەك تەبىر بەردى    چۈشۈنىڭ قېرىندىشىم....

otyurakohlan

	مۇھەممەتجان راشىدىننىڭ شېئىرلىرى ھەقىقەتەن ئىسىل مەزمۇنى چوڭقۇر

yimt.turdi

yimt.turdi

	ياخشئ.بۇپتۇ

tograk001

	مۇھەممەدچان راشىدىن ئاكىنىڭ شىئېرلىرى ھەقىقەتەن ئېسىل . مەنمۇھەم  سۆيۈپ ئوقۇيمەن.  ئاكىمىزنىڭ تىنى سالامەت ،ئۆمۈرى ئۇزۇن بولسۇن.