ئۆلۈم ئالدىدىكى پۇشايمان (ھېكايە)

bedar

	ئۆلۈم ئالدىدىكى  پۇشايمان                                                                    ھەر باشتا بىرئۆلۈم،تۇغۇلدۇق ،قېچىپ قۇتۇلغىلى بولمايدىغان ئۆلۈم مىنوتلىرى ھامان بار.شۇغىنىسى ھېچكىممۇ ئۆزنىڭ قاچان نېمە سەۋەپتىن ئۆلدىغانلىقىنى بىلىشكە قادىر ئەمەس،قادىر بولساق ئىدۇق،ئارمان بىلەن كەتمىگەن بولاتتۇق.                                                                                              پەقەت بىر كۈنلۈكلا ئۆمرۈم قاپتۇ.بېشىمدا چاقماق چېقىلغاندەك بولدى،بۇ رىئاللىقنى پەقەتلا ئېتراپ  قىلغۇم كەلمىدى.ئون گۈلۈمنىڭ بىرىمۇ ئېچىلمىغان،ياشلىق باھارىمنى ئەمدىلا كۈتۋالغان ئىدىمغۇ،نۇرغۇن گۈزەل ئارزۇ-ئارمانلىرىم بار ئىدىغۇ،ئەجىبا بۇ دۇنيا بىلەن مۇشۇنداقلا خوشلىشارمەنمۇ؟ بىر كۈن، بۇ بىر كۈن نېمە قىلىشقىمۇ يېتەر؟                                       ئەڭ ئاۋال ئويلىغىنىم ئاتا –ئانامنىڭ دىدارىغا قېنۋىلىش بولدى.ئاپامنى قۇچاقلىدىم،ئىللىق ھىدىنى تويماي ھىدلىدىم،قوللىرىغا سۆيدۈم.ئاپام ＿ يىشى ئەللىككە بارمايلا چاچلىرى تامام ئاقارغان ،يۈزلىرى ئاپتاپتا كۆيۈپ قىزارغان،جاپانى تولا تارتىپ يېشىدىن بۇرۇن قېرلىق يەتكەن مېھرىبانىم ئاپام چاچلىرىمنى سىلاپ يۈز –كۆزلىرىمگە ھارماي سۆيەتتى.كۆز ياشلىرى چاچلىرىمنى پۈتۇنلەي ھۆل قىلۋەتكەن،پۈتۈن جىسمى توختىماي تىتتىرەۋاتاتتى.چەكسىز پۇشايماندىمەن،پەرزەنت بولۇپ ئاپام ئۈچۈن ھېچ ئىش قىلىپ بېرەلمەپتىمەن،مەكتەپ ،ئوقۇش دەپلا ئۆتۈپ كېتىپتىمەن.بىرەر قېتىم تاماق ئېتىپ ئاپامنىڭ ئالدىغا قويغىنىمنى ئەسلىيەلمەيمەن، بىرەر قېتىم بايرامدا سوۋغات ئېلىپ بەرگىنىمنى ھەم ئۇقمايمەن.پەرزەنىتنىڭ راھىتىنى كۆرمىگەن بىچارە ئايال،مانا ئەمدى قىلىپ بېرەي دېسەممۇ ئامالسىزمەن.ئېسىت،ئېسىت!                                                                              ھاياتىمدىكى تاغدەك يۆلەنچۈكۈم،غەمگۇزارىم ،پۈتۈن ئۆمرى ئېتىز-ئېرىقتىلا ئۆتكەن،گۈپۈلدەپ سوقۇپ تۇرغان يۈركىنى بالا ئۈچۈن ئاتىغان ،يۈركىدىن قان ئاقسىمۇ كۆزىدىن تامچە ياش ئاققۇزۇپ باقمىغان ئۇلۇغ ئىنسان دادام مانا شۇ تاپتا كۆزلىرىدىن يامغۇردەك ياش تۆكۆپ يىغلىماقتا،يۈزلىرىمنى يىرىك ئالقانلىرى ئارىسىغا ئېلىپ پېشانەمگە يېنىشلاپ سۆيمەكتە.« سىزگە كەلگەن ئەجەل ماڭا كەلسە بولماسمىدى،مەن ياشايدىغىنىمنى ياشاپ بولغانغۇ» دەپ زارلىماقتا.چەكسىز پۇشايماندىمەن،قىز بولۇپ دادامنىڭ بىر دوپپىسىنى يۇيۇپ بېرىپ باققىنىمنى ،ئشتىن ھېرىپ –ئېچىپ كەلگەندە بىر پىيالە سوغۇق چاي سۇنغىنىمنى ،پۇتلىرىنى تۇتۇپ قويغىنىمنى بىلمەيمەن.مانا ئەمدى كەلمەسكە كەتكۈلىۋاتىمەن،پۇشايماننى ئالىدىغان قاچا بارمۇ؟                                  ئاكا-ئاچىلىرىم ھەممىسى يېنىمدا بار،بۇلاقتەك كۆزلەردىن ياشلار يىپى ئۈزۈلگەن مارجاندەك تۆكۈلمەكتە، ئۇلارمۇ ماڭا ئوخشاشلا ئېغىر ئازاپتا. لېكىن بۇ كۆز ياشلىرى بەدىلىگە مېنىڭ ھاياتىمنى قايتۇرۇپ كېلىش مۇمكىن ئەمەس.چەكسىز پۇشايماندىمەن،بۇرۇن يوقلاڭ ئىشلار ئۈچۈن ئۇلار بىلەن ئۇرشاتتىم،ئشلىرىغا قارشىپ بەرگىلى ئۇنمايتىم،سىڭىل تۇرۇپ ئۆز ئىشىمنى ئۇلارغا قىلغۇزاتتىم.ئەپسۇس،مىڭ ئەپسۇس،ئەمدى ئۇلارنىڭ ياخشى سىڭلىسى بولاي دېسەممۇ بولالمايمەن،بېشىمغا ئەجەل قۇشى قونغان.                                                                                                     يۈرەكسىز ئىدىم،نۇرغۇن ئشلارنى ئويلاشقىمۇ پېتىنالمايتىم،بۈگۈن قۇربىم يېتىشىچە  ھەممىنى قىلۋالاي،سىرلىرىم قەبرەمگە كۆمۈلۈپ كەتمىسۇن.  شۇنداق خىياللار بىلەن يۈركۈمگە تۇنجى قېتىم مۇھەببەت ئۇرقى چاچقان،ئۇزۇندىن بېرى ئوتىدا كۆيۈپ يۈرگەن يىگىتنى ئزدەپ تاپتىم.ئۇ ھېچنىمىدىن بىخەۋەر،مېنڭ  تۇيۇقسىز ئزدەپ كېلىشىم ئۇنىمۇ ھەيران قالدۇردى.ئۇنى ئېغىزمۇ ئاچۇرماي ئىچىمدىكىنىڭ ھەممىنى تۆكتۈم ،ئۆزۈمنىڭ بۇنچىلىك دادىل بولالايدىغىنىم چۈشۈمگىمۇ كىرمىگەن ئىدى.دەيدىغىنىمنى دەپ بولۇپ ئۇنى نېمە دەركىن دەپ ئاغزىغا تەلمۈردۈم،گەرچە ئۇنىڭ ھەرقانداق جاۋابى ئەمدى مەن ئۈچۈن بەرىبىر بولسىمۇ يەنىلائاڭلاپ باققۇم كەلدى.«مەنمۇ سىزگە ئوخشاش ھېسسىياتتا»دېدى ئۇ بىردەملىك جىمجىتلىقتن كېيىن.ئارقامغا شۇنچىلىك تېز بۇرۇلدۇم ۋە ئۇنىڭ ئاخىرقى سۆزلىرىنىمۇ ئاڭلىماستىن يۈگۈرۈپ كېتىپ قالدىم.چەكسىز پۇشايماندىمەن،نېمىشقا ئۇنىڭغا بۇرۇنراق دەپ كۆرمىگەن بولاتتىم،ھېچ بولمىسا ئازراق بىشارەت بەرسەممۇ ھە.ئەگەر شۇنداق قىلغان بولسام بۇ بىر يىلدىن ئارتۇقراق ۋاقىتنى ئوتقا چۈشكەن قىلدەك تولغىنىپ ئۆتكۈزمەس ئىدىم،كېچىلەرئۇنى خىيالەن سېغىنىپ ئۇيقۇسىز تاڭ ئاتقۇزماس ئىدىم.ھاياتىمنىڭ ئەڭ ئاخىرقى ۋاقىتلىرىنى بولسىمۇ ۋىسال شەربىتىگە قېنىپ ئۆتكۈزگەن بولاتتىم.خەيىر،ئەمدى بېشىمنى تاشقا ئۇرساممۇئورنىغا كەلمەيدۇ.                                                                            كىچىك ۋاقىتلاردا دوسلۇرۇم بىلەن سۇغا چۆملۈپ ئوينايدىغان دەريا بويىغا كەلدىم،ئويناقلاپ ئېقىۋاتقان سۈزۈك   سۇ،يۇمران ئوت- چۆپلەر.بۇ يەرگە ئالدىنقى نۆۋەت قاچان كەلگەنتىمكىن تاڭ،ئككى-ئۈچ يىل بۇرۇن ياكى ئۇنىڭدىنمۇ ئۇزۇن بولغان بولسا كېرەك،لېكىن بۇ يەر قىلچە ئۆزگەرمەپتۇ ،ھەر بىر تال تاش،ھەر بىر تال گىياھ مېنىڭ غەمسىز ئۆتكەن بالىلىقىمغا گۇۋاھ بولالايدۇ.چەكسىز پۇشايماندىمەن،نۇرغۇن –نۇرغۇن ئويۇنلارغا مەن تېخى ئويناپ  قانمىغان،مەن بىلەن بىللە ئوينىغان شۇ دوستلار قېنى؟بەزىلىرىنىڭ چىرايىنىمۇ ئەسلىيەلمەن .مەن بىلەن ئەڭ گۈزەل ۋاقىتلارنى بىللە ئۆتكۈزگەن دوسلۇرۇم،سىلەر قەيەردە،سىلەرنى خويمۇ سېغىندىمغۇ؟شۇ چاغلارغا قايتىشقا پۇرسەت بارمۇ؟بولسا قايتىپ كېتىپ مەڭگۈ چوڭ بولمىغان بولاتتىم.ئامال قانچە،كەلمەسكە كەتكەن كۈنلەر ئۇ.                                                                    پېتىپ كېتۋاتقان قۇياشقا قارىدىم،بۈگۈن ئاخىرلىشىش ئالدىدا تۇراتتى،مېنىڭ پەقەتلا ئۆلۈپ كەتكۈم يوق،بار كۈچۈم بىلەن ۋارقىرىدىم:                     -مېنىڭ ئۆلگۈم يوق!!!                                                                                   بىرسىنىڭ قاتتىق نوقۇشىدىن چۆچۈپ كۆزۈمنى ئاچتىم،نە دەريا نە قۇياش كۆرۈنمەيدۇ،كارۋىتىمدا يېتىپتىمەن،يېنىمدا ياتاقداشلىرىم ماڭا ئەجەپلىنىپ قارشىپ تۇرپتۇ.شۇندىلا بىلدىم،ئەسلى چۈش كۆرۈپتىمەن.ۋاقىتمۇ خېلى بىر يەرگە بېرىپ قاپتۇ،تېلفۇننى قولۇمغائېلىپ ئۆينىڭ نومۇرىنى باستىم.                                                                                      مەنبە:چۈشۈم

uygureya

	ھەرنىمە بولسا چۇشىڭىز ئىكەن،يىغلاشقا تەييار بولۇپ بولغانتىم تىخى.ھاياتتا ئارمانسىز كىتىدىغان كىممۇ بار بۇ دۇنيادا.

u0999

	ئاشۇنداق ئانى دەپ مانى دەپ ئۆلۈپ كىتىمىز بىر كۈنى ....

atikam1

	بەك تەسسىرلىك يېزىپسىز ،،،مەنغۇ راستلا يىغلاپ سالدىم،،،،،ئۆلۈم شارابىنى ئىچمەيدىغان ئىنسان بولمىسا كېرەك،،،،،

جەننەتگۈل

	بەك  تەسرلىك  يىزپسىز !!!~~~

kurt

	ئاققان سۇلار ،ئاتقان تاڭلار قايتا كەلمەيدۇ. ئامال يوق ،ھەر كۈننى خۇشال-خورام كۈتۈۋالايلى، ئەھمىيەتلىكرەك ئۆتكۈزەيلى،

维医医生

	ھېكايىڭىز ئىچىگە كىرىپلا كىتىپتىمەن دىسە . ..........ئۇف ،چۈشىڭىز ئىكەنلىكىنى بىلىپ كۆڭلۈم جايىغا چۈشتى.

123zumrat

	شۇنداق ئېچىنىپ ئولتىراتتىم ..ئۇف !!!!!ھەرنىمە بولسا چۈشكەن.........

abdurahman119

	توۋا.....باشتا دەپ قويسىڭىز بولمامتى چۇش دەپ................

0997aynur

	بەك تەسىرلىك يېزىپسىز مەن تېخى راس ئىش ئوخشايدۇ دەپتىمەن بۇ چۇشىڭزكەن دە