ئوتتۇز ئىككىنچى ئەتىرگۈل

tashadem

	ئوتتۇز ئىككىنچى ئەتىرگۈل -ئايالىمغا ئەتىرگۈل بىر قۇياش ، مېنىڭ قۇرغاق كېچەمدىكى مۇساپىلەرنى يورۇتقان بەلكىم بەختنىڭ تەبەسسۈمىدۇر خۇپيانە سۆزلەر بىلەن مەدھىيلەيمەن ئۇلارنى بىرىنچىسى ھال رەڭ ئىككىنچىسى تېگىگە يەتكىلى بولمايدىغان چۈشلەرگە تولغان... ئۈچىنچىسى قات-قېتىدىن سۆيگۈ نۇرى چېچىلغان تۆتىنچىسى كېچدىكى نۇر بەرگىلىرى، قاراڭغۇ تىنىمدە ئېچىلغان بەشىنچىسى ئۆمرۈمنىڭ ۋەزنىدە تۇرىدۇ كۆكلەپ. ئالتىنچىسى بەلكىم شامالدۇر ياكى سالقىن كۈز ئۆمرۈمنىڭ ھەر مىنىۇتلىرىدا، يۈرىكمنىڭ سۇقۇشلىرىدا تۇرغان مېنى باغرىغا بېسىپ يەتتىنچىسى قىنىمدىكى گۈل ئۇرۇقى، ھوجرىمىزدا نەمخۇش ئېچىلغان سەككىزىنچىسى سەھەردە ئويغانغان تۈننىڭ پارچىسى دولقۇنۇمغا قۇيۇلغان... توققۇزىنچىسى چىڭقى چۈشنىڭ تومۇز ئىسسقى تىرەمنىڭ رەڭگىنى پۇرىغان ئونىنچىسى سىم –سىم يامغۇر قاقاس ئۆمرۈم ئۈستىگە ياغقان ئون بىرىنچىسى كىچىك بىر قۇش يۈرىكىمگە ئۇۋا سالغان ئون ئىككىنچىسى كۆرۈنمەس قەپەس مېنىڭ ئۈچۈن ياسالغان ئون ئۈچىنچىسى يۇمران شەپەق، لەۋلىرىمنىڭ ئاستىدا تۇرغان ئون تۆتىنچىسى كۆرۈنمەس تېكەن يۈرىكىمگە يوشۇرۇنغان ئون بەشىنچى ئەتىرگۈل  ئالقىنىمدا كۆيۈۋاتقان ئوت ئون ئالتىنچى ئەتىرگۈل ئۇخلاۋاتقان قۇلۇلە دېڭىزىمنىڭ ساھىلىدىكى ئون يەتتىنچىسى شارقىراتما ھېسلىرىمغا قۇيۇلىۋاتقان ئون سەككىزىنچىسى تىنىمىزدە شەكىللەنگەن يانار تاغ ئون توققۇزىنچىسى كالىېتسىي بىلەن ئېلمىنىتلار جەدىۋىلى يىگىرمىنچىسى دېڭىز شاۋقۇنى يىگىرمە بىرىنچىسى سۇ تاملىرى بىلەن لاي بىزەكلەر يىگىرمە ئىككىنچىسى پىشانەمگە يېزىلغان تەسۋىرى يېزىق يىگىرمە ئۈچىنچىسى تاش قوراللار دەۋرىدىكى تېرىقچىلىق ئۇسۇلى يىگىرمە بەشىنچىسى جەڭ ئولجىسى يىگىرمە ئالتىنچىسى تىلسىز چۆچەك يىگىرمە يەتتىنچىسى تاش كارۋات تىنىمىڭ پۇراقلىرى ئويۇلغان يىگىرمە سەككىزىنچىسى سۈرگۈنگاھ ئەركىنلىكىم بوغۇلغان يىگىرمە توققۇزىنچىسى تاش كارۋاتتۇر ۋەتىنىمدىكى ئوتتۇزىنچىسى بىر تامچە تۇز، بىر سىقىم تۇپراق ئالقىنىمدىكى ئوتتۇز بىرىنچىسى ھاياتىمدىكى بىر تال ،پەقەتلا بىر تاللا گۈلگە ئوخشايدىغان بارلىقىم ، ئوتتۇز ئىككىنچى ئەتىرگۈل مۇھەببەت ،نېكاھ ۋە ئائىلە ئۈچۈن سۇ بولۇپ ئېقىۋاتقان، ئوت بولۇپ كۆيۈۋاتقان بىر ئايالدۇر ھاياتىمدىكى... 2011-11-3 كۈنى

qedinas

	ياخشى يېزىلىپتۇ....  بىر ئادەمنىڭ 32 يىللىق تارىخىكەن.