چۈنكى مەن ئالدىراش (ساتىرا)

khan

	سۆزۈمنى ئەستە تۇت، يوقتۇر قايتىلاش، يولۇمنى توسمىغىن، قىلما دەتالاش، ئەزمەڭنى ئەزمىگىن، تېز سۆزلە ئاداش، چۈنكى مەن ئالدىراش، بەكلا ئالدىراش. ئۆيۈڭگە چىللىما، ۋاقتىم يوق پەقەت، ئۆيۈمگە كەلمە ھەم، كۈتۈش مۇشەققەت، ئاۋارە قىلمىغىن ئۇنى – بۇنى دەپ، چۈنكى مەن ئالدىراش، بەكلا ئالدىراش. بازارغا چىقايلى دېمىگىن خوتۇن، چىدام ئۆي سالايلى دېمىگىن خوتۇن، قوي، كالا باقايلى دېمىگىن خوتۇن، چۈنكى مەن ئالدىراش، بەكلا ئالدىراش. باغچىغا بارمايلى بولامدۇ بالام، ھەلەپنى يېمىسە ئۆلەمدۇ كالام، كۈتمىگىن ئەسسالام، مەندە يوق سالام، چۈنكى مەن ئالدىراش، بەكلا ئالدىراش. يوق يىلدا بىر قېتىم يۇرتنى ئازنىلاش، يوق يىلدا بىر قېتىم ئانامغا قاراش، يوق يىلدا بىر قېتىم يۇرتقا نەزىر - ئاش، چۈنكى مەن ئالدىراش، بەكلا ئالدىراش. ئەھلى مەن سورۇننىڭ، چاي ۋە قىمارنىڭ، قۇلى مەن بىكار نان، ئاقچا دوللارنىڭ. ئەمگەك ھەم تىجارەت ئىشى بىكارنىڭ، چۈنكى مەن ئالدىراش، بەكلا ئالدىراش. خىزمەتكە باھانە تاپمىسام تېخى، يىرتىق ھەم ياماقنى ياپمىسام تېخى، باشلىقنىڭ كەينىدىن چاپمىسام تېخى، چۈنكى مەن ئالدىراش، بەكلا ئالدىراش. داداممۇ دىدارسىز باقىغا كەتتى، ئۆمرۈمنىڭ يېرىمى ساقىغا كەتتى، يولۇم كۆپ دوقالغا، لاقىغا كەتتى، چۈنكى مەن ئالدىراش، بەكلا ئالدىراش. ۋاقتنىڭ ھېكمىتىنى سورىماپتىمەن، رەھمەتلىك دادامنى دورىماپتىمەن، ئۆزۈمنى ئالداپلا، قوغدىماپتىمەن، چۈنكى مەن ئالدىراش، بەكلا ئالدىراش. ماياتنىك كەينىدىن قوغلىدىم پەۋەس، ۋە لېكىن تاپقىنىم تۆت تەڭگە ئەمەس، بىلگىنىم: ھەممىسى شۇ قۇرۇق ھەۋەس، چۈنكى مەن ئالدىراش، بەكلا ئالدىراش. مەنبە: ئۆز قەلىمىم. 2011 - يىل 9 - ئاينىڭ 5 - كۈنى دىيارى توقسۇن.

jesurmen

	بۇ يازمىنى كۆرۈپ يۇرتۇمنى، ئۆيدىكىلىرىمنى سېغىنىپ قالدىم. يىل بوپتۇ بارمىغىلى، ھەي تىرىكچىلىك...

喀什姑娘

	بەكلا ياخشى يېزىلىپتۇ،قەلەم ئگىسىگە رەھمەت،قولىڭىز غا دەرت بەرمىسۇن

turkinaz0992

	« مەن ئالدىراش » دېگەن سۆزنى ئاڭلىساملا بىرى ئېسىمگە كېلىپ قالىدۇ . خىزمەتكە چىققان كۈندىن باشلاپ باشلىقلارغا خۇشامەت قىلىشنى باشلىۋەتكەن ، قارىسىڭىز دائىملا ئالدىراشلا يۈرەتتى ، دەرىس مۇنبىرىدە تەر چىقىرىپ بىر سائەت دەرىس  ئۆتكىنىنى بىلمەيمىز  . توۋا ،  يېڭى خىزمەتكە چىققاندا قىزىقىپ ئىشلىگەننى كۆرگەن دېيىشىپ كېتىمىز . شۇنداق قىلىپ يۈرۈپ ھازىر نۇقتىلىق مەكتەپتە مەكتەپ مۇدىرى بولۇپ كەتتى ، كىم بىلىدۇ ئەتە - ئۆگۈن يۇرتىمىزنىڭ مائارىپى ئەشۇ ئالدىراش ئادەمنىڭ قولىغا قالامدۇ تېخى ؟ بىر نېمە دېمەك تەس ..... ھازىر قۇرساقتا ئۇماچ بولمىسىمۇ مۇناسىۋەتكە  ئۇستا بولسىلا  بولىدىغان بولۇپ كەتتى ئەمەسمۇ ؟

atikam1

	مەزمۇنى چوڭقۇر تەربىيىۋى ئخىمىيىتى بار تېمىكەن بۇ،،،،،،ھازىر قاپاق پۇلغا يارىمايدىغان ،،باراڭ بۇپغا يارايدىغان زامان بوپ كەتتى،،،،،،

salam234

	پاھ-پاھ ھەقىيقەتەن ياخشى يىزىلىپتۇ،  ئۇستا قەلەمكەش ئىكەنسىز .    رەھمەت سىزگە ، ھارمىغايسىز.

tabassumay

	قەلىمىڭىز ھەقىقەتەنمۇ ئوتكۈر ئىكەن !~   قايىل بولدۇم سىزگە !~~   بىز خەپ ئالدىراش بولۇپ قالمايلى جۇمۇ دوسىتلار!~~   ئالدىراش بولغاننىڭ ھالىغا ۋاي ، ئانا رازى بولمىسا بىكاردە !~~

tograk001

	ياخشى شىئېركەن. قەلىمىڭىزگە بارىكاللا!!!!!

uygureya

	قىلىدىغان ئىشلارنى قىلماي ئەھمىيەتسىز ئىشلار ھەلەكچىلكىدە يۇرگەن ئادەم ئالدىراش بولمىسا كىم ئالدىراش بولاتتى،ناھاتيىتىمۇ جايىدا،مەرمۇنلۇق يىزىپسىز.رەھمەت.