ياغلىق دۇكىنى

rayhan

	ياغلىق دۇكىنى (رەيھانگۈل مۇھەممەد ئەنھار) شايى ياغلىق،يىپەك ياغلىق... ئايچېھرە،گۈلگۈن قىزلار تاللىشار ئۆزلىرىگە ياغلىقلارنىڭ ئەڭ چىرايلىقىنى. يۇرتۇمدا سەھەردىلا مانا شۇنداق قىزىپ كېتەر ياغلىق دۇكىنى. يېپىقسىز ئىشىكتىن كۈلۈمسىرەر رەڭدار ياغلىقلار دېققىتىنى تارتماق بولۇپ كوچىدىكى ياغلىقسىزلارنىڭ. يەنە ياغلىق تاللىشار قايدىندۇر كەلگەن ياپياش يىگىتلەر سوۋغات قىلىپ چىرايلىق ياغلىق، ئۇتماق بولار نازۇك كۆڭلىنى جانان قىزلارنىڭ. خېرىدارىغا ياغلىقلار ئوراپ ھېرىپ قالماس چىۋەر قوللىرى ياغلىق چىگكەن پىركازچىك قىزنىڭ.

arzuyar

	ناھايىتى ياخشى يېزىپسىز!ئەجىرىڭزنى ئاللاھ بەرسۇن. مۇسۇلمانمەن دەۋاتقان قېرىنداشلىرىمىزنىڭ خانىم قىزلىرىمىزنىڭ ئەۋرەتلىرىنى يېپىپ يۈرىشىنى قوللىشىنى،ئاللاھنىڭ ئەمرىنى ئورۇنداشقا سەل قارىماسلىقىنى ئۈمۈد قىلىمەن. بەزى ئەرلىرىمىز،ئاياللىرىمىز كۆزىگە بۇنداق ئاياللارنىڭ بەك سەت كۆرىنىدىغانلىقىنى ئوچۇق ئاشكارە سۆزلىشىپ يۈرىدۇ،قايسى بىر كۈنى بىر ئەرنىڭ ئايالنى ياغلىق چىگىۋالغانلىقى ئۈچۈن  كەمسىتىپ پالانى ئايال شۇنداق چىرايلىق يۈرىدىكەن،چاچلىرىنى بۈدۈرە قىلىپ تېخىمۇ چىرايلىق بوپ كېتىپتۇ... دەپ يېڭى ئورانغان ئايالىغا قاتتىق ئازار بەرگەنلىكىنى  ئاڭلىدىم،ئۇ ئەر تېخى ئېغىر كېسەل،ئايالى قارايدۇ. بەزى ئاياللار ئۆزى قىلمايدۇ،بەزى ئەرلەر ئاياللىرىنى باشقۇرالمايدۇ،شۇنداق بولىشىغا قارىماي كەمسىتىلىپ،ئازار يەپ تۇرۇپ قىلىۋاتقانلارنى كۆرسە قۇيقى چېچى تىك تۇرارمىش،بەزى ياغلىقنىڭ كۇرسىنى چۈشۈرۈپ قويغان نادانلارغا قاراپلا ھەممىگە گۇمان بىلەن قارىمايلى،ھەققىي دىيانەتلىك قىز-ئاياللىرىمىزمۇ جىق.قوللىساق،ياخشى كۆرسەك،تەربىيلىسەك ئىنشائاللاھ ئوڭشىلىپ كېتىدۇ.

ghemkvz

	ياغلىق دۇكىنى ئاچىدىغان دوستۇمغا ئوقۇپ بەرگۈم كىلىۋاتىدۇ

ROHZAT

	ئۇيغۇر قىزى، قوي كەرەشمەڭنى قىزلار دوزاخ كەبى يامراپ يۈرىدۈ. خىيالىم دوزاخنى ئويلاپ يۈرىدۇ. كەچكىنىمدە دۇنيا مېھرىدىن، ئۇ دۇنياغا ئېچىپ يېڭى بەت. بىر قىز كېلەر قىلغىنىچە ناز، گۈل چېھرىدە ئۆلگۈر نازاكەت. كۆيۈشلەر، لەۋگە تامغا بېسىپ سۆيۈشلەر، ئارمان بولۇپ قالار ھاياتتا، بىر جان ئۈچۈن مىڭ مىڭ ئۆلۈشلەر. ئۆلەي دەپمۇ ئۆلمەيمىز لېكىن، يۈرەكلەرگە تولدۇرۇپ ھەسرەت. توغرا يولغا تەگكەندە قارغىش، سەن بىلەن مەن ئۆلگۈر مۇھەببەت. قاۋاقلاردەك قاراڭغۇ دىلدا، رەڭلىك چىراغ مىسال ساختىلىق. قەدەھلەردە سوقۇشقان كۆڭۈل، تۈتۈنلەردىن ئىزدەپ ياخشىلىق. قىزلار قەدەھلەردە لەيلەپ قالىدۇ، نازۇك بەدەن بولغىنىدا خار. قىيامەتتەك ئۇزۇن ۋە چەكسىز، بىر مۇڭ ئەلەم بولغىنىدا يار. قىزلار كىيىملىرىڭ نېمانچىلا تار. ئۇيغۇر قىزى دورىغاندا لېيدى گاگانى. بۇلاپ كەتتى قىرىق قاراقچى، يىراقلارغا ئەلى بابانى. ھۆسنەرىخان ئېلىۋەتتى رومىلىنى، تولغاندى بەل بېقىشمىدى كۆزلەر ئۇدۇل. تېز رېتىمغا ئۇيغۇر قىزى، ئويناپ ئۇسسۇل. بەدەن ئۇيغۇرنىڭ مۇزىكا روسنىڭ ئۇسسۇل دۇنيانىڭ. مۇھەببەتنىڭ ئانىسى بولمىش، قىز قەلبىدە پۇرايدۇ دوزاخ. يىگىتلىكىم بۇزۇلغان دۇنيا، قۇرماقتىمەن ئۇلارغا توزاق. يۈرىكىمدىن ئۆچكەندە سۆيگۈ، چىن سۆيگۈگە قىلمايمەن ھەۋەس. قىز قولىدا تولىدۇ قەدەھ، ۋىسكىي ياكى بىراندىغا، كوكتېل ھارىقى، ياكى ئاللىقانداق رەڭلىك سۇلارغا، قىز كۆكسىدەك لىققىدە پەۋەس. چىلىملارنىڭ گۈپ-گۈپ پۇرىقى، يېتىشمەيدۇ بۇ ئۆلگۈر نەپەس. ئۇيغۇر قىزى دەيدۇ ئۆزىنى ئۆزبېك ياكى روس. ئەجنەبىيلەر قۇچاقلىرىدا، چېكىپ يۈرەر ئېسىل پاپىروس. ئۇيغۇر ئۇلار ئۇيغۇرغا دۈشمەن، ئۇيغۇر بىلەن بولالمايدۇ دوست. ياغلىق گويا كېپەن كۆرۈنۈپ، يالىڭاچلىق بولدى نازاكەت. ياغلىقچى قىز يېتىمسىرايدۇ، سودىسىنى باسسا پالاكەت. شەۋقىي تورى. روھزات شېئىرلىرى سەھىپىسى

afiyfiy

	ياغلىق دۇكىنى رىسالەت مەردان مەن كىملىكىنى تونۇپ بولغىلى بولمايدىغان كىشىلەر ئارىسىدا ياغلىق دۇكىنى ئالدىدا ياغلىق تاللاۋاتقان بىر توپ شايارلىق ئايال چۇۋۇلدىشار ياغلىقلار ئارا -قىزىل، يېشىل، سۈترەڭ ياغلىقلار سېتىلىۋاتقان، سېتىپ ئېلىۋاتقان تۆت چاسا رەختكە كۈڭۈل چوڭقۇرىدا بىر مۇھەببەت بار ياغلىق ساتىدۇ كىتابخۇمار ساتقۇچى ياغلىقلار ئىچىدە ئۇ بىر تال ئاق كۈنلۈك كۆزلىرىدە ياغلىقنىڭ سۈرى ياغلىق ئالغان ، چەگكەن ئاياللار ياغلىق دۇكىنىدىن قارلىغاچقا ئۇخشاپ ئۇچۇپ چىقار پايانسىز كۆككە ۋە قايتىپ چۈشۈپ زىمىن يۈزىگە ياغلىقىنى مەھكەم تېڭىپ قايتار بازاردىن قايتار ئۆيىگە بىر يورۇق يۇلتۇزدەك بىر ئاينىڭ پارچىسىدەك قۇياش نۇرىدەك ياغلىق ئىچىدە نۇر چېچىپ راسا…. مەنبە: رەيھانئاي بلوگى

ArislanMemet

	پاھ ، شىئېرغا قايتىدىن قىزىقىپ قېلىۋاتىمەن دىسە ، بىر - بىرىدىن ياخشى شىئېرلار ئىكەن . يەنە كىملەر يوللايدىكىن ؟ ئەفىي ئەپەندىم پوۋىستنىڭ ئاخىرىنى قاچان يوللايسىز ؟ ھەر قىېتىم كۆرسەم ئاخىرى يوق .

0998bahar

	رەيھان خانىمنى ۋە ئۇنىڭ بۇ ئېسىل تىمىسىنى كۆرگىنىمدىن خۇشالمەن.

zekrila

	بەك ياخشى يېزىلغان شېرىكەن

kayguluk

	بەئەينى قاتار-قاتار ئېسىلغان تېز سىزما رەسىمدەكلا ئادەمنى زوقلاندۇرىدىغان،كىشىنىڭ كۆز ئالدىغا ئەينەن تۇرمۇش كارتىنىسىنى كەلتۈرىدىغان،ئۆزلۈك ۋە ئەنئەنىنى ساقلاش،قوغداش توغرىسىدىكى چوڭقۇر مەنىگە ئېگە شېئىرلاركەن.شائىرلارنىڭ ئىلھام بۇلاقلىرىنىڭ تېخىمۇ بەرىكەتلىك بولۇشىغا تىلەكداشمەن.

tashnur

	ياخشى شېئىرلاركەن....