قىزىڭىزمۇ ئانا بولىدۇ

koygandengiz

  قىز تەربىيەلەش بەسى مۈشكۈل ئىش . چۈنكى قىز بالا دىگەن بەئەينى ئەينەك پارچىسىغا ئوخشايدۇ . ئۇنىڭغا قاتتىقراق مۇئامىلە قىلسىڭىز سۇندۇرىۋالىسىز ، بەك پاكىز تۇتىمەن دەپ تولا سۈرتسىڭىز ، كورلاشتۇرۇپ قويىسىز . ئەگەر تۇرغىنى بويىچە تۇرسۇن دىسىڭىز چاڭ - توزان بېسىپ ، پارقىراقلىقىنى يوقىتىدۇ . شۇڭا بۇ ئەينەككە ناھايىتى سەگەكلىك بىلەن مۇئامىلە قىلىشىڭىز ، ئۇنى قانداق ۋاقىتتا ھويلىدا ، قانداق ۋاقىتتا مېھمانخانىدا قويۇش لازىملىقىنى ياخشى بىلىشىڭىز كېرەك .

   بىراۋ پەيلاسوپتىن سوراپتۇ : « دۇنيادا ئۆلۈمدىنمۇ يامىنى نىمە ؟» « قىزىڭنىڭ ناقابىل تۇغۇلىشى » دەپ جاۋاپ بېرىپتۇ پەيلاسوپ . ھەقىقەتەنمۇ قىز كەلتۈرگەن نومۇس ئۆلۈمدىنمۇ ئېغىر . بۈگۈنكى تۇرمۇشىمىزدا مەن قىزى كەلتۈرگەن نومۇس سەۋەپلىك بېشىنى تىكلىيەلمەي ياشاۋاتقان ئاتىلارنىڭمۇ بارلىقنى بىلىمەن . « ئۆلىۋالاي دىسەم يەنە شۇ بالىلارنى ئويلىدىم ، - دىدى شۇنداق ئاتىلاردىن بىرى ماڭا ،- مەن نىمىنى خاتا قىلغانلىقىمنى بىلمىدىم ، قىزىم مېنى ياشىغۇسىزلا قىلىۋەتتى ...» دادا بولغۇچىنىڭ بىچارىلىكىگە قاراپ ئىچىم ئېچىشتى ، ئۆزۈمنىڭ قىزىنى كۆز ئالدىمغا كەلتۈردۈم ھەم ئۈن - تۈنسىز ھالدا ئۇنىڭغا ئىنساپ ، دىيانەت تىلىدىم .

  بەلكىم ، ھېچقانداق دادا بۇنداق كۈنگە قېلىشنى خالىمىسا كېرەك .ئەمما بەزى ئىشلار ئىنساننىڭ خالار - خالىماسلىقى بىلەن ھېساپلاشمايدۇ ، يۈز بەرگۈسى كەلگەندە يۈز بېرىۋېرىدۇ .ئەمما مۇشۇ ئىشلارنىڭ يۈز بېرىشىدە چوقۇم مەلۈم ئىچكى جەريان بولغان بولىدۇ . قىزنىڭ ئائىلىگە زىيان كەلتۈرىشىمۇ ھەرگىز تاسىدىپىي بولۇپ قالمايدۇ . ئەگەر بىر قىز ھەقىقى مەنىدىكى ئائىلە تەربىيىسىنى ئالالىغان بولسا ، ھەرگىزمۇ ئائىلىسىگە نومۇس كەلتۈرىدىغان ئىشلارنى قىلمايدۇ ، ئەكسىچە ئائىلىسىنىڭ شان - شەرىپىنى قوغدايدۇ . بولۇپمۇ مۇكەممەل ئانا تەربىيىسى كۆرگەن قىز ھەرگىز ئاتىسىنىڭ بېشىنى تۆۋەن قىلىدىغان ئىشنى قىلمايدۇ . ئەلۋەتتە قىزلارمۇ ئوغۇللارمۇ ئخشاشلا ئانا تەربىيەسىز ھەقىقى ئىنسان بولۇپ چىقالمايدۇ . ئەمما بىر ئائىلىگە ، بىر جەمىيەتكە ، بولۇپمۇ بۈگۈنكى كۈنگە نىسبەتەن قىز بالا تەربىيىسى ناھايىتى زىل ، ئىنچىكە مەسىلە ھېساپلىنىدۇ . بۇ ئىنچىكە مەسىلىدە بولسا ئەڭ چوڭ مەسئۇلىيەت ئانىلارنىڭ زىممىسىگە يۈكلەنگەن بولىدۇ . چۈنكى قىز پەرزەنت تەربىيەلەشتە ئاتىلار ئۈگىتەلمەيدىغان ، چوقۇم ئانلار ئۈگەتمىسە بولمايدىغان تالاي تەرەپلەر بولىدۇ .

   ئانا ئىلىدىكى يۈرۈش - تۇرىشى ، گەپ - سۆزلىرى ، مۇئامىلسى ، سۆيگۈ - ساداقىتى ، پاك - پاكىزلىقى ، مېھىر - مۇھاببىتى ، مېھمان كۈتىشى ، چېچەن - چاققانلىقى ... قاتارلىق تەرەپلەردىن قىز پەرزەنتلەر ئۈچۈن بىردىنبىر ئۆرنەك ھېساپلىنىدۇ . پەقەت بۇلا ئەمەس ، يەنە ئانىنىڭ ئىدىيە كۆز قاراشلىرىمۇ قىز پەرزەنتكە ناھايىتى چوڭقۇر تەسىر كۆرسىتىدۇ . مۇشۇ مەنىدىن ئېلىپ ئېيتقاندا ، بىر ياخشى تەربىيەلەنمىگەن قىزنىڭ گۇناھىنى ئانا زىممىسىدىن قىدىرىمىز . چۈنكى ، ئوغۇل پەرزەنتلەرنىڭ ئاتىسىدىن ھەم سىرتتىن ئۆرنەك تەسىر قوبۇل قىلشى كۈچلۈك بولسا ، قىزلارنىڭ ئانىسىدىن ھەم ئائىلىسىدىن تەسىر قوبۇل قىلشى كۈچلۈك بولىدۇ . شۇنداق ئىكەن ، ئانا بولغۇچى ئۇنىڭغا ياخشى ئۆرنەك ، ياخشى تەربىيىچى بولالمىغان بولسا ، بۇ ئانا بولغۇچىنىڭ مەسئۇلىيىتى جايىدا ئادا قىلالمىغانلىقنىڭ ئىپادىسى ھېساپلىنىدۇ . خەلقىمىزدە « ھايۋان تۇياقتىن ، ئىنسان قۇلاقتىن سەمىرىيدۇ » دىگەن گەپ بار . بۇ گەپنى ئېنىقى ئانلارنىڭ قىزلىرىنى تەربىيەلىشىگە تەدبىقلاش تېخمۇ  ئېنىقى ئانلارنىڭ قىزلىرىنى تەربىيەلىشىگە تەدبىقلاش تېخمۇ ئاقىلانىلىق بولسا كېرەك . چۈكى ، تەلەپچان ، بىلىملىك ئانىلارنىڭ « قۇلاققا پىچىرلايدىغان گەپلىرى » بولىدۇ . ئۇلار بۇ گەپلەرنى قىزلىرىنىڭ قۇلىقىغا تىمىمسىز تۆكۈپ تۇرىدۇ ، ئەدەپ - ئەخلاقنىڭ ، ھايا - پەردىشەپنىڭ ، ئار - نومۇسنىڭ ، ئىپپەت - پاكلىقنىڭ ، گۈزەك خۇلقنىڭ قىزلارنىڭ زىننىتى ھەم قىممىتى ئىكەنلىكىنى ، شۇڭا ھەرقانداق ۋاقىتتا بۇنداق ئىسىل خىسلەتلەرنى تەرك قىلماسلىقنى مۇۋاپىق ۋاقىتتا مۇۋاپىق مىساللار بىلەن چۈشەندۈرۈپ تۇرىدۇ . قىز بالىنىڭ قانداق قىلغاندا ، بەختلىك تۇرمۇشقا ئېرىشەلەيدىغانلىقىنى ، بىر ئائىلىنى ئائىلە قىلىپ چىقالايدىغانلىقنى ، چوڭقۇر ھېس قىلدۇرىدۇ . ئۇنىڭدىن باشقا يەنە قىزلارغا خاس ھەر خىل جىسمانىي ۋە روھىي ئۆزگىرىشلەرگە قانداق مۇئامىلە قىلىشنىڭ يوللىرىنى ئۈگىتىدۇ . شۇڭا بىزدە « گاچاقىزنىىڭ تىلىنى ئانىسى بىلىدۇ » دىگەن گەپ بار .

   قىز تەربىيىلەش كېلەچەكتىكى ئانىلارنى تەربىيەلەش دىمەكتۇر . مۇشۇ مەنىدىن ئېلىپ ئېيتقاندا ، بۇ ھەرقانداق ئائىلىدىكى ، جۈملىدىن ئانىلارنىڭ ئالدىدىكى مۈشكۈل ۋەزىپە ھېساپلىنىدۇ . چۈنىكى ، كېلەچەكتىكى ئانىلارنىڭ ياخشى تەربىيەلىنىشى مىللەتنىڭ روناق تېپىشىدىكى مۇھىم ئامىلدۇر . ئانىلارنىڭ ساپاسى ئۆسسە ، پەرزەنتلەرنىڭ ، ئەۋلادلارنىڭ ساپاسى ئۆسىدۇ . بۇ مىللەتنىڭ ساپاسىغا ، جىمىيەتنىڭ تەرەققىياتىغا  بىۋاستە مۇناسىۋەتلىك زۇر ئىشتۇر . شۇڭا دەيمەن ، بۈگۈنكى كۈندە بىزگە ئەڭ كېرەك بولىۋاتقىنى ، ئۆزىنىڭ ئەدەپ - ئەخلاق، شەرم - ھايا ، چېچەن بىلىملىكلىگى بىلەن قىزلىرىغا ئۆرنەك بولىدىغان ، كېلەچەكنىڭ ئانىلىرىنى تەربىيەلەشتىن ئىبارەت مەسىلىدە قىلچىمۇ سەۋەنلىككە يول قويمايدىغان ، ئۆزىنىڭ تەجرىبە - ساۋاقلىرىنى يەكۈنلەپ ، قىزلىرىنى تېخىمۇ ياراملىق قىلىپ تەربىيەلەش ئۈچۈن تىرىشىدىغان ئانىلاردۇر .


روزىمۇھەممەت مۇتەللىپنىڭ « سىز كىم » دىگەن كىتاۋىدىن ئېلىندى .

xikasta9098

بىر مىللەتنىڭ تەقدىرى ئانىلارنىڭ قۇلىدا.

كارۋان

قىزنى بۇزغان ئانىسى چاقنى بۇزغان تانىسى

lostba

كېلىچەكنىڭ ئۈمۈدلۈك ئانىلىرى ئەنە شۇ قىزلار

otkan

ھازىرقى جەمىيتمىزدە پۇل بىرنجى ئەدەپ ئەخلاق ئككنچى ئۇرۇندا تۇرۇپ قالدى . ھەي .......
يامان    ئللەت مللەتتە ئەمەس شەخىستە دەپ قانداق بىر ئادەم ئىيتقان بولغۇيتى..

mamtimin

بىر مىللەتنىڭ تەقدىرى ئانىلارنىڭ قۇلىدا.................

HAOYUN222

قاغىدا گۇناھ يوق تانىسى بۇزۇق .قىزىدا گۇناھ يوق ئانىسى بۇزۇق.دىگەن توغۇردە.

ROHZAT

قىزىڭنى ياخشى تەربىيەلە، ئۇ بىشەرم بولسا باشقىلارنىڭ ئۆيىنى ۋەيران قىلىدۇ.

xamal97

بەزىلەر گەپنى سەل ئويلىنپ قىلايلى ، بىراۋغا ئۇنىڭ ئانىسىلا ئەمەس ئەپچۆرىسىدىكى مۇھىت ، ئادەملەرمۇ تەسىر قىلالايدۇ .«ئۆرۈك ئۆرۈكنى كۆرۈپ ئالا بوپتۇ »، «قاغا بىلەن دوست بولساڭ يىيىشىڭ پوق » دېگەننى ئۇنتۇپ قىلىشمىسىلا . ھىچكىشىم مىنىڭ بالام كوچىدا يامان ئىش قىلسۇن ، يامان ئاتاق ئالسۇن ، دېمەيدۇ !

تولۇقلىما مەزمۇن (2012-3-5 15:47):
قىزىنى باشقۇرۇشقىلا ئەمەس ، ئوغلىنى باشقۇرۇشقىمۇ ئەھمىيەت بىرىش كىرەك . قىزلار مىللەتنىڭ ئانىسى بولسا ، ئوغۇللارمۇ مىللەتنىڭ دادىسىغا ئوخشاش . ئۇيغۇرنىڭ «كاۋاپچى» ، «يانچۇقچى» دەپ داڭقىنى چىقارغانلار ئىچىدە ئوغۇللارنىڭ «تۆھپىسى» كۆپ

kok~kaptar

مىللەتنىڭ ۋەيرانلىغى ھەم گۈللىنىشىنى ئاشۇ قىز~ئاياللىرىمىزغاباغلىق.