بۇ قۇرلارنى قانچىلىك چۈشەندىڭلار

ArislanMemet

	قۇتبۇلئەقتاپ، ئاشىقى تەرىقەت، خىلۋەتى زامان، شەمسى دەۋران، مۇرشىدى مىللەت، شاھى زىللەت، ئاشىنايى خۇدا، پىنھانى پەيدا ھەزرىتىم پەقىر قۇللىرى دەيدىغاننى دەپ تارتىشمىدىن چېكىندىم. شۇڭا ئەرزىمەس ئىسمىمنى مەنبەئى زەر دەھىنلىرىگە ئالمىغايلار. زەرەفشان لەفىزىدىن تۆكۈلگەن دۇرلار مۇرتلىرىنىڭ مەنزىلىگە ئافياب چاچقايكى مەندەك تەركى پىر، دۇرى خاجە، پۇرىقۇسۇرغا ۋازئىزلىق قىلىمىغايلا. گەرچە مەقسەدى ئالىيلىرى كەمىنە خەستە بولمىساممۇ ئەرزىمەس ئىسمىمنىڭ نۇرانە قۇرلىرىدا زاھىر بولمىقى فەقىرى ناتەۋانغا بىسيار ئاغىردۇر. مۇنۇ كەلىمىلىرى فاساھەت بابىدا يەتتە فەلەكتىن ئاشقان مانەند تەربىيە بولۇپتۇ، مەنچە تەربىيەئى تەرىقەتلىرىنى فەھىم قىلالماي، مەلال بولغانلارغا ئەجايىپ فايداسى بولۇر دېگەن مەقسەدى پەسەندىم بىلەن كۆچۈرۈپ قويدۇم. قايسىڭلار بۇنى بىز ھازىر ئىشلىتىۋاتقان ئۇيغۇر تىلىغا لايىقلاشتۇرپ ئۆرۈپ يازالايسىلەر؟

xadimankoza

	ئازراق چۈشەندىم،«جاللات خېنىم »رومانىىدا بارغۇ دەيمەن ھە!!!

umudwar-uyhur

	ئۆزىڭىز چۈشەنگەندەك قىلىسىز ،ئاۋۇ قۇلىڭىز بىلەن ئاغزىڭىزنى تۇتۇۋېلىپ كۈلگەن چىراي ئىپادىڭىزدىن قارىغاندا ؟ مەن چۈشەنمىدىم .ھەم ئۆرۈپ يازالمايدىكەنمەن !

ArislanMemet

	مەن ئاران نىمە دىمەكچى بولغىنىنى چۈشەندىم. ئىچىدىكى بەزى سۆزلەرنى ئاڭلاپمۇ باقماپتىكەنمەن. پارىسچە ئاتالغۇلارمىكىن بەلكىم. ئوزۈمنىڭ چۈشەنچىسى بىلەن ئىزاھ بېرىپ ئۆتەي . بۇنى يازغان كىشى ئۆزى كېلىپ ئۆرۈپ بەرسىغۇ بەك ياخشى بولاتتى. بەك ئالدىراش دەيدۇ. خەيىر، مەن بىلجىرلاشقا باشلىدىم. قۇتبۇلئەقتاب- ؟؟؟؟؟؟؟؟؟؟؟؟؟؟؟؟؟ ئاشىقى تەرىقەت - تەرىقەتكە ئاشىق بولغان. تەرىقەت ئىلمىنىڭ ئاشىق مەستانىسى. خىلۋەتى زامان - زامانىمىزدىكى كەمدىن-كەم ئۇچىرايدىغان. مۇشۇنداق چۈشەندىم. شەمسى دەۋران - شەمىس سۆزنى بىلمىدىم. دەۋران دىگەن سۆزنى بىز ھازىرمۇ ئىشلىتىمىز. مۇرشىدى مىللەت - مىللەتنى سۆيگۈچى (؟؟؟؟؟؟؟؟؟؟؟؟) شاھى زىللەت - قىلغان ئىش ھەركەتلىرى باشقىلارغا ئۆلگە بولغان (؟؟؟؟؟؟؟؟؟؟؟) ئاشىنايى خۇدا - خۇدا يولىدا ماڭغۇچى، بۇنى چۈشەنسەممۇ ياخشى ئۆرىيەلمىدىم. پىنھانى پەيدا - كارامەتلىك، سېھىرگەرلەرگە ئوخشاش چۈشەندىم. مەنبەئى زەر دەھىنلىرىگە ئالمىغايلار- ئىسىل سۆز دۇردانىلىرى تۆكۈلۈپ تۇردىغان نوتۇق دىگەن مەنىدە چۈشەندىم. زەرەفشان لەفىزىدىن تۆكۈلگەن دۇرلار -  مۇبارەك ئېغىزلىرىدىن چىققان سۆز-دۇردانىلىرى دەپ چۈشەندىم. مۇرتلىرىنىڭ مەنزىلىگە ئافياب چاچقايكى مەندەك تەركى پىر، دۇرى خاجە، پۇرىقۇسۇرغا ۋازئىزلىق قىلىمىغايلا - مۇرت (ئەگەشكۈچى) يولىغا ئافياب(؟؟؟؟) چاچسۇنكى، مەندەك پىر(ئۇستاز)نى تەرك ئەتكەن، دۇرى خاجە(؟؟؟؟)، پۇرقۇسۇر(قۇسۇر ئىزلىگۈچى) ۋائىز ( نوتۇق سۆزلىگۈچى، گەپدان) گەرچە مەقسەدى ئالىيلىرى كەمىنە خەستە بولمىساممۇ ئەرزىمەس ئىسمىمنىڭ نۇرانە قۇرلىرىدا زاھىر بولمىقى فەقىرى ناتەۋانغا بىسيار ئاغىردۇر. - بۇنى چۈشەنگەن بولساممۇ ئۆرۈپ يېزىشقا ئامالسىز قالدىم. خەستە( ئەرزىمەس ،بەك خار ؟؟؟؟) زاھىر بولماق( كۆرۈنمەك) فەقىرى ناتەۋان ( ئاجىز بىچارە) مۇنۇ كەلىمىلىرى فاساھەت بابىدا يەتتە فەلەكتىن ئاشقان مانەند تەربىيە بولۇپتۇ، مەنچە تەربىيەئى تەرىقەتلىرىنى فەھىم قىلالماي، مەلال بولغانلارغا ئەجايىپ فايداسى بولۇر دېگەن مەقسەدى پەسەندىم بىلەن كۆچۈرۈپ قويدۇم. مۇشۇ سۆزلىرى پاساھەت بابىدا يەتتە پەلەكتىن ئاشقان ئېسىل تەربىيە بولۇپتۇ،  تەرىقەت تەلىملىرىنى چۈشۈنۇپ بولالماي قىينىلىپ قالغانلارغا ئاجايىپ پايدىسى بولار دىگەن مەخسەت بىلەن كۆچۈرۈپ قويدۇم. مەن قالايمىقان ئۆزەم چۈشەنگەن شەكىلدىلا دەپ قويدۇم. ھەرگىز بۇلارنى توغرا دەپ ئويلاپ قالماڭلار. بىلگەنلەر ئىزاھ بەرسە ئۈگىنىپ قويساق بولاتتىكەن. بۇ تېخى 100 بۇرۇنقى كىشىلىرىمىز بىمالال ئىشلىتەلەيدىغان تىل بىلەن يېزىلىپتۇ.  يەنە يۈز يىل ئۆتسە قانداق بولۇپ كېتەر.

0998bahar

	سەئىد زادە، ئۇستاز،  دۇنيانى دوست تۇتماي ئاللاھقا ئاشىق بولۇپ ياشىغۇچى،  پىنھان ۋە كۆزدىن يىراق ياشىغۇچى، يولباشچىمىز، خۇش ئاۋاز، ئاللاھنى زىكرى قىلغۇچى، دەيدىغاننى دەپ بۇ سۆھبەتتىن چىكىندىم. شۇڭا ئەرزىمەس ئىسمىمنى  ئالتۇن قەلەملىرى ئارقىلىق مەنبەگە ئالمىغايلا. ئالتۇن لەبلىرىدىن تۆكۈلگەن سۆزلەر مۇرىتلىرىنىڭ مەنزىلىگە ...چاپقايكى، مەندەك ئۇستازىنى ئۇنۇتقۇچى، ...، مەندەك بىر ئىللىتى كۆپ كىشىگە نەسىھەت قىلمىغايلا. گەرچە مەن ئالىيلىرىنىڭ ئويلىغىنىدەك كېسەل بولمىساممۇ لېكىن ئەرزىمەس   ئىسمىمنىڭ نۇرانە قۇرلىرىدا ئەشكەرە بولمىقى  مەندەك يوقسۇل ۋە بىچارە ئادەمگە كۆپ ئېغىر كېلىدۇ. بۇ سۆزلىرى  ئېلىم بابىدا  ناھايىتى ئۈستۈن ...تەربىيە بولۇپتۇ. مەن سىلىنىڭ دۇنيانى تەرك ئىتىش يوللىرىنى  تەرك قىلالماي ئارىسالدى بولغانلارغا پايدىسى بولۇپ قالار  دېگەن مەخسەت بىلەن كۆچۈرۈپ قويدۇم.

0998bahar

	مەن قاملاشتۇرۇپ يېزىپ باقاي دېسەم پەقەت بىلمىدىم.   بىلىدىغانلار يېزىڭلار، ئۈگۈنۈۋالايلى

ArislanMemet

	ماڭا قارىغاندا سىز تېخمۇ توغرا چۈشىنپسىز، بۇرۇنقىلار يازغان كىتابلار ئۇچراپ قالسىمۇ مەنىسىنى بىلەلمەي ئەخلەت دەپ تاشلىۋېتىدىغان ئوخشايمەن. چالا تەرجىمان ئادەم ئۆلتۈرەر دەپ بىر مۇنچە ئادەمنى چالا بوغۇزلاپ بولدۇم ھە قاچان.

lostba

	مەن چۈشەنمىدىم

tahirbeg

	گۈلەن ئەپەندىنىڭ ئىنكاسىغۇ بۇ

tohar

	كۆزۈمنىڭ يۇرۇقى خىرەلىشىپ كەتتى.... نەتىجىسى چىققاندا كۆرەييا