يار قېيدىسا يامانكەن

yidayat

	يار قېيدىسا يامانكەن ئەنۋەر ھىدايەت بارالمىدىم تويلارغا،باغاق كەلدى ساناقسىز، قولۇم ئىشقا بارمايدۇ،دىلىم سۇنۇق پەرىشان. خىياللىرىم نېمانداق ئويغانمايدۇ قاناتسىز، بۇلتۇر بېرىپ كۆرگىنىم تارىممىدۇ،زەرەپشان؟ سالالمىدىم چاپاننى باھار سۈيى ئاقسىمۇ ، ئۇۋا سالماي قارلىغاچ چىقىپ كەتتى ئۆيۇمدىن . ئاچالمىدىم ئىشىكنى، دوستۇم كېلىپ قاقسىمۇ ، ئىچەلمىدىم بىر يۇتۇم،قوڭغۇز چىقىپ چىقىپ سۈيۈمدىن . ئاخشاملىرى ھويلامدا ماڭالمىدىم تەمتىرەپ ، تىترەك باسار تېنىمنى،تۈتۈن چىقىپ چوقامدىن . دۇلدۇل مىنسە باشقىلار،ئۆز-ئۆزۈمدىن ئەنسىرەپ ، مىنەلمىدىم ئېشەككە قورقۇپ كېتىپ توقامدىن . كۆرەلمىدىم ئاينىمۇ،ئۇ قەيەرگە كەتكەندۇ ؟ قارا  بېسىپ ھەر كېچە قاراپ ياتتىم بالاغا . دەرۋازامنى سىرتىدىن كىملەر كېلىپ ئەتكەندۇ ؟ يار قېيدىسا يامانكەن چىقالمىدىم تالاغا . « يېڭې قاشتېشى» 2012-يىل 1-ساندىن ئېلىندى .

ئەلكۈيچىسى

	بۇلىدىكەن...رەخمەت

0991sumruh

	ئاجايىپ چوڭقۇر مەنىگە ئىگە ئىكەن.

newcaravan

	مەنىسى بەك چوڭقۇركەن، اللە قولىڭىزغا دەرت بەرمىسۇن!

ArislanMemet

	ياخشى يېزىلىپتۇ. ئاچالمىدىم ئىشىكنى، دوستۇم كېلىپ قاقسىمۇ ، ئىچەلمىدىم بىر يۇتۇم،قوڭغۇز چىقىپ چىقىپ سۈيۈمدىن . دۇلدۇل مىنسە باشقىلار،ئۆز-ئۆزۈمدىن ئەنسىرەپ ، مىنەلمىدىم ئېشەككە قورقۇپ كېتىپ توقامدىن . دىگەن مىسرالار ئادەمنى ئويغا سالىدىكەن. بۇ شىئېردا دىيىلگەن يارمۇ كىشىنى ئويلاندۇرىدۇ. مۇشۇ «يار»نى قىيداتماسلىق زۆرۈر بىزگە. شائىرغا رەھمەت.

otkan

	قۇلىڭزغا دەت كەلمىسۇن . ئەزىز قىرنىدشىم.

lostba

	تازا ياخشى يېزىلىپتۇ

hanim

	بىر خىل چوڭقۇر مەنىسى كىشىنى ئويغا سالىدىكەن، ياخشى شىېر.

سۇلتان

	ھەقىقەتەن ياخشى يېزىلغان شېئىر ئىكەن، اللاھ قولىڭىزغا دەرت بەرمىسۇن

sezgu

	ئاخشاملىرى ھويلامدا ماڭالمىدىم تەمتىرەپ ، تىترەك باسار تېنىمنى،تۈتۈن چىقىپ چوقامدىن . دۇلدۇل مىنسە باشقىلار،ئۆز-ئۆزۈمدىن ئەنسىرەپ ، مىنەلمىدىم ئېشەككە قورقۇپ كېتىپ توقامدىن . مۇشۇ كۇپىلىتى بەك ياخشى چىقىپتۇ. ھارمىغايسىز!