قەغەزدىكى ئاق سىزىق

جىن

	سېنى ئەسلىگەچ ساڭا خەت يازماقچى بولىمەن، سەن ئېسىمگە كەلسەڭ قەلەم  قىزىل گۈلگە ئايلىنىدۇ، ئۇۋاقىتتا بىرئىشلارنى ئويلايمەن، كۆزلىرىمگە ياش ئېلىپ كىملەرنىدۇر سېغىنىپ كېتىمەن. شۇ ھامان يالاڭ -ئاياق تاھارەتكە  ماڭىمەن، ئىجادىيەتنىڭ نېمىلىكى ھەققىدە ئويلىنىمەن. تىلاۋەتتە ھەر بىر ھەرپلەرگە مەنا ئىزدەيمەن، بالىلىق چاغلار نېمە دېگەن ئوماق،رەھىمدىل ساپ چاغلار- ھە! شئېردەك سۆيۈملۈك قىزغا قاراپ قانمايمەن. ئېھ، سەن! ئىسمىڭنى قۇرنىڭ بېشىغا يازماقچى بولىمەن، توساتتىن قەغەز شامالدا ئۇچۇپ كېتىدۇ. ئوچۇق پىيالىدىكى سۇغا چۈشۈپ كېتىدۇ، ئىسمىڭنى يازماقچى بولغان قۇرلار ھۆل بولىدۇ. مەن ئۇ ۋاقىتتا زەپەر چېيى ئىچىۋاتقان بولىمەن. ئىسمىڭنىڭ باش ھەرپىنى يازغىنمدا، ئۆچۈپ كەتكەن ئوتلار يالقۇنلايدۇ. ياشلىرىم يامغۇر  بولىدۇ، يامغۇردا ياشنى ھېچكىم كۆرمەيدۇ. ئوت-چۆپلەر ئۈنۈپ چېچەكلەيدۇ، قۇشلار سايراپ كېتىدۇ. كېپىنەكلەر «ئىز»ناخشىسى ئوقۇيدۇ. يازغانلىرىمنى يىرتىپ تاشلايمەن، قولۇمدا قەغەزنىڭ بىر پارچىسى قالىدۇ. بىر نەرسە يازدىڭمۇ،  دەپ قەغەزگە قايتا قارايمەن، قولۇمدا قالغىنى ئاق سىزىق بولۇپ چىقىدۇ. ئىسمىڭنى يازالمىسام ياكى سېنى ئۇنتالمىسام، مەن يەنە «مەن نېمە دېگەن شور پېشانە؟! »دەيمەن، ئەي ئۇلۇغ قەغەزدىكى ئاق سىزىق... 2011-يىلى ئىيۇل                   _جىن

otkan

	ئالەم ئادەمگە باقمايدۇ. ياخشى سوز قۇلاققا ياقمايدۇ، كەلدۇق دۇنياغا مھمان بىز قۇرۇق ئەدەپ ئەخلاق ئاغىزمزدن كەتمەيدۇ. شائرلار يازغان ياخشى سوز، ئاق ۋاراق سىزقلارغا پاتمايدۇ ،                                                   بۇ تىمنى ياخشى يولاپسىز

yalpuz0997

	ئۇزاق بۇلۇپ كېتىپتىكەن مۇنبەرگە كىرەلمەي ،تىمىڭىزنى كۆرمىگىلى.كىم ئىكەنلىكىڭىزنى پەقەت بىلمىسەممۇ بىراق شېئرىلىرىڭىزدىكى ئەركىن قۇرۇلما،ئوبرازلىق تىل ،گۈزەل ھىسيات ۋە سۈزۈك تۇيغۇلاردىن شېرىغا بولغان چاڭقاق قەلبىم ئازراق بولسىمۇ ئەمن تېپىپ ،تىلىمىزنىڭ شۇ قەدەر  گۈزەللىكى ۋە سېھرى كۈچۈدىن سۈيىنپ  كېتىمەن.قەلىمىڭىز بەرىكەت تاپقاي.

22372237

	ياخشى يېزىپسىز ئۈزىڭىزنىڭ ئىجادىيىتىمۇ

0997aynur

	سىز ئۇ ئاق قەغەزگە ئسمىنى يازالمىسىڭز مەن سىزنى ساۋاتسىز مىكىن دەپتىمەن لىكىن شېرنى ئۇبدان يېزىپ سىز  خەت تۇنيدىكەنسىز ھە

saltanat~

	ئىجادىيەتتە ئىزدىنىپ تۇرۇش ناھايىتى ياخشى ئەھۋال.بىراق ...كەينىگە يېزىلدىغان سۆزلىرىم جىنگە ئارتۇق بولىشى مۇمكىن.شۇڭا كۆپ چىكىت بىلەنلا ئايلىنىپ ئۆتۈپ كەتتىم.

ghayur~bag

	يىزىقلىق تۇرسا يۈرەككە شېئىر، نەھاجەت قەغەزگە ‹‹سىر›› يېزىش يەنە. مەجنۇننىڭ كۆزىدىن تۆكۈلسە شېئىر، ئاق قەغەز لەيلىگە بىر داستان مەنە... شېئىرىڭىز ماڭىمۇ يېڭى ئىلھام بېغىشلىدى . رەھمەت سىزگە.

arzuyar

	ياخشى يېزىپسىز ،مەندىمۇ شېئرغا ئاجايىپ بىر قىزغىنلىق بار،ئانچە مۇنچە جىجاپمۇ قويىمەن،لېكىن يېزىلغانلار يۈتۈپ كېتىدۇ، چۈنكى يازالمىدىم يۈرەك سۆزۈمنى. ئۇچۇپ چىققان كۆزۈمدىن ئارزۇ، ئايلىنىپ دۇنيانى كېلەر بىر پەستە، شۇنچە يازسام چۈشمەس قەغەزگە، نارازى بولۇپ يۈرىكىمگە سىڭىپ كېتىدۇ. ............................................ تولۇن ئاي، ئۈزەر ئاسماندا ماڭا قاراپ كۈلۈپ، ناز بىلەن جىلمىيىپ قارا قارار بەزىدە، بەزىدە ياپار يۈزىنى نېپىز پەردىدە، خىجىللىقتىن يەرگە قاراپ تۇرۇپ. شىۋىرلىشار، مەيىن شامالدا ئالتۇن ياپراقلار، ئاڭلىنار بارچە ئاۋازلار كۈيدەك، تۆكۈلگەندەك تولۇن ئاي چېھرىدىن يالتىراق ئۈنچە، تۆكىلەر كۆكتىن نۇرلۇق يۇلتۇزلار. تولۇقلىما مەزمۇن (2012-3-15 01:07): ناز بىلەن جىلمىيىپ قارار بەزىدە

battiy

	ئەسسىلام...  شېئرىڭىزنى تەپسىلى ئوقۇپ چىقتىم ....بەك  ياخشى بوپتۇ...