ۋاھ،ئالامەت !! كۆرىۋالغىن سالامەت !!

misran.biz

	ۋاھ..ئالامەت !! كۆرىۋالغىن سالامەت !!..قايدا كارامەتلىكىنى تۆۋەندىكى مەزمۇننى ئوقۇسىڭىز چۈشىنىسىز.. قىززىق...     تۇرمۇشتا بىرەر ئىشنى قىززىق نۇقتىغا ئۆزگەرتىش ئۇشبۇ ئىشنىڭ جەريانى ئەمەس بەلكى تېمىسىغا باغلىق ئىكەنلىكى بۈگۈن مەندەك بىر قارا دېھقاننى ئۆزىگە قىزىقتۇرۇپ قويدى دېسە...     مەھەلىمىزدە «سەمەتكامنىڭ كالىسى ئىككىنى تۇغدى» دېسەك يېزا رەھبەرلىرى كوش قىلىپ قويمايدۇ،ئەكسىچە «مۆجىزە!! سەمەتكامنىڭ كالىسى ئوپمۇ ئوخشاش قوشكېزەك تۇغدى»دېسەك ب د ت  دىن  مۇخبىرلار كەلمىسىمۇ ئوبلاستنىڭ مۇخبىرى كېلىشى مۇقەررەردۇر.(دىققەت! «مۆجىزە» دېگەن سۆزنى ئۇنتۇماسلىق كېرەك!) سەۋەبى ئالا ئىنەكتە ئەمەس،سەۋەب شۇكى ئۇ مەزلۇم تۇققان ئىككى موزايغا تېما قويۇشتا...(بۇ ھەقىقەتنى بۈگۈن بىلدىم،كەچۈرۈڭلار..)     نۇرغۇن ئاخبارات ۋاستىلىرى،كارخانا-شىركەت،دۇكان-سارايمۇ يۇقىرىدىكى ئىنەككە تېما تېپىش ۋە شۇنىڭ بىلەن بىرگە موزاينى ئۆزى تۇغقاندەك يۈز تېپىپ ئاممىنىڭ دىققىتىنى ئۆزىگە تارتىش بىلەن ئىلغارمىش،بەلكىم بۇ يېزىقتىكى ماھارەت،زاغرا تىل بىلەن «يېزىقتىكى تېما قويمىچىلىقى» دېسەك ئارتۇق بولماس ۋە بەلكىم بۇ ئوقۇرمەننى قىزىقتۇرۇشدۇر! ئۇف...نېمانداق مۇرەككەپ زاماندا تۇغۇلغان موزاي مەن... تېما قويۇش=ئىسىم قويۇش بۇ مەزمۇننى چۇگۇپ باقتىم.. ھېكايەت     مەۋھۈملۈكتە(قول بىلەن تۇتقىلى بولمايدىغان،كۆز بىلەن كۆرگىلى بولمايدىغان،پۇت بىلەن تەپكىلى بولمايدىغان،كاللا بىلەن ئۈسكىلى بولمايدىغان،مەشۇقلار كۈنى سۆيگىلى بولمايدىغان شەيئى=مەۋھۈممىش) سىز بىلەن مەلۇم بىر كىشى كۆرۈشمەكچى،ئۇنىڭ ئىسمى «بوران».. -بوران؟؟ -شۇ...ئىسمى بورانكەن...كۆرۈشمىسەڭ بولمايدۇ! -ئوۋۇش....ئىسمىدىنلا چىقىپ تۇرىدۇ،قىزىقمايمەن....كۆرۈشمەيمەن! -يامغۇر؟! ۋاھ....نېمدا مودا ئىسىم! -شۇ....ئىسمى بەك رومانتىككەن. -بىر كۆرۈپ باقايچۇ....ئىسمىغا تۇشلۇق قانداقراق بالىكىن ....     بىزنىڭ «يېزىدا»بۇنداق ئىشلار نۇرغۇن،بۇنىڭغا يېزىداشلار كۆز يۇمماي تۇرالمايمىز،سەۋەبى ئۇچار تەخسىدەك ئېنىقۇر.. ئۇشبۇ ۋەجدىن بۇ فورمۇلانى تېخىمۇ چوقۇپ باقتىم.     ئىنسانلارنىڭ بىرىنچى سىزىمى  غىدىقلىغۇچى تېمىغا مۇھـتاجمىش،مەزمۇنى كۆڭۈلدىكىدەك چىقماي چۈشەنگەندە ئۆزىنىڭ ئالدانغانلىقىنى ھېس قىلارمىش.ئەڭ ئېچىنارلىقى تېمىغا قاراپ ئۇشبۇ مەزمۇننىڭ خاسىيىتىدىن مەھرۇم قالارمىش. تېما-ئىسىم=پەقەت بىر مىكرو مەزمۇن.     كۈلگۈم كېلىدىغان يېرى مەھەلىمىزدىكى بەزى خەقلەر بېشىدىكى تۇماققا قاراپ قىممەتكە باھا بېرىش بولدى.بىزنىڭ مەھەللىدە بەزەن زىيالىلار مەيلى كىشىلىك دۇنيادا بولسۇن،مەيلى مەۋھۈملۈكتە بولسۇن «ئىسىم=تىما» بىلەن مەلۇم بىر مەزمۇننى يوققا چىقىرىپ سالىدۇ.ئادەتتە شۇنداق «ئۇلۇغ» كىشىلىرىمىز باركى كىتابخانىدا كىتاب سېتىۋالسىمۇ مەزمۇن-ئىدىيە بىلەن كارى يوق،كىتابقا قويۇلغان نامغا ئېسىلىپ،ئاندىن كىتاپنى ئۆرۈپ كۆتىدىكى باھاغا قارىشىدۇ..     سۆز بۇ يەرگە كەلگەندە ئۇشبۇ فورمۇلانى تېخىمۇ ئوپراتسىيە قىلغۇم كەلدى..     گاڭگۇڭدا لەقەم مۇھىم،مۇنبەردە تېما مۇھىم..  (مىسران  تاققا-تۇققا مايسىز-تەمسىللىرى)     كەمىنە مىسران ئېنتىرنېت چوڭ بازىرىدا يايما ئىچىپ ئەرزىمەس لاتقا-تېمىلىرىمنى بازارغا يايغىلى مانچە يىل بولسىمۇ،مەلۇم بىر مەزمۇننى سائەتلەپ يېزىپ ھاردۇق چېيىنى تېما قويۇپ ياكى دەسلىۋىدە قويغان تېمىنى خېرىدارنىڭ ئېھتىياجىغا ئاساسەن ئۆزگەرتىپ ئاندىن چىقىرىشقا مەجبۇر بولدى.بازارنىڭ ئېھتىياجى شۇ بولۇپ قالغىلى ئېنتىرنېت ۋاقتى ئون يىل بولسىمۇ،بەزىدە مەزمۇن يېزىشقا كەلگەندە ئۇشبۇ مەزمۇنغا تېما قويۇش،نام قويۇش مانداقچە ئېيىتقاندا ئىسىم قويۇش بەسىي مۈشكۈل بولماقتا..تېخى ئالتە كۈن ئىلگىرى  مەلۇم بىر مۇنبەردە يوللىغان «ئاۋازسىز چاقچاق»نامىدىكى يۇمۇرنىڭ بازىرى ھالا بۈگۈنگە ئىككى مىڭ كىشىگە سېتىلغان بولسا،ئۇشبۇ كۈندە بىرگە يوللىغان «ئەۋلات ئۈچۈن كۆچەت تىكەيلى»نامىدىكى تېما 78 كىشىگە نېسىگە سېتىلىپتۇ.ئىشىنىمەن،ئەۋلات ئۈچۈن كۆچەت تىكەيلى دېگەن تېمىنى «ۋاھ....كۆچەت تىكتى ئالامەت! بالىسىغا كارامەت ! »دېگەن بولسام كۈنىگە مىڭ ئادەمگە سېتىلىپ،قوشنا دۇكانلاردىن ئىزدىنىش،باس-باس،قاس-قاس،ۋاس-ۋاس....دېگەندەك ۋاكالەتچى كېلىپ بازىرى «ئاۋازسىز چاقچاق»دىن ياخشى بولۇر ئىدى بەلكىم...     غەيۋەت بۇ يەرگە كەلگەندە يەنە تاتلىغۇم كەلدى.ئاخىرىنى تاماق ئۈستىلىگە ئەپچىقاي،چاي ئىچكەچ،ئاچچىقلاردىن ئالغاچ ،بىر- بىرىمىزگە بىقىشىپ،ئۆز-ئارا مارىشىپ بىلەتكە قاراپ ئولتۇرۇشقايلا ھە....     تەمدىن نامى ئەلا،نامدىن پۇلى ئەلا..  (مىسران تاققا-تۇققا مايسىز-تەمسىللىرى)     كوتۇلداپ بۇ يەرگە كەلگەندە يۆتەل ئارلاش يەنە سۆزلىگىم كىلىپ قالدى.قايسى كۈنى بىر غىزاخانىغا كىرىپ قالدىم،تاماق تېزىملىكىدىكى ناملارنىڭ گۈزەللىكى،ئات-ئىسىملارنىڭ جەلىپكارلىقى مەندەك قارا تۈرۈكنى ئاچ بۆرى قىلدى... ھېكايەت     -مانا تاماق تېزىملىكى..     -«يالقۇنتاغدا قار ياغدى»،«تال-تال يۈرەك»،«بەرەڭگە بوي سۇنمايدۇ»،«تەرخەمەك روھى»،«ياۋاغاز پىدايىلىرى»...مۇشۇ تاماقلار بولسا بولدى،نامى كىشىنىڭ زوقىنى قوزغاپ،ئىشتەينى ئاچىدىغان چىراي..ھى ھى...     نەق ئونبەش مېنۇتتىن كېيىن زاكاس قىلغان ئۇشبۇ نامى مەززىلىك تاماقلار تەق بولۇپ ئۈستەلگە كەلگەندە غىققىدە بولدۇم.. يالقۇنتاغدا قار ياغدى=ئۈستىگە شىكەر سېپىلگەن پەمىلدۇر، تال-تال يۈرەك=قەلەمچە قىلىنىپ تۇزلانغان قىزىل لوبۇ، بەرەڭگە بويسۇنمايدۇ=سۇدا پىشۇرۇلۇپ ئىزىلگەن بەرەڭگە، تەرخەمەك روھى=ئاقلانمىغان پۈتۈن تەرخەمەك... ھەممىدىن قىززىقى يايلاقتىكى ئوت-چۆپسىمان ئاتالمىش بىر تەخسە كۆكتات = ياۋاغاز پىدائىلىرى بولدى..بەش تەخسە ياپ-يىشىل يىمەكلىكنى چىرايىمنىڭ كۆكۈرۈپ كېتىشىگە باقماي،زۇۋانىمنى بوغۇپ ئۈندىمەي «ئىشتىھا»بىلەن يەپ چىقىپ كەتتىم...تېخى ئۇندىن كېيىنكى«چاي»ۋەقەسىنى دېمەيلا قوياي ...     ئۇف...ئەلقىسسە تۇرمۇشتا يۇقۇرقىدەك ئىسىم،نام،تېمىغا قاراپ ئىش تۇتىدىغان ئىشلار مەندەك ساۋاتسىزدا بەك كۆپ....ئىشنى قىلىپ خۇلاسە كالام:    مەززىسى پۇل ئەمەس،نامى پۇل،    مەزمۇنى پۇل ئەمەس،تېما پۇل!                                         (مىسران تاققا-تۇققا مايسىز-تەمسىللىرى) ( يەنە بىر قىتىم خۇلاسە كالام: تېما،نام،ئىسىم مۇھىم ئەمەس! مۇھىمى مەزمۇن...ھەرقانداق ئەسەرنىڭ تېمىسىغا ئەمەس،مەزمۇنىغا بېقىپ ئەقىل كۆزىمىز بىلەن پىكىر قىلساق!)

arxang

	تال -تال يۈرەكتىن بىر تەخسە بولسىدى ، ئىسسىق تۇتۇپ قالغاندا.

كارۋان

	توغرا بەزىلەر ئەسەرلەرگە ئادەمنى ھەيران قالدۇردىغان ماۋزۇلارنى قۇيىۋالىدىكەن ،مۇنبەرنى شۇنداق ئېچىپ تېمىلار قاتارىغا كۆز يۈگۈرتىدىغان بولساق بەزى تېمىلار ئادەمنى ئۆزىگە جەلىپ قىلىدۇ.ئەمما كىرىپ ئوقىساق بىر تال بۇغدايچىلىق پايدىلىق قىممىتى ئەھمىيتى يوق.يەنە تېخى ناخشىچىلار كۆرۈرمەنلەرگە ياقمىغان ناخشىسىغا كۆرۈرمەنلەرنى چاۋاك چېلىشقا قىستىغاندەك تېما ئاخىرسىغا ‹چوقۇم كۆرۈڭ›ياكى‹ھەممىڭلار كىرىڭلار›دىگەندەك خەتلەرنى قۇشۇپ قۇيىدىكەن.ئىسىڭىزدە بولسۇن ئەسەر ياخشى بولسا كۆرۈرمەنلەر ئىزدەپ سوراپ تېپىپ كىرىدۇ.

kurt

	ئۆتمەس ماتا ،زورلاپ ساتا، بىدىكلەرمۇ ئاۋۇپ قالدىمۇ نېمە؟

shadbag

	مۇشۇنداق ئەھۋاللارمۇ ئاز ئەمەس.دەل مۇشۇنداق تىمىلار ،ھەربىر كۆرۈرمەنلەرنىڭ مۇنبەردىكى تىمىلارغا بولغان قىزغىنلىقىنى سوۋىتىپ قويىدۇ.شۇنىڭ بىلەن مۇنداقلا كوروپ قويىدۇ(بىشى بىلەن ئايغىنى)خۇددى يۇقىرىدا دىيىلگەن«كىتابىنىڭ ئىسمى بىلەن كۆتىدىكى باھاسىغا قارايدۇ»دىگەنگە ئىش بولىدۇ.مىنىڭچە بولسا تەھرىرلىگۈچىلەر بىلەن،تىما تەستۇقلىغۇچىلار مۇشۇ ئىنكاسلارغىمۇ دىققەت قىلىپ قويغان بولسا.

boran114

	مىنىڭ تىمام نىمىشقا تەستىقلانمايدۇ

يالغان-0999

	بىلگەنلەرگە ئالتۇن بىلمىگەنلەرگە قىمىتى يۇق زاكا.....................؟ تۇغرا دەيسىز تاشىقى گۇزەللىكتىن ئىچكى گۈزەلىك ئەۋزەلدۇر..........؟

khan

	يالغان-0999 يوللىغان ۋاقتى  2012-2-22 14:37 بىلگەنلەرگە ئالتۇن بىلمىگەنلەرگە قىمىتى يۇق زاكا......... ... توردىشىم يالغان، سۆزىڭىز يالغانمۇ يا؟

oghlannet

	مانا ئۇشبۇ تېمىنىڭ ئىسمىمۇ ئوبدان قويۇلۇپتۇ ، بىردەمدە 500 دىن كۆپرەك سېتىلىپتۇ !

tony

	تېمىنىڭ ماۋزۇسىنى ئوقۇيمىزدە ، ۋاققىدە يۈگۈرۈپ كىرىمىز . ئاندىن تېما مەزمۇنىنى ئوقۇپ بولۇپ ، جىممىدە بولۇپ قالىمىز . ئەلكۈيىدە بۇنداق تېما ماۋزۇسى بىلەن كىشى ئالدايدىغان ئىشلار ئازمىكىن دەيمەن . قانداق بىر تېما تەستىقلاپ قويغان بولغىيدى ، دەپ كىرسەم ... ... قەدىر-قىممىتىڭىزنى بىلىدىغان يەرگە بارسىڭىز ھامان قەدىرىڭىز قىلىنىدۇ . بىز چوقۇم بۇ نۇقتىغا ئىشىنىشىمىز كېرەك .