گۈزەل شېئىردۇر ئاي يۈزلۈك سەنەم

ALPAMIX

	گۈزەل شېئىردۇر ئاي يۈزلۈك سەنەم (ئەزىز ھېيىت كۈن :  ئالپامىش) چۈشتە باغدىن بالقىپ چىقتى ئاي       نۇرلۇق چېھرى زەپمۇ خۇشچىراي.          ئېرىقتىكى سۇدا شولىسى          سۆيگۈ ئاقار بەلكى سۇ ئاقماي.    ئۇنىڭ بىلەن تەڭ كۈلدى ئاسمان.          لەۋلىرىدەك ئېچىلدى گۈللەر.      تۇيغۇسىغا جۆر، ئەتراپتا-          قۇشلار ئېيتقان يېقىملىق كۈيلەر. كۆزى شەھلا گويا بۇلاقتۇر            تۇلۇن يۈزى زەپمۇ ئوماقتۇر.         قەددى زىلۋا سەرۋى سۈپەتتۇر،       ناز- خۇلقى شوخ،ئەركە،ئويناقتۇر. ئەڭ ئۇز گۈل ئۇ گۈللەر  ئىچىدە.         بىر سۈرەتتۇر  ئاسمان كۆزىدە.          شۇ كۆرۈنۈش ئاسمان-زىمىنغا          قالار مەڭگۈ بولۇپ ئەسلىمە.            چاچنى يەلپۈپ شامال ئۆتىدۇ.         تاللار ئېگىلىپ سالام بېرىدۇ.                  قەدەملىرى نەم يول يۈزىگە       چىرايلىق ئىز-نەقىش بېرىدۇ.    قولىدا بار  ئەپچىل سېۋىتى          گۈپۈلدەيدۇ  ئالما پۇرىقى.       كۆكرەكسىمان ئەشۇ سېۋەتكە          قاچىلانغاندۇ كىمنىڭ يۈرىكى؟      ئالمىسىمان يۈرەك سېۋەتتە          شوخ يۈرىكى سوقار كۆكرەكتە.          سېۋەتتىن ھەم نازۇك كۆكرەكتىن         تەڭ گۈپۈلدەش كېلەر ئەلۋەتتە.         قىز تۇيغۇسى ئۆزىگە ئايان.          كىمدۇر ئۇنى ساقلىغان مېھمان؟       ئېيتقۇسى يوق ھەتتا شامالغا          مېھمان ئىسمى كۆڭلىدە پىنھان. تىز يۈرۈشكە خىجىل بولىدۇ          كۆڭلى ئەمما قۇشتەك ئۇچىدۇ.          ئالدىرماسلىق ئىچرە ئالدىراپ         كېلىشىنى مېھمان بىلىدۇ.            نىمە بوپتۇ ساقلاپ-ساقلىسا؟          كېلىشىنى ئويلاپ ساقلىسا؟                      قىز ئويلايدۇ « ماڭا نە ئامال       ھايا مېنى تىز ماڭدۇرمىسا؟»       ئۈچ يۈز مېتىر داۋان ئەمەسقۇ؟            ياكى ئىگىز ئاسمان ئەمەسقۇ؟          توسۇپ تۇرسا ھايا پەردىسى          تىز ماڭماقمۇ ئاسان ئەمەسقۇ؟ قىزنىڭ مەڭزى تاڭنىڭ  شەپىغى،       خىجىللىقتا ئوت بوپ يانىدۇ.          ۋۇجۇدىدا بولسىمۇ كىيىم            پاك-غۇبارسىز ئىپپەت روھىنى          ئەسلى شەرمى-ھايا  ياپىدۇ.          خىجىللىقتا تارتىنسىمۇ ئۇ          ياش يۈرىكى ئوتلۇق سوقىدۇ.          ئىنتىلگەچكە سۆيگۈگە چەكسىز            ۋۇجۇدىدا دەريا ئاققىدۇ.   كۆزلىرىگە گۈزەلدۈر ئالەم،             ھەر نەرسىگە كۈلۈپ باققىدۇ.             ئالدىدىكى ھەر بىر كۆرۈنۈش،          شاد كۆڭلىگە زەپمۇ ياققىدۇ.          قىز ئويلايدۇ قويۇق قاشلارنى،                      شۇڭقارنىڭكىدەك ئۆتكۈر جۈپ كۆزنى.            يارىشىملىق بۇرۇت مەڭگۈ ئېسىدە،                سېھىرلەنگەندەك سېزەر ئۆزىنى.                ۋۇجۇدىغا تارايدۇ سېزىم،                خوشاللىقنى يۇتۇپ ئالغاندەك.                لەۋلىرىگە  شۇڭقار  يىگىتى، ئوتلۇق،شىرىن لەۋنى ياققاندەك.    تەڭ يىيىشسە ھال رەڭ ئالمىنى،             ئالما ئەمەس چوغدەك يۈرەكنى !             لەززىتىدە  يۈرەك يۇلقۇنۇپ،             تېشىپ چىقارمۇ نازۇك كۆكرەكنى؟             قىز كېلىدۇ  ھاياجان بىلەن،                  تەن –ۋۇجۇدى يانغان ئوت بولۇپ.             قەلبى كۆيگەچ گۈزەل ئىستەكتە،               تۇرار ئىدى كۆزى نۇرلۇنۇپ.                  يۇمۇلمايتتى گۈلدەك لەۋلىرى،                بېسىلمايتتى ئوتلۇق ھاياجان.                  تاپىنىدىن تا بېشىغىچە،                   تارالغانتى قىززىق-ئوت گۈلخان.                   كۆرىنەتتى ئۇ بىر گۈل بولۇپ. يانار ئىدى  قەلبى چوغ بولۇپ. ھەۋەسلىنىپ كۈلەر تېرەكلەر             چېلىپ يەڭگىل-يەڭگىل چاۋاكلار.             سۆزلىشىدۇ توپ قارلىغاچلار-                تىلى تاتلىق،-چۈچۈك ئوماقلار.            قىز كېلىدۇ قىزىل گۈل بولۇپ            قىيا باققان تۇلۇن ئاي بولۇپ          لوق گۆش ئەمەس چوغدۇر يۈرىكى       خوشال كۆڭلى چاپار تاي بولۇپ. قىز كېلىدۇ نەم يول ئۈستىدە               ئاي يۈزىدىن كۈلكە تارايدۇ.               تۇيغۇسىدا كۈتكەن جۈپتىگە               جان ئېلىپ،جان بېرىدىغاندەك، مېھرى،سېھرى بىلەن قارايدۇ.         مەپتۇنلۇقتا  چەكسىز يەر-ئاسمان                گۈل ھۆسنىگە بېقىپ تويمايدۇ.             ئۇ بەئەينى تەبى بىر رەسىم-                يەر يۈزىدە  مەۋجۇت پەرىزات،               ئەبەدىيلىك لىرىك مۇزىكا-                گۈزەل شئېىر-زىل تىلغا ئوخشايدۇ.               تەشنالىقتا  ئۇنى ئاشىقى                ئۆمۈرۋايەت  ئوقۇپ ياشايدۇ!

يالغۇز

	ئىجادىيىتىڭىزغا بەكمۇ قايىل بولدۇم.قولىڭىزغا دەت كەلمىسۇن!

جىن

	ماۋۇ  شئېردىن سۈيۇندۇم  تىل ئىشلىتىش  ماھارىتى بىلەن مەزمۇننىڭ گارمۇنىلىكىغا  رەھمەت  دىمەي  تۇرالمىدىم

ArislanMemet

	ياخشى يېزىلىپتۇ. ئىككى قېتىم ئوقىغاندىن كىيىن بىر مۈھەببەت كىنوسىنى كۆرگەندەك تەسىراتقا كەلدىم.

ArislanMemet

	ئىنكاسىم بەكلا ئاددى بولۇپ قاپتۇ. مەن يازغۇچى ياكى شائىر بولمىغاچقا تىما ئىگىسى مېنىڭ چولتا ئىنكاسىمنى توغرا چۈشىنەر دىگەن ئۈمىدتە. ئوقۇپ بولغاندىن كىينىكى يۈزەكى ئىنكاسىم شۇ بولدىكى بىر قىز ئۆزى ياخشى كۆرىدىغان يىگىتى بىلەن ئۇچرىشىشقا ماڭغان. قىزنىڭ روھى ھالىتى شۇنداق ياخشى ئەكىس ئەتتۈرۈلۈپتۇ. ھەقىقەتنمۇ قىىسقا كىنو كۆرگەندەك ھىسسياتتا بولدۇم. شائىرغا يەنە بىر قېتىم رەھمەت.

gulayi

	ھەقىقى بىر شىىئر ئىكەن.

0997aynur

	راسلا بەك ياخشى يېزىلىپتۇ،