كىتابخان

ئەكبەرھاجى

	كىتابخان ئادىل تۇنىياز كىم سەن ئۆزۈڭ؟ سۇدەك يېقىن،تۇزدەك ناتونۇش. مەن ئالدىڭدا سىرسىز يالىڭاچ، ئارىمىزدا قورقۇش،قورۇنۇش، كىتابىمنى بىسمىللا دەپ ئاچ. خالىغانچە قىلايلى قىياس چىراينى بىر-بىرىمىزنىڭ. سۇ ئاستىدا ماڭغاندەك تىمتاس دېڭىزدىكى بۇ كوچا بىزنىڭ. كىتابخان، شېئىرىمدا ئۈزگەن بېلىقسەن، تۈندىكى چاچتەك گۈزەل،سىرلىقسەن. ئوقۇساڭ گەر لوپا ئەينەكتە قۇيرۇقلۇق مەن يا كۆپ قىرلىق مەن. كىتابخان، بوش لوڭقىدەك بوش ۋاقتىڭغا سال بىر تۇتام مۇشۇ گۈلۈمنى، سويارسەنمۇ مېنى پىيازدەك؟ سورارسەنمۇ كۆككە كۈلۈمنى؟ تىغ ئىزى بار سۈكۈتلىرىمدە، ۋاقىت قاقاچ تۇرغان يېرىمدە، يەر ئاغزىدا سۆڭەكلىرىمىز، ئېرىمەكتە تاشلار جىممىدە. ئۇيغۇرنىڭ بۇ غېرىپ شائىرى ئىزدەيدۇ ئۆز كىتابخانىنى. دەرتمەن بولساڭ شېئىرىمنى ئال، سېنىڭ دەردىڭ بولالماس ياماق. ئوغرى بولساڭ،ئوقۇشتىن ئاۋۋال، مەن كەپ قالدىم، قاچ پالاق-پالاق. ئەگەر قاتىل بولساڭ كىتابخان، چىقىرىپ قوي پۇخادىن مېنى. مالال قىلما ئەي ئەزىز مېھمان، جاينامازدا بولسام مەن تېخى ھىلال ئايلىق شېئىرىمدىكى. ئەمدى بىردەم ياپ كىتابىمنى كەتكەن بولسا كۆزۈڭ ئېچىشىپ، بىر قاشلىغۇم كەلدى مېنىڭمۇ، ئېغىزمىنىم شېرىن قىچىشىپ. ئەي كىتابخان سۆيىمەن سېنى يامغۇردىكى قاقشال تېرەكتەك دېرىسىز ئۆيدىكى نۇردەك، قۇملۇقتىكى يېشىل ئۇيغۇردەك. كېتىۋاتقان بولساڭ رەستىدە مىغىلدىغان كىشىلەر ئارا، مەن كەينىڭدە، كەينىڭگە قارا. سەن ئەينەككە قارىغان بولساڭ مەن بوش ئادەم ئەينەكتە تۇرغان، بوشلۇقۇمغا تولدۇر ئۆزۈڭنى. مەن بىر ئەما كىتابىمدىكى ئەپقاچمىغىن زىنھار كۆزۈڭنى. سۆيىمەن، ئەي ئايال كىتابخان سېنىڭ ھەر خىل چاچ پاسونۇڭنى، قارا رەڭلىك ھىجاپ-تونۇڭنى، شېئىرىمنى ئوقۇغاندىكى شىۋىرلىشىڭ، نەپەسلىرىڭنى، يىگىرمىگە توشمىغان بولساڭ ئاھ تېخىمۇ سۆيىمەن سېنى... شېئىرىمدىكى خورما تۈۋىدە ئەي يولۇچى سايىداۋاتقان، بۇرا ئەمدى ئاتنىڭ بېشىنى بۇلاق بۇلدۇقلىغان مىسراغا. شېئىر بەلكىم دېڭىز بويىدا ماڭغان تەنھا ئادەم ئاتىنىڭ تاشقا ئايلىنىپ بولغان پۇت ئىزى. شېئىر تۇغۇلمىغان بوۋاقنىڭ دېرىمىزدە تۇرغان يۇلتۇزى. شېئىر-يۇلۇپ تاشلانغان بىر تىل، شېئىر-قۇمدا ماڭغان كۆك توغراق، شېئىر-ئۇچقان قۇشنىڭ يىلتىزى. ئاھ، شېئر،مەن يازغان شېئىرلار تەكلىماكان قۇمى ئاستىدا ئوچۇق تۇرغان تىلسىمات شەھەر، مەن بۇ يەردە ئەرۋاھتەك يالغۇز سەن قېنى،ئەي كىتابخانىم،كەل! بىر تۈپ دەرەخنىڭ قەبرىسى نەدە؟ قۇرۇق ياغاچ راۋاب ئەمەسمۇ؟! ئاق قەغەزدە مۇردىسىز قەبرەم يوقلاپ قويساڭ ساۋاب ئەمەسمۇ؟ يۇلتۇزلارنىڭ گۈمبىزىدە بىز، يەردىكى ئىز- بۇ ئۆچمەس خەلق. ئەي شېئىرنى سۆيگەن ئىنسانلار ئوقۇڭلار بىز بولماستا غەرق... *****    ****  *****   ***** كىم سەن ئۆزۈڭ؟ سۇدەك يېقىن، تۇزدەك ناتونۇش، قويۇۋەتكىن مېنى، كىتابخان مەن كىتابقا سولانغان بىر قۇش.          شائىرنىڭ << دېڭىزدىكى كوچا >> ناملىق توپلىمىدىن ئېلىندى.

tohar

	ئۇيغۇر كوچىغا چىققاندا ئادىل تۇنىياز بازارنىڭ رەڭگى ئۆزگىرىدۇ، يات ئادەم ياتنى ئۆز بىلىدۇ، كوچا ئەمس سامانيولى بۇ تىرىكنى قىچقارساڭ ئۆلۈك كېلىدۇ. دۈشمىنىم بەزدى ،غېرىبلىق ئەزدى، قۇلۇڭنى بەر،ئەي ياقا يۇرتللۇق، يوقتىن كەلگەن يوققا قايتارمىز، يوقاتقىنىمىز بولىدۇ قۇتلۇق. ئۇيغۇر بۇلۇپ چىقتىم چەتئەلگە ئۆتتى گويا بىز كۈندە يۈز يىل كەچۈرمەيمەن دوستۇم قىيامەتكىچە دۈشمىنىم رەنجىتكەن بولسا ئەپۇ قىل. ئات يايلى ئۆچتى سارغۇچ بەتلەردىن باتۇرلۇق كۆچتى قىلىچلىق ئەردىن. ئۆلگەن كۆرەلمەس ئۆلتۈرگىچىنى ناماردلەر مەرلەردىن ئالار ئۆچىنى. روھىمىزدا تاج خوراز تاجىدەق، يېڭىلدۇق بۈگۈنكى دۇنيا مېكىيانىدۇر. ئەسىرلەر بويىغا يەتتى بىر -بىرلەپ، لېكىن ھەي قىزلار قېرىماس ئۇيغۇر. ئۇيغۇر كوچىغا چىققاندا مەغرۇر دەرەخلەردە مۇڭ،ئۆيلەردە قەبرە. قاتقان يەرلەردە قۇترايدۇ شەھۋەت، قاقشال سۈكۈتلەر گوياكى نەرە. ئۇيغۇر بۇلۇپ كوچىغا چىقتىم غەمزىسى يات،ھۆل قىزىق بازار. ئۇيغۇر بولغۇم كەلدى مىڭ قېتىم مۇھەببىتىم بۇلدۇقلاپ ئاقار.

xikasta9098

	ھۆرمەتلىك باشقۇرغۇچى ئەپەندىم.مەن ‹‹ئەلكۈيى›› مۇنبىرگە بىر نەچچە قېتىم ئەسەر يوللىغان بولساممۇ ھازىرغىچە بىرسىمۇ ئېلان قىلىنمىدى. مەن يوللىيالمىدىممۇ ياكى ياخشى يازالمىدىممۇ بىلمىدىم.باشقا مەتبۇئاتلاردا ئېلان قىلىنغان ئەسەرلىرىمنىمۇ يوللاپ باقتىم. بۇ قانداق ئىش جاۋاپ بەرگەن بولسىڭىز ؟

mikman

	ئەسسالامۇ-ئەلەيكۇم      ھۆرمەتلىك  ئادىل تۇنىياز ئەپەندى ياخشمۇسىز ، سىزنىڭ ئەسەرلىرىڭىز  باشقا يازغۇچىلارنىڭ ئەسىەرلىرىدىن بەلگىلىك پەرىقلىنىپ تۇرىدىكەن ،       بۇنىڭ سەۋەبى نىمىكىن    چۈشەندۈرۈپ قويغان بولسىڭىز؟

bughra68

	بۇ تېمىنى يوللىغۇچى ئادىل تۇنىياز ئەمەس . ئادىل تۇنىيازنىڭ نەچچە ئون پارچە ئەسىرى فىرانسۇز، نىمىس ، ياكى ئىنگىلىز تىللىرىدىكى ئەسەرلەر بولغان بولسا ھەربىرى ئۈچۈن بىر ياكى بىرقانچە تەتقىقات كىتاۋى يېزىلغان بۇلاتتى . مەسىلەن ، يەر يېغى  ، سۈۋەرەككە مەدھىيە ، قەشقەردىكى يەرشارى ، ئۆمۈچۈك ناخشىلىرى قاتارلىقلار . بۇ مۆھتىرەم قەلەم ساھىبىنىڭ تېنىنىڭ ، قەلبىنىڭ روھىيەت ئالىمىنىڭ مەڭگۈ ساغلام بولىشىنى چىن كۆڭلۈمدىن تىلەيمەن . شۇنداقلا ئائىلىسىگە زور بەخت ، خاتىرجەملىك يار بولغاي .

تەۋپېق

	كىتاپ گويا بىر سۈزۈك بۇلاق ئىچىپ ئىچىپ قانمايدىغان....شۇ تورخانىلاردا خەجلىگەن پۇلنى يىغىپ بىرەر كىتاپ سىتېۋىلېپ ئوقۇساق،كىتاپ ساقلايدىغان ئادەتنى يىتېلدۈرسەك نېمىدېگەن ياخشى بولاتتى  ....

ArislanMemet

	mikman يوللىغان ۋاقتى  2012-2-16 22:03 ئەسسالامۇ-ئەلەيكۇم      ھۆرمەتلىك  ئادىل تۇنىياز ئەپەن ... بۇ سۇئالىڭىزغا مەن ئادىل تۇنىياز ئورنىدا ئاقساقاللىق قىلىپ جاۋاپ بېرىپ قوياي، چۈنكى ئادىل تۇنىيازدا ئىتقاد بار. ئاللاھنى ئۇنتۇلۇپ قالمىغان.

ftzqr

	www.tbkhg.com www.tbkhg.com www.zhldo.com