‹‹ ئىلچى بۈركۈتى ›› نەشر قىلىندى

saydin

	شىنجاڭ گۈزەل- سەنئەت، فوتۇ- سۈرەت نەشرىياتى يېقىندا مۇختار مامۇت مۇھەممىدىنىڭ نەشىرگە تەييارلاپ خىراجەت چىقىرىشى بىلەن، ‹‹ ئىلچى بۈركۈتى››، ‹‹ ئۇيغۇر ئالىمى تەجەللى››، ‹‹ تىنىقلاردىن تەرمىلەر ›› ناملىق ئۈچ كىتابنى نەشىر قىلىپ تارقاتتى.         ‹‹ ئىلچى بۈركۈتى››- تارىخىي پوۋېسىتلار توپلىمى بولۇپ، بۇ توپلامغا يازغۇچى، دىرامماتورگ مەھەممەت زۇنۇن تەشنائىنىڭ ‹‹ مۇناپىقنىڭ ئۆلۈمى››، ئېزىز ساۋۇتنىڭ ‹‹ مۆيدىن تۈەنجاڭ››، مەتقاسىم ئابدۇراخماننىڭ‹‹ ئىلچى بۈركۈتى›› قاتارلىق ئۈچ پارچە نادىر تارىخىي پوۋېسىت كىرگۈزۈلگەن . بۇ ئۈچ پارچە تارىخىي پوۋېسىتتا 20- ئەسىرنىڭ ئالدىنقى يىللىرىدىكى تارىخىمىزنىڭ ئاچچىق قىسمەتلىرى سۈرەتلەنگەن.       ‹‹ ئۇيغۇر ئالىمى تەجەللى››- كىلاسسىك ئەدەبىياتىمىزدىكى نۇرانە يۇلتۇزلارنىڭ بىرى بولغان ھەزرىتى مەۋلانە تەجەللىنىڭ ھايات پائالىيىتى، ئىجادىيىتى، تەسىرى ھەققىدىكى تەتقىقات مېۋىللىرى، قىممەتلىك ئۇچۇرلاردىن تۈزۈلگەن ماقالىلىرىدىن تۈزۈلگەن توپلىمى بولۇپ، تەجەللىنى چۈشىنىشىمىزدىكى يەنە بىر موھىم مەنبە بولالايدۇ. ، ‹‹ تىنىقلاردىن تەرمىلەر ››- تاللانغان ھېكمەتلەر توپلىمى بولۇپ، ئەقىل كۆزىمىزنى نۇرلاندۇرۇپ، تەپەككۇرىمىزنى قۇۋۋەتلەندۈرىدىغان مەنىۋىي سەدەپلەر خەزىنىسىدۇر.       مۇختار مامۇت مۇھەممىدىنىڭ ئەجر سىڭدۈرۈشى بىلەن يورۇقلۇققا چىققان بۇ ئۈچ كىتاپ ئوقۇرمەنلەرنىڭ ئوقۇپ بېقىشىغا، ساقلىشىغا ئەرزىيدۇ.... .

nokar

	بىر ئەمگەكنى روياپقا چىقارماق ئاسان ئەمەس ، ئەجىر سىڭدۇرگەنلەرگە رەخمەت

0998bahar

	مۇختەر مامۇت مۇھەممىدىنىڭ ئەجرىگە تەشەككۈر!

lopnuri

	ئۇيغۇر ئالىمى تەجەللىنىڭ ھاياتى -پائالىيەتلىرى جەملەنگەن كىتاپنىڭ نەشىر قىلىنىشى بەك ئېسىل ئىش بوپتۇ. مۇختار مۇھەممىدى ئەپەندىگە كۆپ تەشەككۈر!

yadikar553

	بو كىتاپلار ئوقۇشقا ئەرزىيدىغان كىتاپلار ئىكەن

ئۆتۈكەن

	ئوغۇز كىتابخانىسىنىڭ تورغا چىقىرىپ سېتىشىنى ئۈمىد قىلىمەن. شۇنداق بولغاندا، ماڭا ئوخشاش يىراقتىكىلەر بۇ نادىر كىتابلارنى توردىلا سېتىۋالالايدۇ.

tewelgha

	ياخشى ئىش بولۇپتۇ ،ئەتىلا كىتاپىانىغا بېرىپ بىرقۇر ۋاراقلاپ بېقىپ ،ئاندى سېتىۋىلىش سېتىۋالماسسلىق ھەققىدە  قارار چىقىراي.

يالغان-0999

	تىلغا ئالغودەك ئىش بولۇپتۇ.ناھايىتى خۇش بولدۇم؟ كىتاپسەن-كىتاپ،بىر ئوقۇپ ناھايتى خۈش بولدۇم،يەنە بىر ئوقۇپ بەك مەيۆسلەندىم، يەنە بىر ئوقوپ كىملىگمنى تونوپ يەتىتم؟ نادان دىللارنى يورۇتقۇچى يەنىلا سەن كىتاپسەن؟ بوگۈنكى كىتاپ -ئەخلاقى كىتاپ؛ بوۋامنىڭ كىتابى-تارىخى كىتاپ؛ مەن كىمو ئەمىسە بوۋامچۇ؟ كەچۇروڭلار.......كەچۇروڭلار، جىق سۇزلەپ كەتىتم؟

كۇبرى

	باشقىلاردىن ئاڭلىغان يېڭى چىققان رومانلار مۇشۇلار كەندە، تولىمۇ خوش بولدۇم. مۇشۇنداق ياخشى كىتابلارنىڭ بۇندىن كېيىن تېخىمۇ كۆپ روياپقا چىقىشىنى ئۈمۈد قىلىمەن، قەلەم ساھىبلىرىنىڭ ئەجرىگە كۆپ رەھمەت .

كۇبرى

	ياخشى  بىر كىتاب ئوقۇغانلىق ياخشى  بىر دوست تۇتقانلىق بىلەن بىلەن باراۋەردۇر.