قىرىق ياشقا كىرگەندە قىرىق ئارزۇ، قىرىق غەم

dildos

	قىرىق ياشقا كىرگەندە قىرىق ئارزۇ قىرىق غەم (ئايبېك ئۆمەر ئۇيغۇرى) قىرىق ياشقا كىرگەندە سوئال تولا جاۋاب كەم، تەدبىرىنى ھەر ئىشنىڭ ئويلاشمىساڭ تېخى غەم. يېگەن ئېشىڭ بەزىدە ئاچچىق-چۈچۈك قىرتاق تەم، سەن نېمىنى قوغلاشساڭ شۇ قاچىدۇ سەندىن ھەم، قىرىق ياشقا كىرگەندە قىرىق ئارزۇ قىرىق غەم. قىرىق ياشقا كىرگەندە چار ساقالغا ئايلىنىپ، تەمتىرەيسەن تۇرمۇشنىڭ باشلىقىغا سايلىنىپ، تۇرمۇش دېگەن مۇھتاجلىق ئاڭا يىپسىز باغلىنىپ، كەتمىنىڭنى چاپىسەن قالماس ئۈچۈن ساغىرىپ، قىرىق ياشقا كىرگەندە قىرىق ئارزۇ قىرىق غەم . قىرىق ياشتا بىلىنەر ئاتا-ئاناڭ سۆيۈملۈك، ئۇلار دانا پەيلاسوپ جاپا بىلەن بىر ئۆيلۈك، نېچۈن بەڭباش بالىلىق،ياشلىق ھەمدە ئۆسمۈرلۈك، ئېڭەك تۇتۇپ قالىسەن يوقاتقاندا سەن ئۆملۈك، قىرىق ياشقا كىرگەندە قىرىق ئارزۇ قىرىق غەم. سەن بالاڭغا كۆيىسەن،بالاڭ كۆيەر ئۆزىگە، ئوت-چۆپ باسار يولنىمۇ بارماي ئاناڭ ئۆيىگە. كىچىك-چوڭنىڭ ئىشىغا يېتىشەلمەي بەزىدە، تەلپۈنىسەن ئەقىلنىڭ چىقماق بولۇپ تۆرىگە، قىرىق ياشقا كىرگەندە قىرىق ئارزۇ قىرىق غەم. قىرىق ياشقا كىرگەندە گاھى ھېرىپ قالىسەن، قېرىنداشنى يا دوستنى گاھى چېكىپ باقىسەن، كاج تەغدىرنىڭ چېچىنى يۇلماق بولۇپ تارتىسەن، رېئاللىقنىڭ سازىنى ئاقىبەتتە چالىسەن، قىرىق ياشقا كىرگەندە قىرىق ئارزۇ قىرىق غەم. ئات ئۈستىدە ساقاللىق قاراقچىدەك قىرىق ئەر،   سەنەم،لەيلى شېرىننى ئەيمەندۈرگەن قىرىق ئەر، سېغىنىدۇ چۆل دالا،كەپە ئۆيلەر قىرىق ئەر، ئارىمىزدا مىڭ ئارمان ئەلگە ياققان قىرىق ئەر، قىرىق ياشقا كىرگەندە قىرىق ئارزۇ قىرىق غەم. ئۆز غېمىدىن ھالقىغان ئاتا سىياق مەغرۇر ئەر، ئەل قەلبىدىن جاي ئالار ئەلگە تۆكۈپ ھالال تەر، ئۇيغۇر دەيدۇ روھتىمۇ نامرات بولسا يۈز كېتەر، ئارمىنى كۆپ ئۇيغۇرۇم بۇ  دەردىڭگە كىم يېتەر، قىرىق ياشقا كىرگەندە قىرىق ئارزۇ قىرىق غەم. 2008-يىل 30-سىنتەبر   قاراماي تولۇقلىما مەزمۇن (2012-1-20 00:26): باشقۇرغۇچى!  شائىرنىڭ ئىسمىدىكى ئىسكوپكىنى يەنى تىرناقنى چىقىرىۋېتىڭ

lostba

	ئايبېك ئۆمەر ئۇيغۇرى، بۇ ئويغۇر يازغۇچىمۇ؟ نەلىك يازغۇچى

nazinin

	ئايبېك ئۆمەر ئۇيغۇرى قاراماي شەھىرىدە ئۇزۇن يىل ئوقۇتقۇچىلىق خىزمىتى بىلەن شۇغۇللىنىپ كېلىۋاتقان مائارىپچى .يېزىقچىلىققا قىزىقىدىغان بولغاچقا نۇرغۇن ئەسەرلەرنى روياپقا چىقارغان ،يازغۇچىلار  قاتارىدىن ئورۇن ئالغان ،قاراماي خەلقىغە تونۇلغان يازغۇچى ھەم مائارىپچى .

tohar

	شېئىرىڭىز تولىمۇ ياخشى چىقىپتۇ،ئەدەبىي ئىجادىيتىڭىزگە ئۇتۇق ۋە مۇۋەپىقىيەت تىلەيمەن! 40ياشتىن ئاشقاندا،ئادەم ئۆمۈر مۇساپىسىنىڭ تەڭدىن تولىسىنى ئۆتكۈزۈپ بولغان بولىدۇ،يىللارنىڭ ئۆتۈشى بىلەن ماغدۇردىن،كۈچ-قۇۋەتتىن قالىدۇ.بېسىپ ئۆتكەن ھايات مۇساپىلىرىنى ئەسلەپ ئۆتكەندە،يولۋاستەك چاغلىرىنى،گۈزەل ياشلىقتىكى ئەسلىمىلەرنى ئەسلەشكە باشلايدۇ! 40ياشتىن ئېشىش،ھاياتنىڭ داۋان يولىدىن تازا ئۆرلەۋەتقان،نۇرغۇن مۇۋەپىقىيەت كۈتۈپ تۇرغان ياخشى پەيت.لېكىن،بۇ دەۋردىكى غەم-ئەندىشە،تۇرمۇش بېسىمى ئادەمنى بەك چارچىتىپ قويىدۇ،خۇددى شېئىردا ئىپادىلەنگەن مەزمۇنغا ئوخشاشلا. ياش چوڭايدىكى ،غازاڭ پەسلى كېلىش ئالدىدا تۇرماقتا،ئىلگىرى مېۋە بەرگەن،تازا كۆكلەۋەتقان بىر دەۋرلەر كەلمەسكە كەتتى،مەجبۇرىيەت ۋە مەسئۇلىيەت،ئائىلىدىكى تۇرمۇش بېسىمى ئادەمنى كۆپ چارچاتتى،ھاياتلىقنىڭ مۇساپىسى شۇنداق بولىدۇ. شېئىرىڭىزدىكى ماڭا بەرگەن ھېس-تۇيغۇرلار مېنى بەك جەلپ قىلدى ۋە نۇرغۇن ئىشلارنى ئويلاشقا مەجبۇر قىلدى. قەلىمىڭىزگە بەرىكەت ،كۈنلىرىڭىز ئاسايىشلىق ئىچىدە ئۆتكەي!

tewelgha

	بۇ شرئىرنىڭ مەزمۇنى ئىنساننىڭ ھايات مۇساپىسىنىڭ  40 ياش مەزگىلىدە ئېرىشىدىغان ھالاۋىتى  ۋە يولۇقىدىغان  جاپا-مۇشەقەتلىرىنڭ  ھەممىسىنى ناھايىتى تولۇق ئەكىس ئەتتۇرۇپ بېرىپتۇ .يوقۇرىغا قارىسىڭىز ئاتا-ئانا تۇرغان ،پەسكە  قارىسىڭىز بالايۋاقە تۇرغان ،ئوڭغا قارىسىڭىز كەسىپ ،خىزمەت تۇرغان ،سۇلغا قارىسىڭىز تۈگىمەس ئادىمىگەرچىلىكلەر تۇرغان .يا بىر بەدەننى ئىككى قىلغىلى بولمىغان ،تازىمۇ بىر مۇشكۈل مەزگىلكەن بۇ ....................

diliraba

	بۇ تېمىنى يوللىغان يازغۇچىغا كۆپ رەھمەت، تېمىلىرىڭىز ئۈزۈلۈپ قالمىسۇن.

taranqi

	40 ياشقا بارغاندا كۆرۇپ باقاي ....

marwana

	ماڭىمۇ قىرىق غەمگە ئاز قاپتۇ-دە.

adiyat

	راست مەن  ھازىر  31  گە كىردىم  ساناپ باقسام  31 ئارزۇيۇم  باركەن...

tawlan109

	ماڭىلا  يېزىپسىز  رەخمەت