ئالماشتۇرۇش
(Aman121)
ئەگەر ياراتقۇچى ساڭا ئىككى جان ئاتا قىلغان بولسا، سېنى ئاللىبۇرۇن بىر قېتىم ئۆلتۈرىۋەتكەن بولاتتىم .
قاتىللىق- قابىل زامانىسىدىن تارتىپ ئىنسانلارغا ئۇدۇم بولۇپ قالدى، نۆۋەتىدە ھابىل شۇنى شەكسىز ئىسپاتلىدىكى ئادەم-ئۆلىدۇ. بىراق بۇ مەڭگۈلۈك يوقىلىش ئەمەس، شۇڭىمۇ سېنىڭ ئۆلۈمىڭ ماڭا ھېچنىمە قىلىپ بىرەلمەسلىكى مۇمكىن. نېمىلا بولمىسۇن سەن چوقۇم مەڭگۈلۈككە يوقىلىشىڭ كىرەك.
مەن قاتىل ئەمەس، پەقەت ئۆزۈڭ سالغان تىغنى قايتۇرۇپ بىرىمەن خالاس.
بىلىمەن جېنىم ، ھەيرانلىق سەندىن تولىمۇ يىراقلىقتا.
شائىر ھەسەل يېغقۇچى ھەم زەھەر تۆككۈچى. شۇڭىمۇ مەن شائىر ئەمەس، توغرىسى شائىرىڭ ئەمەس.
بىلمىدىم جېنىم ، سەن مېنىڭ كۈلۈپ يايرىشىمغا جان-جەھلىڭ بىلەن قارشى تۇردۇڭ.
قان ئىچكەن كۆزلىرىڭگە قاراپ تىغنى جايىغا سېلىپ قويدۇم، بۇ ھالىتىمنى كۆرۈپ تۇرغان قېرى دەرەخ:«سەن مەڭگۈلۈكۈڭنى يوقىتىپسەن»دەپ پىچىرلىدى. مەن پەقەت «ھەق» دېيەلىدىم خالاس.
يوللىغان ۋاقتى 2011-12-5 04:37:25
