قىزلارئۈچۈن بەزىدە يىگىتلەرنىڭ پۇلىنى قارىغۇلارچە خەجلەشنىڭ ئۆزى خەتەرلىك !!!
شۇنداق ، بۇ دۇنيادا مۇھەببەت بىلەن نەپرەت ، شادلىق بىلەن ئازاب ئەزەلدىن ئارلىشىپ دەۋىر سۈرىدۇ . ئىنسان پەقەت ۋە پەقەتلا ئاددى كۆز بىلەن كۆرگىلى بولىدىغان ، سۈنئى كۆرۈنۈشلەرنى ئاددى تىل بىلەن ئىپادىلەپ بېرىشى مۇمكىن . بىراق چىن ھېسسىياتتىكى ئەڭ نازۇك تىترەشلەرنى ئەرىشتە بىر ئىلاھ ، زىمىندا شۇ ئىنساندىن ئۆزگە ھېچكىم ، ھېچنىمە ھەر قانداق ۋاستە بىلەن تەسۋېرلەپ بېرىشكە بىقۇۋەتتۇر . يۈرەك تىنچلانسۇن ! بىغۇبار ،نازۇك يۈرەكلەر تىنچلانسۇن ! شۈبھىسىزكى ، ئىنسان ئۆمرىنى ئوغرىلايدىغان قاباھەتلىك ئەسلىمىلەرنى باشتىن كەچۈرگەن ئاجىز ، ناتىۋان يۈرەكلەر قانداقمۇ ئۆرتەنمەي تىنچ سوقالىسۇن ؟!....
ھايات نىمانچە رەھىمسىز ھە ؟ ئۇ كۆز يېشى دېگەنلەرگە قىلچىمۇ پەرۋا قىلىپ قويمايدىكەن .تۈنۈگۈنكى ئاچچىق يىغا ئەتە ئۇنىڭغا بەخت ئېلىپ كېلەلەرمۇ ؟بۇنى بىر خۇدا ئۆزى بىلىدۇ . ئامال قانچە ، ئامال قانچە ؟يەنىلا ھايات قىممەتتە ،ئۇنىڭدىن قانداقمۇ ۋاز كەچكىلى بولسۇن ؟! ئەمما ئۇ توختام سۇدەك بىر ئىزدا كېتىۋەرسە بولمايدۇ– دە ؟ دېڭىز كەبى مەۋج ئۇرالمىسىمۇ ، دولقۇن ياسىيالىشى كېرەك . ئادەم ئۆز تەقدىرىنىڭ قىسمىتىنى بىلمىگىنى ئۈچۈنلا ئازاب ۋە ئۈمىتسىزلىك تۈپەيلى بەزىدە ،ئۆز تەقدىرىنىڭ جەۋرى –جاپاسىنىڭ سەۋەبكارى بولۇپ قالىدۇ . ئەرەبلەردە بىر ھېكمەت سۆزى بار :
‹‹بەندە سۆزلەيدۇ ،تەقدىر كۈلىدۇ .››شۇنداق ئەمەسمۇ ؟ مۇشۇ كۈنلەرنى كىم ئويلىدى ؟بەلكىم تەڭرىنىڭ ئورۇنلاشتۇرۇشى باشقىچە بولسا كېرەك .تەڭرىنىڭ قۇدرىتىدە نۇرغۇن سىرلىك ھېكمەتلەر بار ...سەۋرى قىل ئەي ئىنسان بالىسى ...
ئۆزىگە مەسئۇل بولالمايدىغان ئادەمنىڭ كۈنلىرى تۇرمۇشتىن خاتىرجەملىك تاپالمايدۇ .مەن ئۆزۈمگە خىتاپ قىلدىم : –سەن ئۆزەڭنىڭ قانداق ياشاۋاتقىنىڭنى بىلەمسەن ؟!
ۋۇجۇدۇمدىن سادا كەلدى :
–ئۆزەڭنىڭ تەقدىرى –ئۆزەڭنىڭ ئاچچىق ساۋاقلىرى بىلەن تولۇپ كەتتى .
خۇددى بۇ قىسمەتلەرنىڭ ھەممىسى ئادەم ئاتا بىلەن ھەۋۋا ئانىدىن قالغان مىراستەكلا .
ھەئە ، ھەممىلا ئادەمنىڭ ھال –مۇڭى بىلەن يۇغۇرۇلغان ئالەم بۇ .سەن قانداقتۇر كاج قىسمەتلىرىڭدىن بىقسىنىپ ، ئۈنسىز يىغلاۋاتقىنىڭدا ،يېنىڭدىكى قوشناڭنىڭمۇ كۆزىدىن ئەمەس ،يۈرىكىدىن تىترەپ يىغلاۋاتقىنىنى ھېس قىلالىدىڭمۇ ؟...ئۆزۈمنى ھەقىقەتەن تىمتاس بىر ماكاندا تەنھا قالغاندەك يالغۇز ھېس قىلدىم .بۇ خىل ھېسسىياتقا چۆمۈلگەن مىنۇتلىرىمنى مەڭگۈ ئۇنتىيالمايمەن .
ھايات بىر ئالدامچى ،ئۆمرۈڭنى ئوغرىلاپلا قاچىدۇ . سەن ھۇشيار تۇرمىساڭ ئۇ سېنى كۆزنى يۇمۇپ –ئاچقۇچە قىپيالىڭاچ قىلىپ قويىدۇ . ئۇ چاغدا سەن سەن ئوڭ– سولغا مېڭىشنى بىلمەي نومۇستىن جايىڭدىن قوپالمايلا قالىسەن .ئۆلۈم ساڭا ئارتۇقلۇق ، ھايات يۈرۈش ساڭا ئېغىر كېلىدۇ . نېرۋا تومۇرلىرىڭ قېتىپ ئىشلىمەس بولۇپ قالىدۇ . سەن ئىككى ئوتتۇرىدا قىينىلىسەن ، ئۆمىلەيسەن ، ئۆمتۈلىسەن ، بىراق كاللاڭنى سىلكىۋىتىپ ،ئەقلىڭ بىلەن ئىش كۆرمىسەڭ ، نىشاندىن ئازغىشىپ قىلىشقا قىل قالىسەن ،ئېھتىيات قىل ،ئەركە ئىنسان !
سېنىڭ ئالدىڭدا ئۆزۈمنى يىڭىلگەندەك ھېس قىلدىم ، ئۆزەمنى تۆۋەن تۇتۇشقا مەجبۇر بولدۇم . ياق! ۋىجدانىم بۇنى رەت قىلىۋەتتى . قەلبىم ، قۇربى يەتمەي ھال تارتاتتى . كۆزلەرنى نەمدىگەن ئاشۇ قىسمەتلەردىن ئۆسۈپ–ئۆكسۈپ يىغلىغۇم كەلدى . ئادەم يوق يەرگە بېرىپ ئۈنۈمنى قۇيىۋىتىپ ۋارقىرىغۇم كەلدى . نىمە ئامال ؟ھەممە مېنىڭ كۈلۈپ تۇرغان كۆزلىرىدىن مېنى خۇشال دەپ ئويلايدۇ .ياق ،ئۇلار خاتالاشقان .بىلەمسىلەر ؟مەن يۈرىكىمدىن يىغلايمەن .مېنىڭ ياشلىرىم كۆزلىرىمدىن ئەمەس ، يۈرىكىمدىن تامچىلايدۇ . ئادەم ئۈچۈن كۆز يېشى نىمانچە تۈگىمەيدىغاندۇ ؟!...
كۆز ياشلاردىن ھورداشقان ،قارچۇقۇمدا بىر قىزچاق ،چاچلىرى چۇۋۇلغان ھالدا ھارغىن كېتىپ بارماقتا .مەن بەك قورقۇپ كەتتىم .ئۇ مەن ئىدىم . مەن ئۇنىڭ چاچلىرىنى تۈزەشتۈرۈپ ،كىيىملىرىنى يەڭگۈشلەپ ، دېڭىز بويىغا ئۇپۇقنى ،يىڭى چىقىۋاتقان قۇياشنى كۆرسەتكىلى ئاپارماقچى بولدۇم ، خىيالىمدا . لېكىن مېنىڭ ماغدۇرۇم يوق . يۈرىكىم سوغاق ئىدى .ئۇنىڭ بارماقلىرىنى سىقىمدىۋالغان قوللىرىم سوغاق ئىدى . سەن بۇ ھاياتىڭدا راستىنلا ئاجىزلىق قىلدىڭ .ئىرادىسىزلىكىڭ ساڭا جەۋرى –جاپا ئېلىپ كەلدى . كەل ! ئۆزۈڭنى بىسىۋال ! ياشلىرىڭنى توختىتىۋال ! يۈرىكىڭگە ئېيت ،ئۇ ئازابلىرىڭنى مۇشۇ كۆز ياشلىرىڭغا قۇشۇپ يۇيىۋەتسۇن . چۈنكى سەن بىغۇبارسەن ،پاكسەن ،مەرۋايىتتەك ئاقسەن ، سەن ھېچقانداق ئىۋەن –كەمچىلىككە سەۋەبكار ئەمەسسەن . ئادەملەرنىڭ قىلمىشى تەڭرىگە ناھايىتى چۈشىنىشلىك .سەۋرى –تاقەت بىلەن ئاقىۋىتىڭنىڭ خەيرى –ئېھسانىنى كۈتكىن .
مەنبەسى - كاۋكاز قىزى يازمىلىرى
2011-12.1
يوللىغان ۋاقتى 2011-12-3 19:50:49
