ساراڭلار يۇمۇرلىرى

punisher

ئالامەت قىزىق يۇمۇركەن بۇ

uyghurpawlos

ئەكس سادا
چىش دوختۇرى كېسەلنىڭ چىشىنى تەكشۈرىۋېتىپ:« چىشىڭىزدا يوغان بىر كاۋاك باركەن، كاۋاك باركەن»-دەپتۇ.
بىمار نارازى بولغان ھالدا:« ئۇنداق بولسا نېمە بوپتۇ، ئىككى قېتىم تەكرارلاشنىڭ نېمە ھاجىتى!»- دەپتۇ.
چىش دوختۇرى جاۋابەن:« مەن بىر قېتىملا دېگەن، ئىككىنچىسى ئەكس سادا»-دەپتۇ.

uyghurpawlos

توخۇنىڭ دەريادىن ئۆتۈشى
بىر ئوغرى توخۇ ئوغۇرلاپ دەريا بويىدا ئۇنىڭ پېيىنى يۇلىۋاتسا، دەريا بويىدىكى يولدىن بىر ساقچى كېلىپ قاپتۇ، ئوغرى بۇنى كۆرۈپ ئالدىراشلا توخۇنى دەرياغا تاشلىۋېتىپتۇ.
ساقچى كۆرۈپ، ئۇنىڭدىن:« ھەي، بۇ يەردە نېمە قىلىۋاتىسەن؟ دەريادىكى نېمە؟»- دەپ سوراپتۇ.
ئوغرى جاۋاب بېرىپ:« دەريادىكى بىر توخۇ، ئۇ دەريادا چۆمۈلمەكچىكەنىدۇق، مەن ئۇنىڭ كېيىمىگە قاراپ بېرىۋاتىمەن.»-دەپتۇ.

uyghurpawlos

سۈت پارشۇكى
ھايۋاناتلار باغچىسىنىڭ خىزمەتچىسى ساياھەتچىلەرگە چۈشەندۈرۈپ:« ئەندىشە قىلماڭلار، بۇ شىر ياخشى تەربىيلەنگەن، بىز ئۇنى سۈت پارشۇكى بېرىپ چوڭ قىلغان.»-دەپتۇ.
بۇنىڭ بىلەن ساياھەتچىلەردىن بىرى يۈزىدە قان قالمىغان ھالدا:« مەنمۇ سۈت پارشۇكى ئىچىپ چوڭ بولغان، لېكىن مەن ھازىر گۆش يېيىشكە ئامىراق.»-دەپتۇ.

uyghurpawlos

قۇرساقتىكى تارتۇق
5ياشلىق قىز ئاپىسىنىڭ قۇرسىقىدىكى يوغان تارتۇقنى كۆرۈپ ئاپىسىدىن سوراپتۇ، ئاپىسى:« بۇ جاينى دوختۇرلار كېسىپ سېنى قۇرسىقىمدىن چىقارغان، بۇ شۇنىڭ تارتۇقى»-دەپ جاۋاب بېرىپتۇ. قىزچاق بىرھازا ئويلانغاندىن كېيىن ئاپىسىدىن ئەستايىدىل تەلەپپۇزدا يەنە سوراپتۇ:« ئۇنداقتا سەن مېنى نېمە ئۈچۈن يەۋالغان ئىدىڭ؟»

uyghurpawlos

قۇلۇلە
قۇلۇلە يولدا كېتىۋاتسا ئارقىدىن بىر تاشپاقا كېلىپ ئۇنى بېسىپ ئۆتۈپ كېتىپتۇ، قۇلۇلە يارلىنىپ جىددىي قۇتقۇزۇشقا ئېلىپ بېرىلىپتۇ. قۇلۇلە ھوشىغا كەلگەندە قاتناش ساقچىسى ئۇنىڭدىن ئەينى ۋاقىتتى ئەھۋالنى تەسۋىرلەپ بېرىشنى سوراپتۇ، قۇلۇلە ئاھ ئۇرغان ھالدا جاۋاب بېرىپ:« يادىمدا قالماپتۇ، ئۇ چاغدا ئۇنىڭ سۈرئىتى بەك تېز ئىدى... »-دەپتۇ.

uyghurpawlos

دېھقان بىلەن ئەدىب
ئاتۇشلۇق بىر دېھقان بىلەن بىر ئەدىب يولدا بىرگە مېڭىپ قاپتۇ، ئۇلار بىكارچىلىكتا زېرىكىپ تېپىشماق تېپىپ ئوينىماقچى بولۇپتۇ. ئەگەر ئەدىب تېپىشماقنىڭ جاۋابىنى تاپالمىسا ئاتۇشلۇق دېھقانغا 10 سوم بېرىدىغان، ئاتۇشلۇق دېھقان تاپالمىسا 5 سوم بېرىدىغان بولۇپتۇ. ئاتۇشلۇق دېھقان:« قانداق نەرسە سۇغا چۈشسە 500كىلوگرام ئېغىر، قىرغاققا چىقسا 10كىلوگرام ئېغىر بولىدۇ؟» دەپ سوراپتۇ. ئەدىب جاۋاب بېرەلمەي ئۇنىڭغا 10سوم بېرىپتۇ ۋە جاۋابىنى سوراپتۇ. ئاتۇشلۇق دېھقان خوشاللىقىدا ھەميانىنى چىقىرىپ بەش سومنى ئەدىبكە تەڭلەپ :«مەنمۇ بىلمەيمەن!»-دەپ جاۋاب بېرىپ يولىغا راۋان بوپتۇ.

uyghurpawlos

دوزاق  
بىر ساتقۇن ئۆلۈپ دوزاققا كىرىپتۇ، دوزاقتىكى ئالۋاستى ئۇنى باشلاپ كامىرلارنى تونۇشتۇرۇشقا باشلاپتۇ.
بىرىنچى ئۆيگە قارىسا بىر تۈركۈم ئەر-ئاياللار ۋالدىقلاپ قايناۋاتقان قايناقسۇغا چىلىنىپ ياتقىدەك، ئۇلارنىڭ گۆشى سۆگىكىدىن ئاجىراپ كەتسىمۇ ئۆلمەي ئازاپلىنىۋاتقىدەك. بۇنى كۆرگەن ساتقۇن كىرىشكە زادىلا ئۇنىماپتۇ.
ئىككىنچى ئۆيگە قارىسا ئادەملەرنى يالماۋۇزلار تالاۋاتقىدەك، پۇت-قوللىرى ئۈزىۋېتىلگەن بولسىمۇ ئۆلمەي قىينىلىۋاتقىدەك، بۇنى كۆرۈپ ئۇ يەنە كىرگىلى ئۇنىماپتۇ.
ئۈچىنچى ئۆيگە قارىسا بىر تۈركۈم ساتقۇنلار بېلىگە كەلگىدەك پوقنىڭ ئۈستىدە قىززىق چاي ئىچكەچ قىلغان ئاسىيلىقلىرىغا تۆۋۋە قىلىۋاتقىدەك. ساتقۇن بۇنى يىنىك ھېس قىلىپ قۇبۇل  قىلىپتۇ. ئۇ قىزىق چايدىن ئەمدىلار بىر ئوتلىشىغا ئالۋاستى كىرىپ :« چۈشلۈك دەم ئېلىش ئاياقلاشتى، ئەمدى داۋاملىق پۇتۇڭلارنى ئاسمانغا قىلىپ تىك موللاق ئېتىپ تۇرۇڭلار»- دەپ چىقىپ كېتىپتۇ.

uyghurpawlos

دىئاگنوز
ساراڭلار ساناتورىيىسىنىڭ دوختۇرى مۇخپىرلار كۈتىۋېلىش يىغىنىدا ئۆزىنىڭ يېڭىچە دىئاگنوز قويۇش ئۇسۇلىنى تونۇشتۇرۇپتۇ.
دوختۇر:« ۋاننىنىڭ ئىچىگە لىق سۇ تولدۇرۇپ بىمارنى چىلاپ قويىمىز، ۋاننىنىڭ يېنىغا بىر قوشۇق بىلەن ساپلۇق قويۇپ قويىمىز...»-دەپ تۇرىشىغا، ئەلكۈيى تورىدىن ئەۋەتىلگەن مۇخپىر سەركەردە ئالدىراپ گەپ قىستۇرۇپتۇ:« مەن بىلدىم، بۇ تولىمۇ ئاقىلانە ئۇسۇلكەن! ئەگەر ئۇلار ساراڭ بولسا قوشۇقنى ئىشلىتىدۇ، ساق بولسا ساپلۇقنى ئىشلىتىدۇ، مەن بىلدىم. »-دەپتۇ. دوختۇر ئۇنىڭغا قاراپ مەنىلىك كۈلۈپ قويۇپ سۆزىنى داۋاملاشتۇرۇپتۇ:« ياق، ساق ئادەم ۋاننىنىڭ ئاستىدىكى سۈ چۈشىدىغان تۆشۈكتىكى رېزىنكە قاپقاقنى ئېلىۋېتىدۇ.» -دەپتۇ.

uyghurpawlos

دىئاگنوز 2
ساراڭلار ساناتورىيىسىنىڭ دوختۇرى يېڭى كىرگەن ساراڭغا دىئاگنوز قويماقچى بولۇپ سۇئال سوراشقا باشلاپتۇ.
دوختۇر:« سەن راستلا پەقەت پايپىقىڭنى ئۆيۈڭدىكىلەر بەك سېسىق دېگەنلىكى ئۈچۈنلا بۇ يەرگە داۋالانغىلى كەلدىڭمۇ؟»
بىمار:«شۇنداق»- دەپ بولۇپ يەنە پىچىرلاپ داۋاملاشتۇرۇپ :« مەن يۇڭ پايپاقنى بەك ياخشى كۆرىمەن»-دەپتۇ.
دوختۇر:« بۇنىڭ ئەجەبلەنگىدەك نەرى بار، نۇرغۇن ئادەم يۇڭ پايپاقنى ياخشى كۆرىدۇ، شەخسەن مەنمۇ بەك ياخشى كۆرىمەن!»-دەپتۇ.
بۇنى ئاڭلىغان بىمار ھاياجانلىنىپ دوختۇرغا قاراپ دەپتۇ:«راستمۇ؟ ئۇنداقتا سىز قورۇپ يېگەنگە ئامىراقمۇ، ياكى دۈملەپ يېگەنگىمۇ؟»