ئالساڭمۇ جان، چېچىڭنى كەسمە

ئەلكۈن

	ئالساڭمۇ جان، چېچىڭنى كەسمە      ئابدۇخېلىل ئابدۇخېۋىر ئېتىلسا بۇتۇلاق كۆزلىرىڭدىن ئوق، يۈرىكىم نەچچە رەت تىرىلەر ئۈلۈپ. چىرمىشىپ قالسام ئاھ سۇمبۇل چېچىڭغا، قالىمەن ئەڭ شىرىن ئازاپنى سۈيۈپ. تەقدىرىم سەن، قىلدا باغلاندىم ساڭا، كۈندۇزدۇر تۈنلىرىم قىيا بېقىشىڭ. روھىمنى تاڭلاردا چاقلاپ تۇرىدۇ، دوپپىلىق قەلبىمگە بۆسۈپ كىرىشىك. ھەر باسقان قەدىمىم سەنسىز بەرباتتۇر، ھايات يوق، مۇھەببەت يوقتۇر جاھاندا. جاننى جۇت ئۇرسىمۇ ماڭا باھاردۇر، سەن بولساڭ تەڭ يىگەن بىر چىشلەم ناندا. ئاڭلىسام غۇنچىدەك لىۋىڭدىن بىر سۆز، دىسەڭمۇ جەڭلەرگە چاپىمەن ئاتلىق. قىلىچىم كۆكسىدە ياۋنىڭ يېقىلسام، ھۇزۇر يوق ۋەتەندە ئۇنىڭدىن تاتلىق. سىنى دەپ  ئۈنۈمگە ئۈن قاتار تاشمۇ، ئۆزگىنىڭ نازىغا ئەمدى بەل يەشمە. ئۆلسەممۇ مەن سەكسەن قامچاڭدا ئۆلەي، ئالساڭمۇ جان، سۇمبۇل چېچىڭنى كەسمە.

aslanbag

	بۇ شىئېرى ھەقىيقەتەن ياخشى  مەزمۇنىلىق يىزىلغان شىئېر  ئىكەن... بۇ  خۇتەن قىزىغىلا ئەمەس پۈتۈن ئۇيغۇر قىزلىرىمىزغا ئاتالغان شىئىېر ئىكەن... سىنى دەپ  ئۈنۈمگە ئۈن قاتار تاشمۇ، ئۆزگىنىڭ نازىغا ئەمدى بەل يەشمە. ئۆلسەممۇ مەن سەكسەن قامچاڭدا ئۆلەي، ئالساڭمۇ جان، سۇمبۇل چېچىڭنى كەسمە.....!!!! بەكمۇ مەزمۇنى چۇڭقۇرراسلا..' تىما ئىگىسىگە رەھمەت.

jalipkar28

	چېچى يوق قىزلارنى كۆرسەم قانداق تۇيغۇدا بۇلىدىغانلىقى بولدى دەپ ئولتۇرماي    چاچ قىزلارغا نىسپەتەن راسلا بىر گۈزەللىكنىڭ  بەلگىسى  .............لىكىن شۇ چاچنىمۇ خاتىجەم ياشىغىلى قويمايدىغانلارمۇ نۇرغۇن جۇمۇ ..

Nergiz

	مەنغۇ ھەرگىز كەسمەيمەن چىچىمنى

jalipkar28

	چېچىڭىزنى كەسمىسىڭىزمۇ  ........................نى يۇيىۋېتەمسىز ............

yidayat

	بەلەن يېزىلغان شېئىركەن.

bulah

	چېچى ئۇزۇن قىزلارغا ئوغۇللارلا ئەمەس قىزلارمۇ بوينىنى سوزۇپ قاراپ كېتىدىغۇ.. شۇنداق تۇرۇپ يەنە قىزلار چېچىنى كېسىۋاتقان...توۋا.... ئىشقىلىپ مەن بەك ئامراق ئۆزۈمنىڭ چېچىگە...

nalan

	ھەممەڭلار قاقشاپلا كىتىپسىلەرغۇ .....    ئادەم دىگەن ھەرخىل بولىدۇ .... مانا مەن كالتە چاچ ....   ئۈزەم ئامراقمەنمۇ ياكى يارىشامدۇ ئىشقىلىپ ....

huxbuy365

	قىزلارنىڭ 70پىرسەنت گۈزەللىكى چېچىدا  بولىدىكەن .............ئۇزۇن چاچ ئۇيغۇر قىزلىرىغا ھەقىقەتەن يارىشىدۇ ..................مەنمۇ  ھەۋەس قىپ قالىمەن  بەزىدە  ئۆزەمنىڭ چېچىغا.......

rixta0995

	ئۆزۈڭ بىر قىز، چىچىڭ بىر قىز، كۆيدۈم ساڭا ھەي گۈزەل قىز.. ...... ماۋۇ مىسرالار ئىسىمگە كەپقالدى، (تولۇقىنى بىلدىغانلار يوللاپ قويۇڭلارچۇ).... ئۇزۇن چاچلارنى كۆرسەم قاراپلا قالدىغىنىم مېنىڭ...ھەيييي...بەزى دوست، تونۇشلىرىمنىڭ <چىچىمنى كەستۈرمەكچىتىم،... ئۇنداق ياسىتايمىكى، مۇنداق ياسىتايمىكىن...>دېگىنىنى ئاڭلىسام خۇيۇم تۇتۇپ سۆزلەپ سالىمەن بەزىدە، خۇددى مېنىڭ چىچىمدەك... راستىنى دىسەم ماۋۇ رەسىملەرنى ياقتۇرۇپ ساقلىۋالغانتىم ئالدىنقى يىلى، ئۇزۇن چاچ قىزلارغا ھەۋەس قىلىپ..سۈرەتتىكى كۆرۈنۈشلەر بولتۇر 8-ئاينىڭ 29-كۈنى 17-نۆۋەتلىك يىپەك يولى تۇرپان ئۈزۈم بايرىمىدا، تۇرپان پىچاندا ئۆتكۈزۈلگەن ئۇزۇن چاچلىق قىزلار مۇسابىقىسىدىن كۆرۈنۈشلەر... تېما سۈرەتسىز قالمىسۇن دەپ يوللىۋەتتىميا  [s:2]