ساڭزا سالامسىز

zumratay

	[align=justify]    ئالدىنقى كۈنى خىزمەتداشلىرىمنىڭ بىر-بىرىگە كۆز-كۆز قىلغاندەك"مەن پالانى دۇكانغا ۋازامنى ئاپىرىپ بەردىم، مەن پۇستانى دۇكانغا ئاپىرىپ بەردىم "دېيىشىپ پەخىرلىنىپ سۆزلىشىپ كەتكەنلىگىىنى كۆرۈپ ،كىچىك ۋاقتىمدىكى ئىشلار كۆز ئالدىمدىن ئۆتۈشكە باشلىغان ئىدى:     كىچىك ۋاقىتلىرىمدا ھەر قېتىم ھېيىت كەلگەندە ئاپام شۇنداق ئالدىراش بولۇپ كېتەتتى،ئۆيلەرنى قايتىلەردىن چوڭ كۆلەمدە تازىلاش، يوتقان-كۆرپىلەرنى يۇيۇپ تىكىش، دېرىزىلەرنى سۈرتۈپ تازىلاش... دائىملىق ئادەت بولۇپ، بۇ ئىشلارنى تۆگۈتۈپلا ئاپام يەنە دەستە-دەستە توقاچلارنى ياقاتتى(ئۇ چاغلاردا خۇددى ھېيىتتىن باشقا ۋاقىتتا توقاچ ياقسا بولمايدىغاندەك ئويلاپ قالاتتىم)، ساڭزىلارنى سالاتتى(بىز ئۇ چاغلاردا قايسىمىزنىڭ ئۆيىدە ساڭزا سالسا پەخىرلىنىپ تۇرۇپ دوستلىرىمىزغا "بۈگۈن بىزنىڭ ئۆيدە ساڭزا سالدۇق،سىلەرچۇ؟"دېيىشىپ ماختىناتتۇق، ئاپىمىز شۇ چاغلاردا "بالام ساڭزا سېلىپ بولغىچە سۇ ئىچمەڭلار ، قازاندىكى ياغ ئازلاپ كېتىدۇ" دېسە ،"مەن ياغ ئىچمىسەم قازاندىكى ياغ نېمىشقا ئازلاپ كېتىدۇ "دىيىشنى بىلمەي ، ئۇسساپ گېلىمىز قۇرۇپ كەتسىمۇ سۇ ئىچىشكە جۈرئەت قىلالمايتتۇق).شۇڭىمىكىن مېنىڭ كاللامدا "بىزنىڭ ھېيىتىمىز پاكىزلىقنى ،ئىناقلىقنى تەشەببۇس قىلىدىغان بايرام، بۇ بايرامدا ئەجداتلىرىمىزنىڭ روھىغا ئاتاپ ياغ پۇرىتىشىمىز ئۇلارنىڭ روھىغا دۇئا قىلىشىمىز كېرەك "دېگەن ئۇقۇم بار ئىدى. شۇڭا داستىىخىنىمىزنىڭ گۈلى بولغان ساڭزىنى سېلىشنى ئۆگىنىۋالغان ئىدىم.     مۇشۇلارنى خىيال قىلغاچ ئۇلارغا شۇنداق دېگۈم كەلدى:     ھەي ئۇيغۇر ئانىلار، ئۆزەڭلارنىڭ كىچىك ۋاقتىنى ئەسلەپ باقساڭلار بولمامدۇ، ئاپاڭلار سالغان ساڭزىنى سىلەر نېمىشقا سالالمايسىلەر، سىلەر سالمىساڭلار بالاڭلار سالالامدۇ، ئۇلارنىڭ بالىلىرىچۇ؟ ھازىر جەمىيەتنىڭ تەرەققىياتى تېز بولىۋاتىدۇ، بالىلىرىمىز بىزنىڭ چۆپ يايغىنىمىزنى، نان ياققىنىمىزنى، چاچتەك ئىنچىكە چۆپلەرنى كېسىپ مەززىلىك ئۈگرە ئەتكىنىمىزنى كۆرۈپ باقمىغىلى ئۇزۇن بولدى، بىزمۇ ئۇنتۇپ كەتتۇق. ئەمدىلىكتە ئۆزىمىزنىڭ ئەنئەنىۋى ھېيىتلىرىمىزدا ئاتا-بوۋىلىرىمىزدىن قالغان ئۆرۈپ-ئادەتلىرىمىزنىمۇ ساقلىيالماي ، كىچىككىنە جاپادىن قورقۇپ ناچار ياغدا پۇشۇرغان تەييار ساڭزىلارنى ئېلىپ ، ئاچچىق ساڭزىنى يېيەلمەي،خىجىل بولماي تۇرۇپ"مېنىڭ ساڭزا يېگۈم كەلمەيدۇ، بالىلىرىممۇ يېمەيدۇ، شۇڭا تەييارنى ئالىمەن، ناھايىتى شۇ پۇلنىڭ مەرىدىن كەچسەم بولىدىكەنغۇ"دېيىشتىن نومۇس قىلمامسىلەر!؟     بۈگۈن ساڭزا سېلۋاتسام8ياشقا كىرگەن قىزىم"ئاپا باشقىلارمۇ بازاردىن ئالىدىكەن ، بىزدىمۇ پۇل بولغاندىكىن بازاردىن ئالساق بولمامدۇ ،جاپا تارتىپ يۈرگىچە "دېگەن ئىدى، قىزىمغا"بالام، بۇ پۇل مەسلىسى ئەمەس، ھېيىتتا ساڭزا سېلىپ ياغ پۇرۇتۇپ ئۆلۈپ كەتكەن ئاتا-بوۋىلىرىمىزنىڭ روھىغا دۇئا قىلىش بىزنىڭ ئاتا-بوۋىلىرىمىزدىن قالغان ئۆرپ-ئادەت، شۇڭا ساڭزىنى بازاردىن ئالساق بولمايدۇ"دەپ چۈشەندۈردۈم.     ئانىلار، ساڭزا سېلىشنى ئۆگىنىڭلار، بالىلىرىڭلارمۇ ساڭزىنى ياقتۇرۇپ يەيدىغان بولىدۇ. ئۇلارغا ساڭزىنىڭ ھېيىتلىق داستىخىنىمىزنىڭ گۈلى ئىكەنلىگىنى چۈشەندۈرۈڭلار، ئۇلارمۇ ساڭزا سېلىشنى ئۆگىنىۋالسۇن. ئۇلۇغ ھېيىتىمىزنىڭ مەنىسىنى، ئەھمىيىتىنى چۈشەنسۇن!

80halta

	يازمىلاردا ھورۇنلارغا باھانە بولۇپ بىرىدىغان "تۇرمۇش رېتىمىنىڭ تېزلىشىپ كېتىشىگە ئەگىشىپ" دەيدىغان سۆزلەرنى ئېيتىش مودا بولدى. شۇنىڭ بىلەن قىز-چوكانلار ئەرلىرى ئۈچۈن، پەرزەنتلىرى ئۈچۈن پەلەي، پايپاق، پوپايكا توقۇپ بىرەلمەيدىغان توغرىسى توقۇيالمايدىغان بولۇپ كەتتى. بۇنىغۇ مەيلى دەيلى قازان بېشىدا تاماق ئېتىشنىمۇ بىلمەيدىغان بولۇپ كەتسە بىر نېمە دېمىسەك بولمايدۇ ئەركەكلەر. نان ناۋايخانىدا تەييار، لەغمەننىڭ پىلتىسى بازاردا، كېسىگلىك ئۈگرە بازاردا، پىلتە قۇيماق بازاردا، سوغۇق سەيلەر بازاردا... ھەممىسى بازاردا بولۇپ كەتسە خوتۇن - قىزلارنىڭ ئەرلىرى، پەرزەنتلىرىگە مىھرى-مۇھەببىتىنى ئىپادىلەيدىغانغا يەنە نېمە قالدى؟!!! قىز-چوكانلار سىلەر ھورۇنلۇق قىلىپ ئەسنەپ ئولتۇرۇپ ئەرلەرنى تالىشىش رىقابىتىنىڭ كەسكىنلىشىپ كېتىۋاتقانلىقىنى تولۇق ھېس قىلىپ بولالمايۋاتىسىلەر. ئەرلىرىڭلارغا ئائىلىدىن تولۇق زوق ئىلىش پۇرسىتى يارىتىپ بىرىڭلار. سىلەرگە خىيانەت قىلىش يولىغا ماڭغىلىۋاتقان بولسا (ما گەپ سەل ئىشىپ كەتتى)، مانا ئەمدى سىرتتا زوقلانغۇدەك نەرسە قالمىغانلىقىنى تونۇپ يەتسۇن! خەيرىلىك ئىشنى كېچىكتۈرمەي يا بىسمىللا دەپ ھازىرلا ھەرىكەتكە ئۆتۈڭ - ئېرىڭىز ئالدىدا تېخىمۇ جەلىپكار خوتۇن، پەرزەنتلىرىڭىز ئالدىدا تېخىمۇ مىھرىبان  ئانا بولۇش ئۈچۈن قازان بېشىغا ئۆتۈڭ، - دە ئۆز قولىڭىز بىلەن ئوخشىتىپ ھېيتلىق پىلتە قۇيماق (ساڭزا) سىلىڭ! بىلمىسىڭىز تۆۋەندىكى كۆرسەتمە بويچە سىلىشنى ئۈگۈنۈڭ: http://www.80halta.com/article/383.htm

taxbalik

	ئەسسالامۇ ئەلەيكۇم تورداش سىزنىڭ  مىللىتىمىزنڭ يوقىلىپ قىتىش باسقۇچىدا تۇرۋاتقان ئەنئەنسىنى بىزگە ئەسلەتكىنىڭىز بەك ياخشى بوپتۇ ، شەخسەن ئۆزۈممۇ قوللايمەن ، لىكىن سىزنىڭ ماۋۇ سۆزڭىز لىڭىز ئىنىقلام خۇراپاتلىق .... بۈگۈن ساڭزا سېلۋاتسام8ياشقا كىرگەن قىزىم"ئاپا باشقىلارمۇ بازاردىن ئالىدىكەن ، بىزدىمۇ پۇل بولغاندىكىن بازاردىن ئالساق بولمامدۇ ،جاپا تارتىپ يۈرگىچە "دېگەن ئىدى، قىزىمغا"بالام، بۇ پۇل مەسلىسى ئەمەس، ھېيىتتا ساڭزا سېلىپ ياغ پۇرۇتۇپ ئۆلۈپ كەتكەن ئاتا-بوۋىلىرىمىزنىڭ روھىغا دۇئا قىلىش بىزنىڭ ئاتا-بوۋىلىرىمىزدىن قالغان ئۆرپ-ئادەت، شۇڭا ساڭزىنى بازاردىن ئالساق بولمايدۇ"دەپ چۈشەندۈردۈم. ئۆلۈپ كەتكەنلەرنىڭ روھىغا ياغ پۇرتۇپ دۇئاقىلساق بىدئەتكىمۇ بىرىپ قالىدۇ ، مۇسۇلمانلار نامىزىدە ۋىسالگاھتا(جەينىماز) ئولتۇرۇپ دۇئاقىلسا بولىدۇ ، لىكىن سىز بىلىپ بىلمەي ئۇنداق خۇراپاتلىقنى بالىڭىزغا ئۈگەتسىڭىز شۇ ئەھۋالدا بالىڭىز شۇنداق چۈشىنىۋالىدۇدە كىيىن شۇ بويچە مىڭىپ قالسا گۇناھقا شىرىك بولۇپ قالدىغان ئىش ، شۇڭا سىز بۇ دىگەن مىللىتىمىزنىڭ ئۆرۈپ ئادىتى دەپ چۈشەندۈرشىڭىزنى تەۋسىيە قىلمەن ، ئىبادەت بىلەن ئۆرۈپ ئادەتنى ئايرىپ مۇئامىلە قىلىڭ !

مۇبارەك

	باشلانغۇچ ۋاقىتلىرىمدا بىز سىنىپتىكى ياخشى ئۆتىدىغان 10نەچچىدەك بالا بىللە ھېيىتلىشاتتۇق. مەيلى ئۇلار بىلەن ھېيىتلىغان چاغلاردا بولسۇن ياكى ئۆيدىكىلەر بىلەن ھېيىتلىغاندا بولسۇن، ھېيىتلىغان ئۆيگە كىرىپلا ئەڭ ئاۋۋال ئوتتۇرىغا قويۇلغان ساڭزىغا قارايتتىم. ئىگىز ھەم ھەيۋەتلىك سېلىنغان ساڭزىلارغا قاراپ < بۇ ئادەملەر خېلى ئەجىر قىلىپتۇ، ئەھمىيەت بېرىپتۇ ...> دەپ پەرەز قىلاتتىم. ئىككى-ئۈچ قۇرلا قىلىپ سېلىنغان ساڭزىلارغا قارىسام ئاچچىقىم كەپ قالاتتى. بۇلارغۇ بالىلىقتىكى تۇيغۇلار ئەمدى. مەن ساڭزا يېيىشكە خېلى ئامراق. ھەر قېتىم مەن ئۆيدە بولالماي قالغان ھېيىتلاردا ئاپام ھېلىقى مەن يەپ بولۇپ قويۇپ قويغان چىرايلىق شاكىلات قاپلىرىغا رەتلىك سېلىپ ئەۋەتىپ بېرەتتى، ئاسان پارچىلىنىپ كەتمەيتتى بۇنداق قىلسا. ئىۋۇ كۈنى ئاپاملار بىر نەچچەيلەن بىرلىشىپ سالدى ساڭزا. بەك ئوخشاپتۇ. قارىسام بەك ئاساندەكمۇ تۇرىدۇ. بىراق ياغنىڭ پۇرىقىدا تۇرماق راستلا سەل تەسكەن.

suzuk

	مەن سالاي دېگەن، سېلىشنى بىلمەي ئولتۇردۇم، ئۆيدە سالغانلار قەدەم باسقۇچلىرى بىلەن بىر تەمىنلىۋەتسەڭلا بەك خۇرسەن بولاتتىم

80halta

	مەن يوللىغان ئادرىسقا كىرسىڭىز تەپسىلىي ئۇچۇر بار ئىدى. پەقەت كىرەلمەيمەن دېسىڭىز مۇشۇ يەرگە يوللاپ قوياي!!!

nursima

	ساڭزىنى بازاردىن ئالسا ئۆيدە  ھېيىت كەلگەندەك تۇيغۇ  بولمايدىكەن،ئۆيدە سالغانغا يەتمەيدۇ زادى.

salkinay

	بۇ تېمىنى ئوقۇپ مەنمۇ بەك خۇرسەن بولدۇم،قىز -ئاياللىرىمىز ئەلمىساقتىن قولى گۈل،چىۋەر ئىشچان دەپ تەرىپلىنىپ كەلگەن،بىراق ھازىر ھەقىقەتەن ھورۇنلىشىپ كەتتى،ئەڭ ياخشىسى مۈمكىن بولسا،ھەرقانداق يىمەكلىكنى ئۆزىمىزنىڭ تەييارلىغىنىغا يەتمەيدۇ،ھەم ئىشەنچىلىك،ھەم پاكىز بولىدۇ. قىيىن ئىش يوق ئالەمدە،كۆڭۈل قويغان ئادەمدە دەپ،ساڭزا سېلىشنى كۆڭۈل قويۇپ،سالسىڭىز بىر دەمدىلا ئۈگۈنىۋالىسىز.

nijatkurban

	ساڭزا سېلىشنىڭ جاپاسىمۇ خېلى بار . بىز بۇيەدە ئولتۇرۇپ سۆزلىگەن بىلەن. بىر ئادەم يېتىشەلمىسە كېرەك، شۇڭا بازاردىن ئېلىشقا ئامراقمىكىن.

binava

	ھەممە ئايال كىشىنىڭ ئۆيىدە ساڭزا سېلىشى ھاجەت ئەمەس. ساڭزا سېلىشتىنمۇ مۇھىم ۋەزىپىلىرى بار خانىملارغا ۋاقىت كېرەك.ئارمان شىركىتىنىڭ ساڭزىسىنى سېتىۋالسا، ۋاقىتنى تېجەيدۇ،ئۇيغۇر كارخانىمىزغا  مەنپەئەتمۇ يەتكۈزىدۇ.