«سابادا شاتلىق» ئەلكۈيى زىيارىتى

umidwar

<<سابادا شاتلىق مىنۇتلىرى>>ئەلكۈيى زىيارىتى

ئەسسالامۇئەلەيكوم،ئەلكۈيى تورىدىكى ئەزىز تورداشلار ياز ئايلىرىنىڭ بەرىكەتلىك كۈنلىرىدە ھەممىڭلارنىڭ تۇرمۇشىغا خاتىرجەملىك ۋە ئوتۇق تىلەيمىز شۇنداقلا توردىكى ھەر بىر مىنۇتىڭلارغا ئەلكۈيى تورى ئارقىلىق مول مەنىۋى ئوزۇق ئالالىشىڭلارغا ئىجتىمائىي شارائىت ھازىرلاپ بىرىپ، سىلەر ئۈچۈن ئىزچىل تىرىشچانلىق كۆرسىتىمىز.تورداشلارنىڭ قوللاپ قۇۋۋەتلىشى بىلەن ئەلنىڭ يولىدا باسقان قەدەملىرىمىز ئاداققىچە توختاپ قالمايدۇ.

  
بىر قانچە كۈن بورۇن سابا مەرىپەت مائارىپ تەربىيلەش مەركىزىنىڭ ئالاھىدە ئورۇنلاشتۇرىشى ۋە تەكلىپ قىلىشى بىلەن ئۇستاز ئابدۇقادىر جالالىدىننىڭ كەڭ ياشلارغا سابادا سۆزلىگەن لىكسىيەسى ھەققىدە فىلىم ئىشلەپ ھۇزۇرىڭلارغا سۇنغان ئىدۇق، مۇشۇ قۇتلۇق كۈننىڭ ئەتىسى يەنى 2011-يىلى 7-ئاينىڭ 11-كۈنى چۈشتىن كىيىن سائەت بەش بىلەن ئەل سۆيگەن تالانتلىق ياش ناخشىچى مۆمىنجان ئابلىكىم باشچىلىقىدا قورۇلغان <<سابا مەرىپەت مائارىپ تەربىيەلەش مەركىزى>>تولىمۇ ئەھمىيەتلىك ۋە كۈلكىگە تولغان بىر خۇشاللىق كۈننى كۈتىۋالدى؛ چۈنكى، ئۇلارنىڭ خاسىيىتى بىلەن شۇ كۈنى كۆپلىگەن كىشىلەر كۈلكىدىن ئوزۇق ئالدى. 11-ئىيۇل ئىلىم - مەرىپەت ئىشلىرىغا ئۆزىنى بېغىشلىغان <<سابا مەرىپەت مائارىپ تەربىيلەش مەركىزى>> يازلىق تەتىللىك كۇرس باشلانغانلىقىنى تەبرىكلەش،يېڭى ئوقۇغۇچىلارنى كۈتىۋېلىش مۇناسىۋىتىدە شىنجاڭ خەلق رادىئو ئىستانسىسى بىلەن بىرلىشىپ ئويۇشتۇرغان <<شىنجاڭ خەلق رادىئو ئىستانسىسى 107.4 سەنئەت رادىيوسى<<سابادا شاتلىق مىنۇتلىرى>>ئاڭلىغۇچىلار بىلەن جەم بولۇش ئالاھىدە پروگراممىسىنى ئۆتكۈزدى.

<<سابادا شاتلىق مىنۇتلىرى>>ئەلكۈيى ئېكرانى زىيارىتى تولۇق ئەھۋالى ۋە ئەلكۈيى زىيارىتى ھەققىدىكى فىلىم

بۇ قېتىمقى <<سابادا شاتلىق مىنۇتلىرى>>پروگراممىسىغا شىنجاڭ خەلق رادىئو ئىستانسىسىنىڭ كۆزگە كۆرۈنگەن رىياسەتچىسى مەۋلۇت ئىبراھىم،تىلى تاتلىق رىياسەتچى زۆھرە كېرەملەر رىياسەتچىلىك قىلدى،تالانتلىق كومپىزوتور ئابلەت ئابلىكىم،ئەل سۆيگەن ناخشىچى مۆمىنجان ئابلىكىم ۋە ياش ناخشىچى رەنا رۇزى قاتارلىق سەنئەتكارلىرىمىز رىياسەتچى ۋە تاماششىبىنلار بىلەن بىرلىكتە ئاڭلىغۇچىلار بىلەن جەم بولۇپ،ئۆزىنىڭ ئەڭ يېڭى ناخشىلىرىنى رادىئو ئاڭلىغۇچىلار ۋە تاماششىبىنلارغا تەقدىم ئەتتى.سابادا كۈلكە ئاۋازى،خۇشاللىق ھىسياتى بىردەممۇ ئۈزۈلۈپ قالمىدى.

  
ئاڭلىغۇچىلار بىلەن جەم بولۇش پائالىيتىگە شىنجاڭ خەلق رادىئو ئىستانسىسىنىڭ رەھبەرلىرى،سابا مەرىپەت مائارىپ تەربىيلەش مەركىزىنىڭ رەھبەرلىرى ۋە ئوقۇتقۇچى -ئوقۇغۇچىلىرى شۇنداقلا شىنجاڭ تېلىۋىزىيە ئىستانسىسى، شىنجاڭ خەلق رادىئو ئىستانسىسى، ئەلكۈيى تور تېخنىكا چەكلىك شىركىتى(ئەلكۈيى تورى)، ئۈرۈمچى تېلىۋىزىيە ئىستانسىسى،ئۈرۈمچى كەچلىك گېزىتى قاتارلىق نوپۇزلۇق ئاخبارات ۋاستىلىرىنىڭ ۋەكىللىرى،مۇخبىرلىرى ھەمدە بۇ قېتىمقى پائالىيەتنىڭ ئۆتكۈزىلىدىغانلىقىدىن خەۋەردار بولغان 500دىن ئارتۇق ئادەم نەق مەيدان ئاڭلىتىشىغا قاتناشتى.

شىنجاڭ خەلق رادىئو ئىستانسىسى سەنئەت رادىيوسى تەرىپىدىن <<سابا مەرىپەت مائارىپ تەربىيلەش مەركىزى>>دە بىۋاستە ئاڭلىتىلغان بۇ پروگرامما تەڭرىتاغنىڭ جەنۇب - شىمالىدىكى مىڭلىغان قەلبلەرنى ھاياجانغا سالدى.ئەلكۈيى تورى بۇ مۇناسىۋەت بىلەن بۇ قېتىملىق <<سابادا شاتلىق مىنۇتلىرى>>ئاڭلىغۇچىلار بىلەن جەم بولۇش ئالاھىدە پروگراممىسىنىڭ قاينام تاشقىنلىق نەق مەيدان ئەھۋالىنىڭ تولۇق نۇسخىسى ۋە بۇ ھەقتە زىيارەت فىلىمى ئىشلەپ كەڭ تورداشلارنى پائالىيەتنىڭ تولۇق ئەھۋالىدىن خەۋەردار قىلىش،<<سابادا شاتلىق مىنۇتلىرى>>غا كەڭ ئەلكۈيىداشلار بىلەن جەم بولۇش مەقسىتىدە <<سابادا شاتلىق مىنۇتلىرى ئەلكۈيى ئېكرانىدا>> نامىدىكى بىر قېتىملىق ئەركىن - ئازادە <<ئەلكۈيى ئېكرانى>>زىيارەت فىلىمى ئىشلەپ ھەممىڭلارغا سوۋغات سۈپىتىدە ئېلىپ كەلدۇق.

بۇ ھەقتىكى زىيارەتنىڭ ئېنىقلىرى يۇقىرى نۇسخىسى شۇ كۈندىكى نەق مەيدان ئەھۋالىغا مۇناسىۋەتلىك رەسىملەر يوللىنىۋاتىدۇ..

شىنجاڭ خەلق رادىئو ئىستانسىسىنىڭ مۇئاۋىن باشلىقى ئەلكۈيى تورىنىڭ زىيارىتىنى قوبۇل قىلماقتا

ئاتاقلىق كومپىزىتور ئابلەت ئابلىكىم ئەلكۈيى تورىنىڭ زىيارىتىنى قوبۇل قىلماقتا

ئاتاقلىق كومپىزوتۇر،تالانتلىق ناخشىچى ئابلەت ئابلىكىمنىڭ ئوغلى جەسۇر ئابلەت <<بالا نەسىردىن >>ناملىق ناخشىنى تاماششىبىنلارغا ئۇرۇنداپ بەرمەكتە

شىنجاڭ خەلق رادىئو ئىستانسىسىنىڭ رىياسەتچىلىرىدىن مەۋلۇت ئىبراھىم ۋە زۆھرە كېرەم ئەلكۈيى تورىدىكىلەرگە بۇ قېتىملىق ئاڭلىتىش ھەققىدە سۆز قىلماقتا

ئەل سۆيگەن ناخشىچى،سابا مەرىپەت مائارىپ تەربىيلەش مەركىزىنىڭ قۇرغۇچىسى مۆمىنجان ئابلىكىم  ۋە ئەلكۈيى تور تېخنىكا چەكلىك شىركىتىنىڭ مەسئۇلى،ئەلكۈيى تورىنىڭ قۇرغۇچىسى مۇھەممەدجان ئۈمىدۋار بىرگە

<<سابادا شاتلىق مىنۇتلىرى>>ئاڭلىغۇچىلار بىلەن جەم بولۇش ئاڭلىتىشى جەريانىدىكى رەسىملەر داۋاملىق كىرگۈزىلىۋاتىدۇ..

ئاتاقلىق ناخشىچى،تالانتلىق كومپزىتور ئابلەت ئابلىكىم سابا مەرىپەت مائارىپ تەربىيلەش مەركىزى ھەققىدە سۆزلىمەكتە

  

يىتىشۋاتقان ناخشىچى رەنا رۇزى

ئابلەت ئابلىكىم ۋە ئوغلى جەسۇر ئابلەت

ئاخىرىدا شىركىتىمىزدىكى بارلىق خادىملار ۋە تور بېكەت ئەزالىرىمىز يەنىمۇ تىرىشىپ، كەڭ ئەلكۈيىداشلارنىڭ بۇنىڭدىن كىيىنكى ئەلكۈيى تورىدىكى پائالىيەتلىرىگە تېخىمۇ مەنىلىك مەزمۇنلارنى ئاتا قىلىدىغانلىقىمىزنى بىلدۈرۈش ۋە ئەلنىڭ يولىدا باسقان قەدىمىمىزنىڭ كەڭ خەلقىمىز بىلەن ئاداققىچە بىرگە داۋاملىشىنى ئۈمىد قىلىش بىلەن بىرگە،ئىلىم مەرىپەت ئىشلىرىغا ئۆزىنى بېغىشلىغان، تىل- مەدەنىيەت ئۈگىنىشتە ئەدەپ - ئەخلاقنى،مىللىي مەدەنىيەتنى ئۆزىنىڭ ئالدىنقى شەرتى قىلغان،كەڭ ياشلارغا بىلىم ئۈگىتىشنى ئۆزىنىڭ يۈكسەك نىشانى قىلغان سابا مەرىپەت مائارىپ تەربىيلەش مەركىزىنىڭ مائارىپ يولىدىكى قەدەملىرىنىڭ ئەڭ چوڭ ئوتۇقلارغا ئىگە بولىشىنى خەلقىمىزنىڭ سۈيۈملۈك ئوغلانى مۆمىنجان ئابلىكىم باشچىلىقىدا قورۇلغان سابا مەرىپەت مائارىپ تەربىيلەش مەركىزىنىڭ بونىڭدىن كىيىنكى ئىشلىرىغا زور ئوتۇقلارنى تېلەيمىز.مەرىپەت يولىدىكى قەدەملىرىڭلاردىن گۈل ئۈنگەي!

كامالىي ئېھتىرام بىلەن:
ئەلكۈيى تور تېخنىكا چەكلىك شىركىتى
ئەلكۈيى تور بېكىتى
2011-يىلى 7-ئاينىڭ 21-كۈنى

gilantir

ئوبدان ئۆتكۈزۈلۈپتۇ،  تەنتەنە تەلئەتمۇ رىياسەتچىلىككە ناھايىتى كەپتۇ.

taklimakanim

بىر سەنئەتكارنىڭ  بۇنداق ياخشى ئىشلارنى قىلىشى  ھەرگىزمۇ  ئاددى ئىش ئەمەس. بىزنىڭ بىر قىسىم سەنئەتكارلىرمىز گە قاراپ باقساق بۇلىدۇ.ئادەم تەربىيلەش ساۋاپلىق ئىش. مۇشۇنداق كىشىلەرنىڭ  كۆپلەپ مەيدانغا كىلىشنى ئۇمىت قىلىمەن.

koso-woluk

ۋوججو   مائاداشلارنى  مىنىڭمۇ  ئارتىس  بولغۇم  كىلۋاتىدۇ  جۇمۇ   

دوپپام

سابادا شادلىق مىنۇتلىرى ھەقىقەتەنمۇ قىززىقارلىق ھەم كۆڭۈللۈك ئۆتكۈزۈلۈپتۇ جۇمۇ،نەق مەيداندا بولسامچۇ دەپ قالدىم،ئەلكۈيى تورىدىكىلەرنىڭ پائالىيەتنىڭ تولۇق نۇسخىسىنى قالدۇرماي تېز سۈرئەتتە بىزگە سۇنغانلىقىدىن ئەجەپ خۇشال بولدۇم.گەرچە خىزمەت مۇناسىۋىتى بىلەن كۆپ ھاللاردا رادىئو ئاڭلىيالمىساممۇ ئەمما كۈندە تورغا چىقىپ تۇرىمەن،خىزمەت ئىشلىگەچ ئەلكۈيى ئارىلاپ تۇرىمەن،يېڭىلىقلار كۆپ ئادەمنىڭ كىرگەنسىرى چىققۇسى كەلمەيدۇ،بۈگۈن بىر يېرىم سائەت ۋاقىت ئولتۇرۇپ <<سابادا شادلىق>>نى كۆرۈپ چىقتىم،مەۋلۇت ئىبراھىم بىلەن زۆھرە كېرەم بىر- بىرىنىڭ لوغىتى بوپ قالغاندەك تۇيغۇ بەردى،ماسلىشىش،پروگراممىنى جانلىق ئىشلەش بۇلارنىڭ خاس ئالاھىدىلىكى بولسا كېرەك.رادىئولاردىلا سىلەرنى كۆرمەي توردىمۇ كۆرۈپ نەق مەيداندا قانداق ئاڭلىتىش ئېلىپ بارىدىغانلىقىڭلارنى كۆرۈپ سىلەردىن پەخىرلىنىپ قالدىم.
مۆمىنجان ئابلىكىمنىڭ ئارزۇ تېلەكلىرىنىمۇ ئاڭلاپ كۆڭۈل تېخىمۇ خۇشاللىققا چۆمدى،جەمىئەتتە بولسۇن ياكى سەھنىدە بولسۇن ئۆزىنىڭ ياخشى نام شەرىپىنى ساقلاپ كىلىۋاتقان بۇ سەنئەتكار ياشقا ھۆرمىتىمىز چەكسىز،شىنجاڭ ئۇنىۋېرېستېتىدا ئوقىۋاتقان چېغىمىزدا ئەدەبىيات ئوقۇتقۇچىمىز مۆمىنجان ئابلىكىمنى ماختاپ ئالدىنقى قاراردا مۆمىنجان مەكتەپ پۈتتۈرگەن،ئۇنىڭ تارىخ ۋە ئىجتىمئائىي مەسىلىلەردىكى بىلىمى ، تىرىشچانلىقى ھەممەيلەننى قايىل قىلىدۇ،ئۇ ھازىر ناخشىچى بوپ كەتتى،بىراق ئۇ بىر تەتقىقاتچى بولغان بولسىمۇ نام قازىنالايتتى دەپ قارايمەن دېگەن ئىدى،ھازىر ئويلاپ باقسام مۆمىنجان ھەم بىر ئوتۇقلۇق ناخشىچى  ھەم بىر مائارىپچى بۇلۇش شەرىپىگە ئېرىشپتۇ،قورۇلغىنىغا ئەمدىلا ئالتە ئاي بولغان سابا مەرىپەت مەركىزى ھەر بىر ئوقۇغۇچىغا ئۆزىنىڭ مول مەنىۋى ئوزۇقلىرىنى بېرىپ كەپتۇ،ئەلكۈيى ئىشلىگەن سابا ھەققىدىكى ئىككى فىلىمدىن مۆمىنجاننىڭ ئۆزبىكىستاندىكى يېڭى ناخشىسىدىن سابا مەرىپەت مائارىپ مەركىزىنىڭ بۇنىڭدىن كىيىنكى تەرەقىىياتىنى كۆرگەندەك ، مۆمىنجان ئابلىكىمنىڭ ناخشا ئېيتىش ساھەسىدىكى تەرەققىياتىنى ھىس قىلغاندەك بولدۇم،زىيارەت جەريانىدا مۆمىنجان ئابلىكىم يېقىندا ناخشا كېچىلىكى ئۆتكۈزىلىدىغانلىقىنى ئېيتىپ ئۆتتى ھەمدە ئەلكۈيى مۇخبىرىنىڭ سۇئالىغا بۇ ھەقتىكى جاۋابىنى بېرىپ ئۆتتى.خەلقىمىز مۆمىنجاننى قوللايدۇ،ئابلىكىم ئائىلسىى مۆمىنجان بىلەن توختاپ قالماي يەنە جەسۇر ناملىق بىر ئوغلاننى يتىشىتۈرۈپ چىقىۋاتقانلىقىنى بىز بىلىپ قالدۇق،بالا نەسىردىن <<جەسۇر ئابلەت>> دادىڭىزنىڭ سىزگە قاراپ كۈلىۋاتقان كۆرۈنۈشلىرىدىن مەن دادىڭىزدىنمۇ بەكرەك كۆلۈپ كەتتىم دېسەم بۇلىدۇ،12 ياشلىق ئوغلاننىڭ بىزگە بۇنىڭدىن كىيىن تېخىمۇ ياخشى سوۋغىلارنى سۇنىشىنى،ئائىلىسىدىكى ئەۋزەللىكلەردىن تولۇق پايدىلىنىپ جەسۇرلىقىنىڭ نامايەندىسىنى كۆرسىتىشىنى ئۈمىد قىلىمەن.

zilnur

ئەلكۈيى تورى  ئۇيغۇر تور بىكەتلىرى ئىچىدە ،تەرەققياتى خىلى تېز بولىۋىتىپتۇ. مۇبارەك بولسۇن، بۇنىڭدىن كىيىن تور تېخنىكا ئىشلىرىنىڭ  تېخىمۇ تەرەققى قىلىشىنى ئۈمىد قىلىمەن.

guzalaslima

بەك ياخشى ئۆتكۈزۈلۈپتۇ.مۆمىنجاننىڭ بۇنىڭدىن كېيىنكى ئىشلىرىغا ئۇتۇق تىلەيمەن..ھەم رىياسەتچى مەۋلۇت ئىبراھىم ۋە تىلى تاتلىق ، ئۇماق رىياسەتچى زۆھرە كېرەمنىڭ تېنىغا سالامەتلىك ،تۇرمۇشىغا بەخىت تىلەيمەن...بارلىق مۇنبەرداشلارغىمۇ سالامەتلىك، بەخىت ، ئامەت تىلەيمەن.

kambagal

  مەن  رادىيودىن ئاڭلاپ شۇنچىلىك سۆيۇنگەن ئىدىم. ياخشى پائالىيەت بولۇپتۇ. مەنمۇ باشقا قېرىنداشلىرىمغا ئوخشاش ، بۇلارنىڭ ئىشلىرىغا زور ئۇتۇقلار تىلەيمەن . مەۋلۇد ئىبىراھىم ئاكىمىزنىڭ رىياسەتچىلىكىمىزنى يېڭى بىر پەلىگە كۆتۇرۇشىگە تىلەكداشمەن

mazargojam

يېڭى بەرپا قىلغان <<مەرىپەت باغچىڭىز>>غا مۇبارەك بولسۇن!!

pariay

كۆز تەگمىسۇن بۇ بىر جۇپ ئاكا - ئۇكىغا ،، ساخاۋەتلىك قوللىرىڭلاردىن گۈل ئۈنسۇن ! <مەرىپەت بۈشۈكىڭلار > مەڭگۈ تەۋرەپ تۇرسۇن !
زۆھرە كېرەم بىلەن مەۋلۇت ئىبراھىمنىڭ ئاۋازىغا كۆز تەگمىسۇن !