ئانامسەن قەلبىمدە يېقىلماس مۇنار

omarkutyar

	ئانامسەن قەلبىمدە يېقىلماس مۇنار ئانامسەن قەلبىمدە يېقىلماس مۇنار نە مۇنار، سۈبھىدە پارلىغان قۇياش. ئانىسىز كىملەردە بەخت، تەلەي بار؟ ئانىسىز دۇنيانىڭ كۆزلىرىدە ياش. ئانا ئۇ- تاغ سۈيى ئۇخچۇپلا تۇرغان، ئانا ئۇ- سۆيگۈدۇر، ئانا مۇھەببەت. ئانا ئۇ- لىرىكا ئوقۇپ قانمىغان، ئانا ئۇ- بالا دەپ تارتار مۇشەققەت. ئانا ئۇ- بىر شۇڭقار كۆكلەردە ئۇچقان، روھىدىن نۇرلىنار ھايات دەملىرى. ئانىسىز قاي ئىنسان زەپەرلەر قۇچقان. ئانىسىز تۈگىمەس ئىنسان غەملىرى. ئۇ باركى، ئۆرۈكلەر كىرەر مېۋىگە، ئۇ باركى، ئۆيلەردە قاينايدۇ قازان. ئۇ باركى، ئېتىزلار قانار سۈيىگە، ئۇ باركى، گۈللەرگە پۈركىنەر جاھان. ئۇ باركى، مايسىلار يېقىلماس زىنھار، ئۇ باركى، مەڭگۈگە تۇتۇلماس ئاسمان. گىياھقا سۇ بولماي كۆكلەم نەدە بار؟ ئانا ئۇ- مېھنەتكەش، ئۇلۇغ بىر ئىنسان. ئانامسەن مېھرىبان، پەرىشتە مىسال، ئانامسەن قەلبىمدە يېقىلماس مۇنار. ئانامسەن پىر، ئۇستاز تىلى شېكەر، بال، ئانامسەن سەن باركى باغلىرىم گۈلزار.

yulgun1

	شۇنداق ئانىغا قانچە مەھدىيىلەر ئوقۇساق ئازلىق قىلىدۇ.چۈنكى ئۇ ھاياتلىقنىڭ قۇياشى، ھاياتلىقنىڭ بۇلىقى.بۇ شېئىردا ئانىنىڭ ئۇلۇغلىقى يۈرەكنى سۈيۈندۈرگىدەك ئەكسى ئەتتۈرۈلگەن.ئاپتۇرنىڭ بۇنىڭدىن كېيىنكى ئىجادىيەتلىرىگە بەرىكەتلەر يار بولسۇن!

جىن

	قۇتيار مۇئەللىمنىڭ قەدىمى <قۇت>بولغاي شئىردىن قەۋەتلا سۈيۈندۈم!

taxbalik

	ئەسسالامۇ ئەلەيكۇم ئانانىلار ھەققىدە قانچىلاپ داستان يازساقمۇ ئازلىق قىلىدۇ ، ئانا شۇنداق ئۇلۇق ئىنسانكى بۇنى ئانسىدىن ئايرىلغانلار بەكرەك چۈشىنىدۇ دەپ قارايمەن ، چۈنكى ئادەملەر دائىم كۆزئالدىمىزدىكى بەخىتتىن ئايرىلغان ۋاقىتتا ئاندىن ئۇنىڭ قەرىنى چۈشۈنۈپ يىتىدىغان بولغاچقا ،ئانام مىھرىبان دەپ يۈرسەكمۇ ھايات ۋاختىدا قەدىرنى ئانچە قىلىپ كىتەلمەيدىكەنمىز . ئەتىگەندە ئانا توغورلۇق بۇشىئىرنى كورگىنىمدىن تولمۇ خۇرسەن بولدۇم ، تىما ئىگسىگە رەھمەت ،

pengiyar

	ئانىلار ئۇلۇغ، ئانىلارنىڭ قەدىرىگە يېتىش بىز كەبى نادان پەرزەنتلەرنىڭ باش تارتىپ بولمايدىغان بۇرچىدۇر. ئەمما ھازىرقىدە ھەممە سۈنئىيلەشكەن، كىشىلەردىكى ئىنسانىي غورۇر، ۋىجدانى ئەخلاق كۈنسېرى ئۆز كۈچىنى يۇقىتىۋاتقان دەۋردە ھەقىقىي تۈردە ئانىلار قەدرىگە يەتكەنلەر زادى قانچىلىكتۇر؟

atikam1

	ئانىلار ھەققىدە قانچە شىېر داستانلارنى يازساقمۇ ئازلىق قىلىدۇ ،،،ھەم يېزىپمۇ  يېزىپ بولالمايمىز

nur8455

	قۇتيار مۇئەللىمنىڭ يازمىللىرىدىن تۇلىمۇ سۇيۇندۇم .قەلەم تۇلپارلىرى ھارمىغاي ،ئىزگۈ قەدەملىرىدىن گۈل -چىچەكلەر ئۈنگەي. ئاللاھ تەنلىرىنى سالامەت ،كۈنلىرىنى خۇشال -خۇراملىق ئىچىدە ئۆتكىلى نىسىپ قىلغاي .قول يازمىللىرى مۇنبەردىن ئۆچمىگەي .

bayawan

	ئانا ئەجرىڭ گويا بىر دېڭىز ئانا ، تەرىپلىسەم تەرىپىڭنى مەن . ئۇلۇغلۇقۇڭ راستىلا مۇقەددەس ، ئىجادچىسى مۇھەببەتنىڭ سەن . تىلغا ئالسام سېنى ئانىجان ، يېنىپ كېتەر باغرىمدا گۈلخان . چاقناپ تۇرغان چېچەكلەر گويا تومۇرۇمدا ئۇرغۇپ تۇرغان قان . سەن ھەممىگە چېچىلغان قۇياش ، پەرزەنىتلەرگە مېھىر ئاپتابى . قۇچىقىڭدىن ئالەمگە مەشھۇر ، چىققان مەھمۇد ، يۈسۈپ ، فارابى . سەن قەلبىمگە قۇيۇپ قويغان كۈي قانات ، مەڭگۈ شادلىق ، غۇرۇرغا . ئىزلىرىمدا قالىدۇ جەننەت ، كۆمۈلىمەن ئىلاھىي نۇرغا ... قانچە ئېيىتسام ناخشام تۈگىمەس ، ھەر بېشى سەن ناخشىلىرىمنىڭ . ھەر مىسرادا يادلىنار چېھرىڭ ، ھەمراھىسەن شېئىرلىرىمنىڭ ... ئاتا بولغان كۈنۈمدىن بېرى ، قەدرىڭگە مەن يەتتىم دەممۇ-دەم . ھەر يىغلىسا نەۋرەڭ قىقاسلاپ ، ئەسكە ئالدىم سېنى بىر مەرتەم . ساڭا شۇنچە تەلپۈندى كۆڭلۈم ، يۈرىكىمدە بىر سېنىڭ غېمىڭ . مانا ئەمدى يېتىپ قېرىلىق ، ئالالماپسەن تۈزۈك بىر دېمىڭ . بارلىقىڭنى غەنىيمەت بىلىپ ، تۇتاي ھەممە بارىمنى ساڭا . بەرىكەتلىك دۇئالىرىڭدىن ، قىلىپ قويغىن ئوغلۇڭغا يەنا ... مەنبە: باياۋان

nursima

	جەننەت-ئانىنىڭ ئاياق ئاستىدا. ئانا ئۇلۇغ،ئانا مۇقەددەس،ئانا -مەڭگۈ ئېقىپ تۈگىمەيدىغان مىھرى-مۇھەببەت،ھىممەت بۇلىقى!(ئەمما تۇغۇشنى بىلىپ ،ئۈزىنى بىلەلمىگەن،مەسئۇلىيەتسىز ئانىلار بۇنىڭ سىرتىدا) * *ئانا ئارزۇسى ئامانلىق،ئاتا ئارزۇسى ئادىللىق. *ئانىسى پاكىزنىڭ قىلىقى تاتلىق،ئاتىسى پاكىزنىڭ تىلى. *ئاناڭدىن ھايانى،ئاتاڭدىن باتۇرلۇقنى ئۈگەن. *                                                                 مەنبە:              شىنجاڭ مەدەنيىتى