بىر كېلىڭ
( غۇلامجان قادىرى قۇتبىلىگنىڭ شۇ ناملىق شېئىرىغا ئۆزلەشتۈرمە )
بىر كېلىڭ خوتەنگە دوستۇم، مەن كۈتەي ،
شۇ خوتەننىڭ تەرىپىنى سۆزلەپ ئۈتەي .
ساپ ھاۋالىق، بۇلبۇلغا جۈپ باغىنى ،
شۇندا كۆركەم بازارلىرىنى كۆرسىتەي .
ئەلدە مەشھۇر دۇنيا كۆزىدىن قالمىغان ،
" ئۇلۇغ ئاتا " ئىسمىنى ئەل تاللىغان .
ھېچكىم كۈرۈپ بىر كۆرۈشتە قانمىغان ،
بۇندا مەھدى ، ئاسىم مازارىنى كۆرسىتەي .
مېۋىللىرى بال گۇيا، شېرىن- شىكەر ،
مول- ھوسۇلى " بېھىش " باغىنى ئەسلىتەر .
ئەسلى خوتەن پۈتكۈل جاھاننى تاڭ ئېتەر ،
ئانار، بادام ، ياڭاقلىرىنى كۆرسىتەي .
نەگە باقساڭ ساپلا باغ بار گۈل- چىمەن ،
شۇندا باغۋەن بۇۋاي- مومايمۇ بەك تېمەن .
تاپقۇسى ھەربىر ھۆنەردە " ئابى ناۋات " ،
قېنى يەڭ ماتاڭ، سوقماقتىن كەسكۈزەي.
دوغ سۈيىمۇ شەربەت تېتىيدۇ ئىچسىڭىز ،
ۋاھ ، تائاملار قالغاي ئېغىزدا يىسىڭىز .
ھەرمېھماننىڭ خاس ئىززىتى بىلسىڭىز ،
كېلىڭە پولو، كۆمەچ .... دىن ئەتكۈزەي.
قول ھۈنەرگە ئالەمدە باي خوتەن دېگەن،
نۇرجۇلاسى قاشتېشى ھەم يىپەك، گىلەم .
خىل بېزەلگەن تام-تورۇس نەقىش بىلەن،
ئەنئەنە ۋە تىبابەت قامۇسلىرىنى كۆرسىتەي .
ئىلچى بازار، قىزىل يۇلتۇز، چۇققۇ بازار ،
نەچچە ئەسىر، نەچچە يىللار.. . يانغان بازار.
ئۇيغۇرۇمنىڭ خاس ئېزىنى باسقان بازار ،
بوۋىمىزنى تارىخ ئۈچۈن سۆزلەتكۈزەي .
تۈەنمىڭ خىل خىسلىتى بار بۇ شەھەرنىڭ ،
ھەر تۇپرىقى ھېكمەتكە باي بۇ شەھەرنىڭ .
ھەر بىر ئىشقا بەركىتى يار بۇ شەھەرنىڭ ،
بولدى مەن مۇشۇنچىلىك سۆزلەپ ئۈتەي .
ئاپتۇر : زىبا
2011 -6- 20-
يوللىغان ۋاقتى 2011-6-21 17:46:57
